富臨皇宮

营业中

休息中

沒有約定的約會，今天妹妹發訊息給媽媽說她今天放假，好媽媽又是今天放假，立即約起來。我剛剛在沙田市中心辦完事情，突然落起一場大雨兵分三路相約在石門站等，等齊後就去京瑞廣場其中一間酒樓，媽媽提議去富臨，我們坐下後開始叫點心，我記得11點入了單， 11:45都還未有點心食，我們催了兩次，樓面的阿姐都俾面色給我們看，服務太差了，我記得上次跟朋友來飲茶都是態度10分差，值得一提的是，這酒樓的點心比起其他酒樓非常不錯，所以我們就算他們的態度差我們都要來飲茶，首先有時蘿蔔糕一般、鳳爪挺好的、菜苗餃非常不錯值得推介，燉雙皮奶非常滑必食，粉果和鳳爪一般。環境非常大不用搭枱，值得一去

小妹已經好耐冇食過富臨皇宮啦，原因係佢係開張嗰陣時都幾好食，但人多左之後質素下降左好多，服務態度同質素亦都係，但今次一食改善左好多，各方面都大有進步，令我對佢有番信心，都幾推薦比大家👍👍.🧚🏻‍♀️海皇冬瓜盅有蟹肉，瑤柱，火腿，蝦，豬肉等等，煲到好入味，濃而不過度，清而香甜，清清地好足料👍🧚🏻‍♀️海鮮三寶：白灼海生蝦+金蒜銀絲蒸帶子+清蒸龍躉仔 呢個3寶只需要$238，係個帶子蒸得耐左韌左啲，但總體而言樣樣都好新鮮，味道都好好，最重要係真係好抵食呀🎉仲有就算剩係睇個海蝦，見到佢個賣相係有排過，由此可見真係用心左好多🙂🧚🏻‍♀️薑蔥焗桶蠔 呢一個需要$168，雖然啲蠔好大隻，但就只係得6隻，相對地冇咁抵食，但味道方面大家都好欣賞，上菜熱辣辣渣渣聲，好香👃🏻而且佢用煲仔上，啲蠔會有少少燒焦味，加分😋🧚🏻‍♀️竹笙羅漢上素 🧚🏻‍♀️荷香鼓味蒸白鱔🧚🏻‍♀️魚肚肉碎浸勝瓜🧚🏻‍♀️生煎菜肉包 另外以上呢幾味我就唔逐一講啦，總言之味道都調較得好好，煮得好好食，完全打破咗我之前對佢嘅印象，今次成家都食得好開心😝

石門食肆選擇算多，但人流也多，晚上很多餐廳也要排隊，富臨勝在地方寬敞，可容納非常多人，食物味道尚可，因此經常成為一家人的“飯堂”。我們三人晚上6點半到達，立即入座。點了1湯1飯2餸:海皇冬瓜盅 - 好飲美味，材料豐富，有蝦、瑤柱、蟹柳等，三人合共喝了約9-10碗。鼓汁蒸大鱔 - 與冬瓜盅是個套餐($188)。之前食過不錯，但今次未能保持水準，非常難食，肉質“梅”，有怪味，全家一致劣評。菠蘿生炒骨 - 正常生炒骨味道，生炒骨數量多。結賬$325.5，人均$109。

住沙田嘅我哋有時候星期六日去飲茶真係等位等好耐。石門有幾間茶樓，相對會搵位飲茶方便啲，今次我哋就嚟到富臨皇宮呢間飲茶食點心。蘿蔔絲酥餅係我覺得最好食嘅一個點心，佢外皮脆又完全唔會燶，好香口。而裏面蘿蔔好淋好軟。乳鴿外皮唔夠香脆，有少少失望。金錢肚好入味。燒賣同埋雞紮就中規中矩啦。奶皇包係我比佢哋個廣告吸引左，一籠一個，廣告上面嘅奶皇包有個皇字印咗喺度。但係真實個包冇印，哈哈😊流沙其實都好OK嘅，不過個包比我預期嘅冇咁大。紫薯糕味道太甜，唔夠彈牙。雙皮奶我哋食唔到雙皮，其實都係蛋白燉鮮奶，哈哈。我哋星期日晏晝大約12點幾到，呢度勝在等位唔駛等咁耐，食物質素其實都OK，侍應態度都唔錯。另外我鍾意間茶樓底好高，感覺好靚。

因為坐近門口，又有光猛的燈照射，熱💩我了。但是也要醫肚子。香煎蘿蔔糕，冇乜味道，好普通。蜜汁叉燒腸，也嫩滑，家鄉鹹水角，餡料不足。京式素鵝，完全差，腐皮可以不可以用正常的腐皮整，他炸的皮，食落口，怪怪的。餡料太少了。肉絲煎麵，下午茶來說，四十二元，平。但他的汁太結，影響麵的質感，但炸得好脆卜卜。荷葉香珍珠雞，餡料充足，有半隻小蛋王。好食

今日同屋企人去到呢到飲茶, 呢到個地方環境都唔錯, 可以慢慢坐底, relax 下, 下午茶時間都係2點半開始, 今日放假訓遲小小先去食係冇問題既, 時間岩岩好, 點心都係保持到水準, 都係熱既, 同埋味道正正常常不過不失

提早慶祝母親節 ，這間酒樓 佔地廣闊 應該有過萬呎。 乳鴿的賣相 麻麻， 外皮略乾， 刀工不工整， 但是吃起來的時候卻出奇的好味， 肉質嫩滑有汁。薑蔥炒蟹也不錯有鮮味， 但是略鹹。燒鵝賣相不錯皮脆肉嫩，但也是略鹹。豉汁蒸白鱔賣相也是不錯， 皮是爽脆 但是肉質較削 ，碟底太多油。人均消費180元 一切都是不過不失。

當晚book左位6:30食晚飯，一黎到只叫我地企埋一邊等，後面啲人都入晒坐，問左佢一句已經勁吾耐煩答話整緊個位，好啦，等到安排坐底左，叫人點菜，冇人理，跟住落到單叫左4個菜，當中已有一樣冇，咁就轉嗌另一樣餸，點知隔左陣有位侍應行埋黎只回應：呢2樣冇！就走左去，極冇禮貌，嬲到果下真係想即刻起身走！同埋當時7點都未夠就好多野都話冇！好嗌到到啲送黎喇，見啲姐姐推住啲送行左幾個圈先送到黎，場面好亂，好似完全分吾到檯號咁。野食質素就其實真係吾差，但呢啲咁既服務態度真係以後吾會再黎食！

Tdy just have family lunch with my parents and siblings Haven’t tried this restaurant before The food are quite expensive Five people caused around $700 The food are okay, not as good as expected It was trying to use trendy dimsum as a selling point Food are a bit priced up and service isn’t that good

尋日(4-3-2019 Mon)公司食迎新飯,一行十人book咗呢喥,俾咗張算角落,靠牆冇其他枱喺隔離迫住嘅枱,好舒適.我哋叫咗:1. 南瓜煎堆仔兩碟絕對唔係煎堆仔,一碟3個,比網球更大,一開二都大件.唔覺有南瓜味,口感正常冇問題.2. 蘿蔔千絲酥口感味道都正常冇問題.3. 蘿蔔糕料唔算多,煎唔夠.4. $28.00嘅脆鹵豆腐大大件,一開三都大件,外脆,但冇乜味.5. 鮮竹泡菜苗好味嘅鮮竹得好少,菜苗係菜心,夠腍同甜.6. 唔知咩炆米味道清淡又冇乜料,真係唔知咩米.7. 蝦餃Size正常,味道唔係食慣嗰種惹味.8. $58.00嘅脆皮燒腩仔OK啦,都唔係好脆.9. 香麻流沙包同事冇睇到係香麻,我以為係流沙奶黃包,咬咗睇見係黑色嘅芝麻至知,呢個唔太甜,芝麻餡係流心同好熱,都OK 嘅.10. 北菇棉花雞大大碟,但魚肚鹹咗啲.11. $98.00嘅籠仔蒜香斑件飯斑件滑,飯唔會太乾,ok.12. 上素蒸粉卷兩碟味道好濃.我冇食到嘅有:13.-20. $38.00嘅京式素鵝,泡椒鳳爪,叉燒包,$58.00嘅原籠馬拉糕,燒賣,健康燕麥包,牛肉腸價錢:睇到好似係$935.00.味道同抵食都係2.7分

超級中伏，假期間間餐廳都爆滿，行下行下就求其入左呢間，因為有位，其他唔好講，食物質素真係不能接受，湯不熱，叉燒超老，乳豬肥又凍，小菜鹹到不能接受到，最離譜就係連叫個白飯，飯都係超級爛，真係衰過自己煮，好後悔，自問自己都唔係浪費食物既人，但真係食唔落去，以後都唔會再考慮，完

「富臨」呢一家連鎖中菜館，話好唔好，話差又唔喺好差，以街坊角度，佢確喺實惠經濟，又不時提供好多晚市優惠，之不過，質素較參差，曾經有一年我哋嘅死佬飯局，都㷫到我要出手俾負評。但今晚嘅晚宴，服務及食物嘅質素又比預期好喎，加上喺一次意義重大嘅宴會，整體感覺又會喺唔同啲嘅。「富臨」呢個品牌，感覺近年主力開托一啲擺酒市場，始終，每年結婚嘅人唔少，擺婚宴確喺較搵到錢。就好似呢家「富臨皇宮」，唔需要多描述，一張大堂全景相就知環境有幾堂皇，而且，整個大禮堂大得嚟少柱位，確喺擺婚宴、搞大型酒會嘅好地點。而要走到入嚟石門咁遠水路食餐飯，當然喺因為特別事啦，皆因喺我母會嘅90周年堂慶，宴開百多席，咁盛大嘅事，亦喺機會難逢，當然要撐啦。菜式方面，都喺一般擺酒席嘅大路嘢，但睇菜式可見都喺揀啲平實經濟嘅，一圍幾錢就唔知喇，收費每人$300，相信都喺差唔多。汽水開得席，先喺12罐汽水，相信個酒席喺啲全包宴，包埋12罐汽水，由於喺百事系，我哋呢圍飲剩好多，哈哈，小弟竟然都可以帶走兩罐美蓮達添。侍應快快手放好晒所有醬料，亦喺上菜嘅前奏。金裝燒味拼盤雖然唔及乳豬全體咁有睇頭，但拼盤勝在俾大家有選擇，分蹄、豉油雞、煙鴨胸、

今日放假瞓醒已經到中午。。。哈哈！咁啱我要去石門買野就去埋個度搵野食醫肚啦。行到京瑞廣場二期地下。。。嘩 超多人間間都排長龍，上到二樓買完野見有酒樓不如去嘆下茶差唔多二點已經人頭湧湧攞張飛好快入坐，點了五樣野即刻比阿姐落單哩度裝修得好靚有好多好大盞水晶吊燈牆身又整到好似教堂咁，啱晒新人係到擺酒。點心終於送到喇煎釀茄子富臨蝦餃皇，皮薄蝦真係好大隻。山竹牛肉球，大大粒。點心拼盤。。。有7樣點心每樣一件熱辣辣芝麻流沙包，好新鮮芝麻醬流晒出嚟好好味。最後叫埋肉絲煎麵好大碟脆卜卜汁醬同配料都多好味食飽飽又可以落商場濕平喇。

樓面姐姐和傳菜姐姐都極有禮貌，但主管級主任，經理，就不知所謂，居然叫客人接受一條未蒸熟嘅魚，還說有血水先最好食 本來一家人開開心心去食飯，點知撞著一班廢柴經理主任，十問九不知，以後都唔會再去幫襯 最後還有小強由枱底扒上枱面襯熱閙 😱😱😱

今日星期六同屋企人去沙田石門富臨皇宮食晚飯，唔駛等位，呢度比較多枱，坐得都好舒服！我地三人叫左4个餸，有一隻好大盤木桶豉油雞，好有雞味！大碟，好新鮮，今豉汁蒸魚，蟲草花螺头雞湯，好濃好好味！今晚菜式錯，都好滿意！👍😋