富臨皇宮

营业中

休息中

​因為近年來沙田市比較難搵位食飯，我們多去石門的商場食晚飯，以前只有小量餐廳，商場是有泊車優惠，現在到酒樓食飯都沒有泊車優惠。蛇羹，都有蛇肉而且足料，叫咗四人份量，但可以分成9碗，可惜沒有薄荷葉，但配上生炒糯米飯是很配合的；生炒糯米飯，飯身都乾，份量不小，但配料比飯小；生煎包，包皮比較厚，而且肉比較小，似菜肉包多D；鴨翼（小食），份量不小，味道不錯；燒鵝，味道可以，但可惜上碟時已經涷了；燒肉拼盤，廚師有切好拼盤才上菜；龍躉切片，比較多骨，而且有小小鯹；粉絲蟹煲，亦是不太熱，而且整個煲比較乾。員工態度：整體上可以，但上菜的員工很冇禮貌，將枱上的包裝紙巾掉到我的筷子上，而且完全沒有覺得有問題。

1月9日晚與朋友在酒樓魚池揀了蟹約5斤半，用蛋白蒸。蒸出來的蟹味道不單很咸，肉質更是水汪汪的，似把蟹放入水中煮一樣。向部長反影只推説魚池的水很咸，所以蒸出來有咸味。??? 不是第一次吃這種蟹但在其它地方吃過的蟹都不會是這樣的。部長只是計少半斤的蟹錢作保贘。最後這隻蟹只吃了一半。其它餸也很咸，海味什菜煲的蝦乾未有用水浸過便直接使用，硬得咬不開。當晚酒樓只有大約十枱客，㕑房應該不會忙碌，但食物飪煮質素竟如此惡劣，酒樓集團出品部的高層應該要監察這分店的食物飪煮水準了。

石門站旁邊的京瑞廣場有不少餐廳和酒樓，有不少碩門村和碧湖區的居民偶然也會來這裡吃晚飯。酒樓富臨皇宮佔了二樓的大半層，枱與枱之間的位置足夠，不會逼得背脊貼背脊，用餐的環境頗舒服。菜式包括燒味和海鮮，價錢有平也有豪華的，而且份量也十分夠吃。點了一款燒味和幾款小菜，吃得父母親也十分滿足。堂剪BB豬半隻是其他餐廳較為少見的菜式，要燒得熟度足夠之餘，脆卜卜但又不會過焦，可見燒豬師傅廚藝頗為精湛。燒豬放在竹製的盤子上，盤子上還加了一張紅紙，充滿喜慶的感覺。而且上桌時還是熱辣辣的，冬天吃過，肚子也會暖暖的。有一位店員會即席把乳豬剪成一件件。可能是BB豬，所以肉質也頗為嫩滑，點少許甜醬，更能吊起燒肉的鮮味。金銀菜燉白肺湯剛剛上桌，燉湯十分足料，味道又鮮又濃。而且能喝到瘦肉和菜乾的味道，燉湯不加味精所以不會頸渴。之後的三款小菜質素也十分不錯。個人最喜愛香薯一口牛，黑椒汁夠濃稠，而且又不會太辛辣。薯仔和牛柳粒的比例一半一半，剛剛好，而且牛柳粒不會太多筋，配白飯一流。賣相盤滿砵滿的花膠北菇鵝掌煲和豉汁蒸大膳的味道也十分不錯。

今日(22-12-2017 Fri)冬至,老闆請食飯,又揀呢間,唔明上次annual dinner食過麻麻,唔明老闆點解會揀呢o度,唔通俾機會佢?(上次食評: https://www.openrice.com/zh/hongkong/review/%E6%9C%89%E9%A0%AD%E5%86%87%E5%B0%BE-e2925501)秘書幫我o地攞枱同叫定o野食等我o地,我o地去到,嘩!咁多o野食????我食o左:1. 極品燒鵝皇一隻大大隻唔肥,皮脆肉滑.2. 叉燒皇半肥瘦又鬆軟,甜度o岩o岩好,唔錯. 3. 酸薑皮蛋呢啲來貨,唔計分數.4. 蘿蔔千絲酥仍脆,但蘿蔔好似有少少苦.5. 脆皮燒腩仔正常冇問題.6. 蠔油菜心正常冇問題.7. 薑米菜粒西施炒飯少少辣吊味,飯好乾身,係太乾.8. 京式素鵝OK唔太油.9. 蝦餃皇3籠正常冇問題.10. 麻香四季豆將麻醬淋o係烚得脆嫩o既四季豆上即食,麻醬份量o岩o岩好,令四季豆唔會太鹹.11. 銀蘿脆皮腸個餡好脆,味道唔會太鹹.12. 蟹籽燒賣皇3籠正常冇問題.13. 原籠馬拉糕微甜同鬆軟,唔錯.14. 椒鹽焗鮮魷2碟係脆,但冇乜味.15.

位於沙田石門京瑞廣場二期2樓的富臨皇宮，晚飯小菜價錢頗抵食，酒樓位置寛闊，即時walk in也不用等，吸引不少附近居民在週末晚上一家人吃頓飯。除了有即製小菜，還有不少海鮮的選擇，豐儉由人。首先來到的是堂剪原隻BB豬半隻。店員即時在上桌時把BB豬剪成一件件，場面頗壯觀。略嫌BB豬剪得有少許太大件，如有需要可以叫店員再剪細件少許。BB豬的皮烤得熱辣辣脆卜卜，點少許甜醬和砂糖更美味。肉的部分不算多，但也夠嫩滑。半隻小豬約有12件燒肉，四至五個人吃也夠吃。之後來到的花膠北菇鵝掌煲，冬菇煮得很夠軟，而且很大粒。鵝掌也煮得夠軟夠離骨，蠔油味香濃，花膠的份量也夠慷慨。接著來到的為香薯一口牛，香薯炒得表面微脆，黑椒汁十分香濃，配搭著一口一件，被豐富醬汁包裹著的牛柳粒，送飯一流。父親特別喜愛這道豉汁蒸大鱔，大廚蒸大鱔的時間控制得非常好，不會煮得太過火變老，也不會未夠熟。鱔的肉質頗彈牙，夠新鮮。用豉汁蒸最能帶出鱔本身的鮮味，也是一道送飯良品。吃小菜當然不少得喝一碗燉湯。今次點了金銀菜燉白肺湯，侍應會把湯渣撈起，放在碟上。湯的材料包括白菜乾、豬肺、雞等，味道鮮美。最後再點了半打生煎菜肉包，菜肉包底面也煎得脆

尋晚(29-11-2017 Wed)公司annual dinner o係呢間擺,我o地成班同事放o左工冇耐就去到,先坐低食啲小食,有春卷,鹹水角,炒麵,乾炒牛河,紅棗糕,燒賣等,我就食o左頭同尾兩樣共四樣.1. 燒賣大大粒,熱騰騰,因為係我攞o緊o野食時,佢o地拎出o黎.味道同口感都正常.味道: 3分2. 春卷,比普通o既長啲同粗啲,食落,已經凍o左,但仍脆口,餡係好飽滿,但唔好食,唔知係咩o野o黎,係深色o既肉碎,但既唔惹味又唔好味.味道: 2分3. 鹹水角.又係大大個,亦同樣凍o左,不過口感同味道都正常討好.味道:4 分4. 紅棗糕,一樣係凍,味道同口感都唔夠.味道: 1.5分到正式開始晚宴喇,有:1. 鴻運乳豬全體比正常乳豬大啲,女同事ZC幫我夾一件,已經凍o左,皮都脆o既,味道亦唔鹹.我同事o個啲好肥,好厚脂肪,但我o個件唔係,ZC真係識夾.味道: 3分2. 高湯焗生猛龍蝦伊麵大大碟,但見到冇湯汁, 近乎乾哽伊麵;龍蝦泡油有啲泡過龍,變o左有少少脆.而成個味道都係好淡.味道: 1.5分3. 碧綠象拔蚌蝦球蝦球大件;象拔蚌有鯹味; 碧綠就係西蘭花.味道: 3分4. 百花炸釀蟹拑都

腦細請食飯，簡簡單單飲個茶，食個包，秘書幫手訂左石門富臨一圍檯。食物普普通通，勝在價錢合理（腦細要求）！....呢個餐...有得睇無得食。秘書暗中已經點左食物，仲收埋餐牌！食物ok ok la!突然阿姐送上白色條狀食物，仲自稱魷魚鬆，好彩阿姐仲有d良心，話自己都接受唔到，幫我地入廚房換左佢！換出來果碟好睇好多！無錯，係好睇咋！食就普普通通。最後仲有開心呀姐送上糖水-南瓜露！竟然係今餐最好味既一樣食物！

每逢大時大節我都會揀去富臨食無他既, 主要係因為佢既食物品質同質素係最能KEEP到既 清蒸沙巴龍躉斑超大條既龍躉斑, 清蒸再加醬油已經好夠味, 肉質係我食過最鮮嫩既魚, 而且只需要用快子輕輕一夾就已經將D肉拿下來, 主要都係得D大骨, 就算我呢D唔識食魚既人都完全冇問題 紅燒乳鴿前菜我們點了每人一只的紅燒乳鴒, 呢度既紅燒乳鴿都幾出名, 皮脆肉嫩, 而且大小適中, 作為前菜個份量岩岩好 果皮蒸南非鮑魚鮑魚質素夠好, 只要簡單材料整一整就已經食到佢既鮮味, 呢個不但SIZE大大隻, 而且非常多汁, 一咬下去即刻FEEL到好鮮甜既口感, 而且唔會好柴, 蒸既時間火候控制得岩岩好

今次係我唔知第幾次去食富臨每次去我都會叫差不多個幾味來吃因為實在是大太好味了我高度推薦大家吃這些 芝士波士頓龍蝦龍蝦伊麵必需要配答既一定係芝士, 濃濃既芝士汁係伊麵上面, 加上大大隻龍蝦, 真係一大享受, 最正係佢既芝士份量夠多, 以至到我食到最後都唔會覺得好DRY, 反而仲係有好多芝士係上面, 口感同味道都係一流的 金銀蒜蒸日本元貝沒想到呢個蒸元貝粒元貝咁大!! 加埋D蒜去蒸不但止香噴噴, 而且食落個口感又唔會覺得好柴, 都係JUICY JUICY的口感!! 呢個作為前菜真是一流 花膠北菇鵝掌煲整個鵝掌煲都被花膠COVER住了, 沒想到花膠才是主角!! 吸收左鵝掌煲味道既花膠不但口感好香滑, 而且味道出眾, 煲內材料相當的多, 落重本之作

雖然富臨好多分店, 不過因為我屋企附近無, 所以真係好少食~ 今次去左沙田行街, 諗唔到食咩, 見富臨皇宮有位, 就入去食個便飯~~我地都係點自己鍾意食既野, 上菜都幾快, 服務都正常~其中一樣點左日本元貝, 加蒜同蔥拎去蒸姐, 最簡單既做法. 所以隻元貝新鮮都好難唔好食~ 呢度都無令我失望既, 粒元貝好厚身, 幾彈牙~ 唔錯~之後仲有叫到花膠北菇鵝掌, 呢煲野都幾入味, D 花膠幾厚, 如果可以再炆稔D 就Perfect~ 反而北菇真係正, 吸哂D 味, 好香口之後仲有叫到紅燒乳繁~ 呢度要兩隻起, 本身覺得好油膩, 但見佢咁抵食就叫兩隻黎試下啦~正WO, 雖然個皮唔係脆, 但係醃得好好食, 而且乳鴿多肉得黎D肉又幾滑, 唔鞋口, 有DD 喜出望外, 因為總覺得平野無好~ 配反個白飯就夠喇~兩口子, 兩碗飯, 三個餸已經好滿足喇. 今餐食完對富臨既印象都唔錯

探訪完親人沙田新居，順道到石門食入伙晚飯。石門聽得多，但未曾到過。京瑞中心就在石門站，大圍轉烏溪沙線，非常方便。富臨這分店是新開張，裝修華麗但椅套及枱布很殘舊，洗手間又骯髒不清理，這麼大間酒樓都不處理下憑傳單訂BB豬一隻$188，隻BB豬雖然皮脆，但完全無肉得皮包肥膏勁差長腳蟹新鮮鮮甜但被花雕蓋過蟹味，蛋白香滑幾好食，我覺得海港的長腳蟹比較好味又抵食其他菜式都不過不失涼粉布甸燉蛋白幾好味，南瓜露太稀，南瓜糕味道麻麻

富臨, 總有一間係左近. 今晚阿媽又唔想煮飯, 求奇去左富臨食晚飯啦.今晚老豆好似心情好好, 點左D 幾名貴既菜式.. 芝士焗龍蝦配烏冬芝士焗龍蝦多數係配伊麵, 但呢度就然係可以揀配烏冬lol未試過所以貪得意試下啦~ 佢用既唔係cheap仔烏冬, 似係稻庭烏冬, 都幾好食.. 比起伊麵, 烏冬仲飽肚呀, 而且好大碟呀, 搞到要打包呀~龍蝦都幾多肉, 而且師傅都起好哂D肉, 好易食到; 芝士醬無平時個D 咁膩, 偏淡少少, 所以比平時可以食到多D~~紅燒乳鴿呢個兩隻起, 撈飯一流! 佢醃得超入味, 都幾厚肉, 唔洗點淮鹽都已經好夠味喇!! 我一個人搞掂左一隻, 真係好惹味呀!!清蒸龍躉斑黎到真係嚇一嚇, 唔知咁大條呀.. 時間蒸得岩岩好, 好多肉呀, 好新鮮~! 最衰叫左烏冬底啦, 撈飯真係好正呀!!仲有炒左個菜, 已經好飽, 好豐富~~ 耐無食過富臨晚市, 今次有DD 驚喜~~

星期日到沙田探親戚，到酒樓食都是不二選，加上原來富臨最近有海鮮最強晚飯優惠，有各款配搭選擇，看菜牌非常抵食，試試食物質素如何。魚配湯星期一至五 $188，星期六、日及公眾假期 $228淮杞燉響螺老火湯非常足料，有半隻雞、響螺、瘦肉、淮山等等的食材，湯香濃不帶味精，非常滋潤。清蒸沙巴龍躉斑賣相吸引，龍躉斑有2斤重，份量十足，足夠4人份，而且十分新鮮，肉質嫩滑，愛吃魚的我真的不能錯過。果皮蒸南非鮑魚(8隻)配紅燒乳鴿(2隻) $238鮑魚大隻，而且腍軟不韌，有微微果皮香，能吃到本身的鮮味。紅燒乳鴿乳鴿外皮微脆，切開汁援援流出，肉質嫩滑很野味。波士頓龍蝦(上湯烏冬) 星期一至五 $288，星期六、日及公眾假期 $308龍蝦份量很有誠意，肉質彈牙，但烏冬就太腍身，夾起都會斷，配烏冬個人感覺也不搭。金銀蒜蒸日本元貝(4隻) $118日本元貝很大一隻，整隻元貝足足有手掌般大，元貝肉也有掌心那麼大，肉質爽嫩，配上蒜蓉粉絲，很滋味。花膠北菇鵝掌煲 $98整道菜膠質豐富，花膠有4大片，口感不是腍軟而是帶點爽口，不是太入味。富臨性價比十分高，服務也不錯，食物質素也不過不失，宴請親朋的不錯選擇。

今天路過石門，光顧咗這間，服務態度不錯。可惜食物的質素，真的有待提升。雖然是特價產物，將貨就價，超值孖寶：法式長腳蟹配伊麵底及枝竹菜心。長腳蟹基本上是沾滿生粉炸完再落獻汗，蟹腳基本上沒有蟹肉，相當搵笨。與其是法式長腳蟹配伊麵底，不如叫鬆炸生粉蟹殼配伊麵更為合襯。枝竹菜心則尚可。

衛生欠佳😖，食品🆗， 我們喜歡吃紅棗糕，但它 太多味精😑， 冷氣過凍🌫， 服務態度差😒， 人手不足， 還和其他服務員談天！， 簡直不知所謂呀~😤 睇到餐牌嘢食麻麻地 佔其他顧客個樣好嬲 睇個名好好，但係實物相反！ 聽到嬰兒哭聲， 我想他很驚 食品大部分都係 大陸貨😑蘿蔔糕無蘿蔔味！！🥕🥕 炒米粉唔會有咁多油 ，ok！ 紅棗糕 係千層嘅正！ 都夠紅棗味！但中間有些凍！ 蒸不透！ 燒賣太鹹！ not good😓 茶冇茶味！☕ 蝦餃都算有蝦味！生炒骨不是太好！！🍖 簡直是垃圾！酒樓 設計十分土氣！🙄 服務員經常給錯點心！😧 好處是可以節省家裏的電氣費！ 因為有免費冷氣！ 但係冇wi-fi 有埋wi-fi更好！😎😎 但我唔知！應該會有！ 但不肯定， 不好大家引起誤會， sorry！ 講返生炒骨，Ｄ菠蘿好酸！ 帶埋老人家一齊嚟，老人家 瘋狂 打噴嚏！ 埋單地方 超級隱蔽！ 但價錢都好抵！