富臨皇宮

营业中

休息中

由於疫情嚴重， 依家只能購買外賣，咁對於我呢啲最憎煮飯嘅人，咁就睇下邊度仲有得食 ，見到公司附近呢一間富臨做緊48折外賣優惠，咁我就試下啦。而我叫咗以下:北菇海參扣鵝掌煲 呢個北菇海參鵝掌煲，其實你睇佢雖然個飯盒細細，但其實佢都畀足料。 而我最欣賞就係海參，佢都好細心切細細粒方便食，而且個鵝掌亦都炆得好冧同好滑。 用埋佢個淆製嘅汁送飯就真係一流。梅菜扣肉煲： 其實呢一個梅菜扣肉係我自己最鍾意食嘅餸之一， 因為真係由細食到大， 富臨有呢一度菜咁我就試下，咁其實呢一度菜我覺得都冇令我失望，因為佢煮到啲扣肉都炆得好冧，而且啲梅菜可以送到飯，個汁都幾好食，所以自己本人覺得唔錯，其實如果有堂食嘅話，建議喺嗰度食堂食。 因為有個煲熱辣辣咁食， 更加滋味。瑤柱蛋白炒飯： 當然啦叫咗兩個咁好嘅餸，就一定要嗌返個飯嚟食，咁其實呢個炒飯我覺得真係抄得唔錯，而最主要嘅就係師傅將個飯完全塞滿曬落個飯盒度，所以其實呢一個炒飯我覺得真係可以足夠兩個或三個人食 而且真係唔錯，炒到個飯都幾乾爽， 所以大家可以試下呢度嘅炒飯。最後其實我覺得呢間富臨做緊嘅優惠真係幾抵食， 因為其實如果喺屋企煮都可能差唔多呢個價錢， 所以

宜家夜晚冇得堂食，食肆空空如也，不少食肆都靠外賣維生，個個都減價搶客，呢度做四八折，標榜「平過自己煮！」，至少唔使洗碗都好呀。😂😂落單之後都見到有幾個客人一齊等緊，不過店員話廚房得一兩個師傅，所以大家要耐心等待。菠蘿生炒骨（$42 ），酸酸甜甜送飯一流，生炒骨多肉多汁，幾唔錯。雖然裝唔滿個外賣盒，但係食落覺得份量都OK嘅。北菇海參扣鵝掌煲（$61），鵝掌炆得夠腍同入味，冬菇好大隻，好似平時去飲嗰啲咁，一樣炆得夠腍，個底有好多菜，索晒啲精華，整體都好好味。瑤柱金菇炆伊麵（ $42 ），份量好多，不過拎到返屋企食就焗到腍和濕咗啲，同埋餡料比較少，不過以呢個價錢來講，算係咁啦。

抗疫期間當然要盡量減少外出，不過有時真係唔得閒煮飯都要買外賣幫吓手，知道呢度做緊四八折外賣優惠，即管試吓啦！今晚食咗「黑椒香薯牛柳粒」、「西蘭花炒蚌片蝦球」、「揚州炒飯」，三樣夾埋都只係$160，見到價錢既一刻都不禁心裡嘩左一聲，咁平既！黑椒香薯牛柳粒都幾惹味，黑椒味唔算好重，牛柳粒都唔韌，薯仔夠入味。西蘭花炒蚌片蝦球，蚌片和蝦球份量唔多，但味道係ok的，西蘭花就好多舊，都炒得夠鑊氣。楊州炒飯份量好足夠，塞滿成個飯盒，不過餡料就相對少啲，只有少量叉燒和菜粒，飯都炒得乾身，加埋兩個小菜一齊食，兩個人都食唔晒，以價錢嚟睇又真係抵嘅。

由於疫情嘅關係，好多食肆都變咗做外賣。今日就嚟到樓下嘅富臨皇宮叫外賣食，因為有朋友介紹話好抵食，同埋好大份。巧製粟米魚柳我哋叫咗粟米魚柳，粟米魚柳好多汁，魚柳冇雪櫃味，炸得都好甘香，撈白飯一流！除此之外，佢哋仲有原粒嘅粟米粒，唔似得有啲餐廳或者酒樓淨係求其打一個汁就算。瑤柱金菇炆伊麵因為有屋企人唔食白飯嘅關係，所以，我哋額外叫咗一個瑤柱金菇炆伊麵，平時伊麵都係好多油，但係佢今次呢個伊麵好少油，仲有好多配菜，例如係蔥，唐芹，香味俱全！重點佢哋真係有真嘅瑤柱呀，咬落去都好新鮮。西蘭花炒蚌片蝦球最後，我哋叫咗多一個西蘭花炒蚌片蝦球，打開嘅時候我哋都好意外，因為佢哋除咗有西蘭花之外，仲有好健康嘅三色椒，而且佢哋應該用咗桂花蚌，爽口彈牙，蝦球鮮甜,每块都好大粒，超抵食！ 真係好推介大家嚟叫外賣，我哋今次叫咗三個餸都係145蚊，除翻四個人每人都係$36，仲要每份都咁大份，仲有蔬菜配埋！建議大家都可以好似我哋咁，一係叫個炒飯一係叫個伊麵！順帶一提，今次嘅份量多到我哋要留返聽日食！

位於沙田石門京瑞廣場二期二樓201號舖的富臨皇宮 (Fulum Palace)，主打廣東菜。富臨皇宮的位置頗為寬闊，燈光明亮，感覺舒適。和味鮑魚伴秋葵這道前菜是新推出的，味道相當不錯。鮑魚鹹鹹香香，鮑汁香濃，感覺冰凍，夏天吃相當醒神。侍應還會附上少許刺身豉油，如有需要可以點少許吊味。鮑魚上方則是一小碟秋葵，感覺也是冰冰的，夠開胃。平日的晚市，加一元就可以三選一，今次則選了一客極品燒鵝皇 (例牌)。極品燒鵝皇燒鵝香而不膩，伴飯吃相當一流。例牌的份量約有十多件鵝件，如果四人來吃飯，每人至少能吃四件。燒鵝口感濕潤，底下還會有一個小蠟燭，微微溫熱著燒鵝，吃到最後一件也是暖暖的。。花膠響螺老雞湯燉湯相當足料，味道鮮甜滋潤，能嚐到雞的味道，花膠的份量也相當慷慨。一盅湯大約能分十二碗，可以慢慢品嚐。店員也會提供一個小盤子，可以把湯料盛起。海參花菇鵝掌煲這款小菜份量十足，海參的份量也相當豪氣。個人頗為喜愛吃吸滿鮑汁的花菇，肉質飽滿。鵝掌也炆得頗為軟身，不會太過硬。朋友則覺得海參可以煮得再軟少許，口感會更佳。西蘭花炒蚌片蝦球蚌片和蝦球堆疊成一個小山，頗為吸引，充滿鑊氣西蘭花不會過硬，蝦球質感爽口彈牙，蚌

每幾年一度的村長選舉圓滿結束後，鄉事會都會 大排筳席，請我們一眾鄉親 Happy 一下。去年，就在沙田石門的《富臨皇宮》包場設宴。且看看這《富臨皇宮》的席宴水準好不好。首先來的，當然是鴻運乳豬全體。不過，廚房師傅太早準備了，也沒有用方法保持熱度。所以，上到來的乳豬其實是凍的。而且，豬皮已經開始不脆，味道同肉質雖是好，但皮就失色了。法式焗大蝦球伊麵，是一個香味十足的美少食品。伊麵吸收了濃濃的忌廉汁，早已經是好味道。再加上大蝦的鮮味道，更加令人食指大動。碧綠炒彩鳳蚌片，是一個帶淤鮮味道而多菜少肉的的美食。西蘭芯爽口，雞肉絲同蚌片帶出了令人歡喜的鮮味道，不錯。金磚百花球，金磚，是炸鮮奶，百花球就是炸蝦球。雖然，沒有炸蟹鉗來得香口，但炸蝦球在味道上同口感上都好高分。而炸鮮奶絕對是炸得妙，可以給個讚。竹笙海皇燴燕窩，味道不過不失，羹入口的質感也不錯。而最滿意的，是燕窩可以保持到爽口。清蒸大海斑，厚肉的石班魚再加上甜豉油，基本上是沒有不好食的空間。蠔皇翡翠扣金錢，用蠔油來炆冬菇，永遠都是濃上右濃的。是日的菇夠厚身多肉，口感十分之好。最後來的，就是脆皮炸子雞了。冰鮮雞的雞肉，質素大家都知道。但這兒弄

48折的外賣好吸引😋😋又係嗰句，我唔鍾意用外賣盒食嘢，放咗上碟既食物，味道同外賣盒係兩回事，嘆住白酒享美食，唔可以堂食，在家一樣咁好食⋯⋯又平又正又好食👏👏👏👏👏——————俗語有話，賤物鬥窮人，呢句說話真係講得無錯，疫情之下，差不多各行各業都被影響，，各行各業都為了維持生計下，層出不窮，尤其是飲食方面，真係平過自己煮，今日舅父打電話比我話見到富臨皇宮酒樓外賣48折，咁誇張，平到咁😅😅😅咁我就晚飯時間走去買外賣，仲叫埋舅父同我一齊撐枱腳 😛😛😛————————🟤1-北菇海參扣鵝掌——-（61元）剩係入面D料都唔只😱😱😱材料有北菇、海參、鵝掌、小棠菜😋🍄冬菇又多又大大隻😋🦆鴨掌又炆得夠腍👍🦪海參又腍又甜又大件👏真係平到究竟有無錢賺........🤭又入味⋯⋯又夠腍⋯⋯又足料👍👍👍👍————————-🟣2-梅菜扣肉——-（42元）🐷扣肉炇得好入味，梅菜甜.同扣肉一齊，味道入哂係扣肉到更加惹味⋯⋯————————🟡3-瑤柱金菇炇伊麵——（42元）大碟到昵嚇死人，大大碟仲咁平，主要係平之餘仲要係好食👍👍👍——————-🔴4-原個馬拉糕——（28元）唔好以為係平日食點心果D咁細件，係一底原底馬拉

今日放工後見到石門富臨皇宮外賣有48折優惠, 於是便外賣了黑椒香薯牛柳粒和西蘭花炒蚌片蝦球回家。黑椒香薯牛柳粒黑椒味香濃惹味, 牛柳入口即熔有肉味, 食落彈牙, 薯仔食落爽脆鮮甜大大粒, 整份黑椒香薯牛柳粒黑食落惹味夠鑊氣, 佐酒一流；西蘭花炒蚌片蝦球賣相吸引, 西蘭花新鮮爽口, 蚌片大大片, 入口鮮甜味美, 蝦球大大件, 食落彈牙。兩款外賣份量十足,足料有鑊氣, 而且價錢合理美味, 我們食了一頓豐富外賣小菜。

朋友新婚終於入伙啦，咁我地兩對couple就食個飯！飯聚令下無得堂食。大家決定買幾個小菜有中國house warming氣氛。我倆先到就買左先，等佢地返到一齊上去。4個人4個小菜2份飯麵$292！！超級抵！平時堂食應該食到2個小菜only！我哋仲叫咗貴野 - 鵝掌。每人$75有找，平過食茶餐廳咁滯！巧製粟米魚柳依個菜式非常之下飯，粟米汁唔吝嗇！魚柳size適中，咬落去外面少少軟入邊啲肉就滑脫脫！大澳香蝦骨因為外賣嘅關係，所以冇咗啲小花點綴，感覺清一色肉肉。西蘭花炒蚌片蝦球份量滿滿，好正！西蘭花外賣都好靚好翠綠， 炒蚌片同蝦球份量都唔少。炒蚌片保持到爽口，蝦球都彈牙同埋帶隻！呢個超級抵叫，平時處理海鮮都好辛苦同埋依家休漁期啲海鮮都貴！佢仲有啲辣椒增加營養，平時覺得三食辣椒味道太青草味，但係加咗啲海鮮易食d。北菇扣鵝掌煲呢個不得了，不過勁多粒勁大嚿，靚菇！有肉地非常入味！扣既紅燒汁濃入味但不咸，比平時堂食下手保險左！定係間間分店唔同？！鵝掌一掌掌無蘇味有肉地，乾淨軟軟。有功夫既菜係中菜廳食最好。火侯大，有鑊氣！仲有海參？河參？雖然唔係貴個d，但絕對對得起個價錢！一開始仲以為係碌柚皮，心諗如

小菜（抵食嘅）晚市小菜$42-$57「楊洲炒飯」炒飯色水炒得好靚，不嬲都係金黃色的，顆顆飯粒分明嘅炒飯好有鑊氣炒飯好食😋有驚喜「黑椒薯香牛柳粒」薯仔🥔每粒都係金黃色大小一致，有蜜糖同埋黑椒包圍着，而且一口口牛柳粒一口一粒，好香牛油🧈🤩滋味無窮 加埋炒飯一齊食滋味無窮😋「粟米魚柳」魚柳肉質熟透但不會感覺稀爛而且魚肉質鮮嫩食落去有口感，粟米汁同炸得金黃的班塊咬落去別有一番風味佐飯一流，有粟米汁食飯都食多左

今日出沙田同阿叔一家飲茶喺京瑞二期富臨皇宮午茶正價入。佢個場就夠大坐得舒服。除咗點心，我哋嗌咗炸子雞全隻上，炸乳鴿同埋沙薑豬手，呢幾款都正常味冇咩特別亦冇咩失望。每次飲茶我哋都會嗌勁多點心，但係今次就極其失望。先嚟蝦餃我哋齊齊一人一粒人食咗唔夠兩秒即刻lur咗出嚟因為佢個餡酸咗變咗。通常鳳爪醃得好就會好食但係佢唔夠入味所以唔惹味。個棉花雞入邊嗰啲墊底嘅芋頭酸嘅宿味所以我哋食咗兩嚿都係冇食。牛肉球正常可以入肚。今日大部分嘅點心都話唔好食每樣都係食咗一兩嚿就放棄冇食。之後就輪到煎炸食物有鹹水角，芋頭角，蘿蔔角，煎堆同埋同埋蒜蓉虎椒。呢啲通常都係穩陣派，只係覺得佢啲嘢咋得唔係好夠火喉,所以上到碟就超多油喺底。其實只要炸咋多一兩分係鐘會挺身同香脆，因為成口都係油好冧。如果真係想搵個位坐下飲下茶對食物冇乜要求嘅佢個環境都ok只係佢啲點心嘅水準真係有待改善。

兩個人想搵個坐得舒服，地方大，唔趕客，可以慢慢坐ge地方食晚飯。咁啱見到有一蚊雞，孖寶餐又唔係貴，又唔使等位就入去試下喇。$1可以揀清遠走地雞蔥油雞/燒鵝皇/芝士海蝦伊麵。見隔離枱隻雞幾靚，就揀雞啦。孖寶餐就揀$158，海皇冬瓜盅+豉椒炒聖子再叫多碗白飯share一蚊隻雞都唔馬虎架，都靚靚仔仔，有半隻，肉質未去到好嫩，不過都唔鞋，正正常常。豉椒炒聖子，食到加左花椒黎炒，味道香口好多，不錯。冬瓜盅非常大，夏天食冬瓜消下暑就啱喇，味道都唔錯，但呢個冬瓜盅冇金華火腿🙃每碟份量都唔少，呢餐的份量係足夠三個人食😂我地兩個人好很飽😂連埋茶位，埋單$225.5

很久沒有一家人出外用膳， 生日，父親節。。端午節，煑不了那麼多， 屋企人提議近近哋去石門《富臨皇宮》。只限最多8人一台， 冇辦法啦要分開坐～石門的《富臨皇宮 》個場好大樓底極高， 今晚入座率 大概六成左右 。 入咗竟也不需要量體溫的 。外賣做緊優惠， 堂食則得如平常一樣， 一些抵食孖寶特選菜式都是一般般，價錢並不特別抵。🥢🍚黑衫男部長態度比較挑機， 唔係好想落單，傳菜 嘅阿姐反而好相與。炸子雞$228皮夠脆， 肉質嫩滑不過近骨位置都係啱啱熟。龍蝦伊麵$288， 龍蝦嘅肉唔多，芝士汁的味道怪怪的， 係冇個底味，就係得芝士味。 還是上湯伊麵較為穩陣。沙薑豬腳$28，這款小食係跟芝士龍蝦伊麵， 味道做得唔錯。菠蘿生炒骨$88， 外皮唔夠脆， 粉漿較厚。沙巴龍躉（2斤）$268蒸得啱啱好， 肉質嫩滑雪白。加$48 半隻鹽水鴨愈食愈鹹， 咸到似臘鴨～ 要來多个白飯。金銀蛋莧菜, 莧菜比較老～～ 上汤味道並不特別吸引。馬拉糕$48， 夠鬆軟，黑糖味好香。埋單用了三張coupon 減了三百， 感覺很抵！

星期六我同屋企人去左富臨食佢晚市既片皮鴨、咕嚕肉、海皇冬瓜盅，片皮鴨同冬瓜盅ok，但係咕嚕肉完全唔脆唔熱，d菠蘿味怪怪地，埋單果陣比左張食夠300蚊減100蚊既優惠劵，咁我地就問左係咪唔計片皮鴨（三選一優惠），其他食過300蚊就用得，咁對方都話得既。第二日星期日我地再去左富臨食佢地晚市既片皮鴨、龍蝦伊面、蔥油斗門蝦，落單之前我地問定個男經理係咪唔計片皮鴨（三選一優惠），其他野過300就可以用張優惠券，對方話埋單果陣拎出黎就得，點知食完埋單果陣個女經理話只要有三選一優惠（片皮鴨）就唔用得，最後3樣菜埋單5xx。問左你地職員兩次都話用得，埋單先話唔得，呢間咁既野冇下次。（另外有外賣優惠既野唔好堂食，佢地會將d整定好耐既野拎比你）

疫情好返少少，限聚令限八人一枱。終於可以一家人飲過茶。大家都放下心裡面的顏色只為可以一家人飲返杯茶，傾下計。有幾樣點心就必點，南瓜煎堆，圓碌碌，見到都開心。燒賣都特別大粒新鮮好食。最正係有綿花雞。講真，唔係度度都有綿花雞食的了。 環境都好寬敞，教堂設計，個場擺酒應該都幾好擺。