富臨酒家

营业中

休息中

先不說還沒上菜前桌上有一塊咬過的叉燒。總將近900元的午餐。其中一碟是雞扎。吃到最尾時發現其中一隻雞肉有超過一半未煮熟。向店員表示雞肉未熟後，店員亦同意她看到雞肉是生的，但她說：「是的，我看到未熟，但你們已經吃了很多，如果你們沒吃那麼多可以幫你們再上新的。」她把我們還沒吃完的其他料（魚肚等）和我吃了一半的生雞肉拿走（她不知道我已經拍照），表示會找經理處理。最後經理過來向我們表示：「雞肉是熟的，生的不是這樣的… 」我很無語，直接說算了。（心想：店員都看到是生的了，收走食物後就說是熟的？那你為什麼不還給我們被收走的食物？）我不想爭論，也沒有再追究已被收走的其他食物，錢也照付了。（好吧，你們都毀屍滅跡了，我本來也只是想提醒一下雞肉未熟，來不來新的我也不太在乎，最後還把其他料都收走了，我都虧著付錢了。只是不滿意店家說謊來逃避責任。）

紅黃綠碼殺到，疫情又話會再升，要好好把握這個空檔期，此時約埋三五知己一起吹吓水，時間唔等人，去就近長沙灣富臨，出品質素唔錯，第三四次幫襯，我哋一面叫餸一碟又一碟，一面吹水，把多天來的情緒放鬆，時間過得很快，餸菜叫了不少水準保持，較深刻的是龍蝦伊面和燒鵝，龍蝦上枱時有嘩一聲感覺，燒鵝唔肥又彈牙，服務和場地皆有水準，讚！

大廚好煮意，抵食 酒樓]疫情之下喺屋企煮咗好耐飯仔又有段時間冇同媽媽出街食飯，於是今晚就同老婆、媽媽嚟咗富臨開餐。酒樓位置交通方便，長沙灣地鐵站行過嚟亦只是三、四分鐘路程。出發前上網check過，酒樓近排做緊Promotion，脆皮炸子雞 $68，其它小菜、海鮮、燉湯⋯性價比都好高！認真抵食。脆皮炸子雞我最喜歡嘅一道菜，單睇賣相已經相當吸引。皮脆肉嫩，色、香、味齊，加上炸到剛剛好，唔覺唔覺食咗好多件，推介之選。豉蒜涼瓜炒牛肉炒得好香口，涼瓜入口帶甘，牛肉份量唔少，肉質爽滑，醬汁味濃帶豉蒜味，正。鮮腐竹浸菜心菜心新鮮易入口，菜夠大碟，配以特濃上湯，清爽可口。大廚手勢，街坊價錢，嚟酒樓食絕對平過去餐廳食或自己煮，食物出品一啲都唔馬夫，坐得舒服，食得盡興，去富臨都係個唔錯嘅選擇。

今日響長沙灣有少少嘢做， 做完後， 收到屋企人話今日唔想煮嘢，叫我買外賣返屋企, 經過茶樓覺得家人都啱食,又有四八折，好抵, 就揀依間啦！瑤柱金菇炆伊麵 外賣價$42好耐冇食過伊麵，響芸芸的選擇當中，第一樣就想點依樣！返到屋企打開見到原來好大盒， ，唔會因為係優惠價而偷工減料，有不少乾瑤柱絲鋪咗響伊麵嘅面，伊麵軟硬度適中，好夠味道，  當中有蘿蔔絲，韭黃同埋菇片。黑椒香薯牛柳粒 外賣價$57牛柳粒偏大粒，咬落都幾夠淋，啱牙力唔夠嘅爸爸食， 而且牛粒唔多肥膏，牛味都重， 薯仔係先炸過的，所以夠曬香！西蘭花炒蚌片蝦球 外賣價$61都知屋企人唔鍾意食要剝殼嘅海鮮㗎喇， 呢味餸啱曬佢哋，  蝦頭同蚌方又大又爽口,  加上“卜卜脆”嘅西蘭花,只要每樣食材都新鮮，以簡單嘅蒜蓉炒,已經將食物嘅鮮味徐徐帶出。揚州炒飯 外賣價$42炒飯中間有菜心粒，炒蛋粒，叉燒粒同蝦等等，炒得偏乾身，而且每粒都炒得分明， 食落好香，唔連餸，就咁食都好滋味！竹笙羅漢上素 $41由於竹笙比較貴,出面嘅茶樓通常都係敷衍了事，最多只係放四至五片就算， 今次就剛剛相反有超多嘅爽口竹笙加埋唔同嘅菇菌類，木耳同馬蹄, 如果有埋豆腐就

最近香港的疫情不斷惡化，政府也實施在晚上六點後不准堂食、不少酒樓食肆也面臨一個恐怖的環境，忽然看見一個廣告晚上六點後有半價外賣.於是一於嘗試一下挽救一下香港疲弱的經濟.小菜的種類選擇十分之多，也有不同的煮食包括炒飯等.生炒骨十分之香脆所有汁也掛在排骨身上炒飯十分之乾身有鑊氣伊面十分之有水準.西蘭花加上十分爽口的蝦也是一個美好的配搭鵝掌加上軟林林的海參，十分好味道.薯仔加上牛柳粒十分之濃味送飯一流.

朋友介紹我這個不煮飯的人，講富臨有優惠，我就上了去網頁看到特價餐牌真的十分吸引，差不多收工時我今次打個電話去落單，之後就有人打來講可以過去取都十分方便。我地就叫了一個揚洲炒飯，餸菜就叫了二款豉蒜涼瓜牛肉和西蘭花炒蚌片蝦球，這款是貴菜式但今次有特價都是六十五元，其他二款四十多元好抵食。來到時付錢，所有餸都包得好好，沒想到都幾大份幾重手。回到家仲有點熱太好了，炒飯一打開份量十足，我諗五六碗飯都可以，炒得好香口又不油，入面有不少材料口感十足，最後二個人食不完仲可以明天再食。涼瓜入味而且仲有少少特有甘香，配醬汁送飯十分好，牛肉不少有口感都不錯，醬汁又不咸有濃豉蒜味。另一款餸仲以為勁多西蘭花，沒想到除了多爽口西蘭花外仲有不少蚌片蝦球，十分爽口。這價錢十抵食，不過要外賣自取先有折扣。

今日去到長沙灣工作，晚餐都想在附近買外賣，同事講附近有間富臨之前食過有特價有折就決定外賣自取，拿張單張睇有四八折，六折，七都不少選擇，同事就打去叫外賣一陣收到電話去取飯。叫了三款餸都係一百五十元真的沒想到那麼便宜仲要份量好多，去到有個外賣專區，已放好了我們的外賣付錢就走幾方便。蓮藕咸魚煎肉餅又大片而且都不少，咬落去好爽口仲有不少蓮藕咸魚碎。喜歡吃伊麵的我當然叫了一個瑤柱金菇炆伊麵，一開滿二人食一定夠飽，伊麵入味又不會太爛，伊麵不會太多油，好味道有驚喜。黑椒香薯牛柳粒，牛柳粒不少而且有牛肉味又有咬口，薯仔入味不錯，醬汁有點黑椒香都幾惹味。

疫情以來都一直工作，下班後很多時都要買外賣回家當作晚餐，但很多時都有捱飯盒的感覺，心裏實在很想到酒樓用膳，於是計劃走到附近的富臨酒家點了些餸菜外賣回家。怎料遇上了驚喜：「外賣 4.8折，而且免加一」！最後我們二人點了三個餸折扣下只需$159，相當抵食！店內設有外賣專區，在那邊等等很快便拿到外賣。新鮮即製，還熱烘烘的。《蓮藕花生炆豬手 原價 $82（外賣價 $39）》豬手、蓮藕和花生都炆得十分入味軟稔，豬手特別覺得膠質滿滿很養顏。《北菇海參扣鵝掌煲 原價 $118（外賣價 $71）》有兩大隻鵝掌舖底，夠稔好吃。北菇有成5大隻，厚厚的很吸汁，單吃北菇已很有飽肚感。海參味道偏淡但很爽口，可以平衡到獻汁的濃味。《楊州炒飯我 原價 $88（外賣價 $42）》炒得乾身不會油膩，而且炒得均勻，粒粒飯都黃金吸引，單是賣相已十分加分。炒飯用料足，有蝦、叉燒、菜粒、蛋花和蔥花，感覺豐富，有蛋香又不會偏咸或偏淡，味道亦調得剛好。會繼續幫襯！

居家多天，想到樓下公園走走，經過長沙灣貿易廣場的富臨酒家，看新聞也知道現在食市的情況十分惡劣。看宣傳見到酒樓外賣有4.8折加上免加一添，哇，真的比茶餐廳都平，真係要幫手推動一下經濟。看看點餐紙，選擇都多樣，有小食、精美小菜、主食推介、廚師推介、燒味、孖寶等，就連沙巴龍躉也有外賣。揚州炒飯有 (外賣) $42原價$88，現在做外賣才$42，真係好抵食，而且出品一點都不馬夫，份量大大盒，十分足料，有叉燒、蝦仁、西芹、蛋花等，炒得火喉十足又乾身，一點不油膩，一粒一粒口感十足。馬來咖哩雞 (外賣) $44原價$92，現在做外賣才$44，同樣滿滿的一盒，咖哩味香濃，下飯一流。雞肉、薯仔份量足，掛滿咖哩汁，雞肉稍有點乾，應該是外賣的原因吧，這點明白的。竹笙羅漢上素 (外賣)$51原價$85，現在做外賣才$51，當中有馬蹄、雪耳、菜膽、菌類、雞髀菇，濃郁度剛好不會太稀，很掛汁，整體不錯。出品不錯，性價比高，下次再試其他菜色先。

冬至在這吃晚飯，套餐價錢絕不便宜，平日二千元即可吃到的套餐，今天要四千五百元，但沒想到出品的水平是那麼差，鮑魚沒咬口，根本完全不入味，有點像吃橡皮之感。百寶袋之類的菜，也是吃過也不想再吃，只有龍蝦伊麵還司以，龍蝦都算足份量。但上菜的速度奇慢，吃完一道菜要等很久才來下一度，催促也沒有，真的有點無奈！

兩個人懶得煑飯，但又想有米落肚，於是就去了富臨開餐。之前也曾經來過這裏飲早茶，覺得食物質素不錯，雖然走的不是高檔路線，然而勝在價錢夠實際，服務還過得去，於是回頭再幫襯。點了三個菜，分別是蒸龍躉、燒鵝皇、及牛仔骨。三個都好味夠火侯，值得一讚。最喜歡吃蒸魚的葱，愈多愈好，這裡的蔥很多又好味道，蒸魚豉油鹹淡剛好，撈飯一流，魚肉既鮮嫩、又大條，無欺場。燒鵝皇甘香肥美，但量不是很多，你一塊、我一塊，白飯還未到就已經差不多吃光了。牛仔骨牛味濃郁，雖説不上是極品，但作為普通晚飯小菜，已經足以讓人食得滿足，配菜的洋蔥及土豆也非常出色美味。

未開波，就見到桌上的碗筷多數有殘餘物！摸上手油立立，張枱布大陣漂白水味，十分倒胃。所以都係一次就K.O. 難為侍應不斷被呼來喚去換餐具，做樓面唔容易喔。唔怪之得假日都大把空枱啦，比你un 好食都輸哂囉。

如果餐廳好食, 會多次幫襯, 其實唔係第一次黎，但呢間暫時唔會再主動光顧事源1點半左右入座, 叫了即製點心, 明白製作需時, 所以打算叫一客最快的燒味飯，搵左經理落單叉燒飯，但大概10多分鐘左右都未見，第一次同職員講，職員回覆: 你叫就入咗單架喇， 我地都要等師傅整出黎，然後走了再等5分鐘後，搵第二位職員講， 見佢有去電腦度check，同櫃位講一講，然後失蹤再等5分鐘，同第三位職員講，亦係見佢去電腦度check，同櫃位講一講，然後又失蹤點心已經陸續上枱....呢個時侯，第一位職員攞住張單走黎問，係咪個叉燒飯仲未到，我話超過20 分鐘都未，佢話幫我地睇下... 5分鐘後佢過黎話，你地要再等等，師傅要時間整... 聽到呢句其實已經無言... 最後叉燒飯過左10分鐘左右先到... 其實呢半小時內，係久唔久就見到有叉燒飯經過，但都唔係我地...正常燒味飯應該比即製點心快... 但一而再，再而三咁向職員查詢，都冇人交代，服務態度真係讓人不滿意其實點心不過不失，特色既都唔錯但最失望係甜品， 真係食咗兩啖就放棄，唔係凍亦唔係熱，係室溫，味道亦較平常不一樣...雙皮奶... 室溫基於以上情況，暫不考慮

雅虎年代的群芳譜，相約在長沙灣貿易廣場的富臨酒家，一行七人埋單每位$67，睇吓我們吃甚麼？！我點咗4個早市孖寶：3籠蝦餃（一籠有三隻，蝦餃都算唔錯）、1籠蟹籽燒賣皇、生菜魚滑粥、、叉燒腸、鮮蝦菜苗餃、翡翠鮮蝦腸（的鮮蝦超大大又爽滑），都是$28.8X4份，仲可以特價配雙皮奶$109X4碗，真係算抵食！我們傾吓食吓很快又叫第二轉，今次我請一位群芳發板，佢點選：蘿蔔千絲酥（個皮幾酥）、家鄉煎薄餅（我冇食，怕多葱）、菜遠龍躉球煎麵（龍躉球老咗，「鞋」口）、京式素鵝（夠香酥，但勁油膩）。我們還分享另一位群芳的喜悅，她帶來豬腳薑喜醋，恭喜佢添乖孫之喜，祝福小朋友健康快樂成長！

因為婆婆住在附近，我和爸媽不時都會來這附近跟她飲茶，所以我來過這間酒樓很多次了，可是最近幾次飲茶的時候，都覺得這裏的質素和點心都大不如前。今天來的時候，酒樓地下剛好在拜神，於是地下和一樓近電梯位置煙味彌漫，把人薰得頭昏腦脹。雖然明白酒樓拜神想擇個良辰吉日，但顧客的用餐環境顯然未被顧及，個人覺得得不償失。今天來的時候是兩點左右，吃下午茶。吃過的點心之中，要數叉燒腸粉（大點）最差強人意，腸粉不夠滑嫩，色澤暗啞，倒比較像粉皮；叉燒肥瘦不均，肥肉居多，而且味道帶酸，不新鮮。銀蘿脆皮腸（特點），外觀還不錯，味道還好，但裏面的脆皮不夠脆，令口感有差。豉椒排骨蒸粉皮，份量十足，但粉皮吸收了太多油，太油膩。春卷一般。家鄉煎薄罉（中點），上菜時已經冷了，令口感沒有預期的好。魚肉釀茄瓜（中點），較正常，鹹度適中。雞蛋豬腳薑（大點），味道太淡，而且頗油膩。生煎菜肉包（大點），云云點心中較為可取，沒有烤焦或不夠熱，不錯。雙皮奶，不夠細滑，表面明顯有氣泡。我們一共叫了12-13個點心，結帳時大約是$270，價格適中。總括來說，這裏價格可接受，對附近街坊來說也很方便，但環境和食物質素頗差，以同區酒樓來說，一定不是