富臨酒家

营业中

休息中

香港是一個美食天堂，相信無人會反對，自己亦嘗試過很多不同國家的菜式，但如果要我選一個最喜歡的，中菜必然是我首選中菜烹調多變，煎炒炆煮墩焗，款式千變萬化，故在飲食界，中菜始終是佔有重要的席位這天約了兩老晚飯，地點當然是由他們決定，「富臨」酒家，老字號兼有不少分店，當然正合我意兩老在這區居住，亦是這酒家常客，說這裡招呼好，食落有感情咁話喎雖然我唔係住呢區，亦覺得這裡交通方便，地鐵站過來亦只是三、四分鐘腳程，如果是駕車人仕就更加便利，泊好車就可以升降機直達兩老一早已經開定茶等我們，未坐定就已經搶著介紹這個餸好，這個餸一定要試，看來這裡應該在他們心目中有很好的評價當我細看菜牌之後，普遍一些特式小菜定價十分親民，特別是有幾款超抵的招牌菜，例如：18元一隻「頭抽走地雞」，9.8元一隻蠔皇八頭鮑，呢兩樣優惠就當然唔會放過啦餸菜未到，閒話家常，又點少得啤一啤喎，22元一支啤酒，係酒樓飲喎⋯⋯心諗，今晚絕對唔使就住打頭陣嘅金銀菜白肺湯，侍應很快便分好給我們，清潤的湯底，火喉十足，白肺處理得乾淨，有圖有真相，呢個老火湯，不簡單啊跟住呢個頭抽走地雞，放大木盤內，單看賣相已很吸引，馬上相機📷先食，呃下Like

細個時學校帶小學生去旅行，長大了社區也會帶長者一天遊，爸媽今天去了慈山寺，黃昏時分去長沙灣社區中心會合兩老，順道和他們吃晚飯，老人家還是愛上酒樓，近近地就到了貿易廣場的富臨酒家我並不是這兒的街坊，也不知富臨是否新接手，只見酒樓裝修很新淨，燈光火著十分醒神，餐具亦十分乾潔，感覺不錯。精靈的兩老早已閱讀了枱面上的優惠，$18.- 頭抽走地雞，醬油鹹甜適度，還帶有點點酒香，雖然係冰鮮雞，但係家常便飯可以原隻奉上，平得來仲要好好食，真係非常震撼啊。靚女服務員推薦我們揀選廚皇小菜，價格優惠之餘亦係廚師推介。率先來個金銀菜燉白肺湯，時令金銀白菜感覺很清甜，豬肺處理得非常乾淨，湯底是以豬肉雞骨餚製，清澈不帶油，入口更是順喉滋潤，很有家的味道。扣鮑魚始終是酒樓師傅才做得出色，蠔油芡色澤光亮，鮑魚冬菇都非常入味，鮑魚略嫌不夠淋，但勝在鮮味搭夠一牒例牌滿滿的，每件都是中間靚位，清蒸不用大堆頭的醬汁，簡單的蒜頭豆豉，輕輕拌上醬油，不會喧賓奪主，反之更加突出鱔片的爽脆新鮮生煎菜肉包係畫龍點睛，食餸唔想食飯，就食個生煎包，生煎包呢啲酒樓大路嘢，一定穩陣呢個菜中西合璧，中國人過時過節愛吃元蹄，愛其橫財就手好意頭，

每年最滿足嘅一餐就係呢一餐~未來奶奶生日宴！！因為十八人食足十六個餸！！我哋去左長沙灣嗰間富臨酒家食呢一餐！！我最like嘅係脆皮原隻奶豬！！超級好味呀！！大大舊脆皮加埋肥肥嘅厚肉！！超正！！皮脆肉嫩！！原來食乳豬識食嘅一定要食奶豬！！跟住原籠花雕海生蝦！！碧綠醬爆龍鳳球！！玉環瑤柱甫！！無乜特別！！清蒸原條海星斑好滑！！金銀蒜蒸帶子, D粉絲好煙靭！！彈口！！我like 呀！！又嚟脆皮炸子雞！！脆口！！燒鵝皇, 西蘭花炒帶子, 鮮菌浸菜苗就一般！！燒汁煎焗南非鮑魚很大隻鮑魚呀！！入味又爽口！！砂鍋花膠鷄煲翅都有吾少翅呀！！湯底好有濃郁嘅鷄味！！樱花蝦海皇炒飯好有新鮮感！！有諗頭！！最後加埋原籠馬拉糕同養顏桂花糕！！為今餐畫上完美的句號！！

新年有人請食飯，唔使錢畀面都要出席，睇環境地方幾大，坐定定等開餐，首先有：鴻運金豬件伴素鵝，乳豬啖啖肉素鵝皮脆好足料發財好市大利，即係髮菜、生菜、蠔屎和豬脷 ，髮菜、生菜幾好，蠔屎有d實，豬脷唔夠腍碧綠蚌片帶子，象拔蚌爽囗彈牙，帶子鮮甜味美脆奶伴海鮮卷，炸魚柳幾脆囗，鮮奶就差d，做唔到外脆內嫩，鮮奶幾實紅燒竹笙雞絲生翅，竹笙和翅爽口嫩滑，稀傑度適中蠔皇花膠扣金錢，花膠唔夠厚身，口感唔夠，冬菇可以再腍少少清蒸沙巴龍躉斑，食落囗以為蒸得剛剛好好嫩滑，但食另外一面景然係熟過頭有d鞋蒜香脆皮燒雞，皮幾脆，雞肉幾有味生炒糯米飯，糯米飯食落有油益味，唔知係花生，還是其他嘢香燒伊麵，不過不失紅棗糕，糕不太軟身，唔夠紅棗味食完呢餐，覺得好壞參半

全間伙記經理 個個都迫人用澳洲龍蝦餐3xxx 12位.但結果都是叫左另一個餐，食物質素完全失敗，新年流流 上左碟 未煮熟的炸蝦， 裡面還是完全透明，炸子雞 無啦啦強迫換左 切雞，然後話賣曬， 跟全叫龍蝦餐的枱 就無啦啦有炸子雞。呢的酒樓已經無人去 仲做的咁無懶的野。不知所謂。

難食到呢！味精超重，食完勁口渴最好味係個柑，因為無煮過。餸菜油膩不在話下，花膠冬菇，冬菇果「丁」仲喺度，花膠以為自己食緊膠個羹係雞粉味的漿糊水，糯米飯的糯米成舊白飯都未炒爛，富臨質素真的差到，我寧願家中烚菜心煲白飯。

已經比足面 試左兩次一次午市一次晚市諗住富臨唔差得去邊但估唔到次次長沙灣呢間都唔好食六人份量龍蝦伊麵 面少過蝦又咸又唔好食面份量一人都唔夠一啖炸子雞凍 唔好食 劣爆翅好普通團年飯 一肚氣即係其實唔係高要求 話咩價錢要食咩野就算整定都好熱上好基本姐 係味？你hea我唔緊 但人地一年得一餐團年 就咁比你搞衰哂如果你係理唔到咁多客就唔好招待咁多桌員工行行企企見到野唔執 叫到都唔郁 真係一肚火要叫到部長 先有人過泥理一理呢度廚房真係唔多掂真係一次都唔好試

天氣轉冷，不得不去吃個火煱暖暖身體。约了要好朋友来此酒家，滿懷希望却令人失望而回。上到酒家，很快安排入座，向服務員点了椰子雞湯底及其他任食配菜。聽個湯底以為好好味，点知好似滾水咁，雖然一碟大大件雞件分開上，但放入湯內只有油多而沒有添加湯味。其他食物，肥牛唔新鲜，又黑又有瘀血，無味道可言。脆肉鯇魚腩變鯇魚，嚡口兼無味。反而蔬菜類，就值得一讚，清洗透徹，菜身幼嫰，點上調味醬，所有鮮味出晒來。食物中還有帆立貝，很少火煱食材會找到，所以不妨一試。

下午茶時段，酒樓內有嬰兒和小孩，竟然俾幾個人在酒樓内其中一張枱吸煙，令到酒樓內煙霧彌漫，空氣混瀆兼很大煙味！想請他們提那枱客人食市內不可吸煙，但他們竟然拒絕話這枱客人是老闆的朋友，所以有權在酒樓內食煙！而且食物也不見得好，夜晚的火鍋食材不太新鮮，肥牛顏色比較啡，疏菜也很多黑色，衛生也是很麻麻，味道也較差，服務也很求其呢，只有一歲幾的嬰孩完全沒有吃酒樓內的食物，也當一位計來收費！總括來說這酒樓真太差！

好難食..............................真係好難食...168的乳豬拼盤，得四舊乳豬都算，仲要皮林既，叉燒仲衰過20蚊飯盒嗰啲，最厲害係配煙鴨胸紅燒豆腐變壞酸左.....糯米飯出水...竹苼羅漢上素無炒過，就咁淋獻汁。。。。全部菜都好咸。。Will never come again..............................

話説我屋企人八點幾想出街食飯，咁揸左架車去富臨食啦，一入到去見到 冇乜人好似冇生意咁 都知好食有限， 行過啲枱見到每張枱啲枱布黃色一達逹已經覺得好污糟。 十幾個人行嚟行去又唔執枱。算，揀張冇咁污糟既坐低。叫左四個餸，其中有個餸，花膠鵝掌煲，啲花膠仲係硬架!垃圾! 叫左個砵酒蠔好似好大煲咁，食落去都唔差， 埋單嗰陣啲侍應又好似趕住收工咁，咁想返屋企執咗間酒樓唔好做囉! 點知個晚返到屋企就瀨野! 係咁又屙又嘔! 奉獻大家千祈唔好去嗰度! 真係好污糟

今晚諗住一家人食餐便飯，点知中哂伏，叫左個孖宝波士頓龍蝦芝士伊麵底配紅燒乳鴿，乳鴨有怪味宿宿地，放左好耐，龍蝦預左得頭頭尾尾不過咬唔開果下就......涼瓜煮蠔仔，偏咸，例牌燒鵝，咸到苦，豉汁蒸帶子，食左半粒鐘先話漏單，後加個泡椒鳳爪，無味，微辣，餐飯唔貴，三個人五百蚊到，不過老實講，情願比貴Ｄ好過食垃圾lor

春富草地綠🌿人臨夕陽紅。誰道鬧市無佳景🌹喜事重來應初春。此期推廣海鮮。f傳統廣東式薑葱焗蟹兩大隻，薑葱夠多，鑊氣十足，有大牌檔風味。更佳的是金銀蒜蒸三頭大元貝，金沙銀縷伴玉盤是我喜愛的煮海鮮法。詳細餐牌如下，沒有點選限制，我們吃了兩斤元貝殼:建議C2出口轉右入花圃，欣賞杜鵑美景，才以落日伴晚餐。

宣傳寫宵夜hot pot 9:00 至12:00 ，我哋10:00先start , 10:30同我哋講廚房收11:00 ，叫我哋11:00落晒單，11:00再嚟同我哋講可唔可以埋咗单先，可以繼續打㗎！俾完錢差不多11:15 左右，全部職員離開，關埋冷氣、鎖埋任飲汽水櫃、熄燈熄剩頭頂嗰支、仲要鎖埋大堂玻璃門，留噃個通宵看更系到。當時我哋第一碟到未打完，張枱仲有四大碟食物！

同班同事去富臨食個晏，但我自己就病病地，所以只可以食個粥同菜心. 菜心黎先既，都幾大盤，有蠔油同甜豉油兩種可以蘸點來食. 正正常常烚菜心，菜心都未算好嫩口，但可以一食，清清淡淡甘幾岩我依個病人.粥就後到既. 不過我食多幾啖就食唔落，因為偏咸, 個人唔太鍾意