富記飯店 (已結業)

次次黎得呢到，都比較夜，雖然旺角D食店開得夜，但係鍾意呢到坐得舒服，服務又好。呢到既黃金蝦好正，成隻食，脆卜卜。個炒飯都好乾身，大部份都好好食。

禽晚又嚟咗MK, 10點鐘未食飲,約埋波波n肥仔一齊嚟試吓上到去都幾多人, 好彩重有張梳化枱, 可以坐得舒服D......炸脆蜜瓜奶配春卷 - d脆奶依然好味, 春卷好似唔同咗味豉汁蒸鱔 - 味道正, d魚都好滑, 無蒸過火啫啫魚鰾 - 嘩個煲大到呀!(如圖), 有好多葱, 蒜頭和頗多魚鰾, 味道很好, 鈡意食魚鰾的 朋友可以一試金銀蛋莧菜 - 幾home feel, 好味椒 鹽鮮魷 - 無"蘇", 得中間嗰怱, 味一般, 椒監味欠奉, 不夠脆豉椒炒肥牛 - 都大大碟, 配蜜糖豆, 一般吱吱喳喳炒飯 - 雜豆炒飯......d飯都炒得乾身, 但自己不愛炒飯, 覺得普通兩枝可樂~~~大家又係食到好飽, d食物依然有水準...正埋單HKD645既然食咗兩次都有水準, 今次要俾個佢

十點幾先落到旺角～所以去咗富記～貪佢收得晏呀嘛～燻鵝：即係煙鴨胸，ｏｋ好食豬頸肉：太咸太熟太厚白灼唐生菜：ｇｏｏｄ北菇雞粥：ｇｏｏｄ醉雞：ｄ肉煮到好淋，普通雞絲粉皮：唔好食．．．炸雞翼：味道好似ｄ中式排骨炒烏冬：普通乾炒牛河：普通椒鹽豆腐：外脆內滑，ｏｋ啦好似係咁多～碟碟都係大慨$18-$22～要飲茶就另加十蚊茶芥～算係咁

禽晚10点鐘和波波n姨媽三人到富記試吓,因在openrice見到佢有炸蜜瓜奶, 特登來一試乳豬例牌 - 咁夜都重脆,味略淡好味豬手 - 真係幾好味, 甜甜地泰山五味骨 - 味偏咸, 普通豉汁蒸鱔 - ok la, 但欠果皮粉絲時菜浸魚鰾 - 用了節瓜, 多魚鰾, 味道似家常菜炸脆奶拼春卷 - 脆奶好味, 春卷裡面有芒果, 幾特別環境ok, 坐位舒服, waiter 服務ok, 有好多小菜選擇, 連柚皮的餸都有, 茶錢咯貴$10位.

同朋友慶祝生日一行6人去此飯店食飯當晚所叫食品如下：冰鎮芥蘭 - 碎冰上插上芥蘭比其他中菜菜色新法式片皮雞 - 上層片皮雞、中層鵝肝、下層炸饅頭，菜色新穎，不過味道一般 鴨舌 - 味道膿郁，好味過台灣紅蘿蔔粟米豬骨湯-好淡不夠火候炸鮮奶拼豆腐-炸鮮奶是蜜瓜,味道好怪;豆腐一般糯米蟹-都幾好味蒜茸蒸花枝-味道都幾好,不過花枝好梗蒜茸通菜-味道一般

原本去黃埔食飯，好大雨，所以近近哋去咗旺角，其中一友人就介紹去呢間。七點幾，好彩都唔駛等位……頭盤 – 滷水掌翼，滷得很軟身，口，帶點酒味，不錯……粉絲什菜煲 – 好一般既ok 之作……黃金沙蝦 – 蝦都幾新鮮和爽口，走油再加蛋黃炒，炒得幾乾身，雖然走過油，但唔覺得好肥同好乾，而且炒得乾身，除了 d 蝦腳外，差唔多成隻吞晒！古法芋頭蒸藕條 – 好簡單的餸，我諗最緊要 d 材料靚，可能唔係當，芋頭不粉。頂上的汁很咸，尤其是冬菇索咗 d 汁就更咸……醬燒排骨仔 – 有 d 似糖醋排骨，但佢細細粉，感覺上無咁膩，個汁都唔錯，都炒到 d 汁幾黏身，份量也很多我就覺得都唔錯，唯一係古法芋頭蒸藕條較失望。環境也 ok，唔算好迫，待應都ok，係唯一埋單時要求侍應給我有詳列食物的收據時遭婉拒，只表示公司規矩不能給我詳列收據，攪笑，~~~ 不過唔想嘈，算數！！

因母親大人生日，上星期五一行十三人到此飯店食晚飯，第一印象麻麻 ，檯與檯之間很"迫"， 而且十分嘈吵。好彩侍應招呼欣勤和食物質數都唔錯，就算食飽都沒有吹你走的情況，即時加分。當晚所叫食品如下：1. 冰鎮芥蘭 - 碎冰上插上芥蘭，買相精緻，有菜的清、甜、爽，和淡淡雞湯味，非常出色 $582. 冰鎮鮑魚 - 有冰鎮芥蘭伴碟，六隻鮑魚，不過不失，炎夏清新之選 $1283. 雞絲粉皮 - 可以不叫，個醬唔好食4. 原隻木瓜飯 - 細細隻木瓜，炒得D 飯好"煙靳"和乾身，需然沒有用肉炒，不過都好好味，適合清淡及素食人仕 $585. 雜菇伊麵 - 似一般乾燒伊麵，味道幾好，OK LA 6. 法式片皮雞 - 上層片皮雞、中層鵝肝、下層炸饅頭，菜色新穎，不過味道一般 $200一隻7. 手把骨 - 乾了少少，味道可以 $588. 臐鵝片 - 需然味道好好，不過唔係鵝片，係煙鴨胸切片 $589. 鴨舌 - 味道膿郁，送酒一流10. 鴛鴦豆腐 - 一半"是汁"帶子豆腐 ，一半珊瑚蚌豆腐，豆腐很滑，非常好味，全晚最正11. 椒鹽茄子 - 幾多茄子，味道唔錯12. 炒珊瑚蚌 - 一般酒家貨色，味道

母親節前夕，帶媽媽去試新野慶祝母親節。已預早一星期 book 位(有時段限制)，當晚仍很多人。雖然環境都似一般中式酒樓咁迫迫o地，但菜式係幾特別。大路 d o既菜式味道都 ok。其中我覺得最等別係法式鵝肝脆皮雞，底層係炸曼頭(半個)，上面鋪上一片鵝肝同一片肉連脆皮燒雞片。好特別o既味道~! 金沙焗蝦，蛋黃均勻，用夠細o既蝦做，成隻可連殼食!有新口味菜式可試，亦有一般菜式，不妨帶平時唔多試新野o既爸爸媽媽去試下。

一路很少出旺角搵食,經友人推介,決定一試.晚了去,都要等枱. 幸好有半圓梳化坐,至少舒服一點.法式片皮雞~ 特別之外,味道一般. 雞皮不脆,鵝肝不香. 手把骨~ 過了火,太乾身. 粉葛湯~ 飲落一般,唔足料. 冰鎮芥蘭~ 清清淡淡.

朋友都說富記不錯, 於是去試試. 叫了:燒腩肉, 鴛鴦豆腐, 金沙蝦, 糯米蟹, 炒芥蘭, 木瓜焗飯, 炸銀絲卷鴛鴦豆腐唔錯, 豆腐好滑, 配搭海鮮的鮮味. 但燒腩肉就麻麻, 唔夠熱, 肉太瘦, 其他都ok, 只係碟頭比較細, 份量唔多(相對價錢). 最喜歡前茶的泡青瓜, 好有麻香味.但我地最唔滿意係, 我地叫炸銀絲卷(menu寫有三條), 不需幾分鐘就來了一碟六個的饅頭, 我地以為外表係饅頭, 可能內裡仲係一絲絲, 點知唔係, 入面都係實崩崩, 就叫侍應黎, 話可能送錯, 但兩個侍應都堅持話呢d係銀絲卷, 係我地叫o既, 我地真係一頭煙, 後來其中一個侍應轉頭番黎話, 佢地d銀絲卷無貨, 所以用饅頭代替!!!!大佬, 咁一開始就唔好咁堅持話係銀絲卷啦, 搞到我地幾個好似唔知咩係銀絲卷, 而且三條變成六個(一般size, 似係超市可以買到個種雪藏的). 總之, 最氣憤係佢地唔老實, 冇就冇, 冇我地仲可以選擇食或唔食炸饅頭啊~~

跟親友吃頓團年午餐，由於遲到到，前三道菜沒吃到，倒是試了四小碟（鴨胸、雞絲粉皮、麻辣鳳爪、滷金錢腱）、粉葛豬肉湯、雜菌燴旺菜、燒鵝、褔建炒飯、紫米露那「麻辣鳳爪」係極麻極辣，很過癮；那「雜菌燴旺菜」的assorted mushroom 極出色，質地很可愛和有趣；那「褔建炒飯」亦出奇地美味。

昨晚睇完jacky concert, 見有免費巴士出旺角,就出o左去旺角搵食,我o既阿sir 想去食為先,但我唔想去,於是行呀行,遠遠望見呢度o既招牌,就o甘樣上o左去食.睇menu 話特價wor,但特價o左都要差唔多4~5十蚊,故算,叫了一個小食(好味豬手仔),3個菜和一個炆麵,一上臺,嘩,d份量少到正常份量o既一半都唔止,d味道,但係o甘o既份量俾o甘o既份量就過份喇,佢仲要加一呢! 我阿sir到最後仲要叫多個白飯.最後埋單共$203(2個人),但坦白講唔係飽囖.茶餐廳格局,酒樓價錢,我o地話過唔再去!

昨日去富記飯店食飯,因為我第一次去, 以為同富記有關,我地五個人先到, 叫左1. 脆皮雞- 冇叫法式片皮雞,因為覺得冇肉食,可惜脆皮雞皮都唔脆;2. 雞絲粉皮- 一般;3. 鴛鴦豆腐- 一般;4. 蒜茸豆苗- 一般;5. 燒腩仔- 幾好食,皮脆肉嫩,可惜唔夠每人兩舊;6. 生炒糯米飯- 都係一般;因為一個朋友遲到,之後,再叫了7. 魚湯浸娃娃菜- 有雜菌, 超少菜,湯比較鹹.8. 面- 要講主出場啦, $20 面,超細,大唔過餐具個碗,真係得'啖啖', 兩啖面. 又唔好味. 其間, 個茶壺有漏水,同個侍應講,佢話要慢慢倒,(其實我地都試過)然後佢示範,點知都係漏:-)飯後送紅豆沙,個侍應求其收兩碟野,就放糖水上. 服務麻麻. 計埋茶,芥,加一, 埋單要過七百元. 唔底. 我地都唔會再去.

由最美味開始排列:--(1) 泰式五味骨:好味到連骨都‘妹’埋;(2) 蟹粉小丸子:裡面有cheese添,正!(3) 辣爆雞中翼:爆得好夠,又野味;(4) 西米紅豆蓮子糖水:勁正!有蓮子心,食完以上三道菜之後必備!(5) 踏雪尋梅:可能要配合個名,加埋幾件餅乾上,其實,我覺得就咁食仲好味過加餅;(6) 冰鎮鮑魚:呢個賣相不俗,值得一試,係‘一’次就夠喇~~~(7) 吱吱喳喳炒飯:用牛油炒o既飯,視呼個人口味,本人卻不習慣耶~~~(8) 原隻木瓜焗飯:比較細隻,味道ok,但唔抵食;(9) 煎藕餅:較普通。

星期天練完歌之後一大班人一齊來了這裡午餐. 之前三個人來吃過一次晚餐, 小弟覺得還不錯, 但係文迪同亞妹就覺得麻麻.來到已經快三點了, 本來應該都接近落場的時間, 還好店方讓我們入去食. 成十三個人, 就坐係靠牆的一張大臺.要了兩個四人套餐, $238一客, 同埋兩個午市客飯套餐., $45一客. 即係共六款小食, 兩款湯羹, 十款主菜, 同埋兩款粉麵, 仲加埋甜品. 好豐富的一個午餐.咦. 點解午餐食得這麼多??仿鮑片: 5分, 吃落口淡淡的, 也不易咬開. 其實午餐也不用吃甚麼鮑片的, 為什麼要整個仿鮑片出來.泰式鳳爪: 6分, 奇怪地有個泰式鳳爪, 這裡不是吃中菜嗎? 吃了小小, 係真的幾辣, 受不了.椒鹽茄子: 7分, 比較好的小食, 炸得都好熱, 脆脆的皮, 加上茄子, 幾香口的.雞絲粉皮: 6分, 沒有甚麼麻醬的香味, 粉皮未夠爽口.川辣牛展: 6分, 也是辣菜一碟, 不過牛展的肉係比較實的, 不過也入味的.好味豬手: 5分, 點解叫做好味豬手, 係真的好好味嗎? 食落又唔覺, 個汁係怪怪的, 不太懂欣賞.老火煲靚湯: 4分, 是日例湯係粉葛蓮藕湯, 明顯係有師傅, 也不是