富記飯店 (已結業)

昨晚一行五人到此食肆吃晚飯試一試, 叫了以下食物:吱吱喳喳炒飯-$78 (幾好食)杏片芝士球- $88 (略嫌有點膩)手把骨- $68 (好好味, 幾香口, 賣相不錯)沙茶芥蘭- $48 (一般)另叫了3個小吃(炸豆腐, 煎薄餅及雞絲粉皮), 其中煎薄餅比較正, 其餘兩款比較淡.價錢服務o.k. 如果不是在旺角區時常咁超多人,下次會再光顧.

早兩晚朋友相約來到這飯店,以為去錯地方,跟一般的酒家不同,像一間餐廳又可望街景,環境不錯!門外又很多明星照,當晚就見EO2!點菜時一看菜牌跟一般酒家、酒樓的菜式有別!冰鎮鮑魚-賣相特別,還有鮮菓味道鮮美good!金沙蝦-蝦炸的剛好,金沙炒的很香!糯米吊桶-居然糯米可以放進魷鱼仔入面,魷魚作得香,糯米就一般!最正就係個吱吱喳喳炒飯-雖然材料冇物特別,但居然可以炒到咁香口咁好味!這裡招呼也不錯,起碼一叫就有人來應,同現在一般酒樓叫極都冇人理會好好多,價錢雖然比別的酒樓貴一點,但好一點的招呼又合理,有機會會再去試其它的特別菜式!

媽咪生日, 諗住同佢食餐好D啦! 到點菜時, 我地寫好晒D小菜NO., 個侍應居然叫我讀返晒個全名比佢, 真係比佢吹脹! 咁你地就唔好MARK晒NO.晒MENU度啦! 呢D所謂老店, 真係可以冇服務態度比人客?!吱吱喳喳炒飯- 普通~方魚肉碎泡飯- 幾好!鐵板蝦- 雖然係中蝦, 不過唔夠新鮮, 我DADDY話應該係雪藏~法式雞- 8件雞加件好似鵝肝再加法包, 好呃錢!5味骨- 有肉汁兼好入味, 唔錯~XO醬3層肉- 即係炒肉片, 唔掂!金銀旦時菜- 一般~踏雪尋梅- 炒旦白加D士多啤梨+蜜桃, 比左碟餅乾我地, 食落怪怪地~一般小菜都比較細碟, 我地一枱9位有D真係唔夠分囉~

弟弟推介,便來試下冰鎮芥蘭-太早上菜,芥蘭未冰鎮好法式片皮雞-雞夠脆,但加鵝肝又加麵包,畫蛇添足木瓜焗飯-聞到木瓜味,但食唔到,飯如果食到有汁的就幾香,但無汁的就又乾又淡煎藕餅-味道唔錯,但油膩左少少雞蛋焗魚腸-唔掂,非常腥!!!服務加茶和上菜速度得快侍應中,有個較年長的男侍應站在我們附近哼歌,真係頂唔順!

味道適中,清淡為主,不過量少,人多會不夠食;環境舒適,有梳化位,很好坐,坐得久也不會有人趕清枱;推介濃湯浸油皮,不太濃但入味,無渣,空口吃後也不覺口渴。

聽朋友講呢度唔錯, 專登過海嚟食. 點左雞絲粉皮, 好好食, 佢比平時加多左椰醬, 好惹味; 金沙焗蝦, 味道好但蝦唔夠新鮮, 啲蝦"梅梅"哋; 五味骨好香口但如果啲排骨彈口啲會更好; 杏片芝士球, 包住芝士嘅蝦膠完全無味, 得啲杏片有味, 唔掂; 法式脆皮雞, 最唔好食, 啲銀絲卷啉嘅, 中間仲有一大層鵝肝醬, 好唔夾, 唔要鵝肝醬仲好, 而啲雞又唔脆, 仲係該店推介, 唔平囉! 蒜蓉娃娃菜同沙茶芥藍,啲菜都係唔夠新鮮! 問侍應有咩好食, 只係識得叫你食佢哋嘅貴嘢, 問咩都答唔到我, 俾佢哋吹漲!!! 無下次!!!!!

記得以前幫襯過這飯店, 水準不似d人講到咁超班, 只可以話ok, 但最近光顧, 菜式大不如前, 同一個餸竟然可做到面目全非. 員工態度呢? 一樣跌watt, 係咪間鋪紅咗呀? 連d員工經理態度都寸過人, 叫十聲都無人應, 我係俾錢出嚟食飯, 唔係受氣！決定唔再幫襯！大排檔都好過佢.

因為要買攝影用品, 近月不時要到旺角. 雖說食店林立, 抵食的又有幾許? 而稍有賣點的亦會人山人海, 所以, 在這區搵食簡直係惡夢. 每次都只能隨緣, 這裏試試, 那裏試試, 也試不出甚麼好東西來. 今次亦係隨便試試這家新式粵菜, 環境尚算不錯, 杯碟也很趣緻. 只是充滿時代感的室內設計, 竟免不了入門處的關帝和土地神位, 頗為格格不入. 漂亮的杯碟也補救不了苦澀的茶水, 算是美中不足吧. 服務方面亦只僅可合格.隨便點了冰鎮鮑魚, 手把骨和法海蒲團. 食物的賣相是花了很多心思, 十分好看. 食味方面, 廚房的工夫只能說是普通, 手把骨調味雖是足夠, 但不入味, 最慘仲有雪櫃味! 法海蒲團的髮菜過鹹, 味道不平均, 中看不中吃. 反為冰鎮鮑魚絕對不差, 鮑魚肉質鮮嫩軟滑, 只差調味料不合口味(wasabi多點就好啦), 但已絕對食得過.想起這裏是旺角, 實在不能苛求甚麼. 有得食又食得落都算係咁囉.

今次行開個頭,求其搵間野食,去到唔洗等位,但要坐係門口附近,都無咩問題,3個人叫左幾味小菜,1.雞類,D雞CUT到係薄片,下面有D好似肝既,加BREAD係底3層,好(漏).食左一舊,無再食個肝既部份.2.豬耳...冷盤,我平時唔食..因為係街見到D賣相都幾核X..!但係哩間野就整到好靚..味道不錯.3.三色炒魚柳,魚柳無魚味,太細舊,炸左再細D,.食落去唔知食左咩,三色係青黃紅椒.,D甜酸汁..又係好淡...4.大蔥蒜鹽炒骨排...OH..又係淡而無味..D..蔥,蒜都可以無味...嘩嘩....5.海(哲)鴨舌,冷盤...海哲係我係哩5味餸最最最...好味...加埋白飯....我有DBS咭,但係上到黎睇先知有野送,點解WAITER唔題呢,又唔多覺門口介紹喎.....好多地方D WAITER都會講架啦.....太..遲了..不過唔會再去...

約了班好朋友出來食生日飯, 其中一位介紹了呢間飯店, 上網睇食評, 評價唔錯, 所以一試!準時7點前上去, 地方寛敞, 唔覺得迫夾, 裝修簡單整潔, 好過一般酒樓蓋地毯, 也較衛生! 等齊人落order, 發覺餐牌上有很多款美食, 當然點了馳名的鵝肝法包, 然皮唔肥, 脆卜卜, 鵝肝亦破香口, 唔錯! 五味骨, 味道像黑椒骨, 一粒粒黐在表面, 我就覺得無五種味, 只得黑椒味, 味道亦幾咸! 香芒威化炸蝦, 聽落好似好好味, 食落完全唔掂, 威化厚, 咬落幾杉口, 無料, 無香芒, 只得我最討厭的罐頭雜果, 無大蝦, 只得幾粒蝦仔! 搵笨! 椒鹽豆腐, 炸起細細粒易入口, 但可惜, 比起街邊的大排檔, 此菜好失色, 炸起食落明顯表面有一層粉包住粒豆腐, 唔掂! 唔滑, 得層皮! 海蜇彷鮑片, 我無預期彷鮑片似足真貨, 但好可惜, 佢唔講我一d都唔覺似, 我反而覺得咬落同賣相似打冷的魷魚! (橙色果d!) 好un呀! 焗魚腸, 幾好, 唔錯, 夠熱辣辣, 呢個我加分! 梅菜蒸芥菜, 食落普通, 無乜特別, 味道亦唔濃, 梅菜還梅菜, 芥菜還芥菜! 吱吱渣渣炒飯, 即場炒, 初食幾有鑊氣,

响旺角開餐，對小弟嚟講永遠係一個難題...老友記唔鐘意食西餐，中餐係唯一choice。神燈已退步，龍皇又太貴，又唔想去什麼潮樓或稻香之流，呢度已係唯一之選...join埋太太一齊，吃得更高興...老友未試過，最穩陣係叫番以前食過算OK水準嘅小菜...先嚟冰鎮黄鱔。絕對唔及以前吃嘅爽脆，絕對失望...自己實際絕不喜歡以如此手法來烹煮黃鱔，弄得鮮味全無，有如被去勢嘅太監...法式片皮雞保持水準，不過依然食完後覺得好"漏"...花雕炒麵係新嘗試。可惜唔覺有花雕味，麵雖夠爽但仍有少許鹼...梅菜粒蒸菜膽水準尚可...追加嘅煙燻鴨胸味道不俗，鴨胸肥美，煙燻味足，不過又係好"漏"...加埋一渣西瓜汁，一人百五大洋左右，算係咁la..

相隔個多月又光顧富記的新派菜.今次試了"法式片皮雞"真好味. 但本人係"雞" 王, 因此, 好味還好味. 只一口雞....我唔滿足!! 不過, 真直得試的. Haha當然, 老火湯係有料到啦好夠火喉...但, 都有少少味精(我覺得)!還點了羊腩煲, 味道好傳統又多配菜, 羊腩肉都夠份量只厭太"林"了!下次再去試其他的新款菜... 最好改善一下伙記的態度和好似太少伙記了, 只是高級的人員有禮貌有鬼用!!

total 8個人食飯,叫左: 黃金蝦--d蝦好細隻0下,不過都好爽,而且炒得好香墨魚卷--有8件,味道都唔錯,幾特別清炒豆苗--不過不失炒桂花蚌--個蚌又係好爽口,good! 咖哩芋泥海鮮--呢個咖哩都算係幾辣ga,不過其實唔太多料,成煲都係汁,應該叫個白飯送一送法式片皮雞--又係得8件,創意分滿分,不過無論係雞&鵝肝&麵包都係凍0既,呢度麻麻地沙煲--其實係一個雜菜煲,只不過加幾隻蝦&肥牛俾你自己落木瓜焗飯--好味!!好香木瓜味,夠熱,正!不過個飯好細jar... 吱吱喳喳炒飯--呢個就普通d,無乜特別呢度0既食物都幾有創意,質素都唔錯,不過可惜碟頭真係好細,0岩三兩個friend去多d,而且取價甚貴,果晚食完都只不過係半飽都要$110一個人....

以往憑著"新派中菜"掛帥的新食店, 不知騙了我多少次! 隔了好一段日子無試了. 前幾日想起去"富記"食煲仔菜同芥菜湯, 遲了一點...7.30到了已經要等位, 受不了朋友埋怨, 唯有話轉去新開那間試下. 其實, 早看過介紹知道係食新派中菜, 懷著戰戰兢兢心情試試.今次好好彩, 富記果然名不虛傳. 點了5度菜, 只有一度煲仔(京荵黃鱔煲)油多了一點, 其他的有...(法式雞件, 五味骨, 酸辣拉面, 例湯) 全部都有水準, 好好味. 特別係最普通的酸辣拉面, 一試就知有料到.地方環境, 服務都好!

新一年, 新開始, 基礎上到第二季了, 又是跟文迪同姊妹C晚餐的日子. 今次揀了富記.平日的晚上, 人客不多, 坐了在窗邊的梳化位, 是幾舒服的. 而度不像傳統的中餐館, 感覺是年輕點.小弟先到點菜, 揀了前三樣, 反而姊妹C後加的最好.茶皇薰鵝: 7分, 先來的茶皇薰鵝, 茶皇味無乜, 煙薰過的效果不大, 但味道幾濃烈. 鵝肉是瘦帶點肥. 還可以.砵酒焗生蠔: 8分, 生蠔是用生菜墊底, 只有4件, 賣88蚊, 係貴了點. 砵酒味不太夠, 生蠔淋上了相當多比重的醬油, 但加上生菜, 剛好充淡了那份過濃的感覺. 整體食味是不俗的.踏雪尋梅: 7分, 而碟即係芒果, 士多啤梨, 同帶子炒蛋, 加上芒果同士多啤梨係清新一點, 但兩樣生果都不是很靚, 偏向酸而少甜. 若果芒果同士多啤梨甜一點, 效果會更好. 而蛋亦未算很滑.而碟踏雪尋梅係另跟餅乾一碟. 但鹹鹹的餅乾跟並不夠甜的生果起不了化學作用. 姊妹C索性用踏雪尋梅來送飯.啫啫時菜煲: 8分, 上臺時竟是鐵板, 侍應耐心解釋煲仔很容易爆, 已爆了好幾個云云, 所以轉用鐵板上. 真係無奇不有.但這個鐵板啫啫時菜係相當美味. 加了XO醬去爆的