寶記豆花 (格蘭大廈)

营业中

休息中

見到店外肉鬆粢飯嘅相，突然有個熱辣辣即包油條鬆脆充滿肉鬆嘅畫面，所以買黎試試。點知粢飯係一早包好由蒸爐攞出嚟，食左一啖，感覺猶如一團黏性很高的粥唔知 點解黐得埋一齊被稱為粢飯售賣。 同老闆 細細聲講啲粢飯真係唔係好掂， 諗住佢可以改善，佢就話咁下次唔好叫粢飯👍店內其他豆漿燒賣等小食應該就正常嘅， 但如果有一樣產品咁難食就唔應該售賣， 老闆嘅態度亦都一臉不在乎， 鍾意挑戰 勇敢嘅食客可以 抱住挑戰紅豆軍艦壽司嘅態度一試 呢個難得一見嘅粢飯

打算買外賣但店員非常冇禮貌，以前一直都有去買外賣老闆對我都非常有禮貌。但今次這個經歷令到我不想再去買了。年紀大不是問題但請不要對客人粗聲粗氣！ 問店員關門了沒有，一句好無禮貌咁回答。唔需要受這些氣吧？

佢裝修咗兩日 搞到我搵唔到個早餐好去處 先知道佢咁緊要 其實花園道 唔係太多食肆開早餐 好多都係十點鐘打後先開工 咁呢一間基本上八點零鐘傾過 都肯定開咗門 最緊要係夠快囉 佢已腸粉燒賣粉果為主 呢啲簡單食物 達到咗早餐咁急趕時段嘅好處今日就高速整個豆漿腸粉 食腸粉記得同佢講少啲醬汁 因為佢醬汁落得好重手 題外話一個好好笑嘅地方 cd機架呢貼咗一張紙張 成日偷佢啲cd 希望快啲搵到個 神偷啦 不過咁細個地方竟然睇唔住就真係有啲奇怪 客戶環境估計有180呎

打完針又突然間好想食嘢😆行出嚟就見到呢間豆腐花店😍入去間餐廳望吓，雖然都唔算好大不過都滿晒人，望吓個餐牌好抵喎左揀右揀又想試呢樣又想食嗰樣最後都係揀咗個最普通嘅試吓先就係普通嘅凍豆腐花姐姐仲好好問我要唔要黃糖豆腐花梗係夾黃糖最正啦其實$15來講真係好抵而且個豆腐花都幾滑係覺得爭少少係唔夠環保因為佢係用膠兜另外我見到好多經文喺幅牆度應該係基督徒開嘅埋單嘅時候我發現佢哋仲可以用政府嘅消費券😆都幾好喎👍🏻

好鍾意食粉果❤️不過唔係間間都好食🤣太子呢當食過幾次連我嘅腌尖大佬都覺得呢間唔錯🤣隔咗一排冇黎到👉🏻👈🏻今日心思思過嚟食粉果有人鍾意皮薄有人鍾意皮厚😝但我就係鍾意佢嘅皮厚🥰煙韌又唔癡牙😋不過🤷🏻‍♀️感覺上佢嘅餡唔同咗冇之前咁好食🙈🙈你話難食又唔係但係同之前成個檔次爭好遠🤪🤪有少少失望魚蛋都係咁冇乜特別🧐正正常常🤣薑汁豆腐花🥰想食幾多薑汁都可以自己加🔥豆漿叫咗少甜👍🏻👍🏻👍🏻

一朝早去到太子，想食啲清淡冰涼嘅食物，行過花墟見到menu有齊我想要嘅野，就入去試一試老闆同老闆娘招呼好好，一入去已經俾咗個舒服靚位我，叫我慢慢睇想食咩 我叫咗個手撕雞套餐配無糖豆漿，加多碗凍嘅薏米銀杏豆腐花手撕雞腸粉味道正常，不過不失，重點係豆漿同豆腐花！用上加拿大一級黃豆，真係同supermarket 嘅味道好唔同，豆味濃啲。碗薏米銀杏豆腐花最正！完全食到食材本身嘅鮮甜，炎炎夏日食到真係好舒服，仲要老闆同老闆娘有禮嘅招待，真係要推薦

其實大豆就真係好有益 即係豆腐花豆漿豆腐嗰啲咁嘅嘢 　預防心血管病例如豆腐含有少量的脂肪，且主要是不飽和脂肪酸，還含有干擾膽固醇吸收的豆固醇和磷脂有益於大腦，豆腐中的卵磷脂，還有益於神經、血管、大腦。提高記憶與智力水平。豆腐含有豐富的植物激素—大豆異黃酮，改善骨質疏鬆、改善更年期症合症。補鈣很好的一種選擇所以我今日揀咗呢間餐廳 門面係一個轉角位 其實就好容易搵到 店舖入面呢就好細 我諗最多坐到十個人， 主要都係一啲輕型嘅小食 腸粉燒賣魚蛋， 不過佢嗰啲醬汁 落得好 重手 鍾意清淡嘅朋友記得喺醬汁前同佢講聲 最欣賞佢個燕麥豆漿 其實就係樽裏面放 兩匙羹燕麥 感覺又健康左

去完花墟總會去食碗豆腐花，尤其而家夏天熱到爆，一定會叫碗凍嘅豆花降降溫🥵寶記嘅腸粉聲稱係米芝蓮（？）供應嘅腸粉於是就叫左個細腸粉套餐，有3條腸粉，2粒魚旦，2粒燒賣同埋豆漿一杯，腸粉細細條，外型緊緻無散開，食落係幾好食，但略嫌太細卷，咬落唔夠豐富，而且醬料太多我覺得味道有啲亂，但總括嚟講都係好食的！其他魚旦燒賣都係普通品質，但喺食腸粉時又會好想好想食嘅嘢～豆漿好有豆味，但略甜左少少！另外個芒果涼粉豆花就好啱夏天吃！本身覺得涼粉還涼粉，豆腐花還豆腐花，但同行友人叫左就試一試！個豆花好有豆味，好嫩滑～但我都係鍾意熱豆花，涼粉切到細細粒，撈埋好香甜嘅芒果粒超級夾，呢啲芒果粒好清甜～好香芒果味而味道唔假，下次再嚟我一定會食吖～夏天去完花墟一定一定要嚟寶記！簡直係夏天消暑首選🦦

食完晚飯再到花墟買💐花, 回家途中, 見到呢間豆花店, 太好喇, 飯後甜品有著落。本身想食🥭芒果豆花, 然後見到淡奶豆花, 覺得好神奇, 原來淡奶可以配豆花, 連我呢個淡奶擁躉 - 老公都話未聽過。決定買碗黎試下, 不過唸一唸, 我地屋企長期有淡奶存貨, 所以最後決定買陳皮紅豆豆花, 拎返屋企自行加入淡奶。外賣盒SIZE偏小, 不過收💰$18一碗呢個價錢, 呢個份量絕對合理。佢令我唸起半年前幫襯過的銅鑼灣甜姨姨私房甜品, 外賣盒SIZE一樣, 但我印象當中佢無一碗糖水平過$40。對呢碗紅豆豆花的第一感覺就是自家製無添加, 食到紅豆同豆花的天然豆香。寶記豆花既紅豆是屬於比較粒粒分別既嗰種, 雖然沒有起沙, 但其實已經煮到非常之軟綿綿, 入口即化。 而豆花入口也十分滑嫩, 好味。唯一覺得疑惑就是店家是否比少包黃糖我加落D豆花度食, 味道太淡了。

🇭🇰 < < 寶記豆花 > > 温暖小店💰 [ <$50 ］👯 [ 5mins ]📍 [ 太子運動場道8-10號格蘭大廈地下AB號舖 ] ______________________________ 1️⃣[ 手撕雞腸粉套餐🍮 ］ʜᴋᴅ32✍🏻 醬料任君選擇 落晒之後好香最鍾意佢啲醬料唔會過鹹 🥳手撕雞用嘅係雞胸肉 健康之選🧘🏻‍♀️腸粉微熱 嫩滑 軟度適中 配埋佢嘅汁醬好正😝跟餐嘅豆漿亦好香豆味仲可以揀無糖 之後再加糖漿又得🤪仲係用加拿大飛基因改造黃豆🇨🇦好食又唔貴 用料上乘 唔錯唔錯😊🌟推薦指數：7.5/102️⃣ [ 粢飯🌯 ] ʜᴋᴅ20✍🏻 另外單叫咗一份粢飯分量十足 而且熱辣辣好正用料有油炸鬼 肉鬆 榨菜等粢飯最忌粒粒分明 😤但呢個嘅黏度啱啱好🤩而且調味適中 食完一個超飽🌟推薦指數：7.5/10______________________________🥑整體嚟講🥚兩位店員態度都好好而且喺旺角呢個地方呢個價錢係超抵行完花墟嘅話可以過嚟坐一坐嘆吓一碗豆腐花或者豆漿😋好味指數：7.5/10🏃回頭指數：8/10🔎🏷️ #letus九龍 #我要吃掉全世

凍食，加薑汁及冰糖會好味d。如果叫A至D餐會抵d，分別$25至30元。坐位不算多平日嚟坐下，享受個人時光，是不錯的。另外，店精選加拿大非基因改造、頂級黃豆，而且即場製造

今天早收工，見尚有時間，便去附近的花墟閒逛，行經運動場道與花園街交界，駭然發現有一間豆腐花店。裝修簡潔，室內燈光配合木製檯櫈均有時下文青cafe 的感覺。店舖供應豆花款式有十二款之多，另有豆漿、魚蛋、燒賣、腸粉等小食，並設有套餐A-D，任君選擇。不過上述這些都不是吸引我入來的原因，而是門口一塊黑板上所寫的推介:  " 麻辣雞絲腸粉"對於麻辣雞絲腸粉，我個人十分有興趣，因為喜辣，又愛吃雞絲及細滑的腸粉，這款小食簡直滿足晒我三個要求。所以點了套餐C連一杯豆漿不消一會手撕雞腸粉便馬上送到，仍是熱的，淋上麻辣醬汁，入面還有少少甜醬，白芝蔴；雞絲、腸粉的份量也不少，若果一人食應該會幾飽。這個麻辣醬汁 ~ 辣中帶微甜，辣度點到即止，醬汁很香， 非常惹味，辣、甜交替豐富了味道的層次；手撕雞肉用雞胸，雞上脾等廋肉製作，所以啖啖肉，很有咬口；腸粉雪白嫩滑，彈性適中。非常好味。不太甜，有豆香，但不算特出，不過不失這裏是一個不錯的歇腳地，行完花墟，倦了便來坐坐，花費亦不需太多，豆腐產品還是用加拿大非基因改造頂級黃豆新鮮製造，性價比高，下次再來一定要試下豆腐花先。

呢間野附近就係花墟，好啱行完過黎食少少野。叫左手撕雞腸粉套餐，豆漿加錢轉薏米豆漿，另加一碗豆腐花。手撕雞腸粉選了招牌醬汁，微甜微酸，幾開胃。薏米豆漿啲薏米沉晒底，好難飲到佢地😂😂不過唔甜，都幾好飲。豆腐花都算幾滑，可以自己加糖漿同黃糖。試左三樣野，全部都幾好味，都係用加拿大非基改黃豆，水準穩定又唔貴，算唔錯。

打完波，口痕想食下小食，行行下先發現新開一間小食店，被特別咸豆花吸引左入去，除左咸既，一般香港有既紅豆，茫果，姜汁，都有，仲有其他街頭小食，燒賣，魚旦都有，豆漿仲有無糖同燕麥。仲有位坐！真係五藏雖小，麻雀俱全！估唔到旺角仲搵到一個套餐仲可以2x元，價錢實惠先最重要！！講番個咸豆漿，真係第一次食，我起初初以為會好怪 食第一口已經好驚喜！小小脆既伴菜，加秘製醬汁，豆香，真係好好食！！幫襯小店，大力支持👍👍👍