影片
港铁铜锣湾站 A 出口, 步行约4分钟
继续阅读
电话号码
97703502
营业时间
今日营业
12:00 - 22:00
星期一至日
12:00 - 22:00
以上资料只供参考，请与餐厅确认详情
相关文章
男友預約星期日晚上6點半，預約都好爆滿，有點難約。餐廳主打 關西風的壽喜燒，即食肉食到滿足，再煮蔬菜及配料來食。 有別於關東風的類似火鍋做法。關西風食出濃郁肉味同香味，較原汁原味。個人都很喜歡呢個煮法。套餐包括前菜、野菜盛合、十勝A4和牛、蘭王蛋、日本米飯或讚岐烏冬、甜品，有3款套餐選擇，價錢$168-288。主要按肉的部位及重量來計，有赤身、肩胛、肉眼等部位，分別可選120g 或 180g，全部都採用十勝產A4和牛。前菜有辣味蜆肉，味道咸鮮又爽口。漬青瓜，微辣清爽又消膩。極上肉眼壽喜燒套餐 （180g） $288肉眼好靚，脂肪油花豐富，油花霜降，口感柔軟細膩，肉汁香濃，牛味濃郁，入口快要溶化，滿口脂香，大滿足。甜甜醬汁味好夾牛肉，咸甜剛好，沾蛋黃味濃的蘭王蛋食，令牛肉又香又滑。配軟綿綿日本米飯，超正。follow 社交平台， and post，hag 佢地， 就可以有免費赤身40g 或啤酒。食左幾塊牛肉，還可以追加不同部位的肉，最後才煮蔬菜盛合及烏冬，可加壽喜燒汁或昆布汁，自行調整咸甜味道。冬菇超厚肉，吸哂醬汁好正。蒟蒻捲同豆腐都很吸醬汁，蔬菜份量幾多。最後食埋彈牙滑溜烏冬，好飽肚。甜品係黃豆粉 及 抹茶粉的蕨餅，微微清涼，甜而不膩，入口慢慢化開，口感少少Q彈，柔軟順滑，好味。
继续阅读
「Suki Kansai」係一間喺銅鑼灣耀華街新開嘅關西風壽喜燒餐廳！餐廳採用北海道十勝產 A4 和牛🥩而且每款套餐用嘅都係唔同部位及份量（女仔可以揀120 g，男士可以揀180 g），各適其適，全日仲免收加一服務費添！餐廳入面裝潢以傳統關西風格為主，鮮艷嘅紅色作主調，再搭配簡約嘅日系木材，真係有啲似坐喺心齋橋入邊嘅小店到食Sukiyaki一樣🥰揀好心水牛肉之後，廚師會即場喺吧枱度將牛肉切片，優質嘅牛肉一片片放喺碟上面，真係令人急不及待想即刻試吓😋餐廳仲好貼心咁提供壽喜燒嘅煮食步驟，只要跟住指示去烹調，有得玩又有得食😊🥩極上肉眼壽喜燒套餐 (120g)，取自肋骨上方嘅部位，霜降般嘅油花豐富又平均，肉質柔軟細滑，滿嘴都係濃香甜美嘅肉汁！濃厚香醇嘅壽喜燒汁帶甜味，更顯鮮味呀！蘸上「蘭王」蛋液，平衡咗醬汁嘅鹹甜，又增添咗順滑口感！🥩特選肩胛壽喜燒套餐（120g) 肩胛肉嘅油脂冇肉眼咁澎湃，但雪花紋路分佈均勻，肉質比較結實又多肉汁，兩款牛肉都各有特色👍🏻每張枱都提供一枝「自家製壽喜燒醬汁」及一枝「自家製昆布湯」醇厚嘅壽喜燒醬汁，甜中帶鹹，完美地滲透進肉同蔬菜中，讓每一啖都充滿濃郁風味。清甜鮮味嘅昆布湯可以用嚟稀釋壽喜燒汁嘅濃度。前菜有兩款小食，一款係醃製蜆肉，另一款係木魚絲青瓜🥒野菜盛合陣容鼎盛，有滑豆腐、腐皮、鮮冬菇、白精靈菇、芋絲、紅蘿蔔、大蔥同埋紹菜💚套餐可以選擇讚岐烏冬🍲或者日本米飯🍚甜品有滑嫩且帶有彈性嘅日式蕨餅，一塊灑上黃豆粉，而另一塊則係抹茶粉，清新又富有香氣。飲品亦有唔少嘅選擇，我就揀咗「日本白桃汁梳打🍑」同「可爾必思梳打💙」，兩款都好清爽，同壽喜燒好夾！📣而家只要根據餐廳嘅指示完成步驟:1. 讚好或追蹤「Sukikansai壽喜·關西」社交平台2. 拍攝食物照上傳至 社交平台3. 於 Post / Story 內 Tag 壽喜·關西🌟即可免費獲得生啤一杯（白/黑）或 40g 和牛赤身一客！
继续阅读
這間新開的日本餐廳於銅鑼灣的耀華街，鄰近時代廣場，主打關西風壽喜燒，採用北海道十勝產A4和牛，而每款套餐均採用不同部位，全日更免收加一服務費。店內裝潢以傳統關西風格為主，以鮮艷的紅色為主調，搭配簡約的日系木材，開放式廚房設有廚師吧枱能欣賞製作過程。 現完成指定任務更可免費獲得生啤一杯和牛赤身一份。極上肉眼壽喜燒套餐(180g) - $288取自肋骨上方的部位，霜降般的油花豐富且平均，肉質柔軟細滑，滿嘴香濃甜美的肉汁，濃厚香醇的壽喜燒汁帶甜味更顯鮮味，蘸上蛋液平衡醬汁的鹹甜，又增添順滑口感。手切和牛封門柳套餐壽喜燒(180g) - $258取自橫膈膜的肌肉，肉質結實有嚼勁，大理石般的油花分佈同樣豐富，有豐富的肉汁之餘，又有深厚的牛肉風味。前菜兩款漬物為鮮甜無汁的蜆肉及爽脆的青瓜。野菜盛合滑溜的軟豆腐、細膩爽滑的腐皮、爽滑彈牙的香菇、紅蘿蔔、香蔥及新鮮翠綠的蔬菜。蘭王蛋蛋黃呈橙紅色，蛋香非常濃郁，標榜可以放心生吃。讚岐烏冬較稻庭烏冬粗壯結實，質地煙韌彈牙，能吸飽湯汁精華，或可選日本米飯甜品煙煙韌韌的日式蕨餅，有款黃豆粉，另一款為抹茶粉。日本白桃汁梳打 - $28日本巨峰提子汁梳打 - $28梳打水豐富的碳酸氣泡好清爽，又有濃厚的水果香甜。
继续阅读
唔知大家鍾意食關西風定係關東風嘅壽喜燒呢呢？😎 我自己就最鍾意食關西風啦🥰 我覺得可以更加品嚐到牛肉嘅味道😌 知道銅鑼灣耀華街最近新開咗一間關西風壽喜燒專門店，梗係要去試吓啦😌 紅色嘅招牌好醒目，仲好有日本小店feel，未食已經信心大增🤣 再睇埋價錢牌，原來好抵食，仲要係用北海道嘅靚和牛🤩🤩 🌟極上肉眼壽喜燒套餐（十勝產A四和牛肉眼 180g大盛 $288） 呢度可以揀細嘅120g, 或者180g, 我哋咁大食梗係揀大盛啦😎 呢個套餐已經包咗前菜，野菜盛盒、蘭黃蛋同白飯或者烏冬，甜品😍😍 一定食得飽😛 店員會好細心咁教我哋點樣整最美味嘅關西壽喜燒🥰 先係平底鍋中加熱牛肉脂肪，加入大蔥煎香😍 然後將牛肉煎約3-7秒✅ 加入店舖特製醬汁🥰 日本十勝A4和牛雪花勁靚，勁均勻，油香滿溢, 肉質鮮嫩入口即溶，雖然邪惡但係好正🤩🤩 180g 真係大滿足😍 最後加埋蔬菜豆腐等配菜一齊品嚐😍 再配埋個日本米飯，嗰種滿足感真係不能形容😏🌟特選肩胛壽喜燒套餐（十勝產A4和牛肩胛 180g大盛 $238） 肩胛肉嘅油脂冇肉眼咁豐富，但雪花紋路都好均勻好靚，口感較結實，肉味超濃🫶🏻 兩款我都咁鍾意，都係大滿足🥰 🌟生啤 （黑/白）店家同我哋講呢度嘅啤酒杯專門以零下-30℃雪櫃冷藏，勁chill🤩🤩🤩 頭幾啖會飲出一層薄薄嘅啤酒冰雹😍 勁特別😎 啤酒溫度長期處於低溫狀態保持口感之餘，亦同高溫壽喜燒構成相映成趣嘅冷熱交替體驗🤩 連飲杯啤酒都咁有儀式感，真心正👍 鍾意食關西風壽喜燒嘅朋友一定要嚟試吓，包你滿意，真心推介呀 🫶🏻
继续阅读
0 浏览
日本和牛脂香軟滑，百吃不厭，今日帶媽咪到銅鑼灣這家關西風壽喜燒專門店「壽喜・關西」吃午餐。採用北海道十勝A4+和牛，在清澈水源及温和氣候下長大的牛牛，獨特的大理石花紋，見者垂涎三尺，肉質豐腴。坐吧枱角落，見到切牛肉機在面前切割，更加食指大動，這一餐真是大滿足！主要有三種部位選擇，我們刻意點了肉眼及肩胛分享，我最喜歡前者軟滑非常，入口即化；而肩胛就富牛肉的嚼勁，不同的感受。極上肉眼壽喜燒大餐（180g 大盛）$288特選肩胛壽喜燒大餐（180g 大盛）$238千祈唔好睇漏呢個優惠：做齊以下步驟即可免費獲得生啤一杯（白/黑）或 40g 和牛赤身一客！1. 讚好或追蹤「Sukikansai壽喜·關西」FB / IG2. 拍攝食物照上傳至 IG 或 FB3. 於 Post / Story 內 Tag 壽喜·關西舉手之勞，沒有理由不參與，赤身亦非常嫩滑。這裏是自己動手自己煮，無需擔心，圖文並茂烹調程序，按照自己的進度吃，合我心意。關西風的壽喜燒，醬汁偏甜，湯汁比較少與火鍋不同，我向來更加喜歡。餐廳用的是自製醬汁及湯汁，味道濃郁，恰到好處，沒有過甜。套餐更包括前菜、蘭王蛋、野菜盛盒、日本米飯或烏冬。手工和牛餃子 $28我們更追加了和牛餃子。和風環境，木系溫暖，服務禮貌，免收加一！
继续阅读