壽記海鮮酒家

营业中

休息中

天氣涼返啲，最好出郊外行下，嚟到南丫島通常就會食壽記。一入門口會有正常室內嘅座位，不個最吸引嘅當然就係一直行出去嘅海景位，佢個方位望正碼頭，真係隻船嚟到都睇到😆椒鹽鮮魷上枱熱辣辣炸得好鬆脆，啲鮮魷好嫰唔會咬唔開，調味惹味得嚟又唔會搶喉。海鮮粉絲煲聽菜名可能以為係有汁獻嘅煲仔菜，但其實佢係用煲仔飯嘅方式煮粉絲，所以佢煮出嚟啲粉絲非常乾身，食落爽口，雖然海鮮嘅份量就真係唔多，只係有少少蝦仁粒同魚肉粒，不過粉絲嘅味道同質感真係好精彩，單食粉絲已經好滿足。當日食客都好多，室外位滿座好熱鬧，希望香港食肆繼續生意好！

看着有不少当地人帮衬，就选了寿记。中伏！点了4只濑尿虾（香港标准8两）280，1碟菜心88，一个例牌炒花甲128，半只鸡158，买单770。海鲜常规，除了贵没啥特别，花甲也不是很新鲜。鸡就一言难尽，倒贴158给我都不愿意吃。水平跟大陆10元快餐差不多。还收10%服务费！！国外收服务费是寿记收服务费的理由！ 尽量不要在岛上吃海鲜吧，这是我的忠告。不如去外国人开的西餐馆，碟头饭，八九十一份，好过无底洞的海鲜，又不是当地捕捞的。

洒家內的環境舒適，可以選擇出面望海地方進食，除左招牌小菜之外還有每日時日午餐，價錢不錯份量夠大，我點了蛋蒸飯，蛋有粉絲。加少少錢還可有氣水，冰底一杯和氣水分開，十分有風味，坐外邊還有海風涼涼吹著，而且嘢食味道10分清香，比較淡而有味，不太油膩。

4個月前黎過食午餐，當時覺得十分驚喜，相隔4個黎食晚餐，都無令人失望👍🏼 小菜出式，服務熱誠。是晚最具特色的，係久違嘅味道，蘿蔔牛腩煲，食得出唔係冰牛，蘿蔔香甜，牛腩林入味，有筋有肉，十分欣賞😋 其他小菜都好出色😉

喺南丫島發現咗間海鮮酒家，壽記嘅聲勢可能唔及隔籬架，但食物質素絕對喺線上呀！平靚正嘅海鮮大餐，由頭盤嘅爽滑聖子起，每一啖都鮮甜過癮。炒蜆嘅話，哎喲，蠔油香味揮發入口，蜆仔爽口得滾，嗜辣一族可以試吔，別有一番風味。扇貝呢，一口粒粒蒜蓉的碧綠，一口鮮美肉質，好食到停唔到口！🤤至於生炒糯米飯，綿密之餘又帶啲Q彈，令人食指大動。啲粒粒米飯爆香，打底喺下面嘅肉沫嚟，仲有味道剛剛好嘅蝦仁🦐，糯米飯一絕！等咗半個鐘真係值得，廚師手藝真心插旗。點心方面，個牛柏葉令人驚喜連連，叉燒包嘅烤焦香，湯餃嘅湯汁鮮美，都係驚為天人。整體感覺，氣氛休閒，食物新鮮，價錢平，仲要係海邊感受迎面海風，吹得人太舒服，真係一個食高返您口福㗎！😌👍

星期日心血來潮入南丫島行山，居然人流唔多，估計大部分人外遊或北上。坐中午船由索罟灣起步行，約2點幾3點，去到榕樹灣覓食，本來想去書蟲西餐，但要等位，最後改去食中菜，隨便路過見壽記，一開門，d冷氣已經攻陷我哋心境，先黎冰凍汽水，再慢慢點菜。伙記無推銷海鮮，反而同我哋講有炒粉炒麵食。我二話不說先點豉油王炒麵，椒鹽鮮魷，煎咸魚肉餅，其後再點乾炒牛河和啫啫通菜煲，5個人share份量十足。不得不讚整體食物調味適中，最欣賞不會過咸或油膩。尤其兩碟炒麵炒河😀👍🏼 碟底無油，河粉不會炒到碎，豉油香又夠鑊氣，連平時少食粉麵個仔，都話添食😌 個煲啫啫通菜煲，通菜爽脆，蝦乾鮮甜，仲有幾片豬頸肉搭配，熱辣辣放上枱，香氣撲鼻😋稍為無咁好食既咸魚肉餅和魷魚，雖然唔夠個3碟好，但都未至要投訴，魷魚炸得好，可惜魷魚無鮮味，似急凍貨，咸魚肉餅唔like佢係炸，無咸魚香味，得咸味。整體而然，下次入嚟會再幫襯。亦要一讚伙計有禮，期待下次入嚟試埋牆上既能手小菜。

南丫島渡假的一晚，滿懷希望想食一餐豐富的海鮮晚餐。在網絡上尋找餐廳，最後選了這一間。網環境幾好，炒新鮮中蝦不錯，辣酒煮花螺辣得過瘾。不過揚州炒飯麻麻，不夠乾身。原本想食椒鹽瀨尿蝦，不過瀨尿蝦，太太有點兒失望。總體食物還可以，不過太少海鮮款選擇。

自從年初轉左手之後，呢間餐廳嘅水準完全提升，燒味係喺廚房自己燒，每一次隻燒鵝都係熱辣辣，特別燒腩仔皮脆肉滑多汁，每一次都會嗌。我本人最鍾意食佢個炸饅頭，因為佢啲炸饅頭嘅質地好煙銀，聽講都係廚房自己差粉，唔係就咁買返嚟炸咗佢。以最平凡嘅鹹魚雞粒炒飯都非常出色，抄得夠乾身，蛋花分布啱啱好，有鹹魚香，有鑊氣。另外推介嘅係芋頭南瓜煲，個重點係上面嘅芹菜同埋適量嘅椰汁，次次都食到舔舔脷。鍾意睇海景嘅可以坐出邊吹下風扇吹下海風，鍾意涼冷氣嘅又可以坐室內，任君選擇。

上星期六12點到左南丫島行入少少見到壽記坐低諗住叫海鮮食(坐海景位)點知見到有點心叫， 價錢都唔係太貴廿幾蚊有一籠啲點心真係食得出人手做而家好少點心係師傅整個牛柏葉炆得好淋好好食灌湯餃真係有驚喜仲有傳統嘅叉燒大包海鮮方面墨魚好濃味， 真係好鮮從來都冇試過食墨魚原來可以有咁嘅鮮味!真係好驚喜我哋亦都嗌咗一條紅魚條魚好大條 四個人一定夠食同埋師傅炒餸好有鑊氣價錢喺南丫島都算好合理!個海景嘆海鮮再加啤酒吹住海風都幾relax

We came during CNY holiday and didn't expect much. Instead we have had a great meal with very good value. And everyone ln staff was great despite the very busy lunch period. The squid with salted egg yolk was tasty, and the large clam stir fry came with a decent portion. You would expect a restaurant on an island to be better at seafood, but as it turns out the really stand out dish is the roasted pigeon. Must order!

隔幾年黎再去南丫島又去番壽記，不過d伙記話轉左手。疫情之下有個海景望下，d野食好好食。 由其黃金鮮魷，炸得勁通透又唔油。6個人食都係每人3百零！扇貝用左d炒過既蒸蒜蓉撈埋個炒飯一流！過左疫情一定要再黎因為希望可以坐低睇埋個日落唔駛6點走就最好啦。

入黎南丫島點都要食下海鮮，見到依間餐廳有海景坐位決定入黎試下😊😊依個瀨尿蝦非常鮮甜無得輸貴妃蚌都蒸得岩岩好，幾爽口，唔韌豉椒炒蜆無咩特別🙂🙂蒜蓉蒸鮮魷都幾好，唔韌又夠香最後依個海鮮炒面，好似淡左啲海鮮質素幾好，不過都算價錢偏貴餐廳啲職員幾好人，有講有笑，最好笑係同我講話依度專做遊客生意，價錢係貴啲，仲推介左第二間餐廳俾我添🤣🤣🤣🤣仲教我下次入黎南丫島應該去邊度玩個人覺得如果專做遊客生意黎講，食物質素算好ok

唔知點解覺得去離島就一定要食海鮮，平時去親長洲都會，所以今次去南丫島都特登搵間海鮮黎食下。入到去先發現原來同長洲既價錢差天共地，不過既然都入左黎，就姑且試下啦。其實個menu都無咩用，純粹比你知餐廳有咩食，因爲海鮮大部分都寫時價。鮑魚仔最少要叫4隻，$40一隻，我地得2個人話怕食唔晒，佢竟然同我講係好細隻，唔怕。但最後因爲都唔知可以叫咩，所以覺得貴既情況下都叫左。同佢所講既一樣，係好細隻，真係好貴。蟹肉蛋白湯係完全無味，唯有自己加胡椒粉。所謂的蟹肉一大鍋講緊得幾粒，其實全部都係得蛋白。蒜茸粉絲蒸扇貝叫做正常，扇貝偏細粒，但都係貴。最估唔到最好食係碟雞，雖然個賣相不太好，但雞肉嫩滑，d菜吸收晒雞既味道。總括而言，食物好一般之餘，價錢係貴到好唔合理，唔會再係南丫島食海鮮。

餐牌上海鮮全部寫時價，餐廳內亦無任何明碼時價。詢問店員，一隻普通蟹要價近400蚊，一條魚價從300-500不等。由於價錢太貴，隨即轉去睇蝦貝。店內展出嘅蝦同蜆子都唔算新鮮。叫咗一碟豉椒炒蜆，不但辣味很重，仲食出泥沙。食完行山時腸胃便覺得不適，之後想想可能辣味咁重就係為咗掩蓋食材唔新鮮。今次南丫島旅程真係比呢餐飯搞衰！因為之前去長洲時，二三百蚊就有兩三個送，另送時蔬，送都可以隨意選，味道又新鮮。我地返程係索罟灣乘船，發現索罟灣鋪頭又多美食又多。反而以「商業街」著稱嘅榕樹灣，鋪頭又少質素又差。建議大家以後食飯可以考慮去索罟灣。

第一次嚟到榕樹灣食海鮮，打開openrice睇下邊間食評比較好，睇完大部分都係負評多過正評，終於搵到一間13比11，正評多2個。入到最入有個海景區，環境不錯但冇冷氣，夏天都食到一額汗海鮮選擇都算多，不過價錢真係好貴，賴尿蝦$35一両，貴妃蚌$50一隻，蜆$168一碟例牌，基本上冇一樣海鮮價錢算合理。最終點左五個菜，南乳什菜粉絲煲，無味兼且煮得好淋，菜又老又爛。蜜椒牛柳粒，尚算可以。椒鹽鮮魷，唔夠乾身粉太多無咬口。油鹽水蜆，配料小煮得唔好食。蝦乾鹹肉韭菜花，菜好淡但蝦乾好脆好鮮味，係成餐飯嘅亮點。最後叫左兩碗雲吞，亦係全晚最滿意最好味嘅。