將軍會館

营业中

休息中

新都城將軍會館的價錢大眾化，小菜種類款式均很多。花膠螺頭爵士湯 羊肚菌花膠燉螺頭 燉湯真材實料，湯料很多，花膠有足足完整一塊，湯味非常濃郁鮮甜，喝下去感覺很順滑滋潤。老壇酸菜魚 酸菜魚一大盆的份量不少，海鱸魚魚肉雪白厚身，並無細骨，鮮甜嫩滑。酸菜清酸爽脆，其他配菜尚有枝竹、萵荀、大豆芽、雲耳及薯粉，十分豐富及飽肚。  酸菜魚的魚湯不油，酸菜香料辣椒比例恰當，麻辣開胃。紅酒燴牛肋骨 牛肋肉完整的由牛骨起出，牛肋肉大小厚薄適中，肉味香濃有彈性，膠質豐富。

難得放假提早晚飯，到左新都城三期1樓的#將軍會館， 6點到左唔使等位，真係早食早享受😎。花膠螺頭爵士湯，湯足料花膠很軟淋，飲落夠熱很清甜，感覺滋補又養顏☺️。古法羊腩煲做緊特價，只需$138/煲，尚有生菜附送，真係非常之抵食，羊腩肥瘦適中，有好多舊，皮下脂肪煙韌又有咬口，煮得淋身又入味，醬汁正宗香濃亦不會好鹹，調味得恰到好處，配料有入晒味的枝竹、冬菇同爽口馬蹄。蒜蓉雲耳蒸頭腩，鋪上蒜蓉及蔥花，魚肉新鮮肉質非常嫩滑，豉油淋在蒸好的魚上，很好吃😋。鮑魚滑雞煲仔飯，鮑魚柔軟鮮嫩，滑雞調味都剛好，倒入豉油拌勻等一陣後先食，焗得很香，仲有香脆飯焦😋。

來到將軍澳新都城中心的大型商場入貨，路過這間餐廳，看見廣告牌推薦各種不同孖寶套餐，決定內進晚膳。餐牌上的食物，琳瑯滿目 可盡情挑選，決定選了兩個套餐超值孖寶和虎杉斑孖寶：超值孖寶：熟成脆皮燒雞(半隻)~ 簡單的調味醃得適中，雞肉鮮嫩，皮脆肉滑仍不失其水份。清炒河蝦仁~蝦仁鮮嫩爽口又彈牙，配上香滑的青豆、 紅蘿蔔粒、粟米，不需任何調味已惹味十足。虎杉斑孖寶:清蒸虎杉班(一條一斤)~蒸得鮮美，火喉恰當令虎杉班入口嫩滑，配了足夠的薑蔥絲把魚的鮮味昇華不少。鮮果咕嚕黑豚肉~無骨的黑豚肉炸至外脆內爽，有嚼勁，配上青椒、紅椒、紅洋蔥及菠蘿，味道更突出，令人垂涎欲滴。這間餐廳地方寬敞，感覺舒適，還有卡拉OK房，聚餐消遣好去處。

家人生日, 我地要出力搵下有咩好地方. 細佬提議去將軍澳食中菜, 試下呢間食店係咪真係咁好, 因為食評都好正面.當日去到, 酒樓面積都幾大, 我地坐近廚房起菜果邊. 係開放式, 好光亮, 見到東西放得幾整齊. 仲有呢度無限時, 可以吹下水.員工係有禮貌, 只是有時不太主動加水和揚手都無人理.呢度茶水有得揀玄米茶, 幾香, 即使沖了 5 壺, 仍然喝到玄米味, 正~今晚我地叫咗 9 餸 1 湯:1. 咕嚕黑豚肉 : 甜酸度適中, 黑豚肉不實, 不錯~~2. 香茜素雞 : 呢個就不值啦…….只係買 D 素雞卷, 然後加 D 香油和香茜, 太無技巧……….3. 花雕醉雞 : 香濃、嫩滑, like~4. 脆皮燒雞 : 5 掂, 未試過食燒雞食到牙軟, 真係幾 “鞋”又實5. 黑蒜海鮮豆腐煲 : 海鮮只係得 D 帶子粒仔, 同埋少少蝦粒. 豆腐也是細細粒, 整體來說，太削6. 長腳蟹肉帶子賽螃蟹 : 蟹肉 5 多, 味道還可以~7. 龍躉斑兩食＞西蘭花炒球 : 西蘭花多但無味, 炒球少但 OK＞椒鹽頭腩 : 對比蒸頭腩, 蒸好味 D, 可以食到魚味8. 花膠螺頭爵士湯 : 湯好滾熱, 入味~9

將軍澳新都城真係好多嘢食選擇，今晚同朋友去咗一間中式得來又有少少fusion嘅餐廳食飯。食物選擇都幾多，我哋主要叫小菜，另外發現呢度都有機械人送餐，好得意。花膠爵士燉螺頭湯：濃郁的螺頭湯以花膠提升口感，香氣四溢，而且仲非常滋寶！鮮果咕嚕黑豚肉：嫩滑的黑豚肉搭配咕嚕醬汁，菠蘿好新鮮，整體味道甜酸可口，令人食慾大增！清蒸虎杉斑：虎杉斑新鮮，魚肉鮮嫩，蒸魚豉油甜甜的，將配上蔥花，味道不錯。鮑魚滑雞煲仔飯：鮑魚切成條狀，易咬Q彈，雞肉滑嫩，重點係有香脆嘅搭配煲仔飯飯焦，相當吸引！

放工後到了將軍會館用餐，被他們的菜單所吸引，每款菜式都精緻又獨特，餐廳裝潢也夠寬敞別緻，坐得舒適。花雕醉雞這道菜以嫩滑的雞肉為基礎，融合了花雕酒的香氣。每一口都充滿了濃郁的酒香，令人回味無窮。雞肉保持了嫩滑的口感，結合了醉雞特有的醇厚風味。西蘭花龍躉球以新鮮的西蘭花和龍躉球為主要成分，烹調得恰到好處。西蘭花保持了脆嫩的口感，搭配著鮮美的龍躉球，口感豐富多樣。蔬菜的清新和海鮮的鮮甜在口中完美融合。柚子蜜蝦球以鮮嫩的蝦球為主打，搭配了柚子蜜的酸甜味道。蝦球經過炸製，外脆內嫩，非常美味。柚子蜜的酸甜味為菜品增添了一層清新的風味，使整道菜更加開胃可口。鮑魚滑雞煲仔飯以鮑魚和滑雞為主要材料，搭配著飯粒一起蒸煮而成。鮑魚的鮮甜和滑雞的嫩滑相得益彰，每一口都帶來豐富的口感。飯粒吸收了鮑魚和滑雞的鮮味，讓整個菜餚更加香濃。將軍會館的菜品給把傳統的食材和烹飪技巧與創新的味道相結合，呈現出獨特而美味的菜式。下次要再約埋屋企人前來用餐。

前排同男朋友行開將軍澳，突然有啲想食叫餸食飯。就去咗試一試呢一間將軍會館，呢度嘅菜色幾豐富。就去試咗幾款招牌菜。首先我地試咗鮮果咕嚕黑豚肉，黑豚肉煮得剛剛好，肉質鮮嫩多汁，再配上鮮果咕嚕醬汁，味道酸甜可口，真係好開胃。之後，我哋嗌咗餐廳嘅招牌菜─鮑魚滑雞煲仔飯。將軍會館嘅煲仔飯真係一絕！煲裡面有滑嫩嘅雞肉同鮑魚，煲飯底層有一層金黃鬆軟嘅飯，飯粒吸收咗雞湯同鮑魚嘅鮮味，每一口都好香濃，令人回味無窮。另外，名將牛柳粒都係一道值得推薦嘅菜式。牛肉粒炒得香口嫩滑，伴隨著微辣嘅醬汁，好開胃味。每一粒牛肉都充滿咗鮮味，入口即化，真係令人欲罷不能。除咗以上嘅招牌菜，將軍會館嘅花膠螺頭爵士湯亦值得一提。湯底濃郁鮮美，花膠同螺頭嘅鮮味融合得恰到好處，喝落暖身又滋味十足。將軍會館嘅菜式不僅好味，服務亦都非常出色。工作人員態度友善，細心又有禮貌，時刻關注客人嘅需求，令人感到舒適自在。總括而言，將軍會館係一間令人回味無窮嘅餐廳。不論係鮮果咕嚕黑豚肉、鮑魚滑雞煲仔飯，定係名將牛柳粒，每一道菜都充滿著正宗粵菜嘅風味。如果你係食家，一定唔能錯過呢個好去處。下次再嚟將軍澳，我一定會再次光顧將軍會館，品嚐更多美食！

晚飯在「將軍會館」，再嘗香味清新的玄米茶，茶味絕佳 。兩款開胃小食：雞絲粉皮~可以「撈起」的滋味冷盤，好吃又好彩頭。水晶肴肉~江蘇鎮江的一款特色菜，清清爽爽的口感，極受歡迎。兩款小菜：椒鹽火箭魷魚~俗稱火箭魷，原來是中國槍烏賊，口感非常爽脆，配合椒鹽烹調，十分完美。炭燒泰式豬頸肉~燒豬頸肉前已經用泰式醬料醃入味，吃起來極具泰式風味，喜歡更濃郁味道，可蘸泰式醬汁吃！天山雪蓮菜苗~很吸引的新菜式，我們楝上湯灼，菜苗有點兒像椰菜，但它比椰菜更好吃，菜苗是大大片片的，有嚼勁口感，却很嫩滑，用金蒜上湯灼，蒜香冶味。豉椒排骨煲仔飯~雖然上次飯香四溢的豉汁白鱔煲仔飯，令我念念不忘，但今次點選豉椒排骨煲仔飯，肉排腍腍軟軟，白米飯滲入肉汁、豉汁與豉油汁，美味無比，吃到底...還吃到心儀的香脆飯焦。

家人十分喜歡這中菜館，地點方便，食物又美味。✨️ 清酒冰鎮鮑魚清酒的清香味道滲透鮑魚。鮑魚口感鮮嫩帶彈性，冰冰涼涼的，清新爽口。🥢 莆田蟶子孖寶 ✨️ 豉椒抄莆田蟶子新鮮的蟶子十分爽甜，豉椒的香味，加上燈籠椒的甜味，可帶出蟶子的鮮甜味。以香口惹味的豉椒醬料爆炒後更顯鑊氣。✨️ 將軍燒雞(半隻)雞皮色澤明亮，具獨特香氣，外皮脆薄，肉香入味。皮脆肉嫩多汁，滋味非常。✨️ 西蘭花炒蝦球大蝦厚肉，爽口彈牙，味道鮮美。西蘭花色澤脆綠，口感清香爽脆，吸收了蝦球的鮮味更味美。

突然要book枱食飯先打電話想book枱， 知客話OK我就同屋企人出發去食飯點知去到冇人理我哋，又叫我撳飛我話如果你係電話同我講冇位要我Walkin等，我就唔會嚟點知個客同我講佢哋係咁安排，嚟到都係要等，咁你喺電話就唔好同我講話有位啦 🤬🤬🤬

近我就再去第二次食嘅中菜，好近我，假日都多人食唔迫🦞上湯焗開邊澳洲龍蝦💰$298/一斤上次都好想食嘅龍蝦伊麵，今次真係order啦有成隻龍蝦，兩個人食嘅話一斤都好夠，肉質爽口又實淨，好鮮甜好好食，伊麵索晒上湯汁好正，食唔停口，整體高質會再食🥢鮮果咕嚕黑豚肉💰$128平時好少食咕嚕肉，因為好多都好厚粉肉又少，但呢到要讚下粉漿好薄，肉都算多又腍，個味酸甜適中好開胃🚩將軍會館 (將軍澳) @admirals.hk 📍將軍澳貿業路8號新都城中心3期1樓137號舖

將軍澳會館（將軍澳）今日約咗朋友聚舊，佢帶咗我去將軍澳會館食飯， 地方寬敞，設計時尚，座位寬闊，而且私隱度極高，方便我們談天說地。1.羊肚菌花膠螺頭湯頭好香甜，飲落好滋郁。花膠大大片，充滿膠質。裏面仲有雞腳、螺頭同羊肚菌。雞腳好淋，螺頭有要口。2. 黃阿瑪鮑魚雞煲鮑魚雞煲一煲咁上，熱辣辣香噴噴。除咗鮑魚同雞件，其他材料有紅椒、青椒、洋蔥、蒜頭、薑塊，食落份外香口。雞煲醬汁好惹味，好有鹹香味，再帶點花椒八角香。雞件份量多，而且好滑，推薦。3. 豉汁白鱔煲仔飯我最鍾意食白鱔，煲仔飯表面佈滿豆豉、同香蔥。豆豉好香，配白鱔一流！白鱔新鮮，食落啲肉好滑。煲仔飯飯粒乾身，煲底仲有飯焦，好味。4. 將軍脆皮燒雞半隻燒雞燒到金黃色，雞皮薄薄一層，好脆。雞肉超滑，而且有肉汁。雖然炸過，但食落唔會一口油，點埋醬油食味道一流！

今晚和朋友來將軍澳新都城MCL睇戲，睇完就過來食晚飯。家住在這區，對呢一區嘅食店有一定認知，就好似今晚去呢間酒樓晚飯，開業有一年左右。內裏格局很新淨，裝修格調唔會好傳統老土。酒樓提供一些優惠套餐，二人餐都係200幾，有鮑魚､乳鴿之外又有燉湯，總共6樣餸，都幾豐富。〈花膠螺頭爵士湯〉看一下湯的濃度，再一啖，就知道燉湯的火喉時間，味甜而非加了味精，而是瘦肉和螺頭的功勞，滿足。〈肉桂乳鴿〉保持水準。〈卡邦尼蝦球烏冬〉這是一客填飽肚子的菜，一粒大蝦球，彈牙，卡邦尼汁比較濃。〈天白菇扣鮑魚〉燜煮的軟硬度適中，打的蠔油芡剔透，一咬而入。〈涼拌筍絲〉、〈煙燻三文魚〉放在一起的菜，是小食之選。〈艇家煲仔飯〉打開飯蓋已經聞到陣陣飯香，面上佈滿了滿滿的蝦干、魷魚干、魚仔干，怎會不香呢，飯粒煙韌，加埋啲醬油，味道層次提升。食飽了仍意猶未盡，叫了2客〈燕窩燉蛋白〉，每一客是28元，確實係化算，驟眼看分量唔多，但其實蛋白上的燕窩著實不少，燉蛋味甜卻不會過份。埋單每人200多，整體環境同食物都有不錯體驗，是回頭之選。

星期六午市同屋企人飲茶 本身只係諗住叫點心 但見到個$638四人餐幾抵食就試下 套餐有魚生 味道一般、涼拌菜、乳鴿 夠味但上菜時凍左、柚子蝦球 、反而最有驚喜係酸菜魚同燉湯 值得一試

今日到朋友將軍澳新都城探訪後，選擇來這間‘將軍會館’晚餐，大家都喜歡這裡環境舒適，食物有質素。今次安排這個卡坐寬敞又舒適。餐牌上選擇多，亦有不同套餐都很吸引。我們選了兩個頭盤，這個“花雕醉鷄”非常入味， 酒味香濃，鷄肉嫩滑皮薄。另一個“拍青瓜海蜇花”，海蜇花爽脆配埋黑醋拍青瓜清新開胃。見餐牌上一條“清蒸虎杉斑”，只是$198價格吸引，這條蒸魚火候剛剛好，魚肉嫩滑鮮甜，放上滿滿的薑蔥絲非常滋味。還有這個 ‘’健康素八珍‘’， 清爽的鮮百合、萵筍、蜜糖豆、雲耳、 白果、西芹、菇菌，鮮甜爽脆又健康。中秋節又快到啦，我哋已經約定下次在這裏 再聚餐，因為這裏的套餐各樣性價比都高。