將軍會館

营业中

休息中

今日到新都城中心探朋友，朋友生日，和她到將軍會館慶生，吃她喜歡的中菜。這裡地方非常寛敞，枱與枱之間的距離佷大。坐下後，開始研究餐牌，原來這裡有多款優惠孖寶及套餐，單點亦得。我們叫了一個二人套餐，及啤酒套餐 (啤酒一枝配小食2款)。二人套餐～卡邦尼蝦球烏冬：蝦球大大件，爽口鮮味，每條烏冬都掛滿芝士，入口香濃。～ 天白菇扣鮑魚：這個炆得入味，鮑魚有咬口，冬菇夠厚身。～ 花膠螺頭爵士湯：湯料豐富，花膠黏口，加入螺頭一起燉，非常清甜補身。～ 玉桂乳鴿：這裡的乳鴿，醃得入味，吃時不用添加淮鹽，香脆惹味，非常出色。～ 涼拌萵筍絲配煙燻三文魚：萵筍絲醒胃，入口清爽，煙三文魚肉厚，最適合夏天食用。啤酒套餐 ～ 騰椒魚皮：辣味適中，魚皮煙靭爽口。~ 沙薑豬蹄粒：豬蹄爽口軟稔，切得細細件容易進食，非常貼心。~ 啤酒：百威大啤酒一枝，冰凍透心亮。整體來說，套餐性價比高，食材矜貴上乘，非常有驚喜，下次一定會再次光顧。

一家人食飯，食到成肚氣，先講門口個帶位EE服務態度奇差好似佢先係客咁，粗聲粗氣，真係好奇佢係咪老闆，老闆都無佢咁大聲夾惡，跟住叫個椒鹽鮮魷落枱以為九肚魚，同個焗蠔一樣好似食粉漿咁樣，仲要等足40分鐘，跟住再叫個炒飯又係等左35分鐘，催單啲伙記當你死咁，唔會回覆你架！間鋪爆我都原諒你，弊在你去到9:00Pm得嗰幾張枱,咁嘅服務態度真係唔會再幫襯囉！完全理解唔到，點解會有咁多好評！👎🏻👎🏻👎🏻

將軍會館 📍將軍澳貿業路8號新都城中心三期1樓137號舖屋企人好鐘意食小菜～今晚同佢地來左將軍澳會館食晚餐餐廳裝修比較摩登有別於一般酒樓裝修走型格新潮路線👍🏻光猛又舒適首先叫左兩個花膠湯$48/碗😚都係有原片花膠～真材實材又好味。花膠螺頭爵士湯 ～ 湯水入口清甜。杏汁燉花膠湯 ～ 非常香杏汁味～滋補之選
。鮑魚滑雞煲仔飯 $68 即叫即煲～大概等45分鐘😎美食值得等待雞肉好柔嫩～鮑魚好爽口煲仔飯有飯焦嫁🤩配上煲仔豉油～好味提提大家想食～入座就要落定單
。將軍小炒王 $128 材料豐富～有蝦乾、鮮蝦、魷魚、腰果、韭菜花、炸香魚仔、叉燒絲配埋XO醬一同炒香🤭愈食愈惹味～下酒送飯好選擇👏🏻
。咕嚕黑䐁肉 $12黑豚肉～外皮酥脆～肉質厚實👍🏻酸酸甜甜醬汁好夾


今日同大大細細食中菜，呢間我哋之前未食過，有驚喜。酒樓暖色系設計，令人感覺精神；環境寬敞，枱同枱之間唔迫，有圓枱，有卡位，雲石白枱，座位有軟墊，坐得舒服。豉汁白鱔煲仔飯煲仔飯熱辣辣送到，香氣四溢，白鱔肉質彈牙，煲底多飯焦，好香口，加埋豆豉、葱粒、蒜、豉油食，非常惹味、有口感。咕嚕黑豚肉黑豚肉肉質有咬口，但略嫌外層可再香脆一點。個汁酸酸甜甜，加埋菠蘿、三色椒同洋蔥炒，好開胃。松露賽螃蟹個賽螃蟹蛋白夠滑，又松露又有蟹籽，蝦肉彈牙，食落有層次。食物有水準，價錢合理值得推介👍

一家四口路給經寶琳，搵埋公公婆婆開餐。老人家例必吃中菜，呢間之前試過好食，一於再幫襯。呢間酒樓地方大，又光猛，坐得好舒服。豉椒斑頭腩炒河斑頭腩大大舊，啖啖肉，又夠味，河粉夠滑，無黏埋一舊，炒得好有鑊氣。清蒸虎杉斑條魚蒸得剛剛好，魚肉好滑，配埋葱同豉油送飯，小朋友好鍾意食。沙薑蔥油雞沙薑同蔥油配合得好夾，無搶大家既味，雞肉滑嫩，美味推介。豉汁白鱔煲仔飯打開瓦煲蓋，個飯好香，飯量多，有飯焦，白鱔肥美，魚肉爽脆，配埋豉汁，飯又有魚味，好夾！椒絲腐乳通菜通菜新鮮，加埋蝦乾炒夠腐乳，又夠香，惹味。燕窩燉蛋白燕窩都幾多，蛋白蒸得算滑，味道清甜。

一間酒樓，一般都鋪晒枱布，地墊地下，又嘈又多人。呢間比較新潮嘅茶樓一改傳統，唔用枱布，簡單一張枱，枱形隋圓形坐4位，拉得唔會好遠又省位員工嘅衣著亦都冇咁舊式傳統做嘢都醒神啲有埋乾紙巾提供，可用QR CODE 落單梅菜叉燒腸 $ 28梅菜味不足，不過腸粉滑，餡料足古法潮州粉果 $ 17.8只有3隻，皮厚唔彈，但味道傳統好味豬骨湯魚鮮竹卷 $ 24.8湯底香濃，零味精感，有一塊魚肚，兩條鮮竹卷，味道唔錯鮮蝦菜苗餃 $ 21.8都係3隻一籠，餡料好豐滿，餃漲卜卜，外皮同粉果一樣厚同唔彈潮式糯米卷 $ 16.8已經少見嘅點心，飽層唔錯，唔會太濕太淋，冇黏牙脆皮韭菜角 $ 17.8終於有4件😂 炸得好靚，唔油，韭菜味好淡，另外可能跟個沙律醬更好銀芽韭黃炒蔥油麵 $ 24.8麵底好特別，好幼身，炒得相當香，同時比較油，唔知係咪店方特意多放嘅蔥油？薑汁千層糕 比另一間大集團做得好，唔會好多倒汗水整濕啲糕，乾爽、煙韌、彈牙，薑味濃要讚佢地嘅餐具好新淨，而且唔用膠製，乾爽唔油膩

要食就平日黎食，星期五六日廚房惡哂，乜野都唔加得，有錢都食唔到想食既，經理一句話廚房做唔切，跟手話唔介意你地起身走，家家有求，你地食唔到咪走囉，應該係咁既意思，我食長腳蟹加龍蝦伊麵，想加芝士都話做唔到，大佬唔係免費加架，三千幾蚊單都俾人睇唔起，想受氣就黎食啦

將軍澳會館去年新開時，父親生日曾擺了幾圍寿宴，當時覺得食物和服務都不錯，所以今個月家人生日又訂了两枱澳洲龍蝦全包宴慶生，每圍$4980 , 價錢唔算平，食物質素尚可維持，龍蝦和東星班都很美味，花膠燉海螺湯就較一般，食物質素整體來說都合格，不過職員服務態度就非常差，全程笑容欠奉，做錯嘢又唔認係自己錯，仲嫌我們阻她收工，黑口黑臉，但實情係家人們食完離開都只是晚上10點幾，當時其他酒楼仲有好多客人，今次服務體驗太差，以後唔會再帮襯！

又一間酒樓改頭換面 裝修不錯 私隱度高 早上9點營業 而8.15已有人在排隊 到接近9點 竟是50-60人呢剛開門 自由揾位 隨後有服務員來開茶 掃碼或點心紙下單 11點前有優惠 點心都是常見的 雖然有些每籠只得3件 但外型和味道都不錯 沒有失誤可能人手不足 服務員的工作態度有改善空間

放假有咩做呢⁉️ 我地去咗飲茶🫖呢間酒樓係我地最鍾意之一座位闊落 service唔錯嗌咗「原隻鮮蝦腸」可因個人口味 選擇少油少糖 醬汁另上「啤梨鹹水角」賣相好可愛😍見到其他幾檯都有落到「白灼菜心苗」可因個人口味 選擇少油少糖「將軍脆皮燒雞」(半隻)需等候多時 皮好脆 本身雞醃過 唔需要蘸醬都夠味「沖繩紫薯煎軟餅」煙韌嘅口感 食落唔太甜「燕窩燉蛋白」蛋白滑嘅程度普通 上面舖咗好多燕窩 尚算ok總括而言黎過呢間酒樓幾次 每次都嗌唔同嘅食嘢小菜、點心做得唔錯下次再黎試其他嘢食🥰

📍#寶琳 #將軍會館為咗感謝爸爸媽媽一直以來付出，今次第一次請佢哋飲茶👩🏻‍🦱👨🏻呢間聽講食物質素唔錯，最重要星期六日早市都有特價🤑酒樓9點開門，9點半到已經要等13張枱，好彩10點已經入到，想去就建議早啲拎位✌🏻雖然之前聽講過服務唔好，不過今次體驗都唔算差👌🏻因為送餐有機械人、落單有QR Code，服務員只需要執枱、派下點心，所以冇咩大問題😗小提示，3個人一枱真係啱啱好，點心都係三件為一份多，而且等位快啲，連張枱大張啲🤪🐓生滾雞粥 $26食落感覺好似粥版滑雞飯，成煲都係個陣熟悉嘅味道😂雞件睇落勁老又多骨，但係肉好嫩滑又易甩骨😳粥本身都好夠味，不過生滾唔預重雞味😏🐄香茜牛肉腸 $22一份有三大條，腸粉皮唔厚仲有彈性，唔會一夾就爛，單食味道都唔錯😄牛肉份量都多，唔會有啲地方冇牛肉，同牛肉球係一樣味😆🐮山竹牛肉球 $16.8媽媽話食得出幾新鮮，因為啲蔥仲翠綠💚食落都幾正，多蔥夠香口，多馬蹄夠口感🤙🏻🥟古法潮州粉果 $16.8有啲失色，蒸到啲皮太稔，一夾就穿🥢一路食一路跌餡，有啲失望，但味道唔錯😣😋香滑薑汁糕 $15.8食落幾清甜，薑味都重😚仲幾彈牙，可以一層層咁咬😬🥚奶黃千層糕 $18.8

將軍會館新開張，吸引朋友來嚐試。環境光鮮，偏向高檔次，有機器人自動送餐，再由侍應放上枱。乳鴿開張免費，雖然不大，新鮮脆皮，味道不錯。點心非傳統，而是有創意。我們看到有台灣飲品供應，亦忍不住叫了椰果紅茶及鮮奶仙草。基本上，餐廳提供多元化菜單及飲品。原隻蝦餃、柚子蝦餃、鳳眼餃，吃下去也分不到有甚麼大分別，只能說味道不錯。酸菜魚就一般，沒有專門店惹味。意式忌廉春卷，雖有創意，但味道不夾，可以調整一下。雞絲粉皮及麻醬麵正常水平。咖哩黃金果，造型得意，餡料較少。

在youtube飲食頻導上，得知呢間酒楼，在特價早茶時段，有低至拾零蚊嘅點心供應，6月1日星期六，揾食肥華和靚媽，不惜用一小時搭巴士，由鑽石山到將軍澳，飲早茶就是衝着此店，呢幾款特價點心而來，而呢幾款點心質素，除咗籠粉菓個皮，口感稍差外，其餘嘅千層糕，煎釀尖椒，山竹牛肉及豉汁鳳爪，粉量和味道都係水準之作，絕非將貨就價嘅，HeA做之作，更俘虜到靚媽歡心，俾高度評價分数，給此店呢餐早茶食物，並說真係難得飲到餐👍平👍靚👍正嘅早茶😋

今早打電話去確認今晚訂位，我未講完個訂咗位時間及人數，個女職員就話有有有仲cut我線。垃圾級別，未食唔會再去。疫情時就求人地幫襯，而家復常就咁嘅態度。唔該檢討一下

將軍會館將軍會館位於將軍澳新都城第三期地下商場內,餐廳裝修簡約,枱與枱之間寬闊,亦有卡位,燈光明亮,座位寬敞,服務員招呼到位,點心仲性價比高。翠瓜蟹肉海鮮餃$28.8健康南瓜馬拉糕$20.8西班牙黑毛豬叉燒包(3隻)$38.0潮式糯米卷(3件)$15.8香滑薑汁糕(3件)$15.8鮮蝦腐皮卷(3件)$24.0迷你珍珠雞(2隻)$20.8豉蒜煎釀尖椒$18.8原隻鮮蝦腸$28.8椰康柚子蛋散(3隻)$22.0現蚧鯪魚球(5粒)$18.8