將軍會館

营业中

休息中

得閒飲下茶食個包， 於是就到了附近的#將軍會館品嘗#點心 。因貪呢間酒樓環境闊落舒適，座位唔迫坐得舒服😌。大家都很肚餓，就點左超值套餐，有小食、粉麵同埋3個點心🥧。小食點左帶點辣味的凍吃開胃前菜，擂椒茄子🍆。點心則點左牛肉腸粉，牛肉正常，腸粉皮煙韌柔軟，點上豉油同辣油更好吃😋。🌶️麻辣炒手，麻辣味超香。椰汁🥥流心球，流心料是椰汁西米，呢個幾特別😽。干炒安格斯牛河，牛肉份量多，牛肥肉不多，配上蔥花、芽菜同洋蔥一併炒，美味可口。飲茶一定會點的蝦餃同燒賣，蝦餃皮用金箔做點綴，感覺更顯貴氣🤭。而燒賣嘅賣相吸引，有爽口蝦肉、豬肉同菇味，夠晒熱辣辣很好味😋。蔥油蝦干伴麵，蔥油味好香, 不覺油膩，麵條幼身爽彈, 索晒醬油好惹味👍。

好友生日想食一頓豐富生日飯，已經預早四日前訂好枱。7 人準時到達後卻安排我們坐六人長方形卡位枱，多出一位就要加張凳坐走廊位置。 當時四周還有幾張八人枱，但職員就以枱早被客人訂了為由而拒絶。 在別無選擇下祇好離開揀其他地方用膳，「將軍會館」呢次體驗真令人失望，相信都唔會再有下一次。 萬幸，後來搵到「小魚鴨子」，除食物美味外亦得到熱情款待，也算由禍得福。

同屋企人去咗「將軍會館」飲下午茶🫖呢間酒樓環境裝修典雅，坐得好舒服😌點心款式種類多，下午茶亦相當抵食玉桂乳鴿 $39好耐冇食乳鴿，一見到有即刻叫咗隻嚟過下口癮🤤，乳鴿熱辣辣，皮脆肉嫩，店員仲附上手套同濕紙巾，相當貼心大地魚雲吞麵$23.8雲吞有4粒，口感鮮嫩爽滑，啖啖肉，麵條爽彈，而且湯底冇鹼水味，非常清甜醬汁蒸鳳爪｜古法潮洲粉果
呢兩款點心都係$15.8一碟，相當抵食，鳳爪份量多而且新鮮，粉果有3隻，餡料豐富
鮮蝦腐皮卷 $24｜椰汁流心球 $20.8腐皮卷口感酥脆唔油膩，餡料飽滿勁多蝦肉👍🏻椰汁流心球相當有驚喜，酥脆金黃色外皮，一啖咬落去係爆漿椰汁西米流心😍
蟹籽燒賣皇$24｜金邊蝦餃皇$34蝦餃同燒賣都非常足料，啖啖新鮮蝦肉，蝦餃皮夠薄但唔易穿流心熊貓<朱古力> $24.8賣相可愛，流心朱古力，味道唔會太甜-茶位 $12@-收加一

呢間食肆喺新都城中心三期已經開咗大半年，一直都好想去試下，今天偷得浮生就決定同老婆去試下，睇個格局都好新派，門囗另一邊喺有檔台式茶飲，真係比較特別，入到去見擺檯空間感十足，大部份檯都有屏風間開，私隱度都幾高，值得一讚！最特別嘅地方就喺佢會有玄米茶飲，落單喺要用 QR code，原來佢地喺冇下午茶，不過平日四點前喺會有啲優惠點心可供選擇，我地兩個人叫了五款優惠點心。呢款喺金邊蝦餃皇（3隻）$34，蝦餃邊喺有金泊，入面全部都喺蝦肉，蝦肉食得出好爽彈，個皮又夠煙韌，十分出色。呢款喺蟹籽燒賣皇（3隻）$24，燒賣啲餡蝦肉同豬肉比例啱啱好，做得好出色，味道唔錯。呢款喺原隻鮮蝦腸 $28，有三條，每條都有兩隻完整嘅大蝦，蝦好新鮮爽彈，豉油佢喺會另外上，抵讚！呢款喺山竹牛肉球（3隻）$22，食落就冇乜話特別好味，只屬一般水準！呢款喺古法潮州粉果（3隻）$18，佢個皮夠哂煙韌，餡料十足，沙葛份量都多，個人十分喜歡，咁嘅價錢，非常超值！

前菜沙薑豬手和涼拌萵筍絲涼拌萵筍絲清爽又健康，豬手不會過肥，沙薑味濃，兩個都是不錯的前菜😀一般套餐都是例湯，但這間酒樓很特別有爵士湯。我很欣賞這個湯，因為味道非常濃郁，而且爵士湯是用蜜瓜煲，那種清香非其他一般湯所能及。而且有很多湯料又有螺頭又有肉，還有雞腳，足料的湯果然不同👍🏻西澳洲龍蝦伊麵大大隻，肥大肉厚，一上枱已十分吸引，簡直心心眼🥰食落龍蝦非常入味，上湯調得剛剛好，不會過鹹。一啖一口龍蝦肉，💯美味。伊麵底配搭得非常好，上湯浸在伊麵中，食完想再食！乳鴿炸得非常香脆，細細隻肉質鮮嫩上湯時菜清清地，但上湯味道濃郁。看似簡單的一道菜也十分好味栗子蓉西米焗布甸熱辣辣，而且賣相精緻。栗子蓉不會過甜，布甸質感做得不錯，是一道不錯的甜品。

將軍澳區特別多商場，亦都有好多中菜餐廳適合家庭聚會。今次就揀左呢間將軍會館，座位之間有一定距離，以金屬屏風區分間隔，家人傾偈夠私隱度又夠體面，價錢仲要超值添！味道好似臘肉，咬落有層次感未入口已經聞到麻油香，窩筍絲既粗幼平均，咬落夠曬爽口麻醬同花生醬調味濃郁，粉皮爽口多士好酥脆，第一次食蝦多士配糖醋汁，原來可以即時解到膩，好神奇呀加入鮮蝦同帶子增加海鮮味，令蛋白食落真係好似蟹肉咁，加埋松露將味道提昇到另一個層次，簡直係畫龍點睛完全就好似平時食咸蛋黃魚皮零食咁，超濃咸蛋黃味，呢個價錢超值

團年飯黎食，餐廳好好咁仲有得散叫，可不用叫套餐我地叫左：1. 北京填鴨 （全隻）$298性價比好高，好抵食味道不錯有兩籠皮，同有唔少配菜，一定夠包填鴨2. 豉汁白鱔煲仔飯 $88都幾多白鱔，但略嫌不夠飯焦3. 螞蟻上樹 $88幾惹味👍4. 松露賽螃蟹 $98冇咩味，唔太好味，可以不用叫5. 雞絲粉皮 $586. 水晶肴肉 $58前菜味道正正常常7. 少少烏龜菠蘿餐包 $58好適合打卡，味道一般，菠蘿包偏硬8. 芝士奶蓋綠茶（少冰微糖）$24甜到剛剛好，中式餐廳有台灣飲料係驚喜整體：環境舒服、價錢相宜、味道不錯，是適合一家人食嘅中餐館味道⭐️⭐️⭐️⭐性價比⭐️⭐️⭐️⭐環境⭐️⭐️⭐️⭐️Encore指數： 80%

今日雖然是過了農曆新年，但是去了親戚朋友拜年之後，一於和朋友飲下茶.餐廳環境佈置十分之明亮，加上所有落單也是利用QR code下單的，因此十分之方便環保，也避免漏的情況。此外餐廳還會利用機械人作為送餐的好幫手，在今時今日的香港幾好能夠節省人手，也能夠保持高規格清潔的衛生，真是一舉兩得。這個蝦餃外皮比較煙靭，配上食用的金箔，真是最佳的打卡之選，蝦也十分之爽口水準十足.即叫即整的乳鴿十分之細嫩，肉汁也所在乳鴿的身上，性價比高.布拉的蝦腸，也是即叫即整的，配上自家製的豉油，真是最美好的配搭.迷你的福建炒飯並不迷你，加上用料十足，包括有蝦肉冬菇，雞肉，配上適宜的醬汁加炒飯底真是必叫之選.

這間位於將軍澳新都城中心3期1樓“將軍薈館”酒家無論点心飲茶和晚飯都真的不錯。上星期飲茶時發現門外有這個龍蝦二人餐好吸引，於是约定HusB來試試。估不到平日晚餐時候差不多滿座，可能質素有水準所以都多人食。這個二人龍蝦餐很豐富只是$448都很合理。~涼拌萵筍絲非常清爽 ~沙薑豬手粒，沙薑汁調製得好滋味，豬手粒入味又爽口。~肉桂燒乳鴿 熱辣辣香噴噴上枱，每人半隻，肉質juicy 好滋味, 看見乳鴿差唔多枱枱都叫，原來 這裏只是$39一隻，非常抵食性價比高。~ 龍鬚芥蘭原來刀切成龍鬚樣子的炒芥蘭，少油口感清爽。~ 澳洲龍蝦伊麵這裏用澳洲龍蝦質素有返咁上下，龍蝦都大隻，啖啖肉蝦肉鮮甜配埋上湯伊麵好滿足。~ 姬松茸花膠螺頭燉湯原先是爵士花膠湯但因沽清。所以改了這個姬松茸花膠響螺湯，這個原盅燉湯好足料熱辣辣好夠味又滋補，非常不錯。~ 栗子蓉西米焗布甸這個焗布甸內裏充滿栗子蓉和原粒栗子，甜度剛好又香滑，大滿足。

晏咗放工，近近地喺屋企附近搵食。屋企人想食中菜，新都城廣場嗰邊幾間酒樓都唔啱心水，想坐得舒服啲找到「將軍會館」，菜式較新派仲有酸菜魚水煮魚食😍不過坐低就見到一個幾抵食嘅二人餐🥰一於叫套餐唔使諗咁多。先開一壺玄米茶（晚市茶位為每位$12)，手機落單你都會見到其他台式飲品，好似珍珠奶茶、芋香奶茶🧋。上湯龍蝦2人餐$488唔使$500已包括龍蝦、乳鴿，仲有燉湯、甜品非常豐富。落咗單就好有快送到～玉桂乳鴿趁熱就要先食乳鴿😍乳鴿雖然細細隻，但肉質鮮嫩多汁香噴噴，而且好夠味淮鹽都唔需要。上湯焗龍蝦1隻(伊麵底)龍蝦好多肉，上湯醬汁精華所在，伊麵吸滿美味上湯。不過伊麵就碎咗啲而且份量較少。沙薑豬手豬手切成再細細粒比較容易食，豬手非常Q彈有肉有皮，沙薑蓉也超惹味，很不錯的冷盤！花膠爵士湯(2位)這份燉湯清甜得過份～份量好大湯料有花膠、螺頭、瘦肉、雞腳…. 好好飲~龍鬚芥蘭打卡板嘅薑汁芥蘭，芥蘭爽脆清甜，鎅花更添口感！涼拌萵筍絲切絲嘅萵筍涼拌做法比較清爽，唔會過鹹蓋過萵筍嘅清甜😋粟子蓉西米焗布甸套餐最好就係包埋甜品，唔使再另點。西米布甸賣相精美，暖笠笠，栗子蓉幼滑香甜！

好耐冇同家人飲茶🫖，於是趁假日就到了#將軍會館嘆下#點心 。家人貪呢間酒樓環境舒適，座位舒服，點心有質素🥧夠特別。金箔蝦餃，餃皮煙韌晶瑩通透，鮮蝦很爽彈，有金箔做點綴更美。鮑魚燒賣，賣相吸引，原隻鮑魚很可愛，配上菇味及爽口蝦肉，即叫即蒸夠晒熱辣辣。蝦醬紫薯，咬落外脆內軟，餡料是韮菜蝦米🦐，味道都很香口啊。蝦腸，原隻蝦夠新鮮，腸粉皮晶瑩剔透，點埋豉油加辣油☺️yummy 👍。麻辣鍋貼，皮咬落帶有煙韌感，微辣肉餡多汁，點埋醋汁更可口😊。微你鮑魚福建飯，材料豐富，有鮑魚仔、冬菇、瑤柱、蝦肉等等，以炒飯做底，淋上豐富的汁料，美味可口。

將軍會館 - 將軍澳食店鄰近地鐵站，裝修充滿時代感，中西合璧，配合金色木係感覺，令人有一種高雅和舒適的感覺。而且用不同的板夾分隔，設計成不同形狀的區域，私隱度十分高！掃二維碼自助點餐，方便快捷👍👍1.金沙四季豆四季豆小菜好香口，四季豆新鮮，食落脆卜卜。面頭上嘅金莎即係鹹蛋黃非常多，每條都有裹滿，食落好香好惹味。2.脆皮奶豬乳豬表皮薄簿地，非常香脆。中層有少許脂肪，好美味。下層肉質嫰滑，味道鹹香，令人垂涎欲滴。3.肉桂乳鴿乳鴿用一個小木板盛載著 ，很有氣派，外觀可口，而且燒到可恰到好處。外皮好脆，而且非常大隻，吃起來啖啖肉，肉質鮮嫩，再帶點油粉。4.艇家煲仔飯 ：煲仔飯大大煲，熱辣辣，底下充滿飯焦。另外，材料豐富，有銀魚仔、蝦乾、魷魚和薑絲等等，食落好豐富美味。5.蝦多士蝦多士好香脆，炸得一啲都唔油膩。蝦滑爽口彈牙，面包脆卜卜，配搭得非常好！#將軍澳會館 #中菜館 #將軍澳貿業路8號新都城中心3期1樓137號舖T:26261182

一早嚟飲茶啲侍應態度真係好差成間鋪大把位係都要我地坐門口枱啲粥勁稀，好似冇米粥咁鳳爪超少，一隻腳開兩邊一碟得兩隻腳燒賣得三粒腸粉收$28碟算係叫正常腐皮卷勁長又唔剪開一半好難進食牛肉叫正常啲叉燒包好鬆散粉果都叫正常，但冇乜花生排骨蠟味飯就真係賣相好核突但侍應放低飯，我順便叫佢轉頭加水但係鬧我嘅口吻話想加水就打開蓋佢話同事見到會加咁我親口同佢講就唔得嘅啲態度差到爆得個裝修叫做好啲食物又唔掂員工質素又差

平時假期 好怕要等位飲茶見到呢間開左都半年 但又未試過 又吾洗等就同屋企人入去試下金邊蝦餃 熱辣辣 皮做得好薄肉桂乳鴿屋企人係肉桂味粉絲 岩哂佢食雞絲伊麵 無乜配料 感覺無乜特別擔擔面 份量過少 味道濃郁鮮蝦腐皮卷 我自己就超中意呢個 ，一咬開就濃郁嘅湯包住全個口 ，好味蟲草花膠燉雞湯味道都唔錯 花膠可以再淋d就會更好

將軍澳雖然有唔少嘅酒樓，但係一間出色嘅小菜中菜館就冇乜選擇，今次俾我哋發現到新都城有間中菜館，裝修比較時尚現代化，用咗白色金色做主調，舒服得來又帶點高貴感覺！座位多數以卡位為主坐得舒服，如果多人亦都可以預訂廳房。嘢食方面可以選擇套餐或者散叫，除咗有海鮮供應仲有唔同嘅特色粵菜選擇😁 北京填鴨呢度嘅北京填鴨絕對值得推介👏🏻首先麵皮熱辣辣口感比一般更加煙靭，份量有成十幾塊！鴨皮脆口，鴨肉嫩滑，而呢度嘅配菜除咗有青瓜、京蔥絲之外，亦都有哈密瓜、山楂條酸酸甜甜，口感特別，帶點清新又解膩乳鴿乳鴿多肉不油膩，外皮燒得卜卜，入邊依然鎖住肉汁，唔會覺得乾酸菜魚酸菜魚湯底有香濃魚味，加咗酸菜之後都見到有魚湯奶白色嘅感覺，有別於出邊一般嘅酸菜魚上邊有一層厚厚既油，健康d得黎亦比較真材實料! 魚質夠滑甚少骨，同時亦有萵筍、薯粉、芽菜等等免費嘅配菜🫶🏻上海炒年糕年糕炒得夠鑊氣，口感煙韌，醬汁顏色夠均勻