小廚港作

营业中

休息中

今早來到荔枝角行到長沙灣廣場附近食早餐,食左番茄牛腩貝殼通粉,個早餐配埋炒滑蛋同奶油豬仔包,飲熱奶茶,共$38,番茄通粉味道唔錯,但牛腩偏細同量少,喺工廠區食咁上下嘅早餐算ok啦

🥲 芒果梳打藥水味🙄😡難飲，已放棄🍴梳打要自己倒，唔錯👍🏻 👀荔枝梳打味正常但無荔枝味 🌈香辣蔥油雞 唔重辣味，屬於 超級bb辣🥄倉魚正正常常1。巨人豬扒堅巨👍🏻👍🏻👍🏻2。菜同洋蔥汁好夾，好味🤤🤤3。薯角好麻麻，已放棄4 。 蕃茄仔大粒，但唔甜

未裝前經常叫鹽香雞有湯有酸蘿蔔，裝修後見菜牌無變，第一次再食，竟然無湯，酸蘿蔔冇埋，問侍應佢話冇湯跟，我話你幅相有。亞姐話如果你需要我另外給你，宜家係你同張相唔同，我唔係攞著數呀。老實講雞都差咗好多，以後用行動唔嚟，抗議！

食過小廚既午市同晚市都覺得唔錯唯獨無食過早餐今日就叫左外賣試下, 夠$60就送外賣💁🏻‍♀️我叫左個B1 招牌茄腩湯通粉配牛油厚多少同火腿奄列佢包裝好唔錯,都豆漿密封唔怕漏通粉唔使加錢自動分湯上,唔怕d粉索湯發脹👍🏻🍽 主角當然係茄通,個茄湯係濃郁個種,似羅宋湯,對於我黎講個湯太甜,茄汁個種甜,唔太啱我個人口味,通粉煮得耐左少少,煙韌d會更好🍽牛油豬之前係餐廳食係好味既, 外脆內軟加埋煉乳,正但呢個牛油豬真係幾失望,乾身偏硬,同上次堂食兩回事🍽實的的既炒蛋💁🏻‍♀️ 早餐唔OK,午餐同晚餐好好多

荔枝角返工，老世請食下午茶～識叫就係叫熱氣野，見到有紅豆冰超開心！驚喜！甜度適中，超多紅豆，好飲！炸野都有驚喜，份量很足，炸物都不油膩，味道調節得很適中，讚！炸薯條，係熱氣但有口感！豬扒包，juicy 飽肚！炸魚柳，舊魚厚身唔錯。炸薯角，一定會再叫！

週五晚到荔枝角上課，被「港作」吸引初試。菜餐廳格局，選了大蝦火腿意粉。極度誤導，兜亂式上碟，味道還好，大蝦中蝦皆欠奉，艱難地找到三隻小蝦，幼小蝦身，長度不足一吋半，火腿絲更是寥寥可數。Made in HK （港作）嘜頭，落得如此下場，經營者有責任確保食物出品，和保住「香港出品」必屬佳品的聲譽。

茶記嘅早餐，不設厚望。但……呢個早餐真係一團糟、步隊鍋咁款。明明係味道唔差，但比個賣相搞wo，早餐： 餐肉、火腿、煎蛋配茄腩湯蜆殼粉/通粉。但上枱時係一碗咁出，所以餐肉、火腿＆煎蛋一團糟咁放上面，要知道餐肉＆煎蛋最忌漏住湯，再加上完全冇湯，似撈粉囉！洗多一隻碟者，下次有机會再嚟，一定試吓餸另上，睇吓点先😓

前兩天10:30早餐，沙爹牛肉麵，多士，煎雙蛋熱檸茶，煎雙蛋多士勁快1分鐘到，多士凍的，牛肉好梅好似食豆腐，牛肉完全冇食過，嗰日整食齋麵，應該醃料好重手，都會少啲幫襯，唔會再叫牛肉

只係一間門面可以、食物就差過一般飯堂、有時真係應該睇吓多唔多人就可以預知佢得唔得、今日唔覺意入咗去、咁啱下午茶時間、就試吓佢menu 入面第一個炒飯、點知真係試一次就夠、冇味。我素來食嘢好求其、差嘅我一定話你知😑

禮拜五 12點半勁多人排隊，入面都好爆不過都唔係等左好耐就入左入面幾光猛乾淨既見到餐跟火腿奄列同奶油豬內心已經好興奮奶油豬好脆仲好多奶早餐黎講，真係好幸福奄列都好滑雞扒通 $49 雖然個雞扒無另上，但炸得夠都好好味醃得好，個色靚，都入味湯底都唔淡，有啲雞粉味欣賞用大粒通粉沙嗲牛出前一丁 $49有跟麻油，麵都啱啱好沙嗲牛好淋睇相就知好味啦凍飲+$3凍啡好飲睇相就知比例幾好，文字形容唔到熱朱就普普通通overall,第一次食呢間野佢咁爆既情況下，廚房都咁有水準堅又乾淨又好味

呢度係我同朋友每星期學畫畫的食堂。一間超大茶記，一定有位坐。不過冷氣勁大。餐牌選擇非常之多，基本上暫時食過每一樣野都OK，我鍾意食海南雞飯、咕嚕肉、同埋蕃茄湯螺絲粉。

這間有好多菜式，其實好多菜式我都食過啦，overall真係做得好好食，今日我就揀咗乾炒牛河，好夠鑊氣，不油膩，味道好野味，乾炒牛河既粉絲們一定要試下，真心好好食

早餐、午餐必選以依區黎講，早餐算整得吾錯除左依間鋪外，係長沙灣廣場一樓都有分店依間分店午餐必選，除左款左多外好多時午餐有扒餐跟薯菜，糖飯整得吾錯😋飲品茶底較得幾好，外賣都好食而長沙灣廣場一樓間分店，食早餐必簡雖然坐得無依間咁舒服，但依物整得吾錯🤤豬扒吾會太肥或太瘦，煎雙蛋整得岩岩好，就算叫魚柳都即叫即炸，食物上枱夠熱👍🏻長沙灣一樓分店服務員態度好有禮貌，依間分店服務員可以，只係收銀態度有侍改善係點吾洗講，去過就知

今日要係荔枝角上堂，放工趕去荔枝角一條友食野，諗住快食，落巴士附近見到餐廳就衝入去啦～裡面地方都大，坐低睇個menu，其實都偏貴，普通炒飯、麪都五十幾蚊無野飲，因為想快求其叫左個蕃茄牛腩湯豬扒通粉（$39），等左10分鐘左右。整體賣相唔差，豬扒都煎得幾香，唔差既，湯底就類似羅宋湯，有少少牛腩，湯底偏重味同咸少少，所以影響整體偏重味，個人覺得可以蕃茄味可以重少少，但味精少返dd，咁就會食落易入口d，加上無野飲，所以食到好口渴，食完即刻去便利店買枝野飲。咁岩經過、又趕時間就無辦法，依家百物騰貴，食個豬扒通粉都要成四十蚊。

平時經過都見好多位坐，下午餐圖片又吸引，經常都吃大家樂， 食得多有啲厭， 所以咪入去試下， 一試非常失望， 我叫咗個雞腿沙律凍檸茶， 沒有一樣好過快餐店， 首先雞髀沒有味道， 只有星星地嘅雪藏雞味， 我勉強食咗一隻， 跟住食啲沙律，頂呀以變壞了， 姐姐話轉咖哩角畀我， 但我同姐姐講唔使喇，我覺得都係冇樣嘢係好食， 跟住飲杯凍檸茶，超甜， 仲有四點半已經催你埋單， 最後我埋了單，再走去大家樂買個雞髀沙律吃，真是不吐不快， 可一不可再！