小廚港作

营业中

休息中

中午同同事去咗小廚港作食午餐，這裏食物都不錯,出名的常餐及加哩都不俗，我點了雞扒腸仔麵加牛油多士厚多士，份量剛好味道不錯但不是太突出。同事點了沙嗲牛出前一丁，加他們出名的奶油豬仔包，腸仔煎蛋，好似比較好食一點，但價錢貴一點。其他同事點了番茄大蝦炒意粉，味道就一般。蔥油雞扒撈麵，蒜蓉夠香，雞扒煎得夠香脆。蒜蓉雞扒加薯菜味道好一點，但汁太杰身。整體來說，在長沙灣茶餐廳水準不錯，此店要在店外排隊，中午人龍頗長，幸好店內上菜好快，所以排10分鐘便會有位。

又係一個交通不便既日子 好天但出不到去🤔Anyway 人始終要食野 人在荔枝角久違的享受一個人下午茶時間今次黎到小廚港作 最愛茶餐廳一個人都要坐car位 餐廳職員不算多望住餐牌 選擇不算多 好快有決定今餐就食佢。。。香辣菜譜肉碎茄子炆米粉$33米粉上色靚唔會太乾 熱辣辣 茄子肉碎尚算炒得均勻 唔會太咸大辣 不過未食到有辣菜譜由於係下午茶餐 當然份量不會太多加7蚊凍飲 凍檸茶 茶味有改善空間成為$40一個人坐著 坐著等 我幾時先去到我想去既地方？

今早想了解多一些荔枝角站附近的茶記美食，見到有一間名為小廚港作的茶記，見其外在裝潢不錯，而且"企企理理"，於是入内點了個招牌早餐set叫午餐肉、火腿、煎蛋招牌茄腩湯配通粉。首先要讚的是其茄腩湯底，真是好有味道，使我每一啖通粉都精彩極致，至於其他配菜，例如把午餐肉、火腿和煎蛋一齊放在一碗，就使食客口感會好雜亂，我認為分碟另上就好些，因為食客可以按自己的口味多寡放入口中，不過這種安排，哈哈哈...要洗多好多隻碟呀！整體上這個招牌餐是可以的，多謝廚師們之精妙湯底。

收到都晏，冇咩好選擇，女朋友建議試依間。見到60幾既牛扒餐，算中等價錢呃。但塊扒真係唔合格，員工冇問幾多成熟，最後整左110%熟。差d咬唔開既肉質。最後我都未食哂，員工已經想收我碟。真係好耐冇試過咁

之前訂了月餅要到長沙灣附近拎， 之後順便食午餐， 經過小廚港作見到門口大大間 感覺良好， 就入去試下啦。 每一間茶餐廳的下午茶都差唔多，我就點了馬明民吉列魚柳包配沙律 $32， 招牌茄腩湯蜆殼粉配火腿煎蛋，牛油厚多士$45， 凍飲加$3。馬明民吉列魚柳包配沙律～ 吉列魚柳炸得鬆脆， 魚肉好味唔乾， 醬汁是芥末沙律醬。 食埋個沙律，非常飽。招牌茄腩湯蜆殼粉～ 蜆殼粉的質地煙煙韌人好像珍珠奶茶的珍珠， 反而我不太喜歡這個口感。火腿煎蛋配牛油厚多士～ 正常茶餐廳品質， 沒有特別。凍檸樂不是罐裝可樂， 熱奶茶味道比較澀。最欣賞都是這裏的魚柳包， 抵食又大件， 價錢正常， 各方面平均質素。

The satay beef noodles are very good! The satay smell is intense. Sesame oil Flavour damae ramen was used, which is good. The tomato and beef brisket soup is very good too. The beef brisket is very tender and flavourful. Macaroni are well cook, is just al dente. Crispy bun is not really hot this time, which is a little drawback. I ordered the once lemon tea with less sweet, but turn out it is very sweet, which is another room for improvement.

最近多咗機會去荔枝角覓食，近近地又唔想諗太多，揀咗一間近地鐵出口嘅餐廳。平時放飯時間見都有啲人會係呢間餐廳出面排隊，而當日我地係下午茶時間幫襯，唔使點等就有位。原來佢下午茶時段啲飯都幾平，40蚊有找就有交易，飯量仲要同午市無咩分別，絕對食得飽。由於個日都幾肚餓，所以點咗份量較多嘅石鍋飯。-石鍋香辣菜脯肉碎煎蛋（魚柳）配蛋炒飯底一上枱就不斷聽到石鍋啲滋滋聲，熱力十足。呢個飯真係由頭熱到落尾，差唔多食完個陣都仲係超級熱，每啖都要吹幾下先放得入口。雖然我係揀蛋炒飯底，但飯入面啲蛋真係太細碎，無乜蛋香。而香辣菜脯肉碎係完全見唔到，同枱都有位叫咗呢個餐，都有同樣問題。魚柳就不過不失，好夠熱，但味道無乜魚香，應該都係雪藏魚。煎蛋就係正常水準發揮。值得一提係石鍋好夠熱嘅緣故，會食到飯焦，令個飯多返少少層次。

好少喺荔枝角果頭食lunch, 因為怕人迫等位。呢間茶餐廳lunch time都有人龍, 今次朋友來搵我食飯, 第一次試上班族午餐唔可以咁高期望，但求坐得舒服, 唔使等太耐已好好好似麥兜話齋, 都係果啲餐啦, 其中有幾種喇沙, 應該算係主打, 就叫左一個魚腐喇沙冇問朋友感想, 睇樣應該正常過正常呢度上菜近乎光速counter 買飛, 就有職員安排入座, 一坐低就已經有餐飲上唔使1分鐘, 主菜都上埋我就叫左個雞扒撈烏冬雞扒都多, 但明顯用鬆肉粉乸過, 食落有少少苦味烏冬太淋，味道淡食左兩啖已唔想食返工咁辛苦, 唔使食得貴, 但都想食好啲大家都係打工仔, 整野食可唔可以有啲heart

今天是遊行後的第一天上班日, 關心時事的我,當然想邊看新聞電視, 邊食豐富早餐.所以今天我選擇呢度. 看一看早餐menu, 一見到''榨菜雞絲'' 呢個名字我已忍不住想叫.再加上''五香肉丁'', 不知是什麼味道呢? 即刻叫姐姐落單,大概五分鐘內, 熱辣辣的湯米粉和凍啡就奉上食桌上了,果然不出我所料, 有點辣啊!! 哈哈, 邊食邊冒汗, 如果是白領的朋友仔就小心點了.好在這裡的冷氣提供十分充足, 對於自己公司的冷氣十分不夠凍的情況下,有點不捨得.而這裡亦有專屬紙巾提供, 對於喜愛清潔的朋友, 都是一個美好的體驗.

今晚在荔枝角地鐵站附近吃晚飯，很隨意地便走入這間餐廳。四人座位也坐得非常寬鬆，不會很迫。而餐廳的夥計也非常勤快，吃光一碟便立即收一碟。😆招牌茄腩湯蜆殼粉：這套餐是有驚喜的，蜆殼粉非常有䂃勁，而且蜆殼粉很少會在茶餐廳出現的，再加上又甜又濃的番茄湯，簡直令人把湯想喝清光。另外奶油豬仔包是必吃的，它的火喉控制得剛剛好，咬下去時十分香脆，極之美味！鮮茄焗豬扒飯：也算得上是真材實料，蕃茄新鮮，豬扒肉質嫩滑，味道不錯！

常餐係我的comfort food通常想不到吃什麼就去吃常餐茄腩蜆殼粉配蜆殼粉是罕見而且質地有點像年糕所以通常來這裡吃茶餐都會叫蜆殼粉但有朋友不大喜歡這個質地雖然減肥 但還是選擇配不常見的奶油豬

逢星期六去教會都會去依間食下午茶，最中意食雞脾同曲羅宋湯通粉。午餐的價錢覺得有點唔太抵食，下午茶就平好多，炸雞脾下午茶先有，少少辣又鮮嫩。唯一唔好就係雞脾數量每日都唔算多，想食真係要早d到

經過呢間店門口，見到個餐牌賣既精選套餐好平又岩食，就抱住嘗試心態膽粗粗入咗去～入面非常寬敞，枱枱都係卡位，基本上兩個人同行就已經可以霸晒一個卡位，坐得非常舒服，所以第一印象已好好！金牌沙嗲牛肉出前一丁好有驚喜🤩🤩 佢既沙嗲汁超多超濃，牛肉都好嫩滑而且非常之大塊，牛肉份量都好多！而出前一丁麵亦唔會煮到好淋，麵質岩岩好，抵讚！另外佢會俾埋包出前一丁麵入面既麻油包俾你，令碗麵夠晒麻油香味🤤我個人去茶餐廳係好鍾意食沙嗲牛麵，但無一間令我覺得係好抵又好食，唯獨是呢間我覺得係最好食！佢跟餐配火腿煎蛋同牛油厚多士，佢既煎蛋係流心蛋，好好味另外叫咗個招牌咖哩魚柳，魚柳大大塊，而且咖哩汁好多，亦夠辣，非常惹味今次既誤打誤撞真係有驚喜，會再幫襯

服務態度差到一個點，企鵝幾隻，十三妹兩名，大哥大幾位，每位都來自非洲，黑口黑臉不特止，問多句都廢事答。食物方面倒是不太差，叫了一個牛仔骨，肉質不會over cook, 配的薯件是原塊切，算正宗。另一味黃金蝦，蝦隻中size 味道唔入味，咸蛋粉像麵包糠一樣包著，得個樣。菜心炒肉片，中規中矩，叫了一條鱸魚，超細條(每人最低消費到45元以上才可以加10元叫的)，基本食物評分 3/5 服務 -1/5

今日經過附近到了小廚港作食午餐，叫了凍咖啡及乾炒牛河， 乾炒牛河有驚喜地好食👍本來沒有太大期望😋另一位叫了熱檸水及乾燒意粉炒豬扒，味道有點淡不過意粉炒得很乾身豬扒過可以。