小火焰韓式咖啡廳 (金山樓) (已結業)

🥟Rice cake with pork dumpling soup 紫菜年糕餃子菜鍋(豬骨湯底) 💰108推薦😍 一上到嚟仲見到佢滾吓滾吓(有片睇!)就好期待😹本身有啲驚太清淡，點知豬骨湯底比想像中濃郁&更加有鮮味，有好多紫菜、翠肉瓜、粉絲同一片片嘅年糕；餃子好大隻飽滿，皮唔太厚但係啲餃都冇散到👍🏼食咗其他甜辣嘢再食啖餃子加啖湯好正🤤🍲Beef stone pot bibimbap 牛肉石鍋飯 💰108色彩繽紛🌈除咗牛肉之外仲有豆芽、醃蘿蔔、甜蛋、泡菜、青瓜絲、蘿蔔絲、木耳同埋原隻烚蛋，咁多配菜邊有可能唔好食🥹石鍋飯唔太辣，只係飯量多咗啲，大家可能叫少飯/share好啲😹

之前幫襯過樂富嗰間「小火焰韓式咖啡廳」，今日嚟大圍探班，發現原來附近都有分店，晏晝就同朋友一齊過嚟食個 lunch。門面繽紛奪目，好搶眼。店內裝潢亦時尚型格，以一室啡杏色為主，色調柔和，感覺開揚舒服。我哋每人點左一個午市套餐，另外再加配左兩款小食，忌廉蟹肉餅 (+$16) 同 芝士夾餅 (+$15)。蟹肉餅即叫即炸，送上時仍熱辣辣，入口外脆內 Creamy，香口又唔油膩！夾餅入面夾住滿滿嘅芝士，食落鹹鹹香香，好惹味。鰻魚燒蕃茄湯烏冬 ($78)，鰻魚燒得焦香，好大塊，肉質軟腍，入口啖啖肉，油香豐富。醬汁味道亦啱啱好，鹹甜適中，不會蓋過魚香。蕃茄湯用料亦唔馬虎，內有鮮茄、粟米粒和昆布等，真材實料，味道天然，甜酸香俱備，配以煙韌滑溜嘅烏冬，令人食指大動。甜薯咖喱燒牛扒飯 ($68)  牛扒賣相一流，睇下幾大塊，而且廚師好細心，上桌時已切件，食落肉質好嫩滑，牛香味濃。咖喱辣度亦啱啱好，味道帶甜，大人細路都啱食。另外飯面仲配左隻太陽蛋，用蛋汁嚟撈飯真係冇得輸。餐廳午市免收加一，另外每個套餐都會奉送咖啡或茶，轉凍飲+$3，或以優惠價轉換其他飲品。飲品點左杯凍嘅岩鹽焦糖咖啡 (+$13)  而朋友

有家人生日，就嚟呢到試下。當日一行12大1小，比咗一邊位我地自成一角，唔怕嘈親人😆職員態度好好，落單果陣仲會幫我地諗埋夠唔夠食，會唔會叫太多太小咁。當日叫咗好多野食，有水冷麵、炸雞、海鮮餅、石鍋飯、淮山湯麵，份量足而且好食，係用心之作。另外我地都有叫飲品，個飲品真係不得之了，大到成個糖水咁🤣仲裝飾得好靚！最後我地有蛋糕，餐廳收返$50切餅費，但完全無白收，餐廳送咗佢地signature 小火焰公仔比生日家人，另外仲有獨立包裝嘅碟叉刀，專for生日用，真係好用心！下次一定會再嚟食🤭

今日叫左個二人餐，包括醬油蝦配糖心蛋手握紫菜飯，好好味，跟左個三色前菜，有香芒炸雞沙律，做得唔錯，重有蜂蜜提子脆米炸雞，呢個d肉冇乜味，重有雪香牛骨湯鍋，湯好飲，粉絲都好食系d牛骨好硬，另外牛肉石鍋飯還可以，甜品糸手吉士蛋糕拼3.6牛乳奶凍，味道可以，我哋再加烤肉combo特選美國牛板腱＆牛小排，呢個麻麻地

早幾日食完韓國餐，但因為太飽無食到炸雞，一直都心掛掛，今日竟然俾我經過見到，今次咪走雞啦😂🍗韓式甜辣年糕炸雞 (半份 $108)太開心啦，炸雞仲可以拼年糕，唔單只可以食炸雞，仲可以食埋我嘅至愛年糕。煙韌嘅年糕只得幾條，唔洗驚太多會食滯；呢個甜辣汁很濃味，亦夠濃稠，雞件輕易沾滿，每啖入口都讓味蕾開花。甜味令人垂涎；而辣度亦有點刺激(利申:本人不嗜辣的)，非常滋味。 🍺啤酒 $30)韓劇教懂我的事: 吃炸雞，一定要配啤酒。要讚餐廳，啤酒唔會提供冰塊，但會提供冰杯，十分貼心，嚐到冰凍啤酒，同時不會因冰塊溶掉而影響啤酒味道。 🥗韓風石板炒野菜 ($78)有椰菜、洋蔥、雜菌、翠玉瓜、燈籠椒，面層更灑上芝麻，上枱時已聞到很香，入口就覺得非常惹味，亦是一道很好的送酒菜。難怪每次經過都見到唔少人等位入坐，味道不錯的韓式餐廳。如果人多，餐廳有唔少套餐提供，價錢幾抵。

閒日嚟到都幾旺場，餐牌選擇好多，而且價格相宜，樣樣望落都好吸引。蜂蜜提子脆米炸雞（半份）上菜好快，餐廳好貼心咁提供埋搓手液同手套～炸雞炸到外脆內嫩，肉汁豐富！呢款口味都幾特別，喺出面未食過，蜂蜜醬唔會太甜，好開胃啲提子乾同脆米粒同個炸雞嘅好夾好好食。Combo醬油配手握紫菜飯又想食醬油蝦又想食醬油鮑魚，呢個SET就一次過滿足到兩個願望喇。醬油鮑魚一啲都唔韌，肉質係腍得嚟又有啲彈性咁，醬油更加突顯咗鮑魚嘅鮮甜。醬油蝦飽滿彈牙，送飯一流，襯曬個SET包埋嘅手握紫菜飯冰菓魷魚鬚水冷麵 水冷麵係蘿蔔湯底，有好多蘿蔔絲、青爪絲同士多啤梨，清甜開胃；魷魚鬚肉質肥厚，份量大方，冷麵嘅麵條亦好夠彈牙，食完好refreshing

冰菓魷魚鬚水冷麵 $108魷魚鬚口感爽脆，水冷麵麵質彈牙；碗麵有好多士多啤梨粒，再加埋個清甜嘅蘿蔔湯底，每一啖都非常清爽，好啱夏天食。蜂蜜提子脆米炸雞 (半份) $108即叫即炸，新鮮熱辣上檯。半份炸雞有兩大件雞搥同兩大件雞胸，兩個人食份量啱啱好。炸雞嘅炸粉唔會太厚，外表香脆，入面啲肉嫩滑juicy，加埋啲甜甜地嘅蜂蜜、軟腍腍嘅提子乾同脆卜卜嘅脆米粒，口感同味道都好豐富。Combo醬油配手握紫菜飯 $172呢個combo set有醬油蝦同醬油鮑魚各兩隻，未去過韓國嘅我一直都好想試「醬油乜乜乜」，今次終於都有機會試喇。大大隻嘅刺身蝦汲收咗滿滿嘅醬油，味道鮮甜回甘，口感彈牙，超正醬油鮑魚軟腍得嚟好有咬口，好入味好好食。鹹鹹地嘅醬油蝦同鮑魚真係白飯殺手，呢個set配埋手握紫菜飯真係啱啱好！

因為睇到幾多好評， 所以就入左去。點了個2 人餐，$488 -頭盤 ： 生醃蝦 = 唔錯， 肉爽沙律 ： 豬手菜沙律 = 清新， 沙律醬唔太多， 幾好， 豬手：林滑炸雞半份 ： 共 4 舊 ， 原味 - 太乾， 似預早炸定， 如柴皮， 差 （全因為想食雞而點升級2 人餐 - 超失望）奶白海鮮窩 ： 正常， 蝦 、鮮魷、粉絲、年糕=蝦 ： 霉，鮮魷 ： 太老， 如橡筋，粉絲 ： 正常 ，年糕 = 好味，但只有2-3 舊， 湯 = 太甜，同味精重。石頭鍋飯 ： 正常 （因為太飽， 只吃了 2 口）完全無飯蕉， 個碗都唔太熱， 似 ： 就咁放飯+ 料上個碗內，無再加熱燒到變飯蕉。飲品 ： 2 杯乳酸飲品 = 正常甜品 ： 窩夫 + 雪糕 。正常 （sor 因無諗住出post, 所以無相）

之前食過觀塘分店，今次同個fd黎到大圍分店試下。┄┅┄┅┄┅┄┅┄≋ 韓式甜辣年糕炸雞 (半份) $108好大舊炸雞！食落味道唔算好辣，炸皮脆卜卜，雞肉好多，抵食～評分：🌕🌕🌕🌗🌑-≋ 拉絲芝士BB豬肋骨伴泡菜炒飯 $108豬肋骨好淋身，輕輕一咬就骨肉分離，同芝士好夾！評分：🌕🌕🌕🌗🌑-≋ 藍柑白桃梳打 $55食左辣野飲返杯梳打好解膩，白桃味好fresh，仲要咁大杯好抵飲！評分：🌕🌕🌕🌗🌑-≋ 芒果布朗尼3.6牛乳雪花冰 $88濃濃既奶香味加上芒果真係好夾，加埋brownie口感同味道都好豐富😋評分：🌕🌕🌕🌗🌑

大圍高質宵夜之選🤍-同朋友經過見到門口寫住宵夜時段甜品七折，飲品仲買一送一，因為之前食過記得啲冰真係好好食，所以即刻入咗去🤣-🍨糯米糍3.6牛乳雪花冰 ($78) (7折後$55)唔誇張但係呢度嘅雪花冰係真係我食過最好食嘅雪花冰😋啲冰入口即化，而且每啖都充滿牛乳味，甜度適中，而且份量好多😚另外上面仲會有薄脆杏仁片增加口感，至於糯米糍夠煙韌，而且裏面仲有朱古力cream，口感幾滑🤍上面嘅朱古力雪糕一樣都好夠濃好入味，而且唔會太甜🥰超推薦大家去小火焰食雪花冰!!🧇DIY窩夫 ($108) (7折後 $76)通常食窩夫都要諗好揀某隻味，個人覺得呢個幾抵玩因為可以一次過試晒唔同味😛餐廳用咗啲好得意嘅shot杯裝住唔同嘅醬，分別有煉奶、橙、蜜糖、士多啤梨、芒果同朱古力醬😚首先講一講個窩夫底，個窩夫底夠脆，口感係偏實嘅嗰一種~雪糕方面我哋就揀咗曲奇雪糕，雪糕一樣冇令我哋失望，奶味夠重之餘唔會太甜！另外餐廳亦都有比四款配料，分別係芒果、士多啤梨、杏仁脆片同埋朱古力脆脆，芒果又軟熟又甜，士多啤梨就微酸，食落幾開胃，朱古力脆脆就可以增加窩夫嘅香氣🤍🍵凍綠茶拿鐵 ($38買一送一)記住撈勻先飲🤣抹茶味夠濃

連鎖餐廳嘅韓國菜，近年來越開越多分店，而且每次亦見門口很多人排隊出名多嘢揀，而且食物質素唔差，裝修及環境亦坐得舒服😌門口已經見到好多韓星嘅poster，去唔到韓國就暫時食下香港韓國菜今次選擇弘大韓國二人餐，有七樣嘢，覺得相對單點較抵食香芒炸雞沙律🥗炸雞外表充滿醬汁麥芽糖，甜甜地黏牙嘅口感好好食😋加上芒果酸甜嘅配搭，整個沙律再加了芝士粉，前菜來講都幾大碟蜂蜜提子脆米炸雞🍗蜂蜜和提子即是甜味的選擇，蜂蜜味道幾岀，炸到外表幾岀，入邊嘅肉質都幾嫩，我覺得質素唔差醬油蝦，配搭一個小飯團🍙醬油蝦味道幾濃烈，而且唔太鹹我最推薦係佢嘅石頭鍋飯份量超級多，絕對係二人份量，嚟到嘅時候鍋邊十分熱，要快速撈，底下亦有飯焦

我第一次去覺得佢個芝士炸包冇咁好食，而且我覺得個芝士好臭，吾係好岩我。而個牛肉冷麵係幾ok的，不過都吾會再叫第二次。個朱古力甜品好靚，又幾好食，如果再去會再叫多次。個環境幾好，服務快有幾好排隊都等左幾耐下，可能係夜晚😅價錢方面係貴左少少不過可以值得一試

叫左兩個飯 第一個牛肉石頭鍋飯 出嚟果陣成個鍋係唔熱㗎 叫佢翻熱 點知出到嚟 成兜嘢燶晒 係極差第二個豬肋骨拌飯 完全係極差 極咸 豬肋骨 完全無肉 拌飯咸到出腎結石係有生以來 食過最難食嘅嘢 完全食唔到落肚 呢間嘢 係一定要汁好評絕對係買番嚟 大家要睇路呀

終於有時間去幫襯，滿心期待....食物：炸雞是過火了...失望了 但芥末、茄汁好味；煎餅是....油濕餅...😖 環境：是職員休息時間，點解見有客進食中， 竟然掃地....其實塲地近門有吉位，可以安 排入座好啲... 我的位置可看大電視，有2個大電視播韓 星、男團、女團歌曲，好有氣氛👍👍服務：可能服務員哥哥以為我用唔到QR code點 菜, 想幫我落單，其實係太多款食物... 我只 想食個tea....所以看了很久個餐牌。好好 服務👍但沒有加水服務😅

今日，約左鍾意韓國既朋友食飯，佢話大圍呢間小山火燄好好食。 既然朋友都推薦，更係去試。佢menu真係好多選擇，基本上講得出既韓菜都有，而且感覺唔太港式，幾特別。我地就叫左個弘大二人餐，入面都有好多野食，可以試多啲。加左$10有醬油鮑魚配手握菜飯，幾抵wor。鮑魚好大隻，食落幾爽口，唔錯。 脆米豬手沙律，豬手都幾厚切，下面既好似粉絲既野真係好脆，沙律菜都好新鮮。年糕炸雞好正呀，唔太肥，辣同甜又啱啱好，爽埋年糕，好快食晒。雪香牛骨湯鍋真係幾香，牛仔骨都唔硬，仲有粉絲係底，勁滿足。泡菜肥牛炒粉絲，又係勁正，泡菜唔太辣，夾肥牛炒得好唔錯。然後再食埋個甜品同飲埋野，真係飽得好犀利，佢每個餸都好足料，好大碟，真係好正。約多啲人一齊食仲抵。