小王牛肉麵 (已結業)

成日經過見到「小王」都以為係大陸餐廳，但呢日入去聽到一眾店員嘅台灣腔歡迎光臨先知原來係台灣菜對比起v city其他食肆價錢叫幾貼地，主食都係$40-60，隔離羅麥記茶記野都要咁嘅價錢。麵食硬度、粗幼同配料都可以按個人喜好選擇，我偏好粗硬麵，感覺有咬口啲～上枱嘩一聲，同台灣一樣大大份幾抵食，餸仲多過麵麵厚彈有口感，個湯清清地，平衡返餸嘅油膩同熱氣。雞皮炸得鬆化酥脆，雞肉嫩身唔乾，係略嫌鹹左啲，食多幾件就覺口渴。食物質素係唔錯嘅，都幾抵食，但坐得唔太舒服，張枱同餐牌都笠痴痴咁

行過 V city 想食下午茶，行左幾間都係日本野，見到有間小王牛肉面就試吓😌都好想搵返吓台灣風情，回味一吓🤭🤭店舖不大，一眼望晒，門口有個半開放式大bar枱，感覺幾乾淨企理，估計應該唔太差😅😅套餐有4款飲品選擇:珍珠奶茶，🍋檸檬茶，金桔🍊鮮擰綠茶及荔枝玉露🍹,包呢幾款飲品，都算特別店舖細細都有幾多選，我當然選最經濟下午茶啦😎半筋半肉面(養生牛骨湯)~第一啖，一定係飲湯先，夠熱，頭熱湯配面呢個係好好喇(好多連鎖店，食湯面已經係暖湯，第一啖已經唔想食)，再者湯有點藥材味，感覺好補咁，成碗湯飲晒咁濟🤭，半筋半肉就麻麻 ，半筋肉係ok,而且夠林，入晒味，但有全筋就失色左少少，因太林，入口就溶左，相對半筋肉好食d,另外當然最主要係面，面質還算可以，但稱不上好味，食得出唔係手打或刀削面咁，不過不失，最好咪還是個湯😌珍珠奶茶~奶茶真係麻麻，有甜味，有茶味，但不是平常飲嗰種，珍珠就偏硬，整體一般，不試無防😔本身唔飲凍飲品，但見套餐包左，就放縱一吓自己，但浪費了Quote😔

小王早餐到11:30，不用加一，非常好！我試了蛋餅，口感似中式薄罉的厚版，外面再煎脆一點會更好味。我選了芝士和雞蛋做餡，吃得出芝士，蛋味不明顯。配了一小碟醬，有點似海鮮醬，令蛋餅生色不少。叫了檸檬茶，原來加了糖，檸檬卻只得半片

同朋友到屯門，他們建議食牛肉麵，到達很才知道是這間，因為之前聽說過這間餐廳麻麻，所以我也很怕。上菜速度算快，牛筋數量適中，麵條有咬口，牛骨湯底入味，不太咸，飲了大半碗事後亦沒有很口乾。以減十元優惠加配芋香奶茶一杯，不錯。總結，沒傳說中那麼差。

vcity內早餐無乜選擇，得番羅麥記同呢間，咁未食過就試一試。叫左三餸蛋餅，等左十分耐。都明白廚房朝早得1個人係需要耐啲，但係我諗唔會格離遲過我地起碼15分鐘以上先到既客人有野食，我地都未有野食囉。大家都係叫蛋餅喔。等得太耐忘記左影相，但蛋餅皮超厚，不脆亦不香，料亦少，同台灣既差得太遠。熱奶茶。。。呢種鋪下次我都係揀豆漿好了。奶茶甜都唔緊要，係完全無奶無茶味，唔講我仲以為飲緊白糖水。而且都唔係平架喎，呢set野都38架喎。呢間無下次。

最近返工食lunch同事介紹左食呢間台式餐廳，佢地推介半筋半肉粗麵，試完一次，念念不忘，上網睇，原來有間分店係屯門vcity, 近近地，放假又忍唔住去食! 今次當然又叫返半筋半肉麵，佢個牛肉湯底個人覺得有d似肉骨茶味，飲得出好足料，牛腩同牛根都入晒味，質地軟稔，一啖接一啖，差d食曬d餸都未食麵，白色粗麵煮得剛好，不過最吸引都係個湯底，飲到一滴都冇剩，餐飲試左香芋珍珠，都還可，另外叫左麻醬青瓜同韮菜餃，青瓜真係屋企買支麻醬撈落去就得，可以不試，韮菜餃煎得香脆，不太油膩，可一試! 講講下又想食啦點算!🤣🤣🤣 平均消費: 約 $40-$100

今晚和媽媽買東西，買完已經七時多，原打算帶媽媽去Gogo Mall覓食，可是半路忽然下起傾盆大雨，媽媽說轉去V City吃晚飯好了，她可不想被大雨淋濕，她已有少許感冒。V City最近不少食肆易手，所以選擇不多，環顧四周後，媽媽決定吃小王牛肉麵，她沒想到中伏了。媽媽點的台式肉燥豬手飯飯粒乾巴巴，要用我的牛肉麵湯頭拌飯才容易些咀嚼，豬手色澤看似入味，其實無味不軟腍，太差吧。說真的，精裝三寶麵挺令人失望，湯頭本身熬煮不錯，濃郁帶點微微香辣，牛肚彈牙，亦充分吸收湯汁，可是牛筋和牛腩毫無牛味，亦無湯滋味，就像水中輕輕涮煮，非常馬虎的配料。一口鹽酥雞是三款熟食中最正常的一道，鹽酥雞份量十足，外層炸得酥脆不油，內裡雞肉滑溜極致，鹹香可口，不論單吃，或是用來伴飯吃和伴麵吃亦不賴。經過雨水的洗禮，身子有點冰冷，這時候最好來一杯熱呼呼的黑糖薑母茶驅寒。黑糖薑母茶的黑糖味不顯著，幸好薑汁味重，仍有它的用處。

三寶給一條牛肉當作牛輾，基本上所有配料都不入味⋯豬手咬不動很難食⋯算上服務費真的超不划算（基本沒有服務）⋯能明顯感受到這家店沒有用心做料理，一味追求速食毫無疑問差評

2019年6月13日 工作關係要一大早入到去屯門那邊， 人生路不熟的情況下， 我提早左好多入到去， 所以就在VCITY度搵地方食早餐， 經過一層FOOD SPOT， 得一兩間有早餐食， 所以就揀左呢間試下。 因為我特別喜歡食牛肉面， 所以二話不說就點了牛肉面， 然後面就改了新竹米粉， 飲品叫了凍檸茶少冰少甜。 牛肉面配新竹米粉 個湯底不錯， 食得出有用心烹調， 味道濃香而且有濃濃牛肉味， 亦有不少調料令到個湯的味道不至於寡。 牛肉就差了一點， 我個人喜歡食半筋半肉， 半筋半肉的牛肉味會更香濃， 這間店所用的肉比較瘦， 不合我的喜好。 新竹米粉就食落好爽， 浸得耐都唔怕。 凍檸茶少冰少甜 這個唔好飲， 首先第一啖飲落口已經非常之甜， 然後茶味同檸味都無乜， 乏善可陳。埋單46蚊， 性價比麻麻。

有日行過vcity, 突然發現左呢個小王牛肉麵， 如無記錯， 之前應該係鑽石山廣場食過一次， 記得味道同 service 都okay 的。日見唔係咁肚餓， 所以食碗麵都好， 呢間店係 Vcity corner 位， 所以， 平時可以無咩留意佢， 今日先發現， haha...... 我點左半筋半肉麵，可以自己選擇麵粗幼，硬度，配菜等等。。。我個人就唔鐘意幼麵同麵質太軟身， 呢度可以選， 好好呀。食物都唔錯， service就不算好好，啲位就窄啲，因為間舖細。

本黎係俾呢度既粢飯吸引左過黎食早餐，但上次食個牛肉麵好似幾好味，就轉食牛肚麵啦。原來早餐既牛肚麵係粗身，同今次個牛肚比較淋，無上次食咁好味 有少少失望。下次再試下個粢飯

星期日朝早趕住快快趣食個早餐之後過海，見呢間仲有位，就入咗去坐！早餐普遍30-40蚊，價錢算average, 有牛肉麵蛋餅之類台灣嘢揀！蛋餅: 之前係台灣食過一次，一試難忘！今次見有，即刻嗌黎試吓，點知就。。。伏！加咗餐肉，油炸鬼同煎蛋，但其實個成品只係將呢三樣嘢包係一個餅皮入面，完全無一點點台灣蛋餅嘅味道！牛肉麵：味道ok，但份量就少到喊！牛肉新竹米： 牛肉係普通茶餐廳早餐牛，唔係牛肉麵果d牛！失望！總括黎講，超唔抵食，cp值極低，食唔飽！

今日同朋友係V CITY隨便搵餐廳食野，因為佢趕時間，所以我地搵左呢間出餐比較快又唔洗等位既餐廳食野!我地叫左一碗牛肉麵同肉躁鹽酥雞飯，個牛肉麵就唔錯既，但個飯就真係好好好難食!!!你唔講我都唔知係肉躁飯，我以為肉碎飯炸，佢個肉躁個味好怪，完全唔係台灣味，而個鹽酥雞都唔香唔好食，食落好油好唔新鮮!!!呢個飯我真係食左一半都無。而野飲方面我叫左珍珠奶茶少甜少冰，味道都可接受，但珍珠真係好硬...食完我就明白點解午餐時段呢間餐廳唔洗等位，下次真係請十都唔會去食!

今日同有人去到呢間野食嘢 男黑衫年青服務員態度非常惡劣 問我搭唔搭枱 我話個位置太少唔搭枱然後佢嘅回應係叫我慢慢等下囉！但係態度係非常之惡劣 個樣亦都非常之咁串跟住之後上菜待薄我吔 要咩冇咩我哋都明白服務行業嘅辛苦但係做得呢一行嘅基本嘅態度禮貌應該要具備依家台灣菜其實味道還可以 但係呢一間分店嘅服務員態度的確一般影衰晒呢一間鋪頭！如果唔想食到一肚氣建議唔好去！

vcity買野，無其他想食，突然想試下台灣野，冇理到openrice評價，但而家發現真系中招！！試完之後感覺完全同台灣冇關係，自創菜式tick咗唔要芫荽，上咗，叫佢換之後等咗3個字滷肉飯得dd肉丁，唔入味，蚵仔煎係麪餅加芫荽加蔥加蚵仔兩個人人均百幾蚊真系差過街邊50蚊水準，唔明點解仲有人來食。咁多年第一次寫食評，因為真系近年體驗最差，食物差服務差環境麻麻。不如轉去隔離食茶餐廳或者日本野，blacklist！