小王牛肉麵 (已結業)

今日收工行去VCity,見到新開無耐既小王牛肉麵，望見餐牌有我最鍾意食既鹽酥雞扒麵，所以就即刻入座點餐。誰不知，一見到塊雞扒，d炸粉重厚過屋企d石屎牆，而味道亦吾好食，一句講哂……超級超級難食……而嗰杯珍珠奶茶，一味得甜，冇乜茶味！！一心諗住係台灣菜實ok,點知今次超級中伏喇……😠😠

今日突然“哈台”，想食台灣野，特別係肉燥! 所以特登行去vcity 搵隔壁的小王~第1次黎呢度食，點菜係自己畫紙仔食物選擇都幾多點左排台式肉燥炸大排飯炸大排味偏濃，一般，個肉燥份量真係太少，味道都係好普通，唔夠撈飯，咁樣收62蚊仲要加一真係唔抵食，好多台式小店都做得好味過佢 當然比起小店，呢度係坐得舒服好多既反而另一款炸雞排麵就好吸引，淨係上枱大大份，香噴噴已經夠殺食!雞排不負眾望，炸得香脆入味，而個麵咬口好好，湯底都唔錯，唔會太味精可能呢度主打牛肉麵，叫返麵類同牛肉應該穩陣d!

平時行開vcity都經常見到有人排隊，心諗應該好好食，點知……今晚行過見冇人排隊，就諗都唔洗諗即刻走入去，叫左一碗半根半肉牛肉麵，一份蚵仔煎，一碟金錢肚粉皮同一杯珍珠奶茶。由落單開始大約2分鐘牛肉麵已經送上，心諗第一樣送到枱上竟然唔係涼拌而係牛肉麵都覺得神奇，果然啲湯咸到食完要洗腎，啲麵都未熟透，啲牛肉又乾又柴，食左小小頂唔順，為自己健康著想，宣布放棄……等左大約15分鐘蚵仔煎同金錢肚粉皮一齊送上，碟蚵仔煎我相信請台灣朋友食佢地都唔敢相信呢碟係蚵仔煎，完全食唔到蚵仔煎味道，只係知道自己係度食緊粉漿……至於金錢肚粉皮啲金錢肚有陣唔知係雪味定叔味，總知就係怪味……至於當晚最正常就係杯珍珠奶茶，留意係正常並唔係好飲……結帳總數$197蚊，希望呢間小王牛肉麵可以早日結業，唔好再獻醜，咁難食既野相信只有星期六日啲大陸自由行去食，正常香港人試過一次都唔會返轉頭……

今日老公OT，等埋佢收工9點半先食晚飯，太夜先食晚飯已經無乜選擇，本來想食鄰鋪羅麥記，但見佢好似就快打烊咁，而小王店內就仲有不少客，所以就入去食。黑色衫的人好是經理，安排我地坐路口一張二人枱，其實仲有梳化位，不過諗住快快食完返屋企，所以都算。坐路邊張枱其實已經好窄，兩個侍應仲不停行來行去但又無嘢做，幾騒擾。之前幫襯過一次，食過牛肉麵，味道ok不過比較細碗。今次要了一碗擔仔麵、一碗肉燥飯、涼拌茄子和肉鬆皮旦豆腐。食物份量都係偏少，都唔緊要，最慘係唔好味。擔仔麵好重梘水味，肉燥飯的肉燥好乾味道又唔好，完全無肉燥飯應有的香味。我地差不多食晒碗麵同飯都未見兩碟小食。之後待應先走過來話無晒皮旦，整唔到肉鬆皮旦豆腐(我地都就快食完，你唔好埋單先講?)。涼拌茄子要追單先話差不多有，客都經已走得七七八八廚房都無嘢要出都唔知點解要搞咁耐。最後一小碟涼拌茄子終於上枱，不過點解會係暖? 唔係涼拌咩.... 味道就普普通通。食物味道唔得，價錢唔值，服務唔好，環境一般，唔會再幫襯。

大概5點幾6點嘅時間去到都仲有位所以唔駛等職員即刻就過嚟抹檯同畀咗兩杯凍水我哋商量咗一陣先叫但就feel到職員喺附近踱步同有啲唔耐煩想叫肉鬆皮蛋豆腐 佢話冇晒想叫安平蝦卷 又冇都有啲失望最後叫咗相中嘅花枝丸 幾好食幾入味叫咗鹽酥雞扒麵 塊雞扒超大塊 上菜嗰陣都呆咗 兩個人share都覺得好飽食得出係即整 唔算好油但食咗咁多舊都有啲膩拌麵幾好食 唔算乾身肉燥加青瓜幾開胃 不過記得撈勻啲兩個人3樣嘢計埋加一 150幾蚊值唔值見人見智啦但就真係飽嘅 全部嘢食都應該係即整 因為等上菜都等咗5-15分鐘等鹽酥雞扒係最耐整體正正常常啦 冇咩驚喜但一試無妨個人覺得好食過沙田分店

今日情人節約了奶奶和老公仔去市中心食午餐見到新開了一間台灣麵店好想去試下就入去了，等了好耐好耐都先上餸又慢又貴又唔好食，令奶奶和老公好失望😭😭😭唔會再去😡😡😡😡，重點係除了麵內面條菜新鮮外冇一樣好了，而且個牛展有臭味又怪怪地好失望呀⋯⋯點解可以煮得咁差，還收了288😭😭咁難食拿288買年花好過了😡大家可以考慮一下去其他呢間唔太值得試👎🏻👎🏻👎🏻👎🏻👎🏻真心麻麻地。

屋企樓下開咗呢間牛肉麵， 每次經過食飯時間都好多人排隊！以為好好食🤔所以11:35就落咗去食1) 半筋半肉粗麵 : 來得最快,味道普通 7分2） 鹽酥雞扒麵 ： 嗰塊炸雞排真係超級勁大塊 ！但係呢碗麵等咗成廿分鐘,而且係清湯底我唔知點解要等咁耐3） 紅油抄手：又係冇乜特別,非常普通！隔离上海婆婆整得好食好多4） 酸菜豬腸：又係等咗成廿幾三十分鐘先嚟！都唔知佢搞咩搞咁耐！不過個豬腸可以接受都有七分5） 鹵水牛肚：呢個吹咗四次先上枱！而且整得唔好食,唔合格呀兩分總括嚟講只係好普通合格，但係我哋就算住樓上都未必會再落嚟食多次

小王牛肉麵喺香港已經開了很久，一直都未有機會嚐一下。今天碰巧在覓食的時候看到有它就決定試一下。😀12點30倒去到8成滿座，我點了半筋半肉麵，可選要粗或幼麵，和要酸菜與否。半筋半肉牛肉麵 粗麵 酸菜湯底十分濃郁，但略覺較咸😣，加酸菜後就可以中和一下。而粗麵麵質不錯👍🏻，有咬口。但牛肉就略嫌鞋身，不算太美味🤢另外我們亦點了肉燥時蔬，當日有菜心和油麥菜選擇，菜心十分新鮮，與肉燥十分夾，唔錯👍🏻👍🏻

屯門終於開左小王牛肉麵～梗係要試下新野啦～叫左個半筋半肉牛肉麵，佢有幼麵粗麵選擇。今次就試左粗麵～個樣有Ｄ似刀削麵，但麵質食落比起刀削麵彈牙。至於筋好有彈性，牛肉就香濃～至於湯底唔會太咸，食完唔太口渴，應該冇乜味精～價錢就適中啦～唔算話好貴

小週末的星期五晚上，在V City 逛了逛經過新開一陣子的小王牛肉麵，見7點時間尚早還未需要等位，便一於試試佢用紅色蠟筆直接畫在已過膠的餐牌上，店員落單後便會擦走蠟筆，餐牌便可重用，非常欣賞這小小的環保意識☺️麻醬拌黃瓜 - 份量大概是一條全整的小黃瓜，黃瓜切成小段淋上麻醬和芝麻。黃瓜清新爽甜，但略賺大舊，難以放進口咀嚼。整碟前菜以麻醬提供味道，因為黃瓜沒有經過腌製。滷水牛𦟌 - 一碟內大約有6-7片牛𦟌，牛𦟌非常軟嫩，而且滷水汁頗入味，不用太用力咀嚼已經在口內散開。驚喜的是牛𦟌底還有數粒豆腐，豆腐比牛𦟌更能吸收滷水汁，咀嚼時滷水汁從豆腐爆出，豆腐溫度屬暖。半筋半肉幼麵 - 牛筋與牛肉的份量都相當足夠，牛肉軟嫩但不夠入味，而牛筋較軟身，有啫喱狀的感覺，所以少了一份咀嚼韌度。而幼麵屬軟身，麵質咬下去有點兒鬆散。反而驚喜的是湯頭，未食已經嗅到有花椒八角的香味飲下去有濃郁的牛肉味，為整碗牛肉麵生色不少。

一入到去好焗，無冷氣咁，啲位又逼，環境唔合格。叫左兩碗牛肉麵，湯底普通，嫌比較細碗，牛肉普通，牛筋無味，唔好食，麵質就正常。另外叫左凍茄子，好味係好味，但太幼囉條茄子，唔抵。仲試左炸蘿蔔絲，其實入面係蝦，都幾好味。最後試埋金錢肚粉皮，都唔錯但唔鍾意係辣嘅。

星期6下午茶時間， 肚餓想食碗麵， 見小黃牛肉麵係vcity 開左分店， 就入去醫下個肚。 之前都有食開小黃嘅牛肉麵， 佢啲湯唔算太濃郁，但都唔油膩， 而且佢啲肉都整到好淋， 都算係可以。 而今次就叫左個半筋半肉牛肉粗麵， 牛筋份量好多，肉都唔小， 筋同肉都做到好淋。 可惜個湯好似俾出面其他分店個啲淡小小， 其實食牛肉麵其中一個因數都係想飲下佢啲湯， 但今次個湯淡左就有小小望啦。 P.S. 另外只叫個麵就可以用半價叫杯野飲， 都幾低飲。 唔使齋食咁掛

今日新一年第一天，難得有日假期，都係離唔開要食吓行吓囉近排都知道 v city開左 小王牛肉麵分店，所以喜歡食台式野嘅我緊係要試下，奧海城同荃灣嘅店我都食過，今次就要試屯門店。去到都要等位，等了10分鐘左右，可以接受嘅。呢間大約都有十幾張枱，地方唔大。一向我都鐘意食牛肉麵，所以都係試下招牌麵，叫了半筋半腩粗麵* 麵一黎到， 賣相都 ok, 嗅到好香香味，應該係個湯底，湯底好濃，係好濃嘅八角味，我唔太鐘意，太過勁濃，湯嘅顏色好深，牛筋腩比較出面分店細小，唔多入味，尚算淋，麵就係扁粗麵，好彈牙煙韌其實真係一般，反而荃灣店比較好食。隔離枱叫左炸雞，我見到漿粉都較厚下，覺得應該麻麻。

On the Saturday afternoon, the 3 of us wanted a bite after movie in late afternoon. Walking along v city and see this newly open beef noodle soup place. So we decided to try that. The restaurant wasn't in it full capacity, still have some free seats around, a few tables are free but when we ask for a table for 3 the staff offered us to share a table with other customer or we need to wait. Puzzling why not give us one of the free table, we decided to wait for a table for ourselves, however they e

之前喺九龍灣食過，感覺唔錯，屯門開分店要捧場下。但係又好似爭小小滷水牛肚絲，切得好唔均勻，淋得滯冇咬口，反而塾底嘅滷水豆腐仲好食pat 醬ok 惹味嘅，不過藕片，生到一個點，我以為自己食緊A4 紙。。。半筋半肉麵全晚最似樣係呢個，淡淡藥材味，有台灣既味道！牛腩湯麵（白胡椒湯底）湯底其實唔錯，麵質都彈牙，不過冇乜胡椒味，有d 失望，如果你話係香濃豬骨湯底感覺會良好D嘢飲～不過不失啦，勝在半價抵飲！餐牌都仲有好多選擇，下次可以再試埋其他！