小肥牛火鍋活魚專門店 (已結業)

太子的小肥牛, 打邊爐的時間是11點後了, 雖然係咁夜先打邊爐, 但係睇落好多食物都好新鮮, 可能係雪櫃夠正, 冷藏得夠好既關係啦~值得推介既係個牛刺身, 真係唔錯, 當然其他食物都好新鮮啦, 幾好, 唔錯, 值得去完再去~

食物質素高叫咗火焰醉蟹鍋阿姐會點火表演嘩聲四起, 氣氛已高漲咗D蟹係有鮮味, 即係即劏, 食過德興的係死蟹, 無哂味呢度係有HEART的D食物索咗湯底D酒味勁正尤其D冬瓜芝士牛丸係首推, 超好味2個人有一碟的10蚊牛係抵到爛ASAKI 20蚊3支抵過自己買返屋企飲埋單百幾一個人係超值, 下次打邊爐一定要翻兜自己睇返都覺得寫到好以打手咁哈哈, 我無收錢咖, 唔好誤會我~!最後一提阿姐超好人, 好NICE!不過佢好爆, 要好早訂枱

一班朋友一齊食咩最好?! 梗係打邊爐啦!!! 平日聽小肥羊就聽得多啦,, 今次一於上試下食小肥牛先!! 咁我本身都係鐘意食牛多過食羊多好多,, 所以真係有D期望架!!其實我地都叫左好多野食,, 丸類呀.. 海鮮類呀.. 菜呀.. 果D.. 咁我地想便便地咁食.. 所以都冇叫到咩貴既野.. 咁我覺得D野用呢個價錢食都OK既,, 但係個D牛就真係唔係幾滿意啦,, 可能因為本身對D牛都可以話係有期望啦,, 我覺得D牛比起我係大家樂同埋吉野家食果D差好多!! 好o鞋口啦.. 咬落去真係咬左勁耐... 大家都覺得好滿意...之後真係忍唔住啦,, 為左想食好d,, 就叫d貴d既牛黎試下,, 點知真係又好d喎,, 但係又再失望啦.. 因為靚小小既牛.. 煮一煮就縮到得返3cm.... 係好味d既.. 不過真係細到冇哂野講............我諗我真係唔會返黎食架啦!! 去小肥羊食牛仲好過!!!!!!!!

去左小肥牛十下十下, 好好彩BOOK到房, 不過上個星期五打去BOOK的 對上一次去已經2年前LU, 食物 / 服務 / 价錢仍然保持好水準, 全家都食得好開心, 10 X 讚 唯一麻麻地o既係 "清酒黑豚肉" --- 冇咩特別 我地叫左好多野食, 以下值得推介: - 牛肉刺身: 同2年前味道一樣, 鮮甜鮮甜- 芝士牛丸: 芝士會流出黎, 好味- 炸腐皮: 同2年前味道一樣, 唔識講o既好味 - 炸魚皮: 我平好小食, 媽媽大讚好味過外面的, 好薄好脆 ......- 花鵰酒牛肉: 好有濃濃的酒味, 正正

為咗攪一個17人嘅聚會, hotpot 係最佳選擇。條件係:1) 有房又唔嘈到其他人2) 唔要任食3) 唔太貴4) 食評多過小肥牛(太子店) 就乎合哂以上要求 (仲有獨立厠所添)必食推介:1) 各類刺身 - 新鮮 , 特別推介牛刺身 2) 芝士牛丸 - 兩首配合得天衣無縫 3) $10蚊肥牛 - 平平地無要求下還可以 4) $128 安格斯牛 - 份量大又足夠雪花5) 炸腐皮 - 三秒嘅黃金時間, 不太油, 正 其他基本嘅丸, 菇, 粟米, 餃子, 湯底等都交足功課。最後要讚下D服務, 非常好

10月10日上一次嚟太子小肥牛,已經係差唔多兩三年前嘅事,今次選擇喺辛亥革命100年重臨舊地~6點半左右就同女友到,無乜人,所以唔駛等位~一坐低,嗌啤酒飲下先,同上次嚟一樣,Asahi仲係賣$20/3枝,抵玩到呢~~湯底點咗鴛鴦,因為個人一向認為打邊爐湯底唔需要太多花臣,只要料新鮮就好足夠~炸腐皮咁出名,點可以唔點??放落湯3秒,一邊脆一邊充滿湯,正~~本地肥牛$28碟,唔差,好抵,有牛味~兩個人可以叫一碟$10嘅安格斯牛,份量唔多,薄&細塊,但味道唔錯~~四寶丸有豬肉,牛肉,鯪魚&墨丸,幾新鮮,再加埋墨魚滑,perfect~~叫咗碟青島石蠔,$45有半打,都唔錯,但似乎桶蠔較適合打邊爐...最鍾意個離菌併盤,真係乜菇都有~又叫咗個花雕牛,但就有少許失望,可能期望太大吧...加多個菜,好似點得太多tim...久別重逢,水準依舊,應該大把機會做到我生意喇~~

已經不是第一次在小肥牛打邊爐，食物保持一貫的高水準，正！每次都要換一碟刺身，令我食指大動！湯底～點了鴛鴦湯底和蕃茄薯仔湯底，個人喜歡後者。主菜～第一位當然是芝心牛丸，極美味！飲品～蘆薈汁好味道，另外果汁先生特價，抵飲！服務依舊。最後追加的伊麵、出前一丁、烏冬，等了很久，結果要兩次催促才送來。侍應們很忙，但態度尚可。總結而言，小肥牛是打邊爐的首選。

雖然已一早訂位，但去到都等咗大約十分鐘，可能係星期日嘅關係啦。食物一般啦，最差係脆鯇片，一啲都唔脆。而黃喉就一啲都唔特別，可以不試。選擇其實唔多，因為好多都被刪去，可能星期日啲嘢賣得快啦！上菜真係好慢，差唔多食完一碟，至上第二碟。好彩個湯底有料，如果唔係實餓暈。牛肉要到最後先至到... 但我地一催，不消五分鐘就到。員工服務都幾好，但人手不足，好多時見佢地做到踼哂腳。

勁過份… 前一日下午打電話book話full咗... 要6點walk in 等位 今日預早15分鐘到5:45留咗位，同個門口女人講行去買嘢轉頭返.居然返到去攞位個陣話我有企係度等，張抬比咗人。嘩!呢D咩理論，咁早去得walk in 都唔會book咗抬唔食啦.只係話而家冇抬要9點後… 激氣到爆！ 不知所謂嘅服務態度…只知會唔再去浪費時間同金錢。

這間小肥牛有成3層架, 我地就上左2樓, 有間大房, 都幾free架。佢有個鐘係for我地房叫阿姐ge, 都算方便。佢d野食真係幾多, 刺身, 凍食, 熱食, 打邊爐材料都好多。佢d肥牛好好食, 好軟身好有牛味, 但又唔會太肥, good!!! 佢好多種肉都好食架, 仲有d鴕鳥肉, 都好特別, 不過就唔係人人中意食。仲有海鮮都好好味, 樣樣都好大舊, 而且又新鮮, 真係好呀。同埋佢d刺身同冰野都真係有冰冰住架, 就好似佢d螺片咁, 刺身食又得, 唔食生野ge, 即係我咁ge, 又可以恰一恰先食, 真係好新鮮好鮮甜呀。一d都唔求其。不過我最中意都係食佢ge粟米呀, 金菇呀果d, 因為好甜, 佢d粟米好好食呀, 應該係超甜粟, 而且仲粒粒都好大粒架。佢d材料幾靚。不過佢個冷氣有時太凍有時太熱好難控制, 所以都係帶多件衫好d。

因為愛辣的關係, 不是主打麻辣的火鍋店, 我幾乎是不會去的...但因為朋友生日, 她說想吃小肥牛, 那就破例一次吧^^一行7人, 竟被安排坐VIP房, 因為不是我埋單的關係, 所以不清楚要否附加費用...但坐房也不是太好, 因為張枱太大而火鍋卻在中間, 不夠手長的關係, 每次也要起身來夾野食, 像邊吃邊做運動一樣, 十分辛苦...點了個火焰蟹鍋(不太清楚名字), 很香! 另外, 食物也很美味及新鮮, 最愛吃響鈴卷...這天我們邊食邊飲酒, 食埋旦糕, 都玩左幾個鐘! 埋單每人也是夾約$200而已...出面任食價錢也差不多, 但食物質素一定比不上這裡, 而且限時會食得有點辛苦...所以十分滿意呢!

5月1 勞動節,估唔到今日上演場大屠殺...-.- 一行17人上到去入左d廂房...分開坐馬上就點野食...環境格局係細d..但多人堆起就變得熱鬧..鑑於呢餐有人包底...於是包括我在內的餓鬼兵團就不停叫野食...乜丸都掃,,餃類...當然唔少得肉類..除左羊肉外..牛肉叫得非常多..而且種類也不同..什麼安格斯..本地牛..美國澳洲牛..侍應把牛送到台上時..跟本已聽不清他的解釋...馬上進行屠牛戰....可怕既我地叫左3x碟肥牛...連侍應都睇到目定口呆.... 即使不停牛價錢不同...但吃起上來也很美味...美味到將其他食物都遺忘了...搞到一邊沙爹湯底底下發出少少焦味.....2小時內純食牛原來都真係幾得人驚-..-10點幾食飽飽...因為要送人..所以先走了~~~不清楚今晚賣單數目 但相信會非常驚人.有人請食飯既魔力真係好吸引ps:但星期6來搵位泊車要花d時間

一去到這間店，已見到枱面上openrice的宣傳牌。坐好之後就開始order食物。我們一行六人就order了兩碟肥牛，大量的肉丸、菜，並要了牛湯湯底。整體的食物質素也不錯，當中以芝士牛丸最好，芝士香味加上牛丸配合得不俗，溶掉的芝士散發了大量香味。肥肉也十分嫩滑。不過，我們在第一輪order，等了很久才開始上食物，真是不足之處，希望能改善一下。

首先,當晚拎位既時候,我3位, 排我後面4位, 再後面2位但係有位先竟然係我後面果兩張有位先, (拎位果陣佢話下張到我)(我以為2,3,4位係唔同檯既大細)我即時同登記果位姐姐講,"點解4位入左,2位入左都未到我3位入架呢?"佢答:"係丫~下張到你架啦~"結果都要等10分鐘,仲要我話:"阿姐,有位未丫?冇位我地走架啦喎"佢先話安排緊...好啦~上到去,點知原來2,3,4位既檯係一樣.........已經好不滿!!!!!!!!跟住叫野~佢話什麼3送1,8送2,12送3.......點知原來意思係3送1係3碟送1碟,8送2係8碟其中2碟免費,12送3係其中3碟免費店員表達能力極差叫店員落單,冇人理我地(當時佢地只係行黎行去冇野做~又唔係送餐,又唔係做野~)$28本地手切肥牛 極差,可能我未食過一d都唔肥既肥牛,完全唔識欣賞(肥牛唔係應該食肥咩?)娃娃菜洗都唔洗就拎出黎俾人食,掉左一半!埋單要成$580/3位 因為食物質素差,服務差,完全一d都唔抵食,好似要去受氣咁!!!!下次一定唔會再幫襯!!!!

去了太子分店, 坐VIP房, 不過要行上3樓, 而且樓梯比較直及多彎, 飲多左落樓時就要小心D, VIP房幾好, 有獨立廁所, 而且最低清費一間房只需$380, 一定會超過啦~之前都係睇左OPENRICE先黎, 食品可以, 價錢都算可以接受, 平均每位$200.今次寫呢個POST, 主要係想講講服務態度, SERVE我地房間的侍應, 沒有笑容, 態度冷淡, 而且拎走碟的時候, 碟上面既水飛到四周圍.還有, 因為桶蠔($88)有沙, 咬了一口, 我地要求退回, 有個經理了解情況後不想給我們退回, 最後, 我們只好ORDER一碟貴妃蚌($78), 他才願意退回桶蠔.