小肥豬扒餐廳

营业中

休息中

今日去大圍小肥豬豬扒餐廳食午餐，入開去都會食👍🏻👍🏻👍🏻今次叫咗蔥油雞扒紅腸蛋飯，我覺得雞扒好好味，煎得香脆有薑汁味，食得出用心製作，這種味道很少地方有了，最後叫咗杯熱奶茶😋😋😋

香港沙爹牛肉麵關注組人氣推薦沙爹牛肉係星期六限定！.早餐兩餸麵餐$36可以跟出前一丁，而且冷熱飲同價，外賣只係加$1，真係超抵食！不過大圍對我黎講唔太就腳，全靠住附近既同事不時幫手買外賣。而為免浸腍晒個丁麵，通常我地都會叫走湯，連餐廳阿姐都記得我同事叫餐習慣。雖然隔左成個鐘先食麵質始終都係腍左，但用味道香濃既沙爹醬撈麵依然覺得正！而且牛肉又多又大件，三塊紅腸係厚切同炸過，真心想搵次去現場食！其實之前有次去過呢間餐廳食早餐，但平日無得叫沙爹牛肉，所以叫左招牌豬扒煎蛋出前一丁 $49，呢個配凍飲要加$2。塊豬扒都唔錯，大大塊，唔柴皮，有醃過，似炸過。另外一隻靚既太陽蛋對食早餐係會提升愉快心情，嗯，呢隻蛋做到。.雖然餐廳叫小肥豬扒，但豬扒性價比及不上沙爹牛肉！

係沙嗲牛群組發現咗呢間茶記專登約朋友星期六朝早10點到大圍因為沙嗲牛要星期六日先有而驚太晏去食會無哂沙嗲牛🤭去到門口都排左10分鐘🤭果然任何店舖一經關注都必現人龍沙嗲牛煎蛋米粉（$35）我地點完無耐聽到廚房大叫沙嗲牛賣哂✌🏻😉沙嗲好濃味🤤唔重花生味牛肉腍身而大大塊·約有4-5塊福字牌米粉當然要配福字牌味粉湯😂個味粉湯食落真係兒時回憶跑哂出離叫左豬扒蛋公仔麵（$48）個太陽蛋🌞🍳好醒神蛋黃汁仲流心豬扒好厚身邊位煎得香脆咬落腍淋但絕對唔似落得太多鬆肉粉而無哂咬感公仔麵唔會煮到淋petpet 湯底係有色但好淡味😂枱面有公仔麵麻油比你自己加整體而言係幾高質既街坊小店個人覺得豬扒比沙嗲牛出色☺️但坐得唔算舒服同埋店員會一食完就收碟🤭🤭所以食完都唔敢坐得耐

友人係沙嗲牛關注組成員，所以黎到大圍就去咗鐵路站隔離嘅「小肥豬扒餐廳」，聽聞呢到星期六日先會有沙嗲牛肉麵，所以就點咗碗煎蛋餐肉沙嗲牛肉出前一丁。沙嗲牛幾好味，唔會話難咬，湯底都重沙嗲味，配埋一丁好味，但可惜入面full哂，坐出面，咁岩吽雨冇乜風，所以真係食到出哂汗，如果唔係會加好多分。

上YouTube睇下有咩好食，見到有條片講豬扒，有一部分講到豬扒，其中一間就是這一間！「豉油汁豬扒紅腸蛋飯」，絕對係邪惡碟頭飯既精髓，塊豬扒唔會柴，外脆內軟，超香口，蔥油汁絕對係將其邪惡層面再提高，令整個碟頭飯變得不一樣！美中不足可能係隻煎蛋，如果係超脆焦邊就一絕了！

當好好運重開的日子我偏偏走去食小肥真係返工都冇咁早八點鐘就已經係大圍出現好彩都叫近港鐵站唔難搵但咁早都已經裏裏外外坐滿人好彩我一支公都勉強攝到位然後當然叫星期六限定嘅沙牛麵啦再配合煎蛋我諗大概等咗五分鐘沙牛蛋麵嚟到真係勁多沙嗲汁係淹沒每一塊牛肉而且牛肉數量都至少有七大塊超多份量人哋話食沙牛首先唔好撈湯住先試一口沙牛果然整口充滿沙嗲味雖然層次唔算好豐富屬於帶少少甜少少香辣味果種但至少不負沙嗲之名原本上枱時妹妹淨係俾筷子我都忍唔住要湯匙舀湯汁稍鹹但好味牛肉有咬口即是厚度適中且未經化學處理所以有正常牛肉出現嘅靭但沙嗲入味👍麵屬於爽麵類但剛上枱時還是嫌硬了點唔係好黏到湯味放多一二分鐘就剛剛好至於煎蛋就正常發揮啦蛋邊都煎得唔錯我坐嗰枱連埋我共三個人全部嗌沙牛麵耳測（由於我坐近入單位置，所以聽到姐姐同廚房講乜）有一半人都係食沙牛我走時已經有唔少人要等位唔知今日又幾點賣哂總括嚟講沙牛麵好食，而且份量足未試過食兩餸早餐咁鬼飽如路經此地必定幫襯不過由於作為靈魂嘅沙嗲汁未算驚為天人（可能係我唔識食？）所以特登晨早起身是否值得真箇見人見智

話說某日冇嘢做，睇YouTube見到有豬扒飯嘅介紹，介紹咗好多間香港最出名嘅豬扒飯，睇見都舔舔脷搞到心血來潮，好想食豬扒，由於呢間地址最近我，於是就去食個lunch，豬扒10分滑，係梅頭，加上秘製醬汁，真係食過返尋味

今日假期可以坐低嘆個早餐，在大圍火車站附近的小肥豬扒屋，細細間，只得六張枱，好擠迫，見到廚房和水吧，有一位畧胖的叔叔在煎豬扒，應該係老闆。 這裡的豬扒好出色，所以 order 了豬扒早餐。豬扒餐肉一丁配凍飲$56豬扒好大塊，連骨切開一條條容易咬，豬扒和餐肉煎到好香脆，好鬆化。香煎豬扒配芝士炒蛋牛角飽配凍飲$52豬扒香脆鬆化，我以為芝士混合雞蛋炒，原來係放一塊芝士係炒蛋上, 有少少失望。牛角飽巨型，但缺少咗啲牛油香味。總結 ：早餐超大份，但價錢唔平，我都食唔晒好嘥，如果降低啲價錢細份少少就好。 枱面放了很多包出前一丁麻油，讓客人自己加麻油，大讃。舖頭太細但坐滿人，好擠迫，食完立即走人，唔可以坐喺度慢慢嘆。

其實住左大圍咁耐 真係未食過呢間餐廳🤭 之前睇有沙嗲牛關注組有介紹話拍得住好好運！ 之前摸過門釘一次 發現逢星期六先有沙嗲牛食！真係好驚訝！第一次聽茶餐廳係指定日子先有沙嗲牛食😂星期六朝早7點九去食！ 除左餐廳入面有枱 出面都有擺幾張枱 所以早去就唔洗停！即刻有位！ 太陽蛋沙嗲牛肉麵 $35太陽蛋如果可以再燶啲就好～ 朋友揀咗紅腸 餐肉！ 全部都係厚切 正！沙嗲牛個湯底唔咸 撈埋沙嗲汁岩岩好！牛肉份量係超級多 味道勁濃 仲食到好香既花生味～ 外賣嘅關係 沙嗲牛湯走湯！ 佢哋話好好食 一啲都唔咸！每啖公仔麵都有沙嗲醬～ 凍檸茶就正常茶餐廳水準～ 見到有人推薦凍華田 下次一定要飲！見到其他人叫沙嗲牛之外 大部分都係叫豬扒食～ 下次一定要試吓

老實說，此店在大圍已有多年，我都還沒有光顧過。近年沙嗲牛肉冒起，此店只有星期六提供，每次早上來到都感到無望，閒日來比較好。店子只有十多個位置，靠的是門口幾張枱做生意。舖內都無咩裝修可言，相當家庭式，位置較迫。價錢以同樣款式，貴一般店差不多一至兩成。點了茶走，都到位，茶身濃厚，茶味甘苦。點了豬扒雞翼出前一丁。麵睇到仲成麵餅樣，即係煮得剛好。雞翼兩隻，普普通通，整定稍乾水。豬扒一塊切碎。熱辣辣，鬆軟厚身，調味有放香茅。整體而言，出品大致幾好，但要問，54元食早餐，有質素都只係合理而已。要排隊的話要考慮下。

為咗呢個餐肉拼沙嗲牛肉公仔麵🍜一早放假都要早起嚟食！係開心同滿足嘅！濃濃嘅沙爹汁掛上每一塊嘅牛肉上面，同埋一碗牛肉麵呢度都俾得好足！呢度應該係出名豬扒嘅，雖然今日未有機會試，但我會再嚟幫襯架！因為呢度誠意十足！連塊午餐肉都無hea場，又厚又夠大件！配埋杯茶走就真係好滿足嘅Good morning 阿！另外沙嗲牛肉餐牌好似冇，應該係隱藏menu。照叫就得架啦！想食就要早少少嚟，因為好快賣晒！快啲嚟試吓啦

不知由何時開始，每次旅遊回港🇭🇰後的第一餐必定要吃沙嗲牛肉麵 再配一杯熱奶茶吃罷才可以一止思鄉病，不然不會覺得自己已經回家（港）了😅以前未有「沙嗲牛肉麵關注組」，沒有那麼多資訊知道香港哪兒有好吃的沙嗲牛麵🍜現在當然來得簡單多！這次就來到大圍這個人氣餐廳，吃這個「星期六限定」的沙嗲牛麵自選兩款麵餐（連冷 / 熱飲品）$35來到這裡當然要叫沙嗲牛肉！至於另一款就選了太陽蛋🍳太陽蛋不錯，如果可以燶邊就更好⭕️麵沒煮得太耐而且麵餅亦未有鬆開，麵條煮得爽彈，質地偏硬，正合我意❤️湯底加入大量沙嗲牛肉汁，惹味又濃郁說回主角沙嗲牛肉，吃得出🐮牛肉算鮮嫩有𡁻頭份量多而且非常入味，還吃到啖啖🥜花生香據說老闆是🖥網上自學，用沙嗲醬、沙茶醬和花生醬調製而成整體味道不錯😋，唯一挑剔是熱奶茶沒茶味奶味又不夠香不過來這裡是為了沙嗲牛肉麵，其他的都是配角😆由於沙嗲牛肉只會在星期六供應，而且只有老闆在煮，故此供應量非常有限店家在清晨6點🌄便開始營業，不少朋友慕名而來，所以未到中午已經沽清這次算是「二訪」，因為第一次來到（大概10點半左右）已經賣清了第二次就決定再提早來到，幸好有機會一嚐美食✌🏻所以想來吃的朋友要留意🚨啊！

是小肥豬還是小肥豬扒其實不太重要, 最重要是它的豬扒不比同區的金城遜色. 一大塊厚切豬扒用上蔬菜醃製的梅頭, 然後煎香, 沒有金城的濃烈但是其天然的甜味, 以及肉質的嫩滑更為可愛. 豬扒內裡紋理自然, 以蔬菜而非鬆肉粉令其肉質軟糯, 就能保持其天然的紋理. 自家製蔥油大量的香蔥再爆香, 味道自然, 和豬扒一樣, 配上撈出前一丁是完美的配搭, 只是一小小缺點是丁麵不夠爽, 軟而不夠挺身. 聽說它的沙嗲牛肉麵也是一絕, 只是假日供應, 就要等下次有緣再見.

小肥豬係人哋介紹，過咗去都唔係話有啲咩太大期望，直入唔使排隊，兩個人坐有啲迫，似一人位。我地嗌咗蔥油豬扒飯同埋蔥油豬扒撈丁。豬扒係幾好食嘅，不過個撈丁嘅麵太淋太濕，蔥油就幾香，整體上比得起喺中環嗰間蔥油撈丁，會再幫襯

豬扒成隻手掌咁大塊，入味，又夠淋，好似炸過，但一啲都冇熱氣嘅感覺，豬扒都要切埋，好貼心。價錢又唔貴，又大碗，勝價比好高👍🏻地點方便，在大圍火車站附近，又係良心小店，職員有禮，好有人情味feel, 一定會再來😋💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗💗