小肥豬扒餐廳

营业中

休息中

一心去附近試好出名既咖啡同Bagel , 點知又貴又伏又難食，仲要食唔飽，走嘅時候見到有間舖頭，雖然係普通茶餐廳，應該出名係食豬扒！舖頭覺得好似有啲暗，坐咗喺出面門口，叫咗一個豉油汁豬扒腸蛋飯，真係好正，本來想試蔥油，但係第一次食，試吓原味先，豬扒好好食，佢林得來又唔係好似無味嗰一種，總之好好食，配上太陽蛋，同埋煎過嘅腸仔，配上秘製嘅甜豉油汁，都係$50！另外叫咗個常餐就貴少少，要$58 ，豬扒麵配一個火腿奄列，加一件多士，個奄列超級勁大，有啲似荃灣嘉樂冰室嗰一種，可惜因為太大嘅關係，啲蛋同嘉樂一樣都係老，多士新鮮係好食嘅，豬扒同個飯係一樣質素，我專登將出前一丁麵改咗做福面！最後仲要讚裏面幾個姐姐嘅細心服務，態度好，細心解釋，問佢拎多啲豉油汁，成樽俾我慢慢囉，真係好窩心，我讚佢哋好食佢哋都好開心！路過大圍嘅朋友，唔一定要食好出名嘅咖啡店，試吓佢哋仲有驚喜！

聽聞己久有報道到話好正，必試嘅大圍蔥油豬扒飯嘅餐廳，我終於搵到個地址了地點都偏架，係大圍海福花園，巴士站對住嗰度，門口又唔係大，一下不留神就會miss 左🤣餐廳坐位吾多只有6、7張枱，所以我只好選擇外賣回家食😝蔥油豬扒餐肉飯，簡直十級邪惡，蔥油味好香，真係可以撈好多飯食，份量都吾少嘢，豬扒就算切左件都知道佢好大塊，豬扒吾韌，幾好味，只太陽蛋又煎到啱啱好，可以流晒D黃出黎，滋味蔥油雞翼蛋撈面，就真係一般，可能我吾係堂食，D面黐埋一齊，但好在D蔥油香搭夠，其實耐唔耐食一次就冇所以，成日食就吾好啦，因為食到最後個盒都有好多油係到，可以炒多一碟菜Y！少食多滋味多吃壞肚皮

成日都有好多機會去大圍，亦都搵過好多附近美食，不過通常都係大圍街市個頭。今次就試下行遠少少，去左海福個面試下呢間都幾多大圍人推薦既豬扒。呢排疫情問題都少左好多人出街，我個日下午一點幾兩點去到都幾多人幫趁，我估都唔錯既。我叫左蔥油豬扒撈出前一丁（$50連飲品）。佢既蔥油份量非常之多，做得唔差，幾香口，就咁食味道啱啱好，但係撈埋出前一丁食就嫌淡左d。至於豬扒就好冧，醃得啱啱好好易入口，個皮仲有少少脆脆地，真係幾唔錯。至於最令我喜出望外既係佢大大份既火腿奄列，份量真係大到嚇死人。佢唔單至份量大，用料都好足，奄列既仲大少許蛋液，好滑添。

小肥出名食豬扒，個名都話你知係食豬扒，但今日唔想食咁飽，所以食豬柳炒蛋多士，其實覺得係有少少貴，但係日日都爆棚，應該大家食過都離開唔到，佢地普通一碟豬扒飯擺盤都好靚，唔似普通茶餐廳，睇得出好有誠意

一朝早，諗唔到食咩早餐好，就上openrice search下，發現左呢間都幾多正評既餐廳。仲諗住十點半，應該無咩人，一去到，已經滿哂人，可能因為餐廳座位偏少既關係（估計最多容納20人），等左幾分鐘就有位。我就覺得早餐價錢貴左少少，叫左個豬扒配芝士炒蛋牛角飽，豬扒入味又淋，熱辣辣，炒蛋煮得啱啱好，好滑，配上芝士，正！反而牛角飽有少少失色，雖然都熱辣辣，但比較淋，內裡又塗上牛油，感覺比較油。下次再試下其他早餐先

想試呢呢間餐廳好耐了，不過可能係家庭作業，除咗星期日唔開之外，平日仲只係開到七點。今日終於有機會唻試食，睇食評都係會揀佢啲豬扒腸仔飯午餐，但鑑於本人有志於試勻全港既常餐，最後都係揀咗個常餐，公仔麵轉米粉，叫果陣我都猶豫，因為個常餐居然貴過個午餐成十蚊，好奇怪。首先唻既係豬扒米粉，個豬扒冇令我失望，大塊之餘味道均勻，外層煎得香口之餘，仲做到將啲肉汁鎖到係入面，可惜啲米粉我一食就知係即食米粉，爭在唔知係超力定福字。我好少係茶餐廳食到即食米粉，我係有啲失望同唔滿意。誰知呢個情緒隨住佢份奄列上枱而一掃而空！佢個奄列又大又厚，仲要煎到切開有少少蛋白未凝固係入面，非常滑，啲火腿又多，食到我好驚喜！終於明白點解佢仲貴過午餐，就是係咁原因！呢個奄列水準之高已經榮登我list既榜首！仲內杯熱奶茶都好高質，因為佢茶濃郁，奶同茶既比例剛剛好，都係令我飲得非常享受！

琴日大圍放工，喺海福花園門口等巴士嗰陣有啲肚餓。就入咗去巴士站隔離一間叫小肥豬扒既餐廳諗住食個下午茶一入到去見到係開放式廚房，衛生情況唔錯，餐牌有午餐同下午茶揀，但係價錢都幾貴。最後叫咗個下午茶芝士撈麵，啲芝士味都幾濃，味道唔錯唔錯👍但份量少左啲，唔啱大食嘅人。

呢間就係我朋友一直介紹我食嘅茶記啦！今次下午5點幾肚餓就特登過黎大圍海福花園呢邊試下小肥豬。我同朋友揀左好耐，最後朋友精選左個午餐肉福字面配奄列午油方包，首先個奄列真係煎得岩岩好，仲有少少蛋漿喺入面，非常嫩滑，而且入面啲火腿多到逼爆，我真係未見過咁足料嘅奄列！午餐肉煎到好香口，味道係唔同其他茶記架！我就要左個太陽蛋公仔面，太陽蛋同樣係煎得岩岩好，仲俾包麻油你自己落，又香又好味！今日係星期六，下午5點幾就6點果陣人已經唔多，其實間舖係家庭生意，雖然佢話7點收，但見冇乜客人佢地都開始執緊野。大家想黎食就要早少少！

在附近路過，然後記起上一次曾經看到這間豬扒餐廳，但當時餐廳內外都有不少食客，自己一個人又不想內進，結果沒有試。記得以往在元朗，也十分喜歡一間名字叫做豬扒餐廳的食店，但是那間吃豬扒飯為主，而這家則有豬扒麵、豬扒飯、以及其他下午茶。但是先看看餐牌，其實下午茶也沒有特別便宜，即使是一個豬扒煎蛋拼韓國辛辣麵，也差不多要＄50 ，連下午茶不算太便宜，那就不用理會，且看看其他特餐、常餐，有什麼好選擇吧。結果就簡簡單單，點樣一個豬扒出前一丁，也不算等得太久，想不到，在這麼麻甩漢子🙎🏾‍♂️🙆🏾‍♂️👨🏽👦🏾感覺的餐廳，內裏竟然看到三、四名店員都是女子👩🏻👱🏻‍♀️，真是反高潮。最救人驚訝的是，出前一丁內的那些小包麻油，竟然可以在桌上隨處看到很多包，任由食客自行落麻油，落唔落應該由我揀，大方👍🏿。不算等得太久，兩個麵條便來了，份量不算太少，正正常常的出前一丁，豬扒也非常太塊，雖然沒有完全剪開，但是厚厚的吃來也不算太韌，豬扒的口感非常好，豬扒非常厚切，肉質非常均勻，咬下不會太過痴牙。煎完之後也不會太過肥膩，口感相當好，肉汁豐富。唯一是放在湯麵上面，好像失去樂趣，如果香煎之後，分開放在碟子上，可能更加有鑊氣，但

猪肉牛肉都很美味！份量特别足！吃完之后我的大围美食之旅就结束了…老板娘普通话很好，我的粤语听力也进步显著！椒盐猪扒肠仔饭和牛肉什么双蛋饭都很好吃。特地写下普通话版食记送给大家～

周未下晝既大圍市中心人多車多，唔想食光速餐可以點樣?盲毛黑柒之下揸車左去海福花園，見舖頭個名幾吸引，細細間人又唔多就坐左入去食個午餐。叫左個牛仔骨雙蛋飯加凍檸茶，五十幾蚊，唔好以為好貴，買開餸煮開飯既都知而家D牛仔骨幾鬼貴，而呢碟飯有足兩條半牛仔骨(超市買黎自己煮最平都要廿蚊)，加埋雙荷包蛋同有誠意既蔥油，飯既份量亦足夠食飽一個麻甩佬，加埋杯凍檸茶就變成完美午餐既 match up 。俾多個貼士大家，當去大圍市中心搵食而搵唔到位泊車既時候，黎呢間小店幫趁可將車泊在積泰里或者海福花園露天停車場，$15一小時，泊低車又唔驚抄牌，直頭就係食得招積，坐得舒適啦!

食唔到brunch, 過咗隔離茶餐廳,竟然有驚喜。 叫咗一個牛扒煎雙蛋飯同埋一個椒鹽雞扒餐肉蛋飯; 個飯賣相吸引, 大大碟, 價錢相宜!! 最好嘅就係一上枱啲食物係新鮮熱辣同埋侍應姐姐態度有善。 為咗佢碟飯, 我會再去大圍多幾次。

lunch 時間,鋪頭入面坐滿人,我俾餐牌上面嘅牛肉漢堡煎蛋麵吸引, 而且呢度嘅面仲可以加六蚊轉成辛辣麵.牛肉漢堡好juicy, 不過略嫌麵煮得有啲淋, 但我都會再次幫襯, 下次會叫爽麵 ,因為牛肉漢堡喺外面嘅茶餐廳好少會有得食, 而且仲有我至愛嘅辛辣麵, 比一般茶餐廳多選擇, 冇咁悶. 支持小店

之前一路經過都好小留意呢間餐廳，可能因為佢用茶色玻璃關係，覺得睇唔透入面，又唔知有無人，所以經常都係路過就算。直到有一次趕時間諗住是但地方醫肚就入去食，先發現係好好食，自此大部分食晏都會去小肥豬入面大約係4-5張小圓枱，中午時候通常都會坐滿人，搭枱都係基本事今日食左豬扒出前一丁，不過覺得佢今日個都太淋，麻麻地 豬扒依舊保持水準 入味另外推介 係牛肉漢堡 真係有驚喜 唔會乾爭爭 係幾juicy架 仲可以配辛辣麵每次黎都見好多人會叫碟頭飯 非常大碟 50蚊價錢真係好抵食

had an early brekkie by 7ish before tree planting 😎 very high quality little shop😍 tender and thickly sliced #porkchop #nissannoodle with a decent sunny side egg 😋 $42 and it tastes better than the #grilledbeef one $48 Comparatively the milk tea is just an ordinary one! 😋9/10💰$90 same price for hot or cold drinks ...#vanrivlaonue#vaneatery#vaneathongkong#vaneatTaiwai