小豆町日本料理

营业中

休息中

放工近近哋去附近餐廳食晚飯，之前也有幫襯過三四次，款式選擇不多,晚餐也偏貴,今天見多左定食套餐,價錢也合理，於是叫左三個定食餐試吓.三個餐也有D驚喜,份量足夠,最後食唔曬所以冇要甜品便埋單走了。下次可試埋其他晚餐,因小店経營，員工數目不多,但員工有禮但較忙。

朋友初搬到屯門，話未到過藍地大街，我就做半個導遊周圍搵下順便有咩食。成日聽過有間日本野，原來叫小豆町。位置都近後山，都要搵下先到。我地叫左個二人餐，有鍋物，沙律，壽司卷物雞翼同飲品。泡菜牛肉鍋同沙律好好食。青瓜超爽身。雞翼都好食，但嫌小小咸。壽司有好多唔同款式，刺身都新鮮，但飯真係偏軟，口感有啲奇怪。讚下佢跟餐杯特飲😊有爆爆珠😛又幾好飲。但有小插曲，就係冷氣直接吹住客人，發現唔係得我地覺得，有客人同我地一樣都轉左幾次位。希望餐廳可以改善下哩個問題啦。

一間隱世嘅小店，味道同質素都好好，店舖裏裝修很有日式的味道，從食物中看得出師傅有很用心的烹調以為會係普通偽日本菜，但食完會有驚喜，坐得很舒服， 價錢唔算平，是合理價會再翻食

仲係疫症期間幫襯，我同爸爸企響門口等探熱等咗好耐都冇人招呼。（當晚其實有10枱客兩個侍應）入到去之後落單，中間想加水得兩個侍應見到揮手都唔理。個餐牌明明寫住有甜品送，臨走埋單前問咗一次又話轉頭比，到最後都係冇比。買單嗰時企左喺收銀前邊成5分鐘都冇人理。

今次黎嘅係屯門藍地大街嘅一間隱世日本餐廳，舖頭嘅位置真係幾偏僻下，不過聽人講啲人會特登揸車入去揾食嫁喎🤭可能因為依度咁隱世，客人可以慢慢食，唔驚話要食完就比人趕走✌🏻**********<刺身極上自選六の盛> $188依個刺身拼盤真係幾抵食喎，可以任揀六款刺身，今次就揀左赤海蝦、甜蝦、帶子、北寄貝同埋馬刀貝，刺身都好新鮮唔會話有雪味，最好食係赤海蝦同埋馬刀貝，食落好爽口，真係睇得又食得！**********<九重卷> $86依個九重卷其實就係蟹籽芒果三文魚反卷，三文魚配埋芒果食會比較fresh，芒果應該都當造所以好甜，上面放左啲蟹籽就會更加有口感😋**********<海膽三文魚丼> $188依個丼真係好抵食，加加埋埋有成十幾塊三文魚，當刺身食都已經好抵，仲要有埋海膽同埋三文魚籽😮個海膽唔算好甜但都可以接受，將全部野加少少飯一齊食，真係超級滿足！😳

唔跟單出菜，亂咁出單，亂晒D時間，啱啱到就唔駛五分鐘就有得食，一早嚟咗就要得成半粒鐘，仲要追先有得食, 出套餐又唔一齊跟埋湯，又係要追，總之出單出到亂晒龍,唔只我係咁情況，有幾枱都有此情況

朋友的家人喺藍地有個小小農場，得閒佢就帶住啲朋友仔來『開工』幫手除草，耕田，總之做吓『工人』咁喇。呢日又來了，本來大家都會喺街頭間酒家飲茶，但呢日我遲到，又唔想喺咁密集的空間飲茶，咁就自己一個人搵食，由街頭行到街尾，發現咗『小豆町日本料理』，佢應該喺呢度最寬敞，枱與枱之間有足够空間的餐廳，好似好腌尖咁，唔好意思囉，今時今日的時勢一個人為咗一陣好好『勞動』，點咗以下食物:1.海鮮鍋2.三文魚刺身3.燒日本蕃薯海鮮鍋十足十份量，有一隻巨型蝦及二隻剝咗殼的中蝦，两隻大青口，两隻蠔，唔似有D舖頭，一隻蝦及青口已叫海鮮鍋，仲有豆腐，娃娃菜……三文魚作為我呢餐的前菜(其實一坐低就有一份含有芽菜的前菜吃)真係唔錯。燒蕃薯就畀我朋友笑話係『豪邁串法』

口痕痕, 去屯門食下野先, 朋友介紹呢間好好味, 唔貴又食到好野!天婦纙蝦, $88喳! Very yummy! 我地兩個月share食, 好好味, 一人兩件剛剛好! 炸既程度十分完美, 咬入去既時候仲熱烘烘, 外表好脆同crunchy, 點埋醬汁, 簡直完美配搭!野菜豚肉鍋: 呢個價錢, 老老實實, 真係物超所價, 成個煲多材料到滿出黎, 全部都係菜同豚肉, 係我地今餐既主菜~ 湯底好清, 配合番肉既濃郁口感, Perfect! 冬天食呢個煲, 仲暖笠笠, 好鬼正~走既時候先發現有二人餐, 唔緊要, 下次再黎食過!

午飯時間有兩個鐘，搵個地方坐得舒服既，慢慢食都未遲啦。小豆町日本料理，正喎，價錢又唔貴，食呢度食呢度。好，坐低睇下有咩好食先。午市餐蒲燒鰻魚定食，天氣凍，飲麵豉湯暖下胃先，柔軟既鰻魚，加上暖笠笠既白飯，醬汁份量啱啱好，唔會太漏，真係好好味，鰻魚營養價值高，仲補虛半血，冬天食，啱晒！沙律燒蠔，滿滿既沙律醬汁，加上燒香既芝士味，粒蠔仲超肥美，食落口係肥厚既蠔肉，飽滿既蠔汁加醬汁，正！午餐有跟飲品，叫左熱柚子蜜。

係藍地既一個住宅區附近, 見到呢間精緻既日本菜, 咪走入去try try!Menu都好多野簡!等既時候有前菜食下, 服務都周到, 仲有人介紹我地今日有咩好食!先叫左天婦羅蝦卷 ($68), D天婦羅放到入壽司飯入面, 都仍然脆卜卜, 果然十分新鮮~ 加埋沙律醬, 好開胃!叫左個雜錦魚生飯 ($158), D魚生多到鋪滿個面!大蝦又鮮甜, 海膽多得驚人, 而且唔會腥~ 魚類既, tuna, 劍立魚等等, 都好新鮮~加埋飯一齊食, 十分滋味! 連埋朋友叫既菜, 一連四個菜都只係$387! 價格比好高! 一定會再黎~

《藍地除了農家菜，還有日本菜》今日去藍地附近做探訪，收工就係藍地醫下肚啦。藍地其實係屯門兆康附近較鄉郊既地方，有一個大型屋苑之外，都以村屋矮房屋為主。藍地村有條藍地大街，入面有啲小店，例如中式菜館、日用品店等等。不過之前我都試過藍地既農家菜，想試啲特別既野，揾到間日本餐廳都幾好評，所以行到街尾去左試。依間餐廳貫用大路和式佈置，例如燈籠🏮等。佢既bar枱上放滿左好多酒。電視內也播著日劇。此外佢環境昏暗，放工既話真係好chill。七點去到，已經有幾枱人食緊，應該無伏掛。睇佢門口有個feature既set係鍋物，送前菜、麵鼓湯同甜品。一於就叫個鍋燒九洲烏冬($76)試下。另外都想食下佢既雜錦天婦羅($88)有蝦同野菜燒。叫完野食，店員奉上熱茶同前菜。係泡菜味的芽菜，幾開胃。熱茶係玄米茶，茶味也香。過左一陣就送上鍋物。鍋物內有雞肉、青口、天婦羅蝦等配料，材料豐富。雞肉鮮嫩，青口也很甜，無雪味。烏冬也是讚歧烏冬，彈牙，配上清既豬骨湯，都幾好味。食到一半，也送上了雜錦天婦羅，有4隻蝦和4蔬菜（秋葵、茄子、蕃薯、洋蔥），擺碟好靚。佢油温好，所以內裡的炸物也是乾身，不錯，皮和炸物相連。不過我略嫌外皮厚

今次我帶朋友去藍地大街的另一面入口，由藍地大街街頭行入去約6~7分鐘，會見到豫豐花園入口，在便利店旁直行轉彎就到。吧枱放咗不同日本酒酒樽店員很快俾咗小碟前菜，是炆煮牛舌，牛舌很淋，蘿蔔亦很入味。蟹子沙律蟹柳同青瓜絲混合沙律醬，正好開一開胃。朋友唔太鍾意食三文魚，所以點了章紅魚8片，因為魚油沒有三文魚多，食起嚟清新d，加上有特制酸汁，配上芥末、青蔥、微辣的蘿蔔蓉，每一件章紅。魚都可隨自己口味配搭。叫咗帶子壽司、北寄貝壽司、鹽燒四點。帶子好鮮甜，鹽燒四點包括有三文魚、鯛魚、左口裙邊、玻璃蝦，左口裙邊魚油豐富，經火炙後魚油滲入壽司飯內，令壽司飯更香。雜錦天婦羅有4隻蝦及雞髀菇、南瓜、矮瓜、番薯、洋蔥。店員經常幫忙加茶，又幫忙整理枱面。日式磯煮鮑魚煮得軟淋淋，醬油味滲入鮑魚內。屯門日本餐廳不多，小豆町要坐得寬敞，約朋友食晚飯傾下計一流。

住喺藍地，放假又出藍地大街食嘢，行運成條大街都係茶餐廳，行行吓喺後街嗰度見到有間日本野好似裝修幾靚。見佢有做午市定食，就試吓佢啦。 餐牌都有十幾款可以揀。價錢都好平民化，試咗佢個鰻魚飯定食同壽司套餐，鰻魚都幾出色份量仲幾多下。呢個價錢加多$10可以包特色嘢飲，佢嘅特色嘢飲巨峰提子梳打，調得啱啱好甜度適中仲有爆珠係入邊。壽司方面，呢個價錢估唔到質素幾高，食材使用上睇得出有擺心機落去，帶子厚肉大大粒，三文魚吞拿魚油金魚壽司方面，魚肉新鮮冇腥味，店家推介刺身，$188有6款選擇就試吓佢。食得出所有刺身都係用新鮮食材，仲可以揀赤貝，元貝，虎蝦等等嘅貴價刺身，真係好抵食以後喺藍地食嘢又有個好選擇，估唔到藍地都可以食到高質素日本菜，真係意料之外驚喜。

去屯門藍地朋友屋企玩，晚飯時想食日本菜，心諗咪要出返屯門市，估唔到原來藍地都有日式餐廳。店舖座位唔算太多，估計約有二十枱，坐位寬敞，店入面有一張吧枱相信係壽司吧。打開餐牌不只有刺身、有壽司、有天婦羅還有一啲燒物同炸物……等。嚟咗小碟前菜，係炆煮牛舌， 牛舌很入味同時帶點甜。蟹子沙律-蟹仔同埋蔬菜沙律嘅味道剛剛好，而且青瓜絲亦都很爽口。章紅魚8片刺身很新鮮，章紅魚本身魚味較淡， 除咗點豉油wasabi之外，另跟咗一個酸汁配搭青蔥薑蓉食，亦都另有一番味道。日式磯煮鮑魚醬汁燴煮令鮑魚有種醬香嘅味道，鮑魚亦都好淋好有𡁻口。天婦羅盛-有蝦4隻、雞髀菇、南瓜、矮瓜、番薯、洋蔥， 天婦羅汁偏甜美味不錯， 天婦羅炸得好乾身。壽司叫了帶子壽司、北寄貝壽司及鹽燒四點(鯛魚 三文魚、玻璃蝦、左口裙邊)火炙鹽燒令魚油滲出，微微燒香味。服務員態度很好，常常幫我哋加茶，不時收走食完嘅碗碟整理枱面。

放假襯個仔係屋企訓咗有工人睇住，同老公去附近食日本嘢Lunch先😋近年屯門藍地變成美食街，多咗好多優質外國菜餐廳，小豆町日本料理就係其中一間啦；午餐set超過10款選擇，一定有岩食嘅，比起其他日本料理餐牌，選擇多好多👍我叫咗個仲夏午市套餐$98，有6件時日精選壽司加細烏冬同飲品；老公叫咗燒鰻魚定食$72,再加多個自選6款刺身$188,正啊😍我個壽司拼盤今日以魚為主，益咗老公，因為我唔食魚嘅，但帶子就好好好味😍好厚肉鮮甜刺身：活赤貝好新鮮爽口，好想再叫多一客；蝦都好甜，虎蝦好味過甜蝦😆帶子刺身切薄咗即刻無咁高分，不過都依然食唔停口。老公個燒鰻魚定食，鰻魚足料，不過如果可以燒香條鰻魚先上菜會更好。