小雨天 (士丹利街)

营业中

休息中

又到午餐時間，同事想不到吃什麼，我就提議不如吃個米線。來到了小雨天，下面堂食的位置已全滿，我們走上了一樓的鋪。位置雖然比較偏暗，但堂食的人也不少，我點了個兩餸小窩米線，大腸配墨丸，同事就點了冬瓜蠔仔肉碎飯。中環食飯的速度是比較快的，所以這裏上餐都很快。小雨天價錢不算貴，但份量令人滿意。我的米線味道不差，滿滿的酸菜芫荽，食落帶點酸辣。豬大腸醃得入味，墨丸也可以。同事的好使肉碎粥，蠔仔和肉碎份量都很多，湯底夠清，但同事喜歡狂加胡椒粉，令湯底飲起來辣一點，刺激味蕾。期間同事點的凍檸茶上了熱檸茶，店員很迅速地給她更換，態度和服務都很好。這裏平靚正，難怪午餐時間都逼滿人！

下雨天，番工日，食咩好，系每日都會諗嘅問題因為有好多野想食行左幾條街，去買米線吧～小鍋米線食極唔厭，配菜多而且又可以加餸（夠錢就得嫁啦）外賣好快手就拎到（雖然系到餐廳先叫嘅，大約5分鐘左右吧）我叫左雲呑同貢丸，小辣米線量正常分量啦湯底都夠味，辣度都岩我酸酸辣辣甘，提一提神呀餐廳入面都貼滿左好多好多嘅米線/泡飯/小食嘅圖片，一個人食唔到甘多，但系如果到時同朋友黎就可以share啦，之前食過佢地家嘅餃子，好味

近年香港既米線舖開到成行成市有 d 仲俾日本連鎖集團收購埋而本地連鎖餐飲品牌都用米線做主打開副線可見香港人幾咁鐘意食米線而米線呢個 market 都係非常之大小雨天係我其中一間鐘意食既米線店同大部分米線店一樣小雨天都係用車仔麵形式自己鐘意食邊樣餸就揀邊樣唔想要韭菜、芽菜定芫荽落單時同姐姐講聲就得差唔多次次黎親我都會點滑雞因為佢 d 滑雞真係好滑另外叫小辣可以吊下個味次次我無乜胃口唔知食咩既時候就會黎小雨天食返個清湯米線呢到既環境同衛生確實唔算好好但食物質素唔錯呢到價錢係中環都係個唔錯既選擇黎架

好鐘意食葵涌廣場既小雨天，去中環見到有即刻入左去食😂😂😂間店係橫巷，唔太起眼，但都易搵。中環既橫巷特別有feel。環境一般啦，都唔會expect好舒服好靚，正常一間小店咁啦。人流都多。😀😀叫左個魚皮餃清湯面，份量特大，魚皮餃目測最少都有六粒，超多😂😂湯底好甜又幾清淡，岩哂我依啲鐘意食得清淡同健康啲既人😍😍米線都幾彈牙唔錯，仲有少少菜，真係算幾健康。埋單都好平，係中環食算係咁。但湯底係葵涌廣場既好味啲。

天天大魚大肉，總有一兩餐 想吃得清淡一點，不會祈求菜式金雕玉砌，只求食得暢快，有個溫飽。不知道大家會否身同感受？這間店出名於他們的酸辣米線。除了中環外，一些著名 食市內也有他們的分店。米線湯內有炸醬炸菜，還有多種配料給你選擇。賣相很一般，但由於辣度和配料可自由選擇所以味道通常不會令人失望，酸辣的味道正好在 炎熱的天氣中為你增添多點胃口吧！而我就點了碗骨湯蠔仔肉碎泡飯。骨湯十分清淡，只帶一點葱香。飯量十分多，配合蠔仔和豬肉碎，沒有特別的調味，但能夠嘗到原材料的味道。晚飯後我明白有些人喜歡吃「頹飯」的原因。就是這些他們的簡單，速度和不理世俗眼光的賣相，突顯了香港快餐的情懷和風味。

最近一直下雨，lunch不知道想吃什麼，就在公司附近找一間外賣吧。小雨天也很久沒吃，今天就吃小雨天的蠔仔肉碎飯。在OpenRice找到了小雨天的外賣電話，才掛線三分鐘，到鋪已經可以拿了真開心。一如既往，蠔仔仍然是很多而且也是新鮮的，菜也比較多，每次在沒什麼胃口吃東西的時候，這個餐絕對是可以考慮的！但不知道為什麼，這間小雨天分店的湯比較淡，如果可以把骨湯熬濃味一點會比較好吃。總體上來講，這間小雨天都是一般般，其他的分店比較好吃。

中環呢區平時都比較難搵到又平又抵食既餐廳，經中環返工既一位朋友介紹，就黎佐小雨天呢到試佢個蠔仔泡飯同酸辣米線～兩樣都唔錯！泡飯個湯底幾鮮幾夠味，會忍唔住想食多幾啖，酸辣米線都幾足料，算抵食！

前排喺中環唔太熟路 所以就諗住探索下新路😂 點知喺冇帶遮嘅情況下 行行下落雨🌧 仲愈落愈大🙈🙈 但每間餐廳都勁多人 奈何得果一個鐘 已經浪費左好多時間😩😫 所以見到呢間餐廳有位就即刻入左去 點知發現又係小！雨！天！ 前幾日喺另一間分店食完🤦🏻‍♀️ 仲要又係雨天 只能說冇改錯名🙄 上次食左米線 所以今次就試下佢嘅飯呢個咖哩飯 其實size都算合理 但就唔太好味 事關佢得個辣字😭 啲雞嘅肉質又唔好 太乾🤦🏻‍♀️ 好似愈食愈辛苦咁 所以真係幾失望☹️ 唔會想再食！

今日放lunch時間比較短，所以就無點唸過食乜就入左去呢間食米線既餐廳到啦。環境唔知點解好怪，裝修好似同食雲南米線有d格格不入。貢丸，豬腩肉小鍋米線湯底可以話無乜特別，好食又談唔上，但又唔可以話難食。米線一般，貢丸淋到一個點，好奇怪。完全唔得，不過腩肉幾好食 搭救反。不過可一不可再。腸仔，滑牛湯底一樣，腸仔普普通通。滑牛還可以。總括，食過既米線當中，呢間都算最無特式既一間，湯底唔出眾，餸又普通。價錢中等啦，不過一試就可以了。

有好一段時間，無論晴天，陰天，定雨天，我都愛午飯來這名為小雨天的地道港式餐廳。店鋪分地鋪和二樓雅座，要從另一邊入口跟指示到達。本人十次幫襯九次都是點蠔仔粥，皆因其湯底清甜，沒多味精感，蠔仔分量令人滿足，每口都充滿蠔仔，香甜美味，湯飯配合時菜入口味道一流。就算身體不適，這絕對是一好選擇!這裡的檸蜜也不錯，蜜糖分量絕不吝嗇，厚厚的檸檬片跟蜜糖配合得很好，甜甜酸酸很開胃!有一點要注意的是，由於太多食客關係，此地不宜久留。曾經見過樓面阿姐跟相信是做建築的食客因用餐後佔位太耐原故而引起激烈爭執。

星期日諗住黎搵祥X,點知星期日唔開，焗住要轉食其他。以前就成日係葵涌廣場食小雨天，今日先知開到黎中環。有幾可可以用呢個價錢係到食野，所以一於就食豬骨湯。呢個係排骨米線，好普通建議啲排骨分開上，浸到林晒，好無奈啊。加上排骨有油益味，唔通批左好耐？又冇換油？豬骨湯出前一丁，個湯唔錯，但冇之前果個咁濃，我淨係飲湯飽，啲麵比晒男人食。豬骨當然都比晒佢食啦。佢話好有膠質，而且仲可以吸埋啲骨髓食。本人有食一啖，只怪整人唔識欣賞了。另外我地有叫餃子，可惜佢太遲上，我地又急住食，冇影相。我地叫韭菜蒸餃，8隻好似34蚊？價錢唔肯定。味道算係中上，值得食！

今日雖然冇落雨不過天陰陰，走到中環小街一間店，見到佢地舖頭0的飯、麵幾特別入去食下先。中環都不算貴的，有飯有麵款式都幾多下，仲見到亞姐包餃子都幾快手。點了碗蕃茄湯底牛肉上海麵，其實都幾香蕃茄味仲可以當湯飲都算清，但牛肉真係一0的都唔多，幾5-6片左右有少少菜。上海麵爽口唔會硬。咖哩雞翼飯加左冬菇來到香又濃既咖哩飯入面有薯仔，見好多人點了特色咖哩即管試試，我最鐘意食薯仔都夠辣既味道，越食越想食。而雞翼真係如圖中一樣有4隻都算係多。2個人盛為 $70蚊，凍飲同熱飲都冇另收錢。

蠔仔粥是我其中一種喜愛的食物，食潮洲菜是我其中一種必點菜式。今天剛巧需要在中環吃午飯，選了小雨天、見有蠔仔泡飯，不用考慮就立刻作了決定。這裡的蠔仔泡飯份量相當大，比平日食開一人份量的蠔仔粥肯定大了不少。再望望其他食客的份量，又的確是比其他茶餐廳的碟頭大。所以如果是重量的食客，小雨天會是一個不錯的選擇。但有點可惜，量是夠，但質就沒有什麼驚喜。這裡的蠔仔泡飯跟蠔仔粥在口感上著實相差無幾，但就多了一點芹菜和紹菜，這樣的配搭其實是不錯，但湯本身就真的沒有什麼鮮味可言。說公道點，這碗蠔仔泡飯絕不難食，可能我下意識地和我喜愛的蠔仔粥或方魚蠔仔粥作了比較，在湯的鮮味上的確是有一點的距離。其實在中環的一間茶餐廳，用四十元食這種份量的蠔仔泡飯，味道雖然沒有什麼驚喜，但還是可以接受的。

今日要去中環探朋友，因為茶餐廳買少見少，所以揀左小雨天，我朋友貪小雨天有露天位置，可以食煙。我知道葵芳都有小雨天分店而且好出名，所以更加想試。中環果間冷氣好凍，凍檸茶好大杯。我叫左酸菜牛腩飯，好大碟，不過d 酸菜太咸，唔好食，牛腩賣相ok，但咬落去好硬，而且冇牛肉香味，好唔新鮮。另外，我朋友叫左豬骨湯蠔仔飯，好淡，完全冇味，豬骨湯冇豬骨味，蠔冇鮮甜味，根度難食，純粹澱粉質填飽個肚。招呼好差，d 呀姐態度好惡劣，連餐紙都唔比，要紙巾就要比錢買，好奸商。唔會再幫襯。

週末加班齊娃娃食晏，原想去食車仔麵，但剛巧車仔麵休息，行過兩步見這店，我原意不想入這店，因為從人流上看，已有點疑惑，但同事們就貪方便入去一試，我叫了骨湯牛腩上海麵，上來的麵外型是圓身，咬落有點像意大利粉，從餐牌相片中見的骨湯是白色，但上來是腩汁色，牛腩入口心比一般吃到的牛腩淋得多幾倍，但卻有着不屬於牛腩本身而很濃的咸味，店方同時加入了雲南米線常用的酸菜，為免像寫那篇荃灣的【Home Bar & Restaurant】一樣，被'開飯'的編輯以"在食評中發放不實﹑捏造事實﹑惡意 猜測或含誤導成份的內容"作為籍口，將原文刪除，就只可以寫到這裏，我個人就真的不懂欣賞這個出品，然而在'開飯'綱篇內，近期發現有些只有一兩篇文章而大讚的食店，但去到試過就真的不敢茍同，或許是因為只要讚的就從不質疑，絕不會是"發放不實﹑捏造事實"，就可照登無誤，而將自己親身的經歷寫出來，卻被人質疑，甚至指為捏造事，才有此後果吧，所以大家如果想尋找真正的答案，有些時候就得自己花一點寃枉錢去試一下吧!!!