尚品餐室 (已結業)

很久沒有跟媽媽外出用餐，這天她到深水埗找我晚餐，2個人不想太複雜，於是便來到尚品餐室。晚飯時間整間餐廳都坐滿食客，剛好有一對食客結帳，才順利入座。餐單選擇都很多，除了家常小菜外，還有潮式食品。其實單看門面並不會覺得很吸收，只是各式食品的照片貼在門口位置；而且裡面的裝飾也十分普通。不過既然坐滿食客，食物的質素應該不會太錯吧。蝦膠粉絲蒸茄子($108)很有趣的釀法，廚師將茄子切開成厚片，再在中間輕輕一切，將蝦膠釀到中間。茄子蒸得很軟身，蝦膠很彈牙，而且蝦味濃郁，食得到用料很足。而且粉絲很多呢!涼瓜花枝片($78)涼瓜一點也不苦，很甘口。加上調味的芡味十分提味。花枝片炒得剛好，保持爽口彈牙。每碟份量都好大，跟媽媽2人根本不能完全食清光。最後把包帶了回家。單看舖面完全想像不到餐廳的食品可以如此好味，雖然只是家常小菜，但味道一流。唯一覺得要改善的是2碟菜都同樣很多油。

今晚和上海美女丁丁吃雞煲，我們知道深水埗有一間叫尚品的老店，雞煲和小食都很正宗和地道，所以我們收工後立即跑去!丁丁馬上叫了半份麻辣雞煲，真的香氣十足，煲的湯底很濃，有秘制湯底加上大豆芽，很辣的川椒，西芹和新鮮的雞，煲了大概十分鍾，就可以吃了! 雞份量很多，一点也不欺場，雞肉很辣，也很嫩滑，真的很惹味!我們叫了一客西洋菜，放入辣煲裏，其味無窮!我們叫了一個潮式魯水拼盤，有豬利，豆腐，豬耳，紅腸，大豆芽，每樣也很入味，我們兩個大食妹一下子吃光光，今晚我們真的大滿足了!

周末，兩口子到深水埗吃個小炒晚飯。是夜選擇為>>>尚品餐室<<<，位於欽州街，面向西九龍中心，不難找得到哩。 食品種類極多，可能為選擇困難症朋友帶來煩惱。 二人點了兩客小菜和一客飯，食物份量頗多再加上我倆食量不大，結果打包了大半碟小菜，消費還不用二百元，甚是實惠。 菜粒蝦球炒飯 (HKD48)可謂街坊價之選， 但不是渣流灘之作。炒飯調味均勻，炒得算是乾身；菜香撲鼻，令人食指大動。 蝦球從選材與製作亦為誠意之作：肉質爽口，並不是廉價玻璃蝦；所有蝦腸已挑走，食得乾淨。性價比很高，值得推介的一客飯。 尚品海鮮小炒皇 (HKD88)可選配四季豆或芥蘭，這次我倆點了四季豆。微辣的小炒皇用料很豐盛：魷魚、螺片、蝦球和蜆，伴以香口花生和魚乾，加入紅椒、青椒、洋蔥及菜脯炒香，絕不欺場。材料新鮮，各類材料炒埋一碟卻沒有違和感，果然是押上店名的招牌菜，也是一道值得一試的小菜。 相比之下，蒜蓉炒白菜 (HKD58) 略為失色。雖然大廚以炸蒜粒及原粒蒜蓉炒香白菜，也入加薑絲辟腥，可惜白菜選材稍見遜色，未如預想的幼嫩，口感不佳矣。

星期五放工，搵埋媽咪係深水埗行街同食飯先。先叫住個尚品海鮮小炒王，一個蠔仔肉碎粥，唸住唔夠再加。尚品海鮮小炒王（$88）勁有鑊氣！好正！用蒜頭、洋蔥、辣椒爆香；海鮮有蝦仁、魷魚、蜆、螺片，好彈牙，魷魚切得薄身，又唔會太熟，好爽口！份量對兩個人黎講好多！本來以為蠔仔肉碎粥（$33）會唔夠兩個人分，點知好大碗！而且粥底係用白米煲，唔係用粉果隻！仲有好多蠔仔添！蠔仔好鮮甜肥美，洗得好乾淨！潮洲粥個粥底有好多海鮮，蝦米、魷魚碎等，令粥底更加甜！食食下已經好飽，唔使再加單！埋單每人$60到，食到咁足料既海鮮，算係好抵！可惜兩個人食得唔多，下次黎試下麻辣雞煲先

深水埗茶記或者中菜一啲都唔難搵，但要好食就唔係好易搵到，中過伏好多次，今次呢間睇落唔起眼既餐室竟然令人有驚喜喎！！！呢到點餐選擇好多，喜愛潮州食物既有滷水拼盤或小炒，中意食返普通小菜或炒粉面飯既又有幾多選擇，如果想食雞煲打邊爐呢到都可以滿足到，搞到黑洞點餐時都揀左好耐。潮州蠔仔肉碎粥$33：蠔仔粥可以話係潮州食物必叫之選，煮得香綿糊狀，蠔仔量多，反而肉碎呢啲配角少啲，整體不錯！海南雞 半隻$98：真係估唔到係呢啲中式菜館竟然會有海南雞叫，更估唔到既係竟然會係咁高質，本身想叫海南雞飯餐六十幾蚊，但同朋友想試多啲雞所以淨叫雞，點知一拎到黎大碟到爆！半隻雞已經咁大隻...成個family分黎食都仲得呀！！雞件全部好厚肉，但肉質好鮮嫩，完全無雪雞味，比起好多以海南雞飯做招牌既餐廳都高質，記得以前學煮過海南雞，先明白要煮出滑嫩鮮雞揀選雞既來源係好重要，呢到唔洗一百蚊食到咁高質既雞的確好抵！朋友食完話要同屋企人黎試下~咕嚕魚 $88：呢到有好多家常小菜選擇，六十幾蚊左右，由於我係個咕嚕控，朋友就陪我食呢個咕嚕魚，如果係咕嚕肉就完美喇，可惜佢無~ 量多不在話下，醬汁酸甜度適中，配料有齊菠蘿洋蔥甜椒等

跟朋友買東西就去了深水埗，在附近漫無目的找一間茶餐廳醫肚，見到尚品餐室都幾多人，就入去試試。我見到有雞煲、火鍋等，不過打冷較吸引我。滷水鵝片 $118: 鵝片肉質鬆化入味，而且少肥膏，點白醋一流，每口都十分回味。不過墊底的芽菜味道怪怪的，如果是豆腐片就好。咸菜胡椒豬肚湯 $38 （大碗）大碗份量也不少，好經濟。而湯味濃郁，不油膩，怕辣的人也適合，冬天喝了很保暖。芥蘭炒墨魚片 $78值得一提是，尚品的墨魚沒有再加工染為橙色，較為安全。整體不會太油，芥蘭爽口、墨魚片彈牙，不過以$78有少許貴。

位於深水埗的尚品，招牌有潮汕粥，清湯牛坑腩，正與我的咀型敏合，所以今日行完西九，就選在這裏晚飯，没有豪華裝修，普通茶餐廳格局，但勝在座位闊落，環境乾淨。叫左一鍋雙拼粥，份量大，四人用每人都可食到2-3碗蠔仔鮑片 ，材料新鮮，粥同料的比例剛好，啖啖有料到另一招牌清湯蘿蔔牛坑腩，牛腩燘得夠，入味，蘿蔔甜，而且驚喜在有冬菇海南雞，同其餘倆味一樣好大碟，份量多，但食落感覺唔似海南雞，因為有股玫瑰露的香味有d醉雞感覺，總括都唔錯，而且價錢平，四人晚餐五個餸，都係500頭

出西九買卷髮器順便食晚飯，見對面呢間尚有清湯腩食吸引左我入去環境普普通通茶記格局，特別在有潮州打冷既野食，地方整潔有電視睇~先黎一窩雙併蠔仔飽片粥 $98比平時食既潮州粥綿，蠔仔飽滿，加埋咸菜風味十足薑蔥蒸魚腩 $88鯇魚腩蒸到剛剛熟，超~級~滑~(無誇張)，而且唔鯹，只是豉油偏咸，必食推介清湯牛腩 $88腩肉肥瘦雙間，層次分明，炆得夠軟腍，帶點爽口，清湯用來撈白飯岩哂~一行四人食左4餸一粥，$500左右，每個菜色份量都很多，滿足

中秋節正日要陪家人，追月假期當然要約朋友好好的聚一聚！難得大家住得近，就相約到附近的潮州菜館嘆潮菜，慢慢傾～鹵水拼盤最先上枱，拼盤有鵝肉、牛展、墨魚片，芽菜墊底，厚切墨魚片彈牙爽口，鹵水鵝肉夠入味不會太老，牛展肥瘦均勻，肉質尚算嫰滑。如加點豆腐墊底會更好。粉絲煲一上枱我們已經“Wa”聲四起！材料滿滿的，快要滿瀉。有蠔仔、鮮蝦、蜆肉、青口、鮑片、墨手、西蘭花、娃娃菜、冬菇粒、蝦米、粉絲、薑片、蔥花等簡直就是豪華雜菜煲！什菜煲調味道不太濃，吃到海鮮的鮮味。菜煮得夠林身，感覺很健康！吃潮州菜怎可以沒有蠔仔粥？難得大家都吃蠔，就點一窩吧！蠔仔粥跟什菜煲份量一樣大得有點驚人…一鍋粥的價錢只比一碗粥多四十多元，但分量多很多，很化算！蠔仔粥上面有肉鬆，是一般傳統潮州店沒有的。肉鬆令整體味道提升更豐富，亦增加了口感。蠔仔粒粒都很大粒啖啖肉，沒有腥味亦沒有沙，鮮味夠！雖然材料只有肉碎、蠔仔、冬菇片、芫茜、蔥花但已經很豐富，正！人太少吃不到太多~下次要叫其他朋友一齊再來!

係深水埗做野少不了四圍揾食。見西九龍對面新開呢間潮洲餐館，緊係要試下。無諗過有咁多選擇，真係令人眼花撩亂。一個人可以叫飯/炒粉麵，再加湯同埋菜都唔貴。因爲今次同朋友黎，所以叫左幾個菜。食潮州野不得不嘗既當然係蠔仔粥！佢呢個粥真心推介！！！勁足料又好入味！我地叫左蠔仔雞粥。雞肉好大舊！雞味亦超濃！但又唔會蓋過左蠔個種鮮味！蠔唔係好完整個種！但都係好重蠔味。$39已經有碗大粥，我同男朋友每人都食到兩碗。佢好似仲加左菜莆係粥到，所以食落有少少脆脆的，口感好特别。另一樣就係蠔餅。呢到既蠔餅係用鴨蛋煎。同平時食炸得好勁個d唔同。比較似係菜莆蛋既感覺！個菜一上就有種親切感！好似食野住家菜咁！佢呢隻上菜碟我屋企都有！個味道都係媽媽既味道。唔會好鹹，鴨蛋好香，蛋邊煎得好脆！蠔仔份量好多，絕無欺場。同蠔仔粥既蠔仔係一樣味既，都係一個鮮字！附上魚露，少少咸，多多脆！男朋友話好耐無食水煮牛肉。明明係潮洲菜館都有川菜食，都幾多元化呀！$138果然係好大份！其實我未食過水煮牛肉。第一次見到佢紅當當咁送上黎就覺得都幾誇張。好彩我都食得辣！入面除左有牛肉仲有芽菜，白蘿蔔。一爽一林，兩者加埋好嫩既牛肉令我覺得好正！男

深水埗一向多街邊小吃又多小炒, 所以住在深水深的我同相公可以不用煮飯也不用坦心 (無飯家庭是也) 今日去完鴨記買完野就行到這間尚品餐室, 當初以為是茶記, 但看清餐牌原來是食潮州滷味, 潮州野~ 見這裏好多客人叫海南雞 (HKD98/ 半隻) , 我同相公都叫個半隻雞來試下先~ 雞味出眾, 而且非常鮮嫩, 不過有D 位較肥, 哈哈, 而且好大碟好多雞, 所以我都係食隻雞脾同雞胸部位, 其他當然是我相公包辦啦~ 而招牌風味蠔仔煎鴨蛋 (HKD87) , 是超高膽固醇之作 (但唔高膽固醇的材料又唔會好味道, 所以偶爾食下無所謂啦, 而這個是誠意之作, 因為除了也是大大碟外, D 蠔仔多之餘仲要粒粒都好似鵪鶉蛋咁大隻的蠔仔 (其實應該叫蠔哥才真~) , 而用上鴨蛋, 味道比雞蛋香濃, 正~~~ 啫啫芥蘭 (HKD68), 又是另一大煲兼抵食之作, 上桌時還是在沸騰的狀態, 而且香味十足; 還有, 我同相公都Unexpect 其足料度, 因為D 芥蘭叠到成個小山丘, 多到呢~ 加埋靚仔 (HKD10/ 碗) 食到我同相公都奉住個肚走, 好美味又好飽呀~

為左報答一位成日幫我解決疑難既朋友，今日終於搵左個機會同佢食番餐。揀左深水埗呢個好多野食既地方。收工之後深水埗依然熱鬧，於是揀呢左間餐廳。餐廳地方唔算好大，但就坐滿晒人。剛好同餐廳相反，餐牌食物種類多，小菜，滷水類，火鍋，雞煲，炒粉麵飯等等。蠔仔煎鴨蛋 $78賣相其實同平時食既蠔餅差唔多，但就用左鴨蛋去整。食落比蠔餅口感更豐富，而蠔仔亦比平時食開大粒，可見用料十足，同時間食晒成碟都唔會食到有沙。清湯牛坑腩 $88清湯牛坑腩都幾大碟，牛腩同蘿蔔既比例唔錯。雖然話係清湯，但我就覺得似清淡既胡椒豬肚湯，不過都夾牛腩同蘿蔔，而且兩者都能夠入到清湯既味道。牛坑腩大大件，啖啖肉，又夠腍；至於蘿蔔就比較爽口。我貪心d就覺得如果牛坑腩可以細件d，感覺上就會食多d。今餐可以話係男人既浪漫，呢兩樣食物絕對係為飯而設，所以當然唔少得白飯兩個，汽水兩枝。一路食一路傾下偈，唔覺唔覺，原來呢餐都食左好耐，好彩餐廳都開到好夜先收，去到零晨。

最鐘意行深水埗,又平又多選擇,係西九龍對面有間小菜,又有雞煲食大大煲胡椒豬肚雞煲$160夠3個人食,胡椒味唔算重,但都好入味好多料,食極都唔完,豬肚好爽口彈牙,雞肉又新鮮又滑值得一試

同朋友逛完西九龍中心，去對面街尚品吃個飯才回家朋友說好久沒有吃雞，咱們就點了半隻海南雞，半隻份量真不少，感覺抵抵抵~吃上口肉質結實有趙頭，啖啖肉又沒有太肥膩，加上甜醬油薑蔥非常惹味。蠔仔煎鴨蛋這餅煎蛋一定大過我的臉，熱辣辣香噴噴。蠔仔好飽滿，加上蛋味比一舨以雞蛋做的蛋餅濃，夾著來香，滿口蠔香蛋香又juicy韮菜豬紅豬紅爽口，韮菜反而煮得有點過火，不過我本來不太喜韮菜。

一大班朋友最好一齊食小菜, 朋友介紹 深水埗有一間叫尚品嘅餐廳, 最出名食小菜, 而且小菜好地道炸 蠔餅蠔餅熱辣辣，而且外脆內熱，外面蛋漿好好味，炸到啱啱好，而且好多蠔仔好新鮮，再點賣魚露，無得頂鮑魚潮州粥潮州粥入面落咗好多蔥同菜宝，而且粥底好軟，鮑魚又有咬口 ，而且仲好有甜味鮮味椒鹽鮮魷平時最鍾意食嘅小菜係椒鹽鮮魷，貪佢脆卜卜，而且彈牙，呢一個椒鹽鮮魷果然冇令我失望，外脆內熱，層炸漿好薄，椒鹽味好香，鮮魷算彈牙，值得一點雖然餐廳面積不算大，坐得比較狹窄，但勝在每碟餸都好有鑊氣。