尚御潮滷居

营业中

休息中

食完「很得輝」嘅炸雞髀，向前行多兩個街口，買外賣。話說呢間餐廳係前排睇「空肚講宵夜」，有一集講大角咀，其中一樣嘢食就係鵝肝，我見到都好吸引喎，即刻上網摷吓係邊間，終於比我搵到，就係「尚御潮滷居」。酒香鵝肝，半份（$110）因為淺嚐，無要一份，半份已經足夠了（大約有十數片）。師傅切好後，會倒入大約兩三湯匙嘅酒浸住鵝肝，拎到返屋企，打開個盒，酒香味仍有。鵝肝口感十分軟滑，除外層稍稍無咁滑，裡面幾乎入口即溶。因為鵝肝本身浸煮時已經有底味，再加上酒，層次再豐富啲，整體不錯。滷水鵝頭頸，例牌（$68）屬於「外賣優惠專區」餐牌，睇住師傅斬，一直斬，繼續斬，咁多嘅，足足斬咗成個鵝頭+成條鵝頸，真係好大份（諗住例牌，都唔會好多啫）。至於味道，滷水味唔咸（初頭覺得可以再咸少少，味再濃丁丁就好，但食吓食吓，又幾夠味喎），香料味亦有。鵝頸皮滑，接近無肥膏，但鵝頸肉好有咬口，都要有番咁上下牙力先咬得開，但慢慢噒吓骨，嘆下啤酒，都幾疏肝。

位於大角咀杉樹街的一間潮州菜。值得品嘗。試過才知道龍與鳳。現時香港大市環境下行，但仍然能夠屹立中的小餐廳，實屬不易。果然初嘗，有意外驚喜。推介喜歡滷水的朋友來嘗嘗。

原本和朋友懷著好心情一心去大角咀呢間店鋪吃豐富的潮州晚餐，而家見到openrice都有好評，一心諗住試試，點知出哂事！地方狹窄不得此員工態度惡劣非常差！當客人視已不見扮聽唔到叫佢，感覺難受食物非常之難食！🤮🤮大家千萬不要入去！ 完全當晚有不愉快的經歷以後都唔會去呢間垃圾野

試過很多潮州菜，這間食材非常好及新鮮，特別一讚鵝肝，有滷水及酒味兩種煮法，各有特色入口即溶，刀工很好，切得很薄！略嫌餐牌過於簡單，但由於餐廳面積非常少，這是可以理解的，繁忙時段要分兩輪食飯時間！

星期日晚有口福，有閨密帶我食三叔公園推介既大角咀潮州菜👉🏻尚御潮鹵居♪( ◜ω◝و(و入座後，先會有一碟酸蘿蔔和一人一碗的中湯🤤是日為青紅蘿蔔粟米豬骨湯，足料、清甜、無味精，是家的味道♥︎♡/(🌟為推薦菜式)🌟宮廷醉鴿 $168乳鴿皮軟Q，肉質軟嫩帶彈性，且滲透了香濃的酒味🥃原來除了傳統的花雕酒，還用上了糟露和威士忌，濃郁的酒精加上杞子的甘甜，散發出怡人的酒香，必叫ჱ̒⸝⸝•̀֊•́⸝⸝)🌟潮式凍蟶子 $298蟶子鮮甜彈牙，無沙；配辣椒蔥花和帶少少醋酸的醬汁，清爽開胃，推介🫶🏻⭐️沙薑醬蹄 $88豬蹄肉彈牙，帶沙薑的味道，一定要配新鮮香蔥同吃，是一道清爽開胃的涼拌菜！🌟酒香鵝肝(半份) $110強烈建議大家拋開膽固醇的憂慮‼️一定要點上一份酒香鵝肝‼️粉嫩嘅鵝肝、清幽嘅酒香，只有其獨特的醇厚香氣，卻一點兒也沒有臊味，令人眼前一亮( ᵒ̴̶̷̤◦ᵒ̴̶̷̤ )⭐️鹵水鵝片拼豬大腸 $198鹵水鵝片肉質滑嫩，吃到肉香同時又帶點鹵水的香甜，好味道；豬大腸清洗乾淨，唔算好肥👍🏻帶鹵水香，邪惡又美味；墊底的鹵豆腐也絕不緊虎，十分軟滑，外皮也不怕乾硬😋🌟蠔餅 $148重要的事要講三次❣️趁熱食！趁熱食！趁熱食！熱辣辣新鮮炸起的蛋餅

唔老實餐廳：尚御本來打電話叫外賣諗住自己去拎，想食凍馬友，話時價賣$340（有貨），我話咁外賣app有折，折完仲抵，我係外賣app落order啦。一收完線一分鐘內落完order，就打黎同我講賣哂，好心啦做生意做到你咁，外賣app個menu都係你自己set，set完見便幾十蚊就直接唔賣，打黎個女人話自己係餐廳負責人仲要口氣好串好差。呢間野以前都幫襯過，印象同埋睇openrice 服務評價都係麻麻，野食係好食但係都唔平，仲要咁樣做生意法

朋友聚餐有一位常常光顧的，所以幫忙提前安排訂座，餐廳服務人員態度親切，上菜速度適中及整體餐廳環境乾淨又舒適，不過空間偏狹窄我們12人，提前點菜，特別欣賞鵝肝、雞腳筋。鵝肝清爽不會過份膩，吃起來有一種清爽的感覺；雞腳筋以芥末調味為主，咀嚼起來韌韌爽爽，挺開胃也停不下來鵝片和醉鴿都中上水平，必吃之二蠔餅很脆，但份量比想像細一些，蠔仔也不算多，不過都是肥美新鮮的。馬友魚肉質新鮮又充滿彈性，兩條12人剛剛好！冰鎮鮑魚很新鮮彈牙，店家幫忙先切片，方便分享很貼心！整體而言都滿意，性價比也高，值得再來！

Throw back to last Sep友人飯局去食潮州菜果期好hit 要訂位先得訂咗位結果都係六個人坐到膀頭貼膀頭兩張細麻雀枱拍埋咁坐門口位六個人 放埋碗筷同杯 張枱放兩三個餸已經無晒位鬼叫我地唔係熟客 人地有大圓枱無人坐都輪唔到我地坐間舖都唔大 可能真係留返啲枱俾貴客罷了既然唔打算再黎 一野叫晒佢所謂嘅撚手小菜千層豬耳宮廷醉鴿酒香鵝肝醉香鮑魚滷水拼盤蟶子王沙薑醬蹄尚御炒飯蠔餅老實講我本來都鍾意食潮州菜 所以好啱我口味啲醉香真係有酒味 啲涼菜落好多麻油好鬼香可惜分量好少 我地真係每人一啖就清晒一碟唯有食晒早啲走去第二度再飲飲食食隔咗半年有多最有印象係個沙薑醬碲同鵝肝

醉香鮑魚$98都算大隻，⼀啲都唔un, 入味啲酒味，好食👍🏼蠔餅$138好大份，蠔仔大大粒，味道唔錯。蛋漿同平時食開嘅有啲唔同，炸得比較鬆化，食得多都唔會飽，唔洗留肚食其他野😝滷水鵝片$178鵝片好入味，肉嫩唔鞋身。墊底嘅豆腐都好出色。不過食多幾舊就會偏鹹。上湯腿絲蘿蔔$58唔好睇佢樣普普普通，白蘿蔔入味得嚟唔會好咸，食落去清清地，再配埋脆口嘅炸蒜頭一齊食，好食🤌🏼*難book枱，記得預早book

呢間餐廳算難book位，真係要早成個月訂，就因為難訂個期望值會提高。餐廳入面地方唔大，但啲櫈都幾好坐，佢供嘅茶有啲菊花香，清清地。我地叫左鱔煲：正常，如果啲鱔厚切啲仲好，呢個要預早訂，餐廳會當日打俾你問，另外個花甲蒸蛋都係要預留，不過今次冇叫炸蠔餅：啲蠔算大隻，不過個蛋漿唔啱口味，佢係偏炸好似食風咁，我自己鐘意有多啲蛋漿好似蛋餅咁，但佢嘅味道唔錯的滷水三拼（豬大腸，元蹄，墨魚片）：三樣都好食，佢有豆腐墊底，豆腐好食，好滑滷水鵝片：鵝片佢算做得唔錯，唔會鞋，不過佢個滷水汁偏多花椒八角味，咁就要視乎個人口味，都偏鹹少少娃娃菜：呢個清清地，啲菜都嫩炒飯：正常，無驚喜蝦子撈麵：無特別，偏鹹，唔算好味整體來講我覺得無想像中好，不過滷水嘢算出色，但其他炒飯同麵同麻麻，我見有啲人炒蝦，炒海鮮好似唔錯

我好少去大角咀，但為咗食好食嘅潮州菜，所以諗住約埋幾個朋友去試吓🤭 幾日前開始打電話去book位，我諗真係前前後後打咗差唔多20次，最後終於有人聽，成功book咗平日夜晚4位👍🏻宮廷醉鴿 ⭐️⭐️⭐️⭐️⭐️原本以為細細隻，點知上枱見到份量好大，擺盤好靚！食落好好味，肉質嫩滑，最後梗係成隻清晒啦🥰酒香鵝肝 ⭐️⭐️⭐️⭐️⭐️先叫咗半份，大約有8-10塊，鵝肝好滑啊，酒香濃郁入晒味，食完之後我哋再encore多半份🤤滷水鵝腎 ⭐️⭐️⭐️⭐️第一次食鵝腎，好食喎，食落爽口，但係唔會太靭太硬，滷水好入味，推薦👍🏻滷水鵝片 ⭐️⭐️⭐️⭐️鵝片好滑大大塊，但係咸咗啲，最後我哋點咗少少酸汁食先中和返個咸味，不過整體都好值得試！蠔餅 ⭐️⭐️⭐️⭐️⭐️好耐冇見過咁大個蠔餅，出邊嗰啲餐廳越嚟越縮水！蠔餅好脆，蠔仔好大隻，真係食唔停口，雖然好好食，但始終炸嘢真係有啲熱氣😆尚御炒飯 ⭐️⭐️⭐️⭐️炒飯好好食，係用瓦煲上，個飯好大個，但係我哋四個女仔好快就清晒啦😁薑蔥豬油大地魚撈麵 ⭐️呢個係負分之作，絕不推介😅 個麵一餅餅黐埋一齊，咩味都冇，剩係得好重嘅鹼水味☹️

My friend managed to book a table for four, two weeks in advance on a weeknight. The place is very full, only bookings were entertained!We ordered:鹵水鵝片 this dish was delicious, the goose was tender and juicy and tofu under it was soft and silky! 麻香聖子 this is a cold dish, tasted very fresh and the texture was very nice!醬香蓮藕 overall this dish was nice but a bit too much sauce! 沙薑香蹄 not a bad dish, the shallots was definitely the star of the dishAnd lastly a eel pot! The eel tasted very fresh, but

Soy Egg 🥚同9 Flag 🏳️打去book枱，點知一打去已經話成個月full晒，要book下個月，真係好誇張😋根據愈難book就愈好食既原則😋 依間野一定好好食😍 好啦! 為左食好野 等一個月就一個月啦🌙必試: 宮廷醉鴿🦆 沙薑醬蹄🐷 醉鵝肝🦢 滷水鵝片🦢 滷水墨魚🦑 酥炸蠔餅🦪是但總結: 超精緻 超好食既潮洲菜 CP值爆燈💡 如果你話我聽師傅做過五星級酒店👨‍🍳 我完全唔會surprise 😍 依間完全係五星級既野食👨‍🍳 平民既價錢💲 (利申:已經book左下個月再食)😋是但食評🌟💬✰環境😋簡潔唔花巧😋裝潢唔錯 周圍都係灰牆磚堆砌既特色牆冇太多花巧既裝潢🏪簡潔企理 唔係平時食打冷油淋淋既感覺廚房係開放式既 等位既時侯可以睇到廚師準備既過程但係店鋪都幾細間下 10張枱都唔夠🪑D枱都唔係好大張 有D窄 有D逼🏪真心幾好生意 絕對可以搬大小小😋✰宮廷醉鴿 ($168) 🍷🦆 酒店級既菜式 如果我係米芝蓮 我會直接俾星佢😍一上枱已經見到個presentation 有幾靚🍽️一隻咁細既鴿 起晒肉 仲要擺到咁靚😍真心去酒店餐廳或者高級食府先見到咁既擺盤👑完全無expect過大角咀既一間小店

呢間潮州嘢聽聞幾出名， Booking都要一個月前。家人特登book咗一齊食，期望有佢獨特之處，但估唔到獨特嘅地方係未食飯，先受氣 😤第一輪叫餸，已經有幾樣食物話冇，連蝦都冇，好訝異。等上菜之際，叫咗個姐姐仔嚟加飲品。講咗唔夠幾秒，就眼骨骨好寸咁話：「你講慢啲啦，寫唔切呀！」。我哋逐一再重複，佢就話：「冇橙汁，我哋有嘅飲品已經喺晒個menu入面！」。之後啲嘢食得七七八八，諗住再加餸，叫個生炒骨，呢個姐姐仔又話冇，仲要邊執嘢邊行咗去咁講：「你哋book枱嘅時候已經講咗俾你聽，有啲食物係要預訂架啦！」。當日店舖打嚟confirm Booking嘅時候，係講過有幾個餸要預訂，否則可能冇。但我哋之前全部想叫而佢又冇嘅餸菜，喺個電話完全冇講過嘅！仲要我想請問，究竟邊間小菜館連生炒骨都要預訂？佢先至唔出聲。真係火都嚟埋！好難想像一間咁多人幫襯嘅菜館，啲服務態度可以差成咁，就算啲食物幾好食都係假！仲要老實講，食完佢啲嘢，唔覺得特別好食。咁嘅價錢，其實好多選擇。

雖然食物唔係節目形容到咁超級出色，但價錢的確算平民，整體性價比算係高。但濃妝女店員態度差到令人無可能再幫襯。1/問都唔比問入座純粹問下會唔會安排到坐圓檯，極度串咀話人地一早訂架。（我張檯都早左個半月訂。得與唔得唔重要，客人禮貌問，正常態度回答，好基本卦。）2/佢可以問，你唔可以即刻答落單點野，家人點左兩個餸（真係兩個）。我話想點埋汽水，佢問：「飲咩？」我回應佢：「兩個Zero, 1個忌廉..」佢好大反應，發老脾話叫我比佢寫埋先。原來佢問我飲咩嘅時候，佢仲未寫完我屋企人點嘅兩個餸。十萬個O咀，係佢問我飲咩，我先開始講三罐汽水出嚟，佢走嚟開個客波話人唔比時間佢寫。佢明知自己未寫得切，講句「等等」咪得囉。（都係嗰句，等佢好閒，態度可以唔駛做到全港最差。）3/百無仲要賴個客以下全部無（我食六點場）：炸豬腸XO醬撈麵腩肉生炒骨當我被告知生炒骨都可以無嘅時候，hold唔住表情O左咀。阿女店員話：「我地有啲餸要留架，今朝已經打左電話問你地留唔留餸。」我今朝喺電話度，清清楚楚問佢「有咩餸係需要預早留？」佢完全無提過上面呢堆餸。（佢提左另一堆，例如$340/4隻蟶子。我同家人無興趣，所以無要求留）我忍唔