尚點 小籠包.上海麵館 (元州商場) (已結業)

尚點雖然係間連鎖上海菜餐廳，但水準真係非常高，平時食親都要大排長龍煎鍋貼，賣相甚佳，煎得非常香脆，咬既時候小心d，肉汁真係會周圍噴的😂排骨擔擔麵，麻醬湯底非常濃郁，配上香酥排骨食用更佳小食併盤，比散叫雖然份量小左，但勝在款式多，抵食~脆蟮，非常特別既菜式，沾上黑醋汁既脆蟮炸得極香脆，適合作下酒菜~糖醋魚塊，不同市面上既一般貨色，即使淋上醬汁後亦不會變淋，食既時候外層依然脆扑扑~豆沙鍋餅，完美既飯後甜品~

呢間店鋪都有幾間嘅分店 因為同屬和心Group不過我都係成為左佢地會員先知 同朋友食飯有折計落可以慳翻些 所以提意下 朋友無乜所謂 就係咁揾左係元洲商場地鋪方便自己 好彩朋友早d囉位 因為我去到門口都企晒人 夏日廚師推介 更係要試下 因為十月會轉menu喎 伙記姐姐講的 黑松露小籠包 4隻好特別 黑黑的 賣相唔吸引 但係味道好香濃 湯汁充滿菇菌香 餃肉亦帶有黑松露碎 真出色點少許香醋 正 三鮮冷麵 味道偏濃 要撈好三鮮同麵就剛好 還有半隻薰蛋 糖心流黃 火腿絲 雞絲 同有青瓜絲 夏天必選 胃口大開 麵質依韌有彈性 最驚煮得過火 淋pet pet 炸梅菜豬手 廚師真係勇於嘗試 因為梅菜蒸就食得多 炸也是第一次 不過炸脆左嘅梅菜就變得脆仆仆 幾得意 豬手亦唔油膩喎 配合到 黃金網窩貼 好靚外觀 食落外脆內多汁 驚喜喎 雖然無小籠包咁多汁 酸辣湯 熱辣辣 酸辣比例較酸 辣度對我黎講就ok食得辣嘅人就唔夠爽 足料冬菇絲 筍絲 豆腐豬紅 肉絲 質感介乎羹 雷沙湯丸上枱還出煙 湯丸沾滿花生粉 內餡用上黑芝麻 一口一粒 唔太甜 糯口

以前我曾經在這間食肆別區的分店吃過晚餐，感覺不太好，今日經過長沙灣分店見有午市套餐，就想試試看有否改善。環境唔錯，頗乾淨明亮，但和隔鄰張枱只隔4吋就真係有D誇張。午市套餐包括一前菜，一主食及飲品，並可加12元配油菜、春卷或鍋貼或加10元配甜品，夠哂彈性。上菜都算快，坐低十分鐘所有食品到齊，對上班一族來說確是增值服務。四喜烤麩稍甜，但冬菇好滑，唔錯。涼拌茄子醬汁調較得恰到好處，若可加少少辣就更加開胃了。春卷炸得香口，不油膩，但比較淡，要加醋食。炸菜肉絲麵麵身QQ的，但炸菜肉絲略少。排骨担担麵的排骨炸得有點過火，担担麵可口，但花生味不夠香濃。整體來說，食物質素不錯，前菜較出色，價格公道，有機會定會再來光顧。

每次來到這間上海菜館，我都一定會叫椒鹽小黃魚🐠，因為實在太好食了，又香口又惹味，因為魚除了炸了還在上面加上了很多蒜香🤤實在太吸引了。另外呢到的小籠包也不錯，肉很新鮮有很多湯汁，皮也算簿。擔擔麵的湯底也很好 可以自己選擇辣度的 亦可選擇性不辣。湯底的花生味很出，而麵質也不錯。今次仲點了燻蛋🍳試下，但本人真的不太喜歡煙燻味，所以覺得麻麻地，而且蛋比較硬可能雪得比較耐，都是日本的溏心蛋比較好食🤣🤣🤣

由入門口到自己揾位坐低，完全冇人理你，唔叫都當你透明，D碗同杯污糟到成粒豆豉咁，叫佢換，佢竟然 夠膽死同你講係咁架洗唔到呀)跟住行咗去唔理你， 簡直不知所謂，唔使錢都唔好去

想吃上海菜，就去新居附近的尚點。比起南小館，這間真的太沒有驚喜。食物普通，也不是坐得太舒服，環境衛生也一般。我們點了小籠包，這個有肉汁，但是不夠燙。黃金鍋貼，在點餐之中最好吃。煎得得香得脆嫩雞煨麵，用鍋子上，可以保持熱度，但有點過咸，而且湯頭不夠清甜。雪菜炒年糕，太咸太濃味，而且又太油，也吃不到雪菜味。桌上擺放的湯匙很不乾淨，五根有三根都是不乾淨的。椅子有些油也沒有人擦乾淨。我不會再嘗試，長沙灣有太多餐廳的選擇，不用再給機會這一間

今晚趕睇波，同老婆食早飯，去尚點用埋張會員減$60 coupon，今次由老婆點菜～鮮肉小籠包味道幾好，每隻小籠包裏面都有一湯匙湯汁，熱辣辣時原隻送入口好正！咦？！個黃魚煨麵之前係大湯碗上，今次變咗鐵煲上，份量感覺上縮晒水，味道都淡咗，有D失望～老婆話試吓新嘢，今次唔食佢最鍾意嘅年糕，叫咗個砂鍋津白，有蛋餃、豬肚、炸魚、粉絲，份量唔算好多，味道都唔錯最後叫咗個雷沙湯圓，不過賣相真係唔多掂，扁嘅？而且粉唔夠多咁，見到都唔係幾有胃口⋯咬開粒雷沙湯圓⋯味道一般啦，樣衰但唔難食嘅，不過以後唔會再叫囉～扣咗＄60 coupon今餐只係$160

上海店食得多, 但係次次落單食擔擔麵, 同常都唔啱自己口味, 我自己個人比較鍾意食微辣, 花生醬味重的擔擔麵今晚去到尚點試試, 果然係我杯茶! 不單止味道啱我, 麵質又唔會林Bad Bad跟擔擔麵上的豬扒亦恰到好處，好好味! 唔多油, 豬扒好林, 炸粉啱啱好, 有肉地!只係呢個煎薄餐差咗少少, 緃使有個好新鮮感既菠蘿醬, 但係我都覺得個薄餅好多粉好少餡, 冇咩o趙頭!呢個煎鍋貼就最正, 好少地方可以食到咁樣既煎鍋貼, 成餅上! 一個超脆卜卜既底, 反轉有5隻貼, 肉鮮有湯熱辣辣! 無得頂絕對可以食完再番轉頭的一間上海店, 而且服務都好好, 雖然唔會話笑面迎人, 但係你一舉手侍應就行埋嚟, 我想要一杯冰, 佢9.9秒就拎到俾我!

今日天氣很冷, 正是吃火鍋的好時機, 但附近的火鍋店都擠滿了人, 真是一位難求, 最後我們選擇放棄。經過尚點, 看見不用等候太久, 於是轉吃上海菜。有好一段時間沒來尚點吃飯, 現在都加添了圖文並茂的餐牌, 有圖片參考更方便哦！中午吃了高卡路里的西餐, 晚上當然要清淡點, 最後我挑了蒸素菜包。吃上海菜不得不點小籠包! 若點慣常吃的鮮肉小籠包太沒新意, 於是就來了客黑松露的！小籠包餡料吃著有很香的黑松露味, 味道不錯。如果外皮能跟其原味的小籠包一樣薄會更好。個人蠻喜歡新口味, 可是他卻討厭這味道, 多吃一隻也不願意。再來個暖笠笠的雲吞雞, 雞胸肉位置不會太"鞋", 湯呈奶白色, 雞湯很濃郁, 菜肉雲吞的餡料調味很不錯, 好吃!  吃完身體非常暖和。最後還加了個炸雞排麵 (忘了拍照), 單看賣相是對辦的, 雞排跟麵是分開上菜的, 麵的湯底挺清澈的, 看似不錯。但這高脂肪的東西我沒碰, 所以味道不予評論。這頓晚餐我們都吃得很飽, 結賬才約$290, 非常抵食! 最後餐廳還送了一套揮春, 拿回家貼起也不錯!

上年Nosir入了和心會，因為那幾間連鎖餐廳我們都喜歡，入會$68，上網登記又會回贈$60，再有每間餐廳免費送一個餐的coupon，入會後有9折，所以物超所值，今晚去尚點晚飯，順便續會，又有coupon了😝是日續會，所以即場就用掉尚點的湯麵coupon😍年糕是我的最愛，是日點了三鮮湯年糕，湯底的魚湯味道很好小籠包當然是必吃的～每個小籠包內足足有一匙湯汁Coupon送了炸豬扒麵，豬扒香脆又juicy 豆漿豆味反而淡了點是日埋單價😁

係童年回憶啊😍。尚點最近同麥兜玩crossover，只要叫返份麥兜二人餐，就送兩隻杯緣子，咁cute唔草齊成套都真係對唔住自己😍。-二人餐($268)包括麥兜樣流沙包、麥兜樣炒飯、雞絲粉皮、黃金家常餅、油菜、麥兜樣椰汁糕同兩杯豆漿，都咪話唔多野食😂！雞絲粉皮麻醬夠多好惹味，炒飯出奇地出色，炒得粒粒分明又唔會太淡口，而且份量超多喎 😱！唔夠既點返個蟹粉小籠包（$68），抓緊食蟹既最後時光，一籠四件好滋味。

因為小妹由細到大都極鍾意麥兜而尚點又出左個set係crossover Mcdull既💕夾左好耐時間終於搵左日上就去試啦😭一去到門口已經有好大個mcdull餐牌擺左係門口超級可愛❤️因爲係平日既時間所以都唔算多人唔洗等位就入左去嚕~坐底之後我同朋友本身諗住嗌個個mcdull2人套餐但係睇落都幾多野食同埋貴貴地(以lunch黎計$288)所以最後都係嗌左個普通lunch set加1籠mcdull流沙包💕我地就嗌左個津白上海湯年糕加雞絲粉皮小食👍🏻首先上台既係雞絲粉皮佢既粉皮食落好爽口滑溜溜咁夾埋d花生醬食係咸得黎又有少少甜甜地😛好正好開口同埋好香的花生醬味但係就冇雞絲既而且個份量都比較細有少少唔夠喉既感覺囉~之後就到津白上海湯年糕一上台係淨係見到一大碗湯😂所以冇影低 因爲個碗好大 而年糕同埋津白都沉曬係底～不過食落好好味 d年糕係煙煙韌韌既夾埋個湯食唔會太濃味啱啱好 而且佢都落左幾多津白食落又吸曬d湯好好味個感覺仲好健康😂最後就到重頭戲啦❤️麥兜流沙包一上台當然係超級吸睛啦因爲係為佢而黎架嘛😍一籠入面有4隻包有3隻唔同樣既mcdull有1隻印左尚點2個字-0-佢都幾細粒比起普通蒸包但食落又好香

Facebook宣傳有杯緣子換，好想換阿輝同菇時，所以特登過嚟；尚點啲分店位置真係有啲唔方便，真係要山長水遠過嚟～食二人餐可以免費換兩隻杯緣子，其實咁樣比較抵；但係自己有執著食上海野一定要食某幾樣野，所以二人餐嘅內容唔係咁吸引，好彩佢有個選擇係食其中的一樣麥兜嘅食物加＄10可以換一隻，有彈性嘅選擇～ 前菜，叫咗尚點涼菜四款＄78，叫咗四季豆青瓜清爽健康好好味，脆皮素鵝都好味，排骨普通～燻蛋＄26兩隻，普通～小籠包＄36四隻，個皮就有啲硬～椒鹽小黃魚，兩條＄78，媽咪嘅至愛嘅菜式，外皮乾脆好味～油菜＄28價錢算平～跟住叫咗椰汁糕綠茶味同朱古力味$26一個，為咗可以換過杯原子，整得個圖案都好清楚得意，第一次未換到想要嘅，好彩第二次換到阿輝同菇時，不枉此行～

阿女請食飯，做媽媽當然不忍心要她淘血汗錢請吃大餐，簡簡單單吃就好。這次來到尚品吃上海菜，吃了幾款菜式都不錯。鮮肉小龍包不能不吃，皮不算薄，勝在非常多汁，肉味香濃。也點了一份四拼的小吃，可以自由配搭。蒜容四季豆，素鵝，雞絲粉皮，幾款不錯的開胃小菜。還有薰魚，脆，嫩，少骨，味香。

今晚為人𪊴生，簡簡單單便選尚點，不用等位，很快便可入座。我們叫左小籠包，生煎包，鍋貼，上湯雲吞，酸辣湯，擔擔麵，上海粗炒，小黃魚，酒鑲丸子，湯圓。我個人認為擔擔麵好色，麵質爽。家常餅也好好食，不用點任何調味料。小黃魚也好正，魚肉好滑！總括來說，這一餐食得好開心！