居食屋「和民」 (已結業)

下午茶3-5pm點了石煱味噌牛肉飯$29、蔥油汁炸雞飯$34各有沙律/飲品/湯蔥油汁炸雞飯酸酸甜甜，很開胃有不少蔥絲絲，加上酸甜的汁...很送飯炸雞的炸粉較厚，有點油石煱味噌牛肉飯肥牛，汁加飯..吃下去.感覺很油膩沙律不太新鮮飲品..我點了薑汁汽水，薑味不重，較甜飲多了，身有d熱

前晚同朋友去左沙田行街....到晚上我地就商量去邊度食晚飯....朋友就建議去和民....於是就去左呢度食喇....好彩我地6點左右等位....唔使5分鐘就有位了....我地2個一坐低....就點左3款食物....有極上壽司組合....魷魚刺身.....刺身冷麵....全部都好快上台....唔知係咪好耐無食....覺得味道唔錯....我朋友都話好味....我地2個人慢慢傾計同食....之後仲叫左牛肉火鍋....呢個睇落張相就好大型...其實好細架咋....不過材料都好足....味道唔錯....好暖苙苙....牛肉唔使太熟....否則就會好un....唔淋....呢款係夏令食品....大家要去試試喇~!

想食日本野, 見佢平平地, 我mami2個人去左食.要等位, 以為佢10個number 會好快, 點知一d都唔快, 等等下就等左45分鐘aiiii 係咁ga喇, 平呀ma. 入到去, 明白點解會咁耐, 佢4個位既唔會分開2張2個位.都好既, 坐得舒服d. 辣辣泡菜炒飯 可能係炒飯, 好似多油左少少. 如果佢再辣d會好味好多. 灸燒帶子sushi 2細件. 上面有d mango, 幾特別. 甜甜地. 不過個帶子冇咩咪 章魚燒餅 (同街果d 章魚小丸子冇分別)係等耐左d喇. 都ok gei.一分$一分貨ma.不過如果想要好既日本野就唔好去喇. 和民既真係平民左d.

好多時都會去和民開餐~~~~~ 無論係同朋友定係同屋企人. 但係如果你問我和民既野好唔好食, 有咩咁特別, 我又答你唔到. 只可以話佢 'ok啦!" . 不過可能香港既連鎖日式菜, 除左壽司同拉麵之外, 好多都係日西混合, 好少好似和民呢種主攻日本菜既舖頭(雖然都日式唔晒, 不過compare pokaa 既意粉算係ok日式嫁喇). 所以每次想食日本野又唔想食壽司時, 和民好自然就成為唯一既選擇.通常我去到必點佢個星鰻天婦羅卷, 大板燒餅, 同埋日式沙律. 佢個沙律除左有沙律醬之外仲會有日本醋, d醋酸酸味味咁令到人特別開胃. 通常黎到一陣間就無晒. 大板燒餅: 唔係好多哋方有得食呢野野. 就算有都係粉醬多個料. 不過呢到d料都幾多下. 佢上枱既時候會用一個鐵板上, 黎到既時候都係熱辣辣. 個燒餅本身個粉醬無放到好多調味落去, 但係加左佢個照燒汁調一調味之後, 反而更襯到燒餅d料既味道. good.星鰻天婦羅卷: 其實呢個卷只係好簡單咁有飯, 天婦羅, 鰻魚同埋青瓜. 但係唔知點解就係好好食. 可能因為佢既飯既溫度. 其實正宗既壽司飯唔係凍冰冰而係有少少溫度. 而和民就係少數壽司飯有溫

等位等左成粒半鐘...crazy叫左個鐵板棒餃子，D侍應等到凍晒先上菜，勁難食跟住魷魚燒同pizza又係咁侍應都唔知點做野，我勁舉手，叫極唔應，上菜侍應仲要扮睇唔到加茶叫左幾次先加到，服務好差泡菜炒飯比起以前難食左，失望D甜品係食晒所有野之後成20分鐘先上，我一早就落order架啦!!!!!!!!仲有，冷氣好唔夠，so HOT......以後都唔會再去沙田和民，有改善都唔會再去!!!!!!!!!!!

前天,去和民食午飯,order一個豬扒鍋定食$49,豬扒鍋味道ok,但上菜好慢,最早上菜的是和民沙律,亦要等20分鐘,主菜仲要等40分鐘，另外，亦order一個帶子蟹肉丸子$24,最好味的,食到爆汁,但亦要等30分鐘。總言,味道方面ok，但希望下次上菜速度可以快d！

上網睇過食評覺得呢間應該幾好食~加上佢又有d名氣~~所以尋日同男朋友行開沙田就揀呢間食啦~6點拎飛,要等位, ok,完全冇問題,好野當然係要有付出先食到啦~好多人等位,我心諗~~咁多人去食,難食極有限啦?等~~等到7點半~~等左1個半鐘頭~終於有位啦~~其實等果陣己經諗定哂叫咩野食:三文魚刺身﹑豪華壽司盛合(?唔知有冇記錯個名)﹑刺身冷面行入去~環境幾好~幾舒服~行過見到有個待應拎住d野食, 三文魚刺身?!點解咁細件薄到嘔亂堆埋一邊咁既?!得1sec時間望,以為自己花眼眼望錯都諗過叫男友唔好叫呢個........但佢話都入到黎,點都試下叫野食, d服務好好,好有禮貌,連落單時都會服待你咁款跪係度落單(雖然我覺得有d誇張)等左一陣,終於上菜啦~打頭陣既係豪華壽司盛合,3隻味道都幾好,偏甜但不鮮...(?)6粒壽司,賣相好好,算好食,所以我覺得$54都抵既~~再黎係三文魚刺身~~~~嘩~~~~搞咩呀,真係咁細塊?!擺位好求其呀,刀功又好差....放亂哂咁既......同菜單上兩個樣...不過細塊唔緊要,最緊要好食...點知食落........一般貨色....................

平時和民晚飯時間成日都排長龍, 但今日7點去到, 等左20分鐘到就有位~食左一個海老帶子沙律, 有蝦,帶子,生菜, 幾fresh, 不過有d咸...沙律醬同調味醬落得太多...食完d菜仲有好多汁...星鰻魚天婦羅卷, 一般..d飯好散..最驚喜既係牛奶忌廉海鮮煱, 有蝦, 帶子, 三文魚, 蜆, 金菇, 薯仔, 菜, 加多個拉麵, 同個牛奶湯底好match, 個湯底好香&creamy~~waiter 仲俾左d牛奶我地自己加湯~2個人食岩岩好, 不過愈食愈咸~~食到最後個湯變到好濃~~最後叫左個芝麻雪糕, 等左好耐..waiter話因為太多單所以要等耐少少...

知道「和民」D位又大又闊, 啱晒我"Ah Ja"的屋企人. 平日嚟唔使等位, 剛巧折扣優惠都到期了, 點都好, 試一試吧.點了一支燒酎, 喝剩了整支帶回家前菜: 露荀杯, 牛肉卷. 好味. 只是份量很少廣島燒餅 -- 粉太多, 不好吃牛肉煱物牛肉粒, Kimchi石煱飯 -- 味道不錯朱古力甜品-好食特飲2杯由於份量很少,故要追加有湯有飯有前菜的set給「飯桶」家人由於點的菜頗多, 正確名稱都忘了.雖然每樣食物價錢不貴, 但因份量很少, 點多了, 埋單時也會吃你一驚, 甚至要吃第二round來填肚呢! 所以家人話下次不能再來了

經過多日的煎熬，工友終於都搞掂哂地盤0的準備工作，呢日收工成十點幾，難得明天又清明節放假，於是來左和民開餐食宵夜開心一下﹗和民原來每晚都係12:00先收工的，都係今日先知﹗呢間和民勁喇，從未見過唔洗等位的，次次來到門口都幾十人排隊，沒有耐性的我一定卻步，睇黎來食宵夜先岩我﹗終於都脫苦海，梗係開支酒飲下，點左支和民sake，$50一瓶﹗個樽幾靚，全藍色透明感覺有如深海，味道比較清啖易入口，辛辣味不重，帶點點米既香甜，不錯﹗先來一個特上壽司盛合，當前的炙燒海老最好食，蝦身彈牙爽口，面頭用火炙過帶點烤香，生與熟之間味道挺有變化，配上沙律醬及香蔥層次分明﹗中間的吞拿魚腩味道亦新鮮，鮮味濃郁特出，唔洗蘸任何豉油醬料已很可口﹗最後的照燒雞也許醃過，味道唔多似雞味，有點失色﹗之後來的小吃是脆香年糕煙肉春卷，一客六支，脆香的春卷皮包住煙韌的日式年糕及煙肉，入口煙肉味濃，香脆惹味，一口一支，蘸少少甜酸醬吃，更形出色﹗五色刺身有三文魚、吞拿魚、八爪魚、甜蝦及元貝，水準一般貨色，睇落尚算新鮮，但魚味油脂味等鮮味卻不足，不過對比起上次去和民細佬和亭吃的，已算不錯，起碼不會吃到刺身有如冰條，入口有爽浪感覺﹗最後

係新城市行完街.就去食飯 =]好彩我地早去.好似係5:45左右唔晒等位...如果6:30過後就會有排等 (汗)叫左幾樣野見佢有火鍋就試下 =]食到冇晒D湯.叫人加.佢地都好樂意 XD

今晚老公出 Trip....好 free...偷懶不去做運動, 找了朋友吃飯傾計! 星期五晚...人較多, 幸好早到了一點! 二人只點了豪華壽司併盤, $54, 鰻魚, 帶子, 三文魚各兩件, 份量唔大, 剛多, 三文魚份量不多, 唔夠鮮味, 飯有點鬆散! 芝士焗海鮮飯, $47, 芝士鋪滿飯面, 香噴噴, 海鮮只見有蝦, 帶子….吃了少許, 芝士味又唔太濃….一般!大家也有點悶悶不樂.....明天會更好!

個次同2個fd去食lunch~叫左個set~係泡菜鍋飯~個人認為都ok~不過好熱,食時要小心燙嘴...而且佢都ok辣囉~~佢跟餐ga miso soup都ok~跟住我叫左甜品後上,食完個set叫佢地上啦~點知叫左5,6之先黎~足足等左30分鐘!!呢點過份左d~去watami經常要追單...希望佢地改善下~~~個甜品唔好食,上之食覺得ok~但今次除左等好耐之外~亦覺得佢唔好食~可能口味變左~覺得佢d粟米片太多~o趙到我個口好累......

2008年最後一日，男朋友3:30pm就下班，可以快快樂樂去吃除夕下午茶。因為男朋友在沙田上班，所以就選址沙田，走進我們常光顧的和民。我們平日都是光顧大埔那一間，心想都是同一集團，應該沒啥兩樣。點了一個下午茶餐(天婦羅烏冬+凍柚子茶)、豬扒鍋及蒜香海鮮炒飯。天婦羅烏冬+凍柚子茶天婦羅有兩隻蝦、青椒、茄子及冬菇，不過賣相不太討好，其中青椒及冬菇顏色並不是金黃色，而是啡啡的。吃起來，蝦和茄子均不俗，是鬆脆的，但青椒和冬菇就硬一點，相信是翻炸或者炸得太過火。烏冬送上來時湯完全蓋不過鳥冬，要叫侍應再添加熱湯。這個烏冬跟平日吃的沒有分別，都是又滑又煙韌。不過服務真要改善一下，除了不夠湯外，烏冬沒有湯匙，要問侍應兩次才有。凍柚子茶很夠味，不會因為冰融了而變淡。豬扒鍋豬扒鍋是每次到和民都必吃的，因為醬汁香濃，配上窩蛋很惹味。不過這個豬扒鍋又出事了，上菜時一看，份量比平日的少了約三份一，都是六塊，不過每塊都很細。即時向侍應投訴，她換了一碟給我們。今次的豬扒鍋跟平日一樣美味，值得一讚的是他們會把生雞蛋交給客人，讓客人自己加入豬扒鍋，可控制生熟。個人認為半生熟的窩蛋最滑最美味！蒜香海鮮炒飯這個是男朋友點的

先補回11-12-2008食評 與blog友去和民食午餐,當天是叫午餐加兩款小食,朋友叫了豬扒旦窩定食,我叫了石窩泡菜飯,再加了一個Pizza及三文魚刺身,兩人埋單 $200元~食物只是一般而已,當天三文魚唔靚,照片參考在這兒 : http://hk.myblog.yahoo.com/kitypanghk/article?mid=15048&prev=15122&next=15005_____________________________________________13-12-2008 上午與女兒去新城市"百步梯"那邊玩攤位遊戲,去玩前問囡囡,您想吃甚麼?她說,您早兩日去和民都沒帶我去,我都未回應,她已經自動帶路了~兩人共叫了一個海鮮炒飯,一個海老天婦羅 (這個最好食,囡囡自己Order的),一個枝豆豆腐,一杯凍奶茶, 兩個人埋單 $150元~照片參考 : http://hk.myblog.yahoo.com/kitypanghk/article?mid=15233&prev=15329&next=15122