居食屋「和民」 (已結業)

有好多時候都會去和民食晚餐 因為多選擇 ~~ 而且好鐘意食完晚餐之後 再叫佢 d 甜品 ~ 特別係黑芝麻豆腐布甸芭菲 .... 可惜 .... 佢已經消失o左 .... 今次 order : 海老帶子沙律 -- 都 ok , 不過都係覺得以前o既軟殼蟹沙律好食好多 唔知幾時先會出現返呢?!?!帶子刺身 -- 普通 ~ 炸雞軟骨 -- 都係以前好食 d 焗海鮮飯 -- 每次都會 order ~ 好味 !!! 草莓芭菲 -- 好普通 ~ ... 有藍莓芝士係入面 ??!! ... 如果有返我鐘意果 2 樣食物 ~ 你話幾好 .....

先前排了兩小時半為的是東亞五折優惠印象中 焗芝士年糕 最出色 ~最差係果 沙律 , 即情唔想食, 因為佢地落左 D 麻油黎度調味, 感覺反而仲怪 ~

跟友人再嚐東亞信用卡的優惠, 因為可以BOOK位, 及選卡位, 真係唔錯!今次選了第二個餐:和民精選二人前7折套餐 原價$293 優惠價$205海老帶子沙律 薯仔年糕餅 韮菜牛肉卷 3色刺身盛合 牛油焗帶子 辣辣泡菜炒飯 Passion Cranberry Lemonade/ Passionfruit Cranberry Iced Tea杯 廣島燒餅 原價$42 優惠價$36味道很不錯 秋刀魚燒 $39 甜點芒果芭菲$29 不是很大杯, 但芒果是酸的!

星期日去沙田吃晚餐,知道憑東亞信用卡簽帳有優惠,叫了特上二人前5折套餐,原價$399,優惠價$199.這個二人套餐,有好多嘢食.其中有二款菜式,換了別的,因餐廳更改,我們也無所謂.豪華壽司盛合 ( 炙燒帶子,鮭魚海鮮,鰻魚 ) :帶子壽司最好味.鮭魚海鮮和鰻魚壽司,OK.帶子刺身 : 帶子好新鮮,入口有即溶feel,好好食.炸雞軟骨 : (原本雞肉野菜串) 雞軟骨爽脆,有咬口,可以慢慢食,幾好,其實都幾好味.豪華海鮮泡菜炒烏冬 : ( 原本海鮮蟹蓋 )換了烏冬仲好,大碟夾抵食,好味.再加七味粉,更惹味.海老帶子沙律 : 有蝦,帶子,碎蛋和生菜,啲汁幾好味,大大碟,抵食.魷魚軟骨燒 :淋淋地,易咬口,沙律醬幾好味.牛肉火鍋 ( 附送一隻生雞蛋) : 湯底甜甜地,牛肉幾多,材料豐富.焗芝士年糕 : 味道不錯,.頗煙靱,有咬口.2杯 Non-Alcohol Cocktail 飲品 :左 Caribbean Festival : 有藍橙糖漿,熱情果糖漿,寒天,菠蘿汁和梳打水. 味道OK,易入口. 右 Pu

19/9星期五阿露提議去和民聚舊，咁我準時收工就去等位先，6點40分我已經開等位；露露要ot，我唯有自己等住先啦，嘩...一等就等左1個鐘頭零45分鐘先有位，其實都幾離譜。東亞咭有個推廣優惠，我們選擇了和民特上二人前5折套餐優惠價$199帶子刺身: 刀功勢利....超薄的一片片(嘻嘻)，都幾甜呀~海老帶子沙律: 一般無特別，不過我唔喜歡個蝦。魷魚軟骨燒(鹽燒): 好鍾意咬落個口感，好得意，平時好少食到。雞肉野菜串: 無味，凍冰冰雞肉好鞋(我把雞肉放落牛肉鍋煮熱後好吃好多)。焗芝士年糕: 好似食米餅咁，芝士味ok，外脆內軟，多d汁會好d。海鮮蟹蓋: 完全唔想食，得一嚿仔蟹絲，其他都係通心粉，略甜；唔好食。豪華壽司盛合(灸燒帶子、鮭魚海鮮、鰻魚): 無特別，一般壽司。牛肉火鍋: 最喜歡既一味，不過個湯太甜。Caribbean Festival/ Purple Red Coola各一杯: 無得揀，亦無特別。芝士明太子豆腐(追加): 每次都會叫既食物，雖然食慣左不過依然覺得好食。成餐晚飯覺得很抵，不過真係唔值浪費咁多時間等位囉，和民唔知可唔可以改善下人流等候既問題呢?明明有大枱都唔肯拆散變細枱

跟友人一嚐東亞信用卡的優惠, 可以BOOK位, 又可以選位, 真係唔錯!有2個餐都係東亞的優惠MENU, 選了一個看似很化算的MENU 1和民特上二人前5折套餐 原價$399 優惠價$199海老帶子沙律 魷魚軟骨燒(鹽燒/醬燒) 海鮮蟹蓋 雞肉野菜串 焗芝士年糕 帶子刺身 豪華壽司盛合(灸燒帶子、鮭魚海鮮、鰻魚) 牛肉火鍋 Caribbean Festival/ Purple Red Coola2杯 廣島燒餅 原價$42 優惠價$36味道很不錯, 但朋友仔肥肉小魔怪食到有咬唔爛既軟骨甜點抹茶雪糕餡蜜丸子 (無咩comments, 甜甜地囉!)芒果乳酪慕絲(酸酸甜甜幾好味!)朱古力香蕉布甸(太大蕉蕉味喇,不過都不過不失既...)

隨便咁揀左和民同友人聚餐 , 真係唔食由至何 , 一食就想爆粗咁滯呀 , d野食同餐牌上面既樣差好多喎 , 而且真係細碟到冇人有囉 , 好彩我地唔大食ja , 份量小到喊多d人都唔知點分黎食 , 肯定諗住咁樣等客人點多幾碟生意額又可以增加 , 重點係味道都唔好食丫嘛...差d食到火都黎埋!!! 燒魷魚 ~ 全部都正常就已經係呢碟 , 但係醬汁少到嘔。 明太子芝士玉子 ~ 根本就係普通炒蛋 , 仲要係咸既 , 未試食過日式玉子竟然唔係甜而係好似落左一匙鹽咁咸架 , 而且完全食唔到有芝士。 焗芝士年糕 ~ 一碟野得少少芝士仲要冇味道既 , 淡到都唔知自己食緊咩。 芝士咖哩肉丸 ~ 都係個句 : 食唔到芝士 , 薯粒要點好多咖哩先有味道 , 肉丸真係好難食 , 宜家個度既瑞士肉丸好食勁多倍。 韓式泡菜鍋飯 ~ 泡菜仲少過平時見到個d前菜 , 又冇咩其他材料 , 淨係見到一兩粒好似指甲咁細既碎肉。 廣島燒餅 ~ 呢個燒餅成團少好厚 , 淨係食到入面有一隻蝦同切得好碎既菜。食左成$200幾蚊梗係坐返3個鐘頭慢慢hea夠本啦 , 幸好服務態度都仲可以接受。

等左成 30 MINS 位, 吹漲 !叫左:海鮮炒飯 , 一般. 真係僅僅夠2人份量 !鱆魚刺身 冇鮮味, 唔算爽原隻魷魚筒 算唔錯 ! 一口牛, 得六粒 ! 唔錯 ! 大蝦豚肉燒餅 ~ 勁難食

上完Cooking Class, 就等家姐放工一起晚飯。七時左右便入座, 不用等位。環境好和諧, 裝潢都幾靚, 獨立式的卡位最為舒服。前菜和主菜都Okay, 可惜飯後甜品卻令人失望, 無誠意可言。豪華壽司盛盒($54)：三款壽司, 每款兩件。灸燒帶子～帶子都幾鮮, 帶子上面放有芒果、蟹籽, 飯中間也夾着芒果, 味道酸酸甜甜, 兩者幾配合。鮭魚海鮮～鮭魚味道像三文魚和吞拿魚的混合版, 配上蔥和蟹籽一起吃, 不錯, 但鮭魚份量略少。 鰻魚～三者之中比較出色的一款, 鰻魚軟身, 加上醬汁燒得入味飯軟熟, 不會太黏也不太散, 軟實度適中。薯仔年糕餅($24)：一般。我和家姐不約而同說：「無味既!」每件薯仔年糕餅上只有一滴醬汁, 旁邊配上牛油, 牛油作用令其更香口, 但其實它本身炸過已香口了, 所以加了牛油後沒大幫助。薯味卻不突出, 唯一讚的是年糕餅好煙韌, 口感良好。盛岡冷麵($42)：推介之作。冷麵爽口彈牙, 配料有泡菜、蛋、甘荀、菠菜、芽菜, 好FRESH, 上檯時附上醋一支, 加入冷麵, 酸酸地, 醒胃。冷麵上加上冰塊, 保持麵的質感, 吃到尾依然彈牙。廣島燒餅(豚肉、蝦)($42)：

為o左食刨冰，我o地決定去和民食~~~我o地叫左"串燒盛合"、"豪華壽司盛合"、"盛岡冷麵"，當然仲有主角"芒果刨冰"啦!!!"豪華壽司盛合": 盛合包括o左有炙燒帶子、鮭魚海鮮同鰻魚...ummm... 佢個真實樣好似同個 menu 有 d 出入 bor... 個樣唔夠豪華... 味道一般 la... 普普通通... 唔覺 d 帶子有炙燒過咁... 同埋 d 飯無咩味..."串燒盛合": 包括o左帶子、雞肉漢堡、雞、豬同羊... d 醬汁唔錯，幾好食~ 但我係唔好食紅椒同青椒，俾晒 2 號食... wahaha... 我o地夾份食o左條大蔥... 最後放棄o左另外 2 條..."盛岡冷麵": 夏天最好食冷麵~~~ d 冷麵好彈牙，加埋 d 泡菜、中華沙律、芽菜、青瓜絲、紅蘿蔔絲同埋淡淡 gei 汁，好好味~~~ "芒果刨冰": 雖然 menu 話特大... 但比起台灣食o個 d... 仲係有 d 細... 唔知邊度有再大碗 d 呢?!! 個刨冰都唔錯，如果 d 冰可以再綿 d，d 汁再多 d，加 d 奶，就會仲好味~~~ 但宜家都 ok la~~~ 加埋個雲呢拿雪糕~~~ 涼快!!!

唔明和民點解成日都要排長龍，今晚同屋企一行四人黎食之前，排定隊等位先 清酒煮蜆 - 差，清酒好快燒乾，蜆有沙。海膽刺身 - 好，算鮮甜，一板夠分，食得滿足。七色刺身 - 算好，三文魚，吞拿魚，帶子，章魚和蝦幾新鮮，另外的無試到。吞拿魚腩卷 - OK，卷物鬆散，米飯水份過重。韭菜牛肉卷 - 好，韭菜味唔會過重，牛肉味香。魷魚燒 - OK，味道淡淡的，但配沙律醬唔錯。牛油帶子 - 好，小鐵板上，帶子加牛油香口。一口牛肉 - OK，小鐵板上，牛肉硬左少少，但配柚子醋幾特別。牛肉火窩 - OK，牛肉和野菜均普通新鮮。帶子粟米 Pizza - 好，帶子和粟米味夾，fusion 得唔錯，批皮薄但軟。 每碟份量唔大，可以試多幾款。祝老豆父親節快樂！

6pm已經好多人了~一年一度父親節, 梗係叫多d野食啦三文魚刺身-->有7塊, 唔太大件三文魚壽司卷牛油焗帶子-->好香牛肉火鍋花魚燒-->好大條, juicy蒜香海鮮炒飯-->好多料$279waiter不斷加茶

收工後..同朋友二人去沙田行街.因為我之前係呢間做過廚房-3-感覺上不錯.所以選擇了和民.魚生飯味道不錯..又新鮮.什菌野菜炒味道不錯..但略嫌少.蒜香海鮮炒飯好香.我估落了唔少蒜爆香再炒.芝士年糕燒餅..芝士味很濃..很喜歡食.叉燒拉麵..個豬骨湯底好濃..加番少加水.我估會好些.荔枝乳酸..幾好飲..很大陣荔枝味.四周圍又舒服.坐了個幾鐘先走

又來和民，沙田真的沒有好吃的嗎？牛肉火鍋($59)︰這個一貫的好吃，湯底甜甜的，有一些牛肉、豆腐、蔬菜、菇一起滾呀滾，食物新鮮，味道自然不錯﹗蒜香雞賢($29)︰其實想吃的是燒雞賢串，可惜沒有，在侍應的推介下點了這個。我覺得不好吃啦，沒有甚麼味道，而且是炸的，害我吃了喉嚨痛呢﹗燒年糕($19.5)︰dbs card特價，煙煙韌韌，比較粉。最後，dbs platinum card 免費送的兩個雪糕球，卻是意料之外的好吃。我一直以為是牛奶公司的來貨，不過一吃就覺得很好吃。我吃的是巧克力味，很濃郁的，頗滑呢。男友吃的芒果味很清新，不錯。沒想到這兩球雪糕不簡單，也許是因為送的，沒有期望反而更見驚喜。

約左朋友食晏, 本來想去飲茶, 但人太多, 所以都係黎左食和民. 同朋友各自叫左一個定食, 再加左牛油焗帶子. 朋友要左佢最愛嘅豬扒鍋, 而我就要左叉燒拉麵加三文魚壽司餐. 牛油焗帶子都幾好, 加左檸檬汁香好多, 少少地食左兩粒, 係唔錯嘅開胃菜. 豬扒鍋一貫嘅好味, 自己可以控制個滑蛋有幾熟, 加埋d 洋蔥同甜甜嘅汁, 好易"送"飯. 而我嘅叉燒拉麵就不過不失, 個豬骨湯底幾濃味, 不過唔係好熱, 差唔多可以講只係暖, 要扣分. 四件三文魚壽司都幾夠份量, 但係味道麻麻, 三文魚完全食唔出係三文魚, 都幾奇怪. 更奇怪嘅係前菜嘅沙律, 係食完曬所有野先至黎. 餐飲要左加5蚊嘅荔枝乳酸, 個味幾清新, 點都好過朋友果個巨峰提子嘅藥水味呀.