居食屋「和民」 (置富第一城)

营业中

休息中

Friday worths a celebration 🎈牛肉壽喜燒🥩 - 好大份量，肉質嫩滑，湯底很鮮甜入味。韓式泡菜石頭鍋飯🥘 - 熱呼呼的飯，配搭不同的配料，味道不錯。鐵板煎餃子🥟 - 餃子味道不錯，略嫌沒有醬汁配搭，有點乾。二人歡聚套餐$289，值得encore。

precooked with openrice and got +30 points! This was also my first time paying via openrice so my bill got -$20!The waiters very rarely responded to my hand and I had to wait a long time (around 6 minutes) just to order. 10% service charge is not worth it. The lunch menu was very satisfying with an abundant of options. I especially admire the fact they have a ‘daily special’ lunch menu where the ‘special’ meal everyday is $69. I ordered the Watami Kimchi rice in Stone Pot Set $59 and a Watami O

每年的生日優惠又來了！今次試2人信用咭套餐。包括：前菜~蓮藕、牛蒡，很爽口。芝士凱撒沙律~很普通的材料，但加入多士脆粒，口感豐富了！三文魚刺身~我都是放入火煱灼熱吃。煙肉雜菌薄餅~薄餅真的薄到像餅，頗可口的！滑蛋豬柳盒子飯~濕潤的滑蛋與汁令白飯很可口！牛肉壽喜燒~我們三人分因此追加牛肉一份（100g）青柑桔柚子蜜梳打&我的青柑桔可樂~日本產原條魷魚燒~厚肉、鮮爽，每次來到都吃！（忘記拍照）扣除所有優惠人均消費$120。

其實食物精緻，貴夾唔飽無所謂，但太失望，冇下次。因好耐冇去，入去食晚餐，看了餐牌很久發現冇咩選擇，大熱天時餐牌上都是碢物，石碢飯，而壽司只有3款，刺身壽司，加州卷及吞拿魚壽司。加州卷屬平價壽司竟要79元。最後點了鮭魚刺身，豚肉拉麵，雞亦及煎餃。食物到來時真係嚇親，鮭魚刺身有3片，每片約一個5元硬幣大小，比一般鮭魚壽司上那片還小( 約2/3size), $39元。拉麵仲驚，碗麵size ok啦，口感似車仔面店叫的油面咁，有一片薄薄的豚肉及半只蛋，$59元。煎餃，雞亦算合理，但煎餃比以前細隻了1/3，價錢卻没变，$39元5小隻，味道一般。雞亦$19元3隻，但細得可憐。最後連埋單都要自己去櫃位，連服務都慳返，記得以前是有service的，但又要收加一!食完成餐飯一D都唔飽！

媽媽一向好鍾意食日本菜，上網見到香港和民集團二十週年慶，特別推出期間限定 Omakase 晚市套餐，上網訂購低至 $160 起嘆8道菜 Omakase!勁抵啊! 平民價錢就可以食到優質日本食材，即刻網上訂位同媽媽嘆返個Omakase套餐~套餐包括2人前8道菜式，有齊前菜、刺身、壽司、炸物、甜品等。凱撒沙律惹味煙肉碎配爽脆生菜，再撒上香濃巴馬臣芝士碎，加埋粒粒面包，好開胃。極上中拖羅刺身充滿魚油甘香，鮮味十足。8貫壽司盛合有日本帆立貝、極上中拖羅、三文魚、赤蝦、星鰻、蝦籽等，推介日本帆立貝肥厚爽甜，口感佳。牛油焗日本帆立貝充滿牛油香，口感外脆內軟，帆立貝鮮甜彈牙，好有咬口。香脆炸雞炸得金黄香脆，咬開肉質嫩滑多汁，點埋沙律醬更滋味。脆炸牡蠣口感酥脆夠哂香口，蠔肉嫩滑飽滿，味道甘香。鰹魚湯食完刺身壽司最岩飲完碗熱湯暖胃，鰹魚湯鮮甜清爽，仲有唔少海苔同油揚。有機蕃薯迷你芭菲蕃薯香甜軟糯，配冰凍雪糕、彈牙珍珠同最底層既粟米片，層次相當豐富，好滿足。

想有多啲唔同種類既食物揀，和民係一個好選擇。🤪今日經過見到和民做緊20週年活動採用日本帆立貝 / 日本油甘魚食材用某銀行信用卡卡滿$200點選指定食品 主餐牌仲有7折添，好抵食呀🤩，好彩仲未CUT 😍CARD。於是我同朋友決定入去食！先來一個🥗海鮮沙律 $59～材料有三文魚🐠帆立具 蝦 🥬蔬菜種多 好爽口 細細一碟 可以留肚食其他野😋～之後有🎏牛油焗帆立貝 $59🇯🇵日本產的，用上牛油焗放係🥘鐵板上菜，未食已經聞到好香，有小小焦香味，吸哂牛油既帆立貝，咬上去有鮮味又啖啖肉。好好味😆🍢串燒拼盤 $99燒得好香，有濃濃的焦香味左，有燒菇，粟米，🐂牛肉串，🐥雞肉串。7串中最欣賞牛肉包葱串燒👍🏽。🥘清酒煮蜆$39蜆肉好鮮味，蜆肉都好多，個湯又好清，有小小🍶清酒吊味，好味道🫓大阪椰菜燒$59基本上每次黎都會點呢一款，😍好鐘意食大阪燒，🤤醬汁甜甜，有厚厚既蛋，而且賣相也不錯🍳自家製厚燒玉子$39不過不失既甜甜燒玉子，勝在價錢夠平😉食到我同朋友都好飽。Remarks: 某銀行信用卡惠適用於堂食及外賣

近排好想食日本嘢啊，今次就叫咗個和民嘅外賣。一打見到外賣排得好整齊好靚仔呀😍，外觀即刻加咗唔少分！鰻魚牛肉飯便當，滿足晒三心兩意ge我啊！一個便當有鰻魚同牛肉正啊！廣島風炒麵便當 🍱有呢個日式炒麵同埋有八爪魚丸，冇得去日本唯有食住呢個便當頂下癮先。小食叫咗以下幾款蜜糖芥末味雞翼、牛油焗飯立貝、日本產原條魷魚燒、炸雞軟骨、脆炸生蠔 。所有炸物拎到返屋企都係保持香脆，特別係炸雞軟骨食到冇停口，好食🤣。

一行三人12點來這裡吃午餐，點了炸蠔餐、一份冷麵配加州卷。由於有小朋友，所以另點一碗魚生飯，份量應該剛剛好。但這份39蚊的魚生飯真的小了一點呢！不過他們的炸蠔仍能保持水準、冷麵啲醬汁真的一流，小朋友最後全喝光了，值得一讚的係他們的柚子蜜梳打特飲，一般的柚子蜜都是呈條狀，但他們有花額外功夫，將所有柚子設成粒狀，飲起上嚟，就更容易將吸管直接吸取柚子，啖啖柚子肉加梳打汽水，真的不錯，這款自己在家裏做不到。

一年一度優惠來，今年又收到生日$60優惠券，今晚就在「和民」用膳。楝好四欵特價小食：牛油焗日本帆立貝$39是每次必吃，因為好吃囉！惹味黑焦糖脆雞翼$19，香、甜、脆，尚可的！關西章魚燒$29，我嘗一顆，有三粒小章魚肉，但除了章魚肉，我對整個章魚燒興趣不大。香脆炸雞芝士味$23，很多芝士醬我沒有嘗試了！我的牛肉烏冬$69頗不錯，份量適中。重量級叉燒豚肉醬油拉麵 $99，雖然是重量級，都足夠一個人份量，我只嘗一口湯，麵湯味道很不錯，質感綿滑。結帳時候又送上消費$100送$50的優惠券，看來相比生日$60優惠券更優惠。

一早同朋友去行山，係第一城附近食個靚早餐，結果揀咗和民食，原來早餐都幾多款，有日式亦有西式我就揀咗個日式早餐，燒牛舌配飯😂平時只係會食燒肉先有機會食牛舌，所以一見到有就二話不說揀黎食味道都可以，牛舌薄薄一片，雖然有啲um但味道不錯👍🏻個餐仲有沙律同碗味增湯，想試吓呢啲日式早餐都可以係個選擇！

今天同朋友來到第一城附近食午餐，在商場逛了一會，打算吃日式午餐，看到這間較平民級價錢，就打算吃這間打開餐牌發現便當和定食類別的選擇都非常多，經過一番糾結，最後我們選了一個石鍋黑椒牛肉飯定食$58和蜆肉湯烏冬山蔥香蔥吞拿魚壽司定食$88大概是因為平日食中午所以人數不多，上菜時間亦都很快，大概只需等10分鐘左右上菜時定食均會配上麵豉湯和沙律，石鍋很熱，發出吱吱的聲音，同時亦都增加了吸引度，牛肉是生上的，所以需要攪拌之後才食用，加上為免飯焦過多，所以我亦攪拌了大概3分鐘左右。雖然牛肉份量不多但是配上醬汁味道很不錯之後我吃了朋友的蜆肉湯烏冬，味道很淡，蜆肉味不足，感覺烹調時間不夠， 所以略嫌過湯底過清淡而山盧香蔥吞拿魚壽司味道一般，屬於普通之作， 有一點失望不過以價錢來說屬於平民價，所以食物味道和價位算是不過不失

尋晚去開第一城，諗住食埋飯先返屋企，行過和民，諗住帶左和民卡，食會員套餐都抵既，上次響第二間分店食都唔錯，於是......打開餐牌，叫左個二人餐，都幾多野食咁，但....前菜睇到都唔想食，連相都費事影，係幾粒凍冰冰既牛蒡😓餐中包左個沙律、刺身、pizza、三文魚牛油果卷、烤雞腿同牛肉壽喜燒......係咪好多野食咁呢？但我真係真心覺得無一樣好食呢！就連主菜都令人失望😓睇到鐵塊，係咪以為熱辣辣呢？錯，只係暖暖地😓失望牛肉壽喜燒，全餐最熱辣辣，事關有gas爐一路煲住，但味道一般😓跟餐刺身，食左無肚痛真係萬幸，三文魚比簿切厚少少咁多，隻蝦就一食就想吐返出嚟😵完全無新鮮可言😓三文魚牛油果卷，普通到無可普通，牛油果係無牛油果味既，三文魚就更加唔洗講😓雞肉pizza，凍冰冰，仲差過麵包店嗰啲pizza包😓其實食日本菜嚟講，和民既價位真係算幾抵，但佢每間分店既食品質素真係好參差，好明顯尋晚我地係中左伏既，所以.....呢間真係無下次😓

今晚約咗朋友喺沙田第一城附近食晚飯，想食日式嘢但唔多選擇下去咗幫襯居食屋和民。可能2人枱流轉快，等咗15分鐘左右可以入座。1. 和民沙律($69)，份量算多，但略嫌沙律汁太多，只食到沙律醬味2. 壽司卷盛(3種)($89)，上圖為實物，下圖為餐牌相片，賣相實物一般，味道還可以。3. 秘製牛柳串(2串)($69)，牛柳唔夠淋，平均$35 一串唔太值4. 豪華串燒盛盒(7串)($99)，雞翼無味，只得免治雞肉同雞腿肉較入味，其餘一般。5. 特上鰻魚盒子飯($149)，鰻魚份量足夠，略嫌不夠肥美，整體不過不失。

開爐la 肥牛肉鸟東Sabu Sabu Sabu Sabu, 醬汁濃郁但有點兒咸，菜少得一兩片。加埋烏冬滾下滾下也不錯。鰻魚蛋飯，很咸，加埋炒蛋食真是普通麻麻，食不到鰻魚味道。不夠熱。飲品沒有特別。

很耐冇吃和民了因爲和家人有事到第一城，所以是第一次試第一城分店，坐位十分舒服，食物種類及套餐組合也十分好，可以隨意選擇，而且不會迫人一吃完便走，伙計也有禮貌，下次有機會來第一城也會來但日本嘢始終也是貴了些