居食屋「和民」 (置富第一城)

营业中

休息中

和民更新左佢既早餐餐牌早餐定食無左我最鍾意既炸魚柳多左幾款牛角包既配搭本身都有少少衝動去試試但見到隔離枱個牛角包好似無乜吸引力都係食番雞排定食算早餐有飯有麵豉湯咁豐富係開心啲既👍🏻重點當然係塊雞排燒得夠脆啦！

早餐好多間都係食同一樣野🤷🏻‍♂️黎黎去去唔係西式炒滑蛋+多士就係中式既炒麵+粥日日咁食真係會好厭🙈所以間唔中都要食啲特別啲既早餐所以就黎左和民食日式早餐定食留意番唔係間間和民都有㗎！日式早餐定食唔係貴都係$3x就有仲配埋野飲今次我地就點左玉子燒炸魚柳定食玉子燒照燒雞排定食先講講個炸魚柳定食魚柳夠大夠晒厚身炸粉唔厚但又夠脆配埋沙律醬食正！至於塊雞排稍嫌細塊左啲但係佢燒得岩岩好雞皮夠脆裡面既雞肉汁出晒黎補番佢太細塊既不足而兩個定食都配麵豉湯呢個早餐夠晒滿足👍🏻👍🏻

今天晚上與一對情侶朋友食晚餐，由於他們都喜歡日本餐廳，又見和民餐廳門外沒有太多人排隊，就直接進去了。可能是平日吧，平時星期六日都要大排長龍。我們三人一進去，因為均有選擇困難症，就選了二人套餐，不叫單點，要不然選到明年也還沒有點餐。加上用匯豐信用卡簽帳可減＄50，我們就毫不猶豫地下單。值得留意的是只有指定的二人或四人套餐才有這個優惠。以下就是二人套餐所包括的食物:整體來說，味道不錯前菜是雜菇。沙律比想像中的足料及新鮮，有芝士、雞肉及溫泉蛋。至於刺身方面，甜蝦及三文魚都算新鮮，只是分量不多。鐵板凡立貝則十分出色，淋上新鮮檸檬汁，十分分開胃，而且size比想像中大粒照燒雞扒，厚肉多汁，而且是大大隻雞脾，隨碟還有給一把剪刀方便你切黑椒牛肉粟米石頭鍋飯及泡菜豚肉鍋都十分好吃，由於石頭鍋飯不算很多汁，淋上泡菜豚肉鍋的泡菜汁之後，味道十分夾。最後還附送兩杯飲品，凍飲不用加錢，更有梅酒選擇，愛喝梅酒的朋友不能錯過其實最後還有兩件朱古力蛋糕作為甜品，只可惜忘了影相。所以其實這個二人套餐份量十足，三個人吃也感到十分飽

難得放假可以瞓到自然醒，當然去樓下食個靚早餐。去到商場經過和民居食屋，發現竟然有早餐供應，有新野就當然要試下啦！同平時叫野食嘅方式唔同，首先排隊喺收銀處叫自己想食嘅野，畀錢後攞號碼牌自己搵位坐低等。鍾意食鯖魚嘅我就叫咗個鯖魚朝食加溫泉蛋。可能人比較多嘅關係，我都要等大概十分鐘先可以叫野食，再等大概二十分鐘嘢食先送到嚟。可能肚餓嘅關係，愈等愈覺凍❄️❄️，期間唯有飲住熱檸水暖下胃啦。鯖魚朝食有鯖魚，玉子燒，紫菜同埋白飯。鯖魚煎得香口，可惜份量較少，唔夠送飯。好彩可以用整碎咗嘅紫菜同埋溫泉蛋撈飯，好飯就食喵喇。而玉子燒口感充實，外脆內軟，十分好味。😋40幾蚊嘅早餐，份量唔多，老實講真係唔太抵，不過味道總算搭夠。等野食亦等得太耐，趕時間嘅朋友就下次先好幫襯喇！

長假期的晚餐想食好d，帶咗朋友到第一城的和民食日本野。因為假期的關係，晚上高峰時間可能要等一個鐘以上，所以我哋6點半就去到，好彩唔駛等就可以入座喇！餐廳環境寬敞，卡位座位舒適，不過冷氣有d凍，最好預備定外套。☃️我哋散叫幾樣想食嘅菜式，第一道係三文魚沙律，三文魚數量適中，沙律菜味道清新，增添家嘅食慾。然後就係我最鍾意嘅炸雞腿扒，首先雞扒十分巨大，而且皮炸得十金香脆，雞腿肉質厚實而鮮嫩，咬落去充滿肉汁，食得十分滋味滿足。😋石鍋海鮮飯有唔同嘅海鮮如帆立貝，蟹柳等等，白飯熱辣辣得嚟夠乾身，唔會有飯焦，都算唔錯。最後就係牛肉鍋加烏冬，牛肉鍋有好多菜同豆腐，十分健康。兩個人食咁多野都係400蚊左右，價錢相宜。有機會會再食最鍾意嘅炸雞腿扒！👍🏾

見仲有一張生日coupon, 咁梗係唔好嘥, 食埋佢, 但今次去另一間分店, 呢度原本係和亭, 但而家變身做和民, 其實對我嚟講分別不大, 因為兩間都冇以前咁多選擇, 都係求其為咗用佢張coupon先嚟食啫~ 原隻蒜味雞腿燒上次去馬鞍山果間分店見到人地食真係好大只, 於是今次叫嚟試下, 但點知係完全兩回事, 如果比對埋menu張相仲差得遠, 果然圖片口供參考~ 我地同隔離枱都叫咗呢個雞腿, 我地上枱先, 已經見到超細只, 不過隔離枱果只比我地大只, 真係唔公平, 不過當隔離枱剪開只雞腿時, 竟然話只雞腿唔係好熟, 叫人再整熟啲, 跟住之後個侍應隔咗一陣再上過只雞腿, 但解釋話返整的話會老, 所以重新整過只, 我見呢只比之前細, 同我地果只差唔多size, 唔通怕整唔熟或者係繁忙時間啲雞腿會細只啲? 講返個我地只雞腿, 第一, 汁唔夠多, 只得一小碗, 不過我相信問佢可以比多一碗, 係老公話唔知之嘛~ 因為佢覺得個汁都係味精, 所以唔要都罷~ 第二, 雖然係佢用鐵板上, 但個鐵板竟然唔熱, 倒啲汁落去都冇"咋咋"聲~第三, 梗係頭先提過的size超細, 完完全全估佢唔到~  豚骨醬油拉麵

同男友去完睇傢俬就去和民食晚餐，因為和民寄左生日禮卷比我加上禮卷本身只有一個月限期，所以就決定夜晚去食和民。去到先發現原來今日冇炸物食…都有少少失望但都係小問題。入座果陣職員都好貼心咁解釋返因為炸爐壞左！所以冇炸物食。首先黎個和民沙律先…蔬菜都算好新鮮！牛肉壽喜燒…湯底十分濃郁。裡面有牛肉，豆腐，鮮冬菇，粉絲，皇帝菜，大蔥，金菇同娃娃菜。感覺上足料但份量亦都較為少。鰻魚壽司卷…鰻魚面上亦佈滿鰻魚汁，入口唔會太乾身和風pizza...比傳統pizza較為薄同脆身！pizza上面亦淋上蛋黃醬同放上照燒雞肉同撒上紫菜及蔥花我同男友亦點了一人一杯野飲…分別係芒果乳酪沙冰同蘋果益力多。兩杯都帶有酸味…十分開胃！

侍應執走上一台客人啲碗碟、求其抹下台，係基本到無可再基本的動作，連幾差嘅茶記、快餐店都會識咁做。我坐落時，乜都唔執，連抹都唔抹，上一台啲油積仲係度，照上我個餐。當我叫一叫轉頭收一收啲野時（已經係好好聲氣而冇要求即刻），個侍應好惡咁回答「唔得閒！」然後走咗去。O曬嘴，咁大個仔第一次見識咁嘅回應可以出自侍應嘅口 平時啲侍應最多會應酬我句「轉頭」然後其實乜都唔做，呢間仲要係上市公司嘅連鎖店，簡直大開眼界。食物味道同價錢係ok嘅，係早餐時段啲態度同衛生有啲離譜

由於澄子小姐年頭生日，決定就長輩系沙田食和民慶祝下！但估唔到原來沙田間和民味道原來唔同d，食品質素亦參次。例如，曾經好好食的牛油果三文魚卷，材料大不如前。例如卷物入面舊三文魚變咗紅蘿蔔絲…同埋佢同軟腳蟹卷物有個共同點…就系完全卷唔實，未拿起都已經散曬。 雞肉鍋物，雞肉有腥味，但個雞肉軟骨丸味道都ok。串燒盛同拉麵完全無味，要落好多七味粉先叫做有少少味。雖然食上菜速度較快，但味道真的不一樣，因為年尾我都去過第二間和民，但味道完全唔同。同想溫馨提示大家，佢地無收切餅費，但至少幫我雪住好嗎，拿出來個蛋糕唔凍不但止cream都融融地…仲要啲碗碟衛生欠佳雖然我地無投訴，但亦都希望改善下

猶記得中學時開始懂識食，第一次接觸的日式食肆便是和民。當時不太懂食魚生的我，只點熟食，但覺得和民價廉物美，所以常來光顧。工作以後，由於工作地點附近沒和民分店，所以少去了很多。近日突然想起和民，便來這裏懷緬一下從前。為懷緬過去，今天點的都是經典菜式。玉子燒：一向喜歡食蛋的我，非常愛這裏的玉子燒。它除了蛋香亦帶甜味，如醮上一點蘿蔔蓉食，更覺清新。壽喜燒：它的湯底香甜。吃完所有配料後，可再加入烏冬煮，讓烏冬吸收湯底精華，適合近日的寒冷天氣。略嫌肥牛太多肥膏。豚肉飯：豚肉汁料配搭得好，原本的普通䐁肉加分不少。經典菜保持水平，期待下次再來，可嘗和民的新菜式。

尋晚放工後同babi 同老豆去食第一城間和民，叫左個四人餐火鍋，可以揀選兩個飯或拉麵或鐵版燒，我地叫左個火鍋一個叉燒拉麵一個炒麵，仲有個魚生一個大雜菜沙律，一碟餃子。超飽超強野食，不過個魚生味道一般咋，反而個肥牛火鍋唔錯，至於個炒麵都唔太好食，唔知點鮮冇以前咁好食，而且唔夠人手，買單等左好耐。

堂食和民都有數次但是第一次叫外賣卻大失所望，雖然價錢沒想像中貴但她的味道完全跟堂食是不同的程度。從表面包裝不錯到拆開吃下感到失望⋯豬扒滑蛋下的飯非常的濕甚至黏成一團，飯是煮得爛透沒味道不配本身的醬汁有點難嚥下。本來外賣就會料到濕的豬扒一定軟身點所以還能接受，最大問題真的是在爛飯身上。牛肉的話就好豬扒些少，畢竟這個本身有牛肉汁即使飯太軟也比少醬汁的易吃。而且有酸薑混在吃也覺得開胃點就可惜酸薑份量不多。和民的話還是堂食較好，外賣就還是不建議大家點了除非有明顯進步。

晚上七點前入座唔算多人，同老公帶住兩個小朋友坐單邊卡位。一坐低，有個男侍應放低4杯熱水(係出晒煙的熱水)! 唔知佢攞唔穩定乜野，打翻左其中一杯，我一手推開個女，杯熱水倒落我對腳度，我當時仲要著短褲。我老公即刻攞返起個杯，因為個侍應乜都無做。佢好平靜甘講左句唔好意思就轉身走左去！其實唔小心唔緊要，我最嬲係個男嘅態度！跟住另一位女侍應遞上兩張紙巾，然後抹枱，都係十分平靜，好似無事發生甘！我對腳淥到紅左，又痛，之後食乜都無味了！唔開心的經歷，唔會再去！

每年一度生日優惠，無理由唔用啫，套餐不能用$60現金優惠，只能點主餐牌食物。套餐好豐富，先嚟前菜白筍，淡口非常，完全食出筍嘅味道凱撒沙律份量唔算少，三文魚配意式醬汁另類風味黑椒蜜糖雞翼熱辣辣入味又脆口叉燒拉麵只屬一般。暖暖嘅牛肉鍋物「發」隻生雞蛋落去增添蛋香，有菜有菇湯清甜，足夠二人食用，仲有飲料包括啤酒、梅酒不另收費，絕對超值嘅一個套餐。不過嗰$60點算～加個燒雞薄餅雞肉上有大阪燒嘅醬汁、沙律醬，份外惹味，薄薄餅底還可以擺落肚皮扣減優惠後兩人才$300

原來和民某啲分店有早餐😮個餐牌都好靚仔 好吸引 就試下--🐠燒鯖魚朝食$32+溫泉蛋$8🐟燒鮭魚朝食$34+咖啡$3好鍾意食呢啲set 好似好豐富咁兩條魚都好好食 不過有啲唔夠下次要加多士😍--好有去左日本既感覺 好開心仲要呢個價錢 一定會再黎😚佢仲有其他早餐個樣好靚下次試😘