居食屋「和民」 (已結業)

排隊要近一個鐘時間，而且黎既食物等勁耐，9個字黎得兩樣野食,大阪燒好硬，仲硬過車軚, 完全中伏！大家有大把時間想饑饉三十就黎啦！其他野食就吾知等到何年何月先到啦⋯⋯

三文魚刺身每片切得很平均，三文魚很新鮮，很爽口。炸蝦天富羅炸得很鬆脆，蝦肉爽口，不過蝦的大小有點少。鰻魚飯味道很好，鰻魚肥美多汁, 魚身嫩滑，鰻魚汁很嘢味，配飯吃一流。珍珠奶茶在這餐，最差就是這杯珍珠奶茶。奶茶十分大杯，味道也可以，但是珍珠卻沒有煙韌的感覺，像一咬就碎的，外面是珍珠入面卻實的的，真的古怪！珍珠是珍珠奶茶的靈魂，沒有珍珠，那就叫普通奶茶就好了。另外，可能人手不足，有時只見到1至2個侍應在工作，他們如此忙碌，我也不好意思多叫他們了。

今日同事生日， 好難得咁約齊左全部同事出黎食飯！ 選左好耐， 由飲茶，韓燒，去到牛排， 最後選左 「和民」。入到去，餐廳只有惠顧主餐牌食品滿$500有85折。 所以同事決定： 各叫各， set launch 萬歲！！我地分別叫左鍋燒烏冬！小弟至愛！ 味道不錯，上桌時個湯仲係滾滾滾！正！和風pizza,味道還可，但個餅底未完全烤干，搞到好似食緊墨西哥烤卷咁。 唔通， 呢個先係佢真正食法最後推介和風沙律！用料豐富， 可惜沙律菜有些不夠新鮮。 但依然有4星！

小弟一向覺得和民的石鍋飯很好吃,在荃灣看完戲後看見附近有分店, 二話不說便立即跟女友前往進食人客不多, 環境還算舒適, 但誰不知惡夢即將降臨我跟女友都各點了一個牛肉石鍋飯但一個石鍋飯竟要等接近45 分鐘( 沒看錯, 是45分鐘) 期間因為很肚餓, 途中一直都有催侍應, 該侍應還算好禮貌, 有幫我們道歉跟確認有否開單好吧, 石鍋飯最重要的是熱力及有一點結焦的感覺, 我們就是衝著這點來的但竟然來的石鍋熱力久奉1,一直拌也拌不熟牛肉2.白飯跟家裡的熱飯一樣,完全沒結焦味看到我們也感到很無奈,但因為等了這麼久,十分肚餓,只好將就吃完最後, 我們將離開時, 門口的侍應跟我四目交投, 也沒說甚麼多謝光臨的說話 , 只呆呆的站著看著我們的背影離開我與女友一直都是和民的忠實粉絲, 但沒想到分店與分店之間有這麼大的差距

三文魚刺身賣相唔係咁好，不過味道好好，好肥美鮮味雞翼好香，好脆好惹味牛肉火鍋，牛肉味好重，牛肉唔太老配菜都好鮮甜，醬汁甜甜地，好開胃烏冬好似同以前有d唔同，冇咁煙韌彈牙

今日特登黎和民食野，顺便逛商場，呢間刺身拼盆真系好新鮮好抵食。三文魚腩，色澤鮮艶，口感肥美嫩滑，再點上酱汁與辣芥末味道更加美味鮮甜，入口即化！北极貝，咀嚼比較有韧度，味道鮮甜，加上酱汁芥末味道會更加濃郁清甜！！

今日同朋友行完街直接去左和民，揀左個牛肉火鍋，食材:薄薄牛肉片，金針菇，香菇，米線等，仲有一個完整鷄蛋！开火煮至三分鐘左右火鍋己經开開始沸騰打蛋落去，牛肉鍋四溢飄香，湯汁十分清甜濃郁，牛肉爽滑濃香，薄薄一片非常入味，上下肥中間瘦香而唔腻牛味十足！

又到搵食時候同女朋友想食日本野所以就揀左和民閒日既關係 2個人去到都好快有位點知一入去 嘩 佢比張大檯我地2個人坐由於唔係好肚餓既關係所以我地只係點左4樣野雞軟骨 其實就無咩味由於我鍾意食骨位既關係 所以都係叫左呢個不過應該無下次冷soba竟然無蛋!有d失望 好彩soba都算彈牙牛肉壽喜燒2個人黎講其實都岩岩好配上甜甜地既湯底好食仲有個牛油果三文魚但唔記得影相 不過都算係不過不失之作不過真係要讚下其中一位肥肥地既眼鏡男侍應好好笑又好好禮貌總括黎講 唔差可以再食

-和民 由於是我中學時代的產品所以 即使質素不斷下降 還是禁不住再給予機會這天 心血來潮 又來到了和民吃晚餐等了十分鐘左右便有位子 在繁忙的週末晚上已算是很快-近日胃口不算太好 所以兩個人去吃 沒有叫太多菜三文魚牛油果卷 $69共有5件 三文魚和牛油果一向很配 不過略嫌卷入面的配料有點隨便 如果是配上炸軟殼蟹碎 會美味十倍炸雞軟骨 $39以往和民的炸雞軟骨是我很喜歡的一道菜因為很有酥炸的口感 不會太硬但現在可能是換了廚師 或是換了炸粉 發現口感不同了或許下次不會再點了吧Soba $49(?)這是同行人叫的 我一口也沒吃但據說這面下得有點時間長了另外 感覺吃冷面很重要的生鵪鶉蛋也沒有是失色不少的牛肉火鍋 (大） $98 另加烏冬 $26(?)一向來和民也是叫小的牛肉火鍋 不過這次試了大的size 其實價錢來說是便宜的味道 一如普通的壽喜燒 但大size牛肉多了吃了後段略嫌有點油膩值得一提的是 烏冬挺彈牙-其實和民質素不穩已是很久的事了但無論質素變成怎樣 總是有一群人因為想不到要吃甚麼而走進和民

週末怕人多，見都有一段時間冇幫襯，5點幾嚟到又大把枱，咪輕輕鬆鬆食個“早”飯。由於星期六冇下午茶餐，我哋兩個人叫了半份和民沙律，料都幾足，除咗一般生菜仲有雞肉、南瓜等，配芝麻醬幾fresh，同以前食嘅水準差不多，冇令我失望。我叫咗個鐵板炒麵，餐牌寫明魷魚，原來裡面仲有d豬肉薄片嘅，味道唔錯，略嫌份量唔係好夠 今次試咗杯紫薯鮮奶，雖然紫薯味唔係好濃，但入味香滑，奶味都幾重，廿幾蚊幾有誠意 朋友叫了石鍋三文魚拼魚子飯，叫了大碗但其實都好細碗，不禁令我哋問侍應係咪出錯了細碗 整體而言食物環境都唔錯，可以再來試其他菜式。

除了譚仔，和民是婢人喜悅的，價錢不貴，選擇夠多，唔想諗食咩但又唔食譚仔就黎和民。可能和民是大眾情人的關係，所以等她的人總是多到排到尖沙咀。餓住肚去排真係餓死都未有得食。幸好，我們只是志在吹吹水，所以今晚排佢無咩所謂。少少地點了壽司，煎帶子，豆腐湯同沙律，食唔飽人，但可以留返個胃有位食甜品。但今次沙律咸左啲啲，要係咁飲水。壽司就保持水準，大大粒帶子，爽口依然。鰻魚質感厚實，食得下。至於燒帶子就燶左啲啦，有少少苦味。最好味個豆腐鍋，送飯一流，食唔停口。

夜晚八點幾到荃灣廣場，拎飛等叫籌個陣係附近MUJI行左陣幾個字左右已經入到場，好開心入到去同友人叫左二人餐，每人百五蚊左右，九樣菜(包兩杯飲品)其實好抵食去多好評嘅餐廳失望而歸，反而和民比到我驚喜

睇完戲已經成9點鐘冇諗過2人枱要等8張飛，不過唔想行唻行去就是但照等，上菜速度都好快，套餐非常好又唔使諗太多，只係4種要選擇，食物都俾之前好左好多冇咁求其，希望下次會再好D變返剛剛來港既水準

下晝食晏要等，真係嬲都識飛。今日下晝同同事一行10人到呢間和民，叫咗個咖哩乜乜石頭飯，嘩，真係唔講得笑，真係等到頸都長。相信都有半個鐘。其實呢個飯味道唔錯，男仔嚟講都夠飽。如果佢啲飯可以整得再硬少少會好啲，有小小林咗。但呢間和民下晝人手超級唔足夠，除咗等個飯，佢啲嘢飲睇住沖好晒都冇人送出去。唔得囉......總結: 推介呢個飯，希望下次食時間多啲，或者佢冇咁趕跟住啲米會硬少少，咁就very good.

行完一田, 正考慮食邊間的時候, 突然閃過想食炒烏冬的念頭, 不過附近都冇平價日本料理, 只記得樓下有間和民, 就入去食喇~雖然餐牌見唔到有炒烏冬, 不過都入左去~就照食喇~點了明太子香薯pizza, 個餅底好脆, 不過燶左少少, 食落有苦味, 至於個餡就唔錯, 加了薯仔, 幾特別~之後就到大阪燒, 都係燶左啲, 同側面有啲乾, 個餡正正常常, 冇咩特別.個石鍋鮭魚魚子飯比想像中細, , 而且味道一般, 飯太濕/淋.最後就到炸海老串, 都做到外脆內軟, 但就鹹左少少...