居食屋「和民」 (已結業)

⼀年一度嘅平安夜，又有藉口出去食大餐啦今次就揀咗好耐冇去嘅和民，貪佢都叫做多選擇呀嘛。石鍋明太子沙律醬牛肉飯石鍋飯溫度好夠熱，撈勻之後每粒飯都沾到有明太子沙律醬，味道不錯，只係略嫌牛肉份量偏少。滑蛋廣島炸生蠔賣相就做得好好嘅，但係食落口就有啲失望雖然佢都做到有滑蛋嘅效果，但係整體味道偏咸，而且好粉，覺得係食緊麵粉多過食蠔。原隻香濃芝士雞燒腿賣相相當吸引，同餐牌上面嘅相片分別不大。但有一點係比較可惜，雖然我自己本身都好鍾意食芝士，但係呢一碟雞燒腿嘅芝士實在係偏鹹，太重口味，另外雞肉亦都唔夠滑廣島縣產牡蠣海鮮鍋成個鍋整體來講其實都算相當唔錯，海鮮亦都食得出係新鮮貨。但係有一樣野係覺得幾失望。當時我哋食到覺得有啲辣，於是就向店員問下呢個係咩湯底，從而得知原來呢個係柚子胡椒湯底，但係餐牌上面係冇寫到佢係辣嘅我覺得咁樣對於唔食得辣嘅朋友就唔係咁好，如果我知道佢係辣嘅，就唔會揀佢不過，好彩最後店員都幾友善，好樂意咁幫我地即刻換上清湯，都算補鑊成功啦。

見好耐冇去和民食飯，今晚就去食下。估唔到越黎越差。點左幾樣野：和民沙律、海老刺身、芝士烤雞、炸水牛芝士同埋煱燒牛肉烏冬。首先黎左個沙律，感覺正常，不過不失。再黎海老刺身，除左細隻啲同唔係咁新鮮外，都算還可以接受。再黎上台就係芝士炸雞同炸水牛芝士。個芝士炸雞一啲唔熱，只係暖暖地，外面啲脆皮就好明顯炸過龍，入口硬到想吐返出黎掟人。至於炸水牛芝士，正確啲黎講，應該叫佢炸水牛芝士殼。佢炸到過曬龍，啲本應起入面嘅芝士漏走曬。得返啲殼上台俾人食，真係估佢唔到，岩都可以上台俾人食。食完啲炸水牛芝士殼已經成肚火，最後上台係煱燒牛肉烏冬。又係煮到過曬龍，啲牛肉又嚡同份量整少。成個煱上台果陣同出面天氣一樣打曬風咁，賣相仲差過好多廿幾三十蚊碗牛腩河。成餐三百幾蚊找數，感覺唔值呢個價位。

之前有食過lunch set, 今次係荃灣唔想諗食咩就去左地庫和民到食地方大座位多，但裝潢同其他分店一樣黑漆漆～雖然我地2個人但都安排了4人位，坐得舒服。   叫左個普通2人套餐，有前菜，沙律，鰻魚飯，壽喜燒鍋，大板燒同飲品2杯。前菜用八抓魚刺身，配上酸酸甜甜的漿汁，幾特別。沙律是凱撒沙律，無咩特別。壽喜燒鍋一向都喜歡食，但記得快D食牛肉，否則會”un”, 鰻魚飯要加＄30，味道尚可但鰻魚汁太少，要另外要求加。大板燒的皮不太厚，餡料充足，唔錯～

呢日難得黎開荃灣，為左探下個朋友一齊打下Switch，同佢玩隻game Overcooked，隻GAME好玩，同個fd 又合作得非常好，不枉我山長水遠過去！朋友係荃灣地頭蟲，不過通常住邊頭就會覺得邊頭冇咩好野食，所以佢就求其揀左呢間居食屋「和民」。雖然周圍都有分店，但我就未試過嘅，咁又一試無妨嘅。不過就有讚有彈啦，我同佢兩個夾埋Order左一個海鮮相撲鍋配蕃茄湯，同埋一個和風比薩 (叉燒﹑照燒雞) 。海鮮相撲鍋配蕃茄湯，本來冇諗住食辣野嘅，但冇留意到原來個蕃茄湯係辣架唔食得辣嘅朋友要小心。個海鮮相撲鍋恕我直言都真係幾失望嘅，太多菜，而海鮮得幾少下，帆立貝﹑蟹柳﹑魚生等都係兩件左右，其他全部都係菜。性價比好低，等我仲滿心期待左一下。不過其實同吉邊都係差唔多，但個人prefer 吉邊多D。不過個和風比薩就幫佢加返D分。叉燒照燒雞做pizza呢個配搭都幾得意。好好味，有驚喜，味道調較得宜，叉燒照燒雞口感唔錯，食完仲想encore咁就一餐，如果淨係個相撲鍋我想會比差評，不過和風比薩加番分，就比OK啦～

一講到和民就即刻流哂口水，一定會食這個和民沙律，好好味架，有生菜啦，青瓜啦，粟米啦，雞肉啦，紫菜啦，最好味就係果pat吞拿魚沙律醬，我一個人食都唔太夠喉，實在太好味啦今晚仲叫左鰻魚飯，上枱時都香噴噴，但食落就一般般啦，冇乜特別另外叫了串燒，有雞亦串燒，雞軟骨串燒同煙肉串燒，都ok啦

中學時代的高尚食府那時候能夠到和民吃上一頓日本菜，配上超日式有禮招待，已經覺得是一種極上享受了時至今日，它已經成了一家中價連鎖食肆，面對競爭對手因各種成本漲價，跟從前定價相距還不算太遠的它，反成了普羅大眾都能負擔的小享受可是，是因為將貨就價？還是只是個別分店？又或是我們太晚光顧了？這天晚上，它讓我有一點點失望了首先，照片中看上去鰻魚已經比實際大然後，外觀就像能在日式超市可買到的，還好醬汁味道尚算濃郁，魚身豐腴而且燒得還算鬆化不過份量，連飯也是少了一點看上去好像還可以，吃下去也只是還可以飯一夾即散，刺身也不一點點不夠柔軟算是最滿意的一款，魷魚還有彈牙感覺，燒汁惹味最失望的一道菜完全吃不到有明太子味道，而且上菜已半冷，當它是原味煎蛋捲一道就好了同場還有其他日本菜連鎖店，說實在的，就著這次用餐質素的話，我們寧可加多一點錢，轉投其他店的懷抱了

雜果飲品健康而又好飲嘅選擇牛肉火煱個煱其實唔大 但入面咩都有啲幾啱啲胃口細嘅朋友各項食材都好入味啲牛肉沾上蛋漿更加好味串燒聞落都幾香 食落唔會太乾味道同賣相都不過不失玉子燒味道唔錯 份量都適中不過就油咗啲壽司賣相睇落唔錯 大小適中食落都唔錯 但冇咩特色

Have been at this restaurant a couple of times and this time the three of us have ordered a 2-person set meal and also an assorted sashimi dish. The 2 person set meal was $278 with quite a number of dishes included. There were a large variety of items on the list to choose from, and we've picked the kagoshima beef sukiyaki, pumpkin tempura and the grilled pork don. The food quality is satisfactory in general. Worth a try!

今晚相約朋友到荃灣廣場睇戲，所以就在此搵食、方便預時間進場。我們見好耐都無食過「和民」、一來見地方大、二來見沒太多人、不用等位、所以選擇食這間。一坐低便見到這個2人餐、貪其方便、不用我們花時間左揀右揀、所以便決定叫這個餐這價錢已包了固定商品這3款吃了都不知是什麼😜不是我口味吧😂除了沙律醬太多之外、其實沒大問題。這個應是刺身、所以我交給朋友處理掉😁而、可選擇商品A,B & C項來了☺️和風石鍋煮蜆牛肉壽喜燒一直是我的摯愛😁東京鰻魚飯（這個要加$30）、個人覺得值得加喔👍😋最後、來一杯我最愛的熱柚子茶、滿足晒☺️但、這分店唯一需要改善的地方、就是上菜太慢了。在客人沒那麼多的情況下、都這樣的話、人一多就更加處理不到了。食飽飽、帶住滿足的肚皮進場睇戲了。

終於到午餐時間，成日食麗城都悶，同事就話不如去荃灣廣場食飯，今次我地選擇左和民，4個女同事每人$80都價錢可以但野食就普通啦，只可以講係吾洗等位就有得入座十分方便。雞肉蛋丼，加上有湯，沙律同甜品價錢係幾抵食，但雞肉丼味道偏淡，飯係直情冇汁，甜品吾好食好假，湯同沙律只屬正常。豬扒蛋丼係成餐飯最好味道，豬扒夠脆口而加上清清的醬汁和蛋混和一起食好味道！～這個也附湯和沙律。三文魚石鍋飯，一直食開凍食三文魚刺身飯，但肚吾舒服就試這個，沒想到有驚喜好味道，石頭鍋夠熱身所以有飯焦好味喎，三文魚有刺身的軟熟而加上少少熟的香口，不錯！～這個也附湯和沙律。之後仲叫左個牛肉湯烏冬，牛肉太淋沒有牛肉味，烏冬份量正常但都係偏淋身。再追加2個小食，天婦羅太淋身味道一般，鰻魚卷一甲就爛，入面勁少材料失望。飲品都只屬正常啦，但起碼有梳打不用加錢都叫作亮點，但整體質素好一般，如果好多地方冇位這裡都叫吾錯選擇。

點了一個中價四人餐$716意想不到的是所有食物均不熱如果以十分去形容溫度大概只有三分魷魚筒可是完全不熱 鐵板上的帆立貝 可感到微溫 而鐵板的溫度只足夠令牛油溶化雞翼更像自助餐上放了很久而冰冷的雞翼而飯跟拉麵都是只能以暖去形容最瘋狂的是刺身竟然是暖 第一次吃到暖的刺身😂😂😂另外如果你沒有時間就不要吃壽喜燒 那應該不是瓦士爐 而是蠟燭 燒了接近一小時才滾全場唯一感到好的是清酒煮硯是熱出煙的相信當晚全場都面對食物冰冷的問題 因為都看到有人投訴 要求翻熱

豚平燒 $53每次都會叫豚平燒，永遠唔會失望的選擇，醬汁好味，蛋煎得好香。黃金四式芝士比薩配蜜糖 $68Pizza 外型唔係好圓，好隨意嘅感覺唔似和民的作風。邊邊好脆，但食到中間個pizza 係煙韌質地，好似印度薄餅naan 咁。略嫌太少芝士了，只食到blue cheese 味。牛油焗帆立貝 $46噢！這個沒保持水準！唔夠牛油！完全唔香！平時牛油令帆立貝有少少焦香架。金菇牛肉卷串 $33好味！牛肉肥瘦剛好，燒至少少脆嘅牛肉好香！牛油野菌錫紙包 $43又係冇牛油香，好淡，秀珍菇食落好苦。男友話之前喺第二間食過好香牛油好好味架。總括，和民好少保持唔到水準，應該係呢間分店個別唔掂。

今日同屋企人食early dinner，嗌左個金槍魚刺身壽司組合，雞鍋加烏冬加飯，黑椒牛肉石頭鍋飯一上個刺身壽司組合就把火，壽司上魚生薄切，薄過蝦蛟皮，刺身細件過塊朱古力金幣石頭鍋飯，個石頭鍋根本唔夠熱，牛肉熟唔到，叫佢拎入廚房加熱，變做濕炒飯得個雞鍋正正常常食到一肚氣，諗住早走早著，舉手叫埋單，無人理，見到舉手都直行直過。。。結果要大大聲嗌唔該先有人理以後唔會再黎，其實比左好多次機會。。。係七八年前係好好架，無論食物質素定服務，個陣佢未搬去地庫，仲係樓上，即現在越棧舖位一個字 劣！Btw豉油碟係痴痴笠

我本身是和民member, 每年總會幫襯最少2-3次. 可是今次和民真的麻麻.以前舊舖在5樓(or 6樓?), 環境靚D, 有大玻璃窗, 氣氛好好. 經常大排長龍. 現在搬到最底層, 黑色格調本身沒有問題, 但感覺侷促. 今次未坐下已在黑色Sofa上見到小強!! 同店員講有小強, 佢無反應, 只指另一邊sofa 叫我地坐. 連去睇下及清理小強的意圖也沒有!! 就算食物好好我都會擔心周圍仲有無小強! 同場對面仲有落錯單事件及清理枱面碗碟比較慢等.  看來此店要好好改善.

午市上菜時間還是有點耐，得一小時lunch時間的上班族真的要三思。叫了星期三日替的南蠻炸雞定食，加一後約$70. 炸雞非常非常之香脆，上面的他他醬也很送飯。朋友叫了壽司餐請我吃了一件蝦壽司，感覺有點不夠新鮮。