居食屋「和民」 (1亞太中心) (已結業)

見到$38送飲品優惠券，餐牌飲品最貴先$38，即係送一杯飲品，於是問左個男店員，問佢今次即場用呢張得唔得，又話得，先即場做問卷，再叫杯$38蚊沙冰飲下。難飲，冇味，啲冰勁大粒，比我再大杯都冇用。最可恥係，埋單竟然同我講冇得用個張券！話唔好意思要下次先用得。以後唔會再幫襯！叫frd罷食呢間垃圾。啲飯又淡，冇乜料，份量又少。拉麵又怪，冇啦啦加啲雪菜，九唔搭八，難食之最！！！平心而論，中學時期已經食過好多次和民，由以前淘大，樂富，旺角，都食過好多次，得呢間食到非投訴不可！

所住的區域和公司所在的區域，本來有的和民都結業後，已有一段好長的時間沒有光顧和民了....在隔壁的APM看電影前，過來OPC找吃的，見到久違的和民就決定光顧啊！我喜歡吃的石鍋鮭魚魚子飯仍在餐牌之上！當然要點這個啊！石鍋鮭魚魚子飯熱烘烘的端上桌三文魚的份量算多，有5，6片左右還有一撮三文魚子其他配料有蔥花和紫菜碎配料上加上牛油和沙律醬附有兩支匙羹，飯一上桌時，可立即將配料和醬料拌勻，並把三文魚烤熟三文魚烤至半熟狀態，質感軟滑三文魚子爽脆，好香魚油味！那一片牛油更是提升了整鍋飯的香氣！那麼久沒光顧過和民，水準竟沒有退步太多！

六點幾入座唔使等位。卡位幾闊落，坐得唔會好逼。 環境唔錯，幾適合聚會傾計！特上鰻魚盒子飯$138 鰻魚幾厚身，啖啖肉，有少少骨牛肉壽喜燒 $98 肥牛幾淋，肉質甘香酥炸軟殼蟹壽司卷 $78炸雞軟骨 $38 炸得好脆好好味串燒盛合 $68有五個種類，全部雞肉都好鞋！雞翼雖然燒得脆，但係好乾完全冇味，唔建議食一口牛肉粒 $88 牛肉粒唔錯，好有牛味。但係份量太少。和民自慢鐵板餃子 $38餃子本身都ok，但係塊皮有啲燶， 所以食落有燶味就麻麻地牛油焗帆立貝 $48 好有牛油香，幾好食

We saw cockroaches on our table!!!We will never go to this restaurant again!!!!!!!!!!!!!!!!!!!!!!!!!!!!!!My meal was delayed for 45 mins!!!!!!!!!!!!!!!!!!!!!!!!!!!!!!

本身諗住食隔離個間任食放題,但太多人,所以就去食和民,但這間比其他分店好食,豚肉鍋d不錯,肉類不會好肥,推薦去試,另外服務員的態度好好,唔會嫌客戶麻煩,值得一讚,搵日會再去食過

呢晚同屋企人去食生日飯牛骨湯鍋 （大）望落好清食落去冇咩味無論顏色定味道都唔似牛骨湯啲料普通肥牛極肥冇牛味飯要+$28牛腸鍋（小）湯底味道濃得多牛腸多油但幾香不過正常牛腸鍋應該要有大量嘅韭菜呢度就一條都冇迎合香港人口味掛雞軟骨炸得好香 唔油點魷魚燒嘅蛋黃醬就perfect魷魚燒啲肉夠厚身個醬汁好食燒得唔錯天婦羅幾件野菜加兩隻蝦色水偏深 大概係因為啲油用咗好多轉整體炸得ok但蝦係一嘅味都冇整體嚟講普普通通啦唔算特別難食但喺觀塘仲有更好嘅選擇

已經30年冇食過和民，對上一次食仲係學生時代，當年和民係我眼中算係幾高級嘅餐廳，覺得幾貴，今日食返，又覺得呢個價錢其實都算抵食。仍然黑沉沉嘅光線，相機差啲對唔到焦。青柑桔柚子蜜梳打大大杯勁抵飲，一直喜歡柑桔獨有嘅香味，加上柚子酸酸甜甜，大大杯兩個人飲都夠！石鍋蒜香帆立貝飯都幾多配料，有蟹籽、蟹柳、帆立貝，其實幾似「拍拍廚房」，但口味偏淡少少，但都有胡椒香。主角：和風披薩！為左食呢個而來，叉燒、照燒雞加上沙律醬，甜中帶鹹，非常惹味！沒有不愛的理由！我可以自己食一個！芝士炸雞只有四件但兩人食真係夠，芝士醬係硬橋硬馬嘅芝士，凍少少就會凝固果種芝士！不得了！雞非常滑！再暗再難對焦都要close up影一影！非常嫩！埋單連加一都係$23x，想食日本野又唔想下下食放題，呢個質素，其實ok!

話說同屋企人一路都好鍾意去和民食，起碼幫襯左十年，而我同媽媽都有和民卡，每年生日都會有優惠卷（現金卷），今次亦都係因為有優惠卷，所以又去幫襯喇。由於我地一家人都食左好多年，因此基本上每次都會叫番個d最鍾意既食物。和民沙律 - 以前用雞肉，而家轉左蟹柳。個汁都轉左，以前個隻好好多。整體黎講，少左好多料，感覺求其左好多。黑椒糖脆雞翼 - 以前係單骨雞翼，而家係普通炸雞翼，比以前油左，都係覺得好求其。豪華壽司盛合 - 我覺得okay既，但屋企人都係話差左。和風Pizza - Pizza 皮變左印度簿餅個隻，同加多左好多芝士，以前個個脆好多冇咁heavy。重有以前個pizza係圓形，而家係不規則，好求其咁。加上拎黎既時冇切，要問先俾把刀我切，以前會切開四塊，再隨碟有刀，相比之下，而家真係好拿西！天婦羅盛合 - 冇特別，炸粉同裡面既野食基本上一咬就可以分離，亦唔叫炸得脆。鯖魚燒 - 最正常既一款！牛肉壽喜燒（牛肉鍋）- 其實牛肉鍋既湯底係好普通既甜匙油，我唔明白點解可以好似冇味咁。牛油焗帆立貝 - 正常總括黎講，大部分食物質素下降，服務下降。我地應該唔會再食，就算有生日優惠卷都係咁話。

1入去態度雖然好好 之前有叫左個壽司小朋友都打叫唔好食 但太肚餓所以俾人食曬影唔倒已經打回頭1次 可以見到係淋到你見到都唔想食芝士炸雞 芝士唔知想點3-4個人食PS*係個餐牌寫 第1個問題就係隔離枱 叫細既同我叫既份量冇分別 第2 D湯應該好貴 佢跟果壼湯都係得半個碗仔第1次拎黎 係唔熟既 之後有換 不過1餐裹面有咁多不滿 已經係問題 （申利👅 我都做過食 多人唔係可以令品質下降既理由 咁真係好唔掂）

假日裏面想搵個位食嘢，真係好難！尤其是冇book枱，就算畀你book咗枱都唔坐不耐，好多都會要限時離座，或者分時段入座。和民就係首選呀！因為座位夠寬敞，又冇限時離座。大家可以慢慢傾，慢慢食都冇人騷擾你。三個人又，由六點鐘入座傾計食嘢到十點半 ，真係傾到冇停口。食物方面，就比以前差好多。食物menu選擇不多，味道不及以往，價錢就貴了。所以只係傾計一流，而食嘢就麻麻啦！如果想食好嘢，都係打電話去其他餐廳訂位啦！但在冇訂位情況下，這確是首選之地！

以前很喜歡食和民，因為又平又抵食，怎料現在食物質素每況愈下，而且價格愈來愈貴。最近在觀塘食和民，忍不住慨嘆有點失望。當天叫了個鰻魚卷，怎料淡而無味，卷沒有越南餐廳那種卷的彈性，鰻魚又硬又迷你，而且賣相亦不太吸引。另外，叫了個天婦羅喬麥麵，餐廳稱喬麥麵乃是日本直送，所以才下了單。怎料，上菜後很失望。蝦天婦羅很像炸了的蝦仁，十分迷你，而翠玉瓜及冬菇亦很小巧，幸好個麵搭救。此外，叫了個豚肉泡菜鍋，是唯一較為正常的菜式。但泡菜較少，整個鍋沒有泡菜湯的味道。本身想先叫數樣，不夠再叫。但是，三樣餸超過二百，而且食物質素有待改善，所以轉去另一間餐廳再食。

自從我住既將軍澳區既和民執哂之後，都已經好耐無食過和民了，一向感覺係食物普普通通，細碟唔抵食不過因為老公今個月生日，和民卡有$60 coupon，就去左最近既觀塘分店try try!最後有意外驚喜首先係我覺得好好食既芝士炸雞雖然同以前一樣係好細碟，但係芝士好濃郁，雞好滑，皮好脆熱騰騰，好好食呀！真係想再encore!由於想食既冷麵賣哂，叫左三文魚石頭鍋飯估唔到都有驚喜！個鍋好熱，d飯硬硬地，有煲仔飯既感覺配合埋沙律醬，好夾！叫既食物中呢個海鮮窩相對唔抵食，好普通！呢個已經係大size，價值$88，但原來加湯連加飯都要加$28我地無加到但d湯就真係好小！海鮮都好小，全部都係菜差d以為係雜菜煲！不過味道上係ok的，太多黑椒辣辣地，但我老公鐘意食！整體黎講，食物比我預期中好雖然無coupon都係唔會食因為貴，但細碟好多日本餐廳比佢抵食而服務方面就好普通啦，食到最後勁收野想趕人走咁不過本身對服務無期望，所以無失望

本身對和民這間餐廳的印象不錯。首先，座位安排上，位與位的空間都算寬敞，即使放背包袋也不會感到擠迫。燈光、佈置等等也算花了心思。總言之，如果你要找朋友傾心事吹水，這間餐廳是不錯的選擇。好，開始討論食物方面，有些人覺得和民貴，但其實要看看你懂不懂叫食物。它有好多飯和拉麵都是七十元以下，叫多幾個可以填飽肚。先介紹一下"原條魷魚燒"，我近乎每次去都會叫這道菜，真的原隻魷魚，而且燒得很香，配上類似沙律醬的物體，簡直是天衣無縫，最重要的是它不韌，容易落肚。另外，那個"豪華壽司盛會"味道也不錯，六件三個組合(鮭魚、帆立貝、海老)，都算新鮮，配料也令到壽司的味道提高。如果大家鍾意飲酒的話，叫一支清酒也不錯，50元一支，酒味都清甜，三四人一小杯，也是想心樂事。

星期六大概八點半到觀塘和民，十個人嘅座位都係係等咗半個鐘，一坐底都叫餸，五分鐘之後就陸陸續續上菜啦！啲味餃子賣相比較特別，一份大概都有十隻，味道濃淡適中。不過哩條魷魚就有啲乾，勝在夠大條。天婦羅就好淡同太淋。牛肉鍋飯份量足，牛肉都唔少，係個底有點兒焦得太利害。我哋係叫四人餐嘅牛肉火鍋，主要都係素菜，牛肉雖多，但係都係唔飽肚，個鍋食到一半，都要叫份烏冬先夠。而最後先提供其中一個前菜，三文魚，佢唔係煙三文魚，食落去係有啲肥膩，不過好香口。

The food was mediocre, but what I truly want to talk about is the unbelievably terrible service. Once I sat down, I noticed everyone around me had cups of hot tea. After receiving the food I ordered, I asked if I could get some hot tea. The waiter asked me if I could explain what I meant by "hot tea." I was confused at first, and wasn't sure if hot tea was automatically served with meals so I just said "never mind." Much later on, he brought me a cup ofhot tea and the way the waiter had been act