居食屋「和民」 (1亞太中心) (已結業)

居食屋「和民」一向走大眾化路線，以多種類的日式和食見稱。 壽司卷盛(3種) $68-HKD壽司光盛色彩豐富，食材新鮮，配上清新芒果，令壽司更豐富醒胃石鍋蕃茄&香草煙肉芝士燴飯 $78-HKD以原隻蕃茄烤焗的石鍋燴飯，加入煙肉芝士，原以為口味會較膩滯，入口卻是相反的味感照燒雞肉批薩 $48-HKD日式pizza餅底薄脆，雞肉鮮嫩，配上的日式沙律醬汁和紫菜碎作點綴，更加惹味!香炸北海道產水牛芝士 $48-HKD香脆的外圍包裹著腍軟的夾心，芝士香濃美味，大愛!和民自慢鐵板餃子 $28-HKD正宗的日式餃子，略嫌煎煮過度，香港女生還是愛健康一點~一口牛柳粒 $88-HKD牛柳粒肉質嫩滑，烹調時間掌握得剛剛好，蘸點醬汁和洋蔥伴菜同吃，牛肉味道更香更鮮!

今日Blue Monday ,決定lunch 食好d!去左觀塘亞太中心和民食壽喜燒如果1點前到就一定有位，所以要早少少來。其實，我覺得和民係比較貴，晚市好少set dinner ,所以lunch 真係最抵食。今次食左lunch set 壽喜燒$88加一不過，我覺得質素差左，壽喜燒的配菜愈來愈少，分量都好似少左，而且連生雞蛋都無，明明上個月食都仲有，所以覺得好失望。我覺得我唔會再光顧，感覺上吉野家的平價火鍋都比佢出色😑

放工之後去左觀塘apm 隔離亞太中心和民食飯去到環境好舒服 而且旺中帶靜同朋友收工黎傾下計食下飯最適合不過 我地叫左牛肉壽喜燒 +$35加烏冬 會送多一壺湯同埋雞蛋 不過個人覺得加水會無甘咸另外叫左炸北海道產水牛芝士 不過上碟後要快d食 攤凍左芝士就會無甘好食。之後推介大家食壽司卷盛 壽司全部大大舊而且好新鮮好好食

13:20Lunch食和民，5洗等位一到就有位，正!!1行3人各叫左壽喜燒鍋御膳，豚骨醬油拉麵&山盛香蔥吞, 石鍋黑椒牛肉食!落左單5分鐘左右，飲品就到達，其後其他食物都到，但壽喜燒最遲先黎到，5明白點解生既食物會甘遲先到個鍋連同烏冬黎既，烏冬熱既可以5洗放埋去個鍋度煮石頭鍋黑椒牛肉味道很香，一來到就要快速撈暈，5係就會有飯焦，但食到最後都係有飯焦，底麻麻地! 個餐仲有雜菜同麵豉湯豚肉拉麵比較硬身，湯濃味， 如果e個價錢食係5抵食， 同埋男仕食e個餐係5夠飽既，所以係No good的山盛香蔥吞

觀塘APM間間食肆都好難有位，唔想等可以考慮去隔離OPC和民，貪佢近又唔使等位。環境方面，昏暗嘅燈光，就算間嘢唔清潔都睇唔到😂 不過其實唔錯嘅。今次八個人去食，叫咗一個四人套餐，佢有幾款四人餐，其實你自己計計數，散叫係一樣架😓 由前菜計起，味道方面都算唔錯。跟住叫咗兩盤串燒併盤、魚生拼盤、刺身、天婦羅等等，魚生都算新鮮，係三文魚刺身薄切過我塊面皮，超唔抵食；天婦羅就細細件，串燒都可算是最唔掂的，可以唔洗試。清酒就唔錯幾好飲，唔想等呢度都算係一個唔錯嘅選擇

🍴和民 抵食二人餐🍴$428大胃王要睇睇呢個餐 😂人均$230 就食到6個course!重包2杯飲品🍸🍹🥗凱撒沙律🍣每日時令刺身 三款 都幾新鮮 甜蝦好好味🍜廣島風鐵板炒麵🍗超巨蒜味鐵板燒雞脾🍲鍋物🍫甜品個鍋物到之前已經食到個肚好撐😵樣樣都大啖肉大大份🤗好彩個鍋物其實唔係好吸引 9成都係芽菜同金菇 無miss都d咩值得食既野😂😂豚肉都ok既 比較薄身 但都幾嫰口😛👌🏻.地址：居食屋「和民」 (觀塘)觀塘觀塘道414號1亞太中心2樓203號舖幸福指數：8.5/10人均消費：$200-230

難得假期嘅中午時段，餐廳居然人流不多，亦不設用餐時間，我同搵食達人當然係慢慢試，慢慢嚐味啦！兩個人叫咗個抵食套餐，二百幾蚊，有鍋物有飯有小食有前菜有沙律有飲品等等等等，認真抵食。 跟餐必有嘅三文魚Carpaccio、凱薩沙律及菇菌漬物，味道中規中矩，不算好特別。小食選咗黑椒糖漬雞翼，口感香脆但帶有少許甜味，不俗。主食叫咗個好似Pepper Lunch嘅黑椒粟米牛肉飯，石頭鍋嘅賣相炮製出令人流晒口水嘅飯焦，軟硬有致，而且黑椒味道濃郁，味道豐富。最後我嘅主角雞肉鍋物伴以gas爐出場。鍋物配料不多，只有幾件雞肉、粟米雞軟骨丸子、豆腐及蔬菜，但十下十下嘅感覺的確幾好，邊食邊傾計最開心。

一年一度生日優惠券晚餐又來了，第三回到和亭吃晚飯。牛舌&牛肉盒子飯~~牛舌&牛肉和飯份量足夠，牛舌烹調美味，有六厚片，可惜肉質很靱，最厚的一片咬都咬唔開，不得不浪費，其餘五片都要慢慢細嚼，幸好我不是急驚風食客；薄薄牛肉有肉味頗不錯，整盒飯都很油膩，吃得一口油脂，無謂口感和健康著想，真的希望有改善。熱呼呼的香炸原隻雞腿夠吸睛，雞腿肉嫩滑無得輸，信用咭結帳有九五折，減咗$60優惠券個人消費$114，都算抵食！

We have a happy moment to have early dinner with Emily. As we have children so that this restaurant can arrange high chair and plastic rice bowl etc for us, the table is large enough for our dishes. The staff is nice to serve us. We have a nice hours to celebrate Emily tonight.

朋友一向對和民嘅壽善燒同玉子燒情有獨鍾，為每次嘅必點菜式。今次亦不例外，再加沙律及壽司。食物好快就到，玉子燒明顯細份咗，碟壽司竟然全是爛飯做嘅，明顯落得太多水所致，完全冇日本珍珠米飽滿、軟綿嘅口感，連爭鮮外賣嘅水平都不如一向食開壽喜燒大份量係跟兩隻蛋，如加烏冬會再多一隻蛋，以上嘅份量都分別顯示喺餐牌嘅相片同標注度。但今次叫大份加烏冬，店員只上咗兩隻俾我地，我地翻睇餐牌，見相片同標注都同我地以前食嘅一樣，落單時店員又冇購份量同餐牌上唔同，就決定問店員。個店員一直只講大份量都係跟一隻蛋，我地再三表示係其他分店都係跟兩隻，而且圖片都顯示係兩隻，店員都一直解釋唔到。最後再揾另一店員問，佢先解釋大份量嘅蛋數目每個分店都唔同。但問題係點解餐牌冇寫，落單時又冇講，咁樣係咪違返商品說明條例呢？唔明點解咁大間連鎖食肆，餐牌都寫成咁，個壽喜燒明明應該係甜嘅，又變咗咸，真係完全接受唔到。 今次唔俾差評真係對唔住自己同其他潛在食客。

一年一度生日優惠券晚餐又來了，第二回到和民吃晚飯。風味相樸雞肉煲，是鮮雞肉、雞肉丸子、芽菜、葱段和津白的組合，是煲仔和小型氣體爐放在枱面上拾吓拾吓，整體都不錯，但雞肉丸子有很多的硬軟骨小粒粒，咀嚼都不得，只好回吐，十分不便！北海道十勝豚肉盒子飯，豚肉十分美味可口，豚肉和飯的份量都足夠作晚飯享用，但飯就十分油膩，如果得以改善就健康得多了！信用咭結帳有九五折，減咗$60優惠券個人消費$103，都算抵食！

加入觀塘返工一族, 午市就周圍搵野食!觀塘的寫字樓附近的午餐, 真係唔平啊....閒閒地七八十蚊, 但其實可能唔好食...然後發現和民的這個價錢和味道, 其實勝過不少觀塘cafe。滑蛋豬柳鍋定食沙律和湯簡單得來有水準, 白飯也很香。說真的, 現在食的香的飯, 其實不多。重點是滑蛋豬柳, 滑蛋和豬柳的汁融為一體, 令滑蛋極為送飯, 而豬柳脆而鮮嫩多汁, 而份量絕不馬虎, 有六塊大大塊的豬柳。向來食量不多的我, 竟到飯都重部吃光!加上飲品加一, 埋單$75, 食物質素和性價比都比一些工廠cafe好多了。而且餐廳內很大很多位, 將會列入是我weekday的午餐list內。

今天晚上與朋友去了APM對出的和民用膳。觀塘和民分店晚上的等候時間很長，我與朋友等了接近半小時才能夠入到內面。整體上，侍應態度良好，環境衛生及氣氛不錯。晚上用膳沒有時間限制，我們等了接近一小時三十分鐘，適合與友人用膳及聊天。而食物方面，整體上食物質素良好。壽喜燒甜甜地，很惹味。甜蝦新鮮，肉質鮮美。但餃子的冰花底賣相不太好，但味道尚好。唯黑椒牛肉拌飯太油，飯太多肉太少，缺乏黑椒汁以及肉味。至於份量方面，我們兩人一共叫了四個主菜及一個小食，份量有點多，但埋單只是$340，性價比很高。回頭率高。

柚子火鍋同朋友一齊叫左個大嘅相撲火鍋同魷魚燒。魷魚圈幾好食，鍾意咬得來又幾彈牙，加埋嗰醬幾好食。但d魷魚蘇就比較難咬，好硬，仲有啲燒焦左苦苦地，唔係好別好食。個火鍋比較特別係柚子黑椒湯底，兩者都幾夾。雖然叫做相撲雞煲，但係都唔算好多雞。同埋個雞煲寫住話兩至三人食，但份量唔算好大同吉野家一人份量差唔多。雞算滑，而另一個肉丸子就好重胡椒味，比較散同稔身。火鍋入面仲有d菇，豆腐，同菜。食到最後個湯底就好咸。

好耐冇食和民，今晚去食吓。㩒飛等位，一堆人㩒完企門口近十分鐘都冇侍應出來帶位。其中有個食客忍唔住入去循左個圈，原來入面大把吉位，只係冇人負責帶位？？？終於俾佢捉到一個阿姐出來入枱，排隊的人群雖然清左。但相信大家都已經少少不滿。肚餓到死，自然9 秒9 落單。可能超過一年冇食和民了，餐牌好似改左，少左選擇。求其叫左D食住先算。點知過左二十分鐘都冇野食，心知不妙。即刻搵個阿姐幫手 check 單，佢回覆竟然係： 「邊個同你落單架？你要搵返果個人問喎！張單唔係我落架喎！」即刻o 咀.......我真係唔記得邊個落係咪就冇得食呢？？？由於佢講得好大聲吓，幾乎半場都聽到。然後有另一阿姐撲出話原來張單落錯枱。攪完一輪終於上返食物，可能碟野遊左幾張枱或者試過味都唔定?食物味道ok但唔特別介紹了，一肚氣。都唔知點 Train 人，冇乜事都唔會再食呢間。