屋子生活 (已結業)

今日同個朋友o係馬鞍山行完山，就想搵個地方坐底chill一下，傾下大家既近況。好好彩，今次係我哋第一次黎【屋孚生活】食野，可能係下午茶時間，唔洗等位，雖然好想坐佢既tatame位，不過已經滿座了。我哋叫左「芒果千層塔」、「章魚燒」、「滴漏咖啡」、「雜果窩夫」，真心讚一下就係「芒果千層塔」－　芒果真係好夠鮮甜，一層緊貼一層的層次滿足晒我呢個甜品控。「章魚燒」－　熱辣辣，粒粒章魚就好似ｏ係你個口入面跳舞一樣，感覺好ｈｉｇｈ吧。「雜果窩夫」－　鮮果們都很鮮甜，窩夫唔會太甜，雞蛋味濃，成件事真係好夾。「滴漏咖啡」－　夠晒醒神，精神一振，唔會太澀。

今日同男朋友特登入咗馬鞍山就係為咗去呢間Cafe我之前嚟過㗎啦其實不過男朋友未 （佢去過大圍嗰間 但係你去過馬鞍山呢間而我哋又唔係週末搵個地方打躉於是就貢咗入嚟啦 有tatami坐 好似去咗日本咁不過好多人排隊 我哋排左足足一個鐘先入到黎但好就好在坐咗好耐佢都無趕我走請返嘢食先以前試過泡飯 不俗的喔 所以今次試吓其他嘢食吉列豬扒飯定食吉列豬扒炸得有啲乾 而且無肉汁 麻麻地佢有沙律同埋麵豉湯 正正常常阿婆豆腐肉操飯定食麻婆豆腐個味都OK 其他都係正常今次impress到我嘅反而係 芝麻豆腐smoothies其實正確啲來講係芝麻奶昔不過個底加咗豆腐花所以個筒飲既時候會食埋好香嘅黑芝麻味同豆香！呢個真係幾好飲（不過我冇影相 哈哈）

在美食沙漠入面要揾一間食物質素不錯而且舒服坐得耐既餐廳一啲都唔容易呢間都係小編頭幾位既選擇😎.關西牛肉定食一個set有沙律、麵鼓湯同主食，仲有一杯飲品主菜關西牛肉係淡淡甜醬油煮牛肉再伴有粗粉絲吸哂牛肉湯汁加上味素珍珠米飯🤤有滿足感覺.呢間分店係落地玻璃既設計晴天雨天係到坐一個下午都好寫意.人均消費：$100推介指數：👅👅👅👅👅👅👅👅（8/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻🤙🏻（8/10）

趁着假日山長水遠入烏溪沙拍拖，準備到附近的沙灘遊玩，但落雨，就到屋子生活食個下午茶先。先講下環境，係香港少有嘅空間，樓底十分高，近落地玻璃的位子擺放塌塌米桌子，行人通道寬闊，沒有故意放多幾張桌子，空間感十足。大部分椅子都是沙發質料，營造如家的空間，感覺很舒服。服務正常，員工的招待很快。我哋叫咗兩個甜品:蘋果金寶撻（抹茶蛋糕）有紅豆和抹茶雪糕襯托，一口甜一口澀，回味無窮抹茶淋漿千層塔（每日限定）層次豐富！值得一試

閒日因為工作的關係可以去到烏溪沙二話不說約朋友來呢到chill 下食個Lunch 下午時段 人流唔多 落地大玻璃映照下 陽光特別好 和風漢堡定食 $89份量十足 除了有厚厚的漢堡上有隻太陽蛋 賣相十分好仲有薯蓉 沙律 前菜等等 調味適中 十分滿足 仲包一杯飲品 抹茶牛奶但其實好淡味 抹茶好淡牛奶都係好淡 清酒梨窩夫 $50原來好早都有下午茶set 又係包多杯飲品真係幾實惠 冬甩型的窩夫微甜再加清香的梨 作為飯後甜品都真係唔錯但最鐘意都係佢地的抹茶紅豆窩夫 屋子三間分店都有到訪過 覺得呢個的環境同食物都比較好如果下午經過開 不妨一試

Happened to go for a job in Wu Kai Sha, I can have a tea time break at the relaxing cafe here. I tried the Matcha Mille-feuille Cake with red bean, the thickness of crepe and matcha cream was in fact quite balanced, the mouthfeel was creamy and not too sweet. The red bean was always a good companion to matcha, but the matcha sauce on side seems a bit meaningless, as the cake is of the same flavour.I also opted for a Latte to keep myself awake, and it did give me the strong roasty and rich coffee

食物飲品環境都很好，但人手好像有點不足，3個樓面手不停，兩個都好有禮貌，非常有禮貌，實在令我們賓至如歸。唯獨有個講唔正廣東話，對我地態度基本上可話是晦氣，無禮貌，惡，演衰哂呢間店名。我唔明點解會差別咁大。食物同服務整體上都值得來，坐得舒服。雜果窩夫好可愛！也好食啦。

環境的確相當唔錯，但食物除左份量相對少之外，味道亦相當唔突出，飲料更可以飲得出係即溶飲料開粉(比如抹茶牛奶同咖啡)，可謂相當無誠意。丼飯更只係放少少五味粉就完成，飯團更加只係食白飯一樣。若果你對食物唔高要求，的確可以一試。唯員工服務態度相當奇怪且無禮貌，山長水遠入泥烏溪沙都只係想同朋友輕鬆假日一聚，當時離關門時間仲有一小時有多，店內亦有唔少人，但未full，當時我地坐在起個小平台，店員一而再，再而三催我地走，我地實在不解，只係趕我地走而又唔解釋。感覺有啲莫名其妙

去完西沙玩之後因為人太多而上唔到公共交通，唯有踩ofo岀返巿中心。踩到肚餓之際，見到眼前呢間鋪有落地玻璃設計，採光充足，由外望入去已經俾佢吸引到！再望下餐牌，價錢適中，即醫肚！裏面環境寬敞，近落地玻璃既位置採用左高地台設計，座位係塌塌米，大概有6張4人枱。而普通座位設計更有十人枱，一大班朋友歡聚都好岩坐啊👍🏻唔講咁多，去「飯」！呢個泡飯同我想像中有些許岀入。本來我以為係三文魚係主角，會比較濃味。點知食左啖之後發現，湯先係主角！！昆布湯味突出，微咸，但唔會濃到頂唔順。浮面一粒粒既脆脆米令每一啖口感更豐富！本來湯飯係淋既，但每啖加埋脆脆米，令到每一啖都有「脆、淋」相交既口感，正！可能因為湯飯太岀色，令只係烚過下既三文魚顯得失色。至於大板燒章魚丸，叫佢係緣於一個誤會😂我想食大板燒，但就睇錯左。咁煮到埋黎就食啦！ok既，唔難食不過都冇特別好食😁個面脆卜卜，入面有章魚肉，麵粉比例岩岩好，唔會成口澱粉質既感覺。醬料份量岩岩好，唔會咸，又唔會唔夠醬。呢到最吸引我既係環境，其次係食物，係hea足一日既好地方！

點解會去食：2018-12-24 今日約咗個朋友聚舊，順便拜訪一下呢個打卡神店，果然聞店不如見面。食物新鮮程度：⭐⭐⭐唐揚雞定食：正正常常一個定食，炸雞都算脆同新鮮。章魚小丸子：價錢有點高，食落得啖粉，粒章魚，近乎要靈交先感受到。食物驚喜程度：⭐⭐⭐⭐️黑森林紅莓蛋糕：濃厚的朱古力味，質感細滑而足料，感受到製餅師傅的功力，中間的紅莓醬，酸甜度突顯了紅莓的味道，也平衡了朱古力傳統的膩感—————————————————服務員態度：⭐⭐⭐️一間咁有格調嘅餐廳，同款新嘅夾調，有少少唔係太夾，總會覺得有青春氣息會比較好啲。不過服務總算平平穩穩，不過不失。—————————————————最重要系。。。我會唔會再去？重遊指數：⭐⭐⭐

郊遊一刻🚲，JoYo再次到訪屋子生活🏠，倘大的落地玻璃窗，充足光線下，彼此一言一話，三小時被秒花，換來自在心情，滿滿的好心情😌。話說，原本打算餐後單車🚴🏼‍♀郊遊一番，結果大頭蝦🍤Jo原來有約在先，只能作罷，二人不停吸收又無時間釋放熱量，變包包🍞不是夢囉。.和風漢堡定食呢個食極都唔會厭嘅定食係Jo至愛，自家漢堡掃上一層日式醬油，食落軟腍而充滿肉汁，加上幾款小點配搭一起，感覺超豐富。唯一可惜係飯質感太腍，不似一般日式飯食粒粒分明，有待改善。🚩整體4/5三文魚飯團＋鰻魚飯團🍙：Jo話以前第一次食係好味架，可惜今日encore一客，滿滿的中伏感，飯團乾得比便利店能買到的更差，是個水平之下嘅餐。🚩整體2/5香梨窩夫：精緻加上美味，為剛才的飯團加了不少分數。🍐梨肉香甜而帶微微清酒🍶香，而窩夫跟平日café出的列日窩夫又或比利時格子窩夫不同，donut🍩型的確别緻，作為甜品大細剛剛好，不會成為餐後太飽無空間食嘅借口。🚩整體：4/5環境方面，應該是屋子生活一大重點，高樓底配落地大玻璃，自然光下悠然自得，舒服得有點不似在香港。亦因為如此，山長水遠仍不失YoJo嘅歡心。

呢間餐廳文青打卡好地方。環境非常優美。約齊朋友傾計好地方。食物質素非常高。係一間日式咖啡店。店內嘅落地玻璃透光非常好。影相一流。港女摯愛。包括我。建議平日你會比較好

係ig 成日見到d fd 去 *屋子* 歎下午茶，而且影到個環境好靚。於是，今日三個女人一個墟，決定山長水遠去到馬鞍山chill chill佢。呢度環境真係好舒服，樓底高，落地大玻璃，自然光又清新，有點遠離煩囂既感覺。Menu 設計都好得意，好似一本小學生作業簿咁，幾有創意。至於食物方面，我覺得所有食物既賣相真係好靚。但係，食物味道方面， 則略為失望。 好味指數:6/10感覺普普通通，漢堡偏乾，淡淡的。成個定食 中規中矩，味道一般。 好味指數: 4.5/10 可以話得d飯味，真的很很普通，而且偏乾，真係好似食乾糧咁款,而且價錢還不是便宜呢！好失望😞 好味指數:6.5/10豚扒都係中規中矩，做到外脆肉淋感覺，都可以話係定食入面，比較好的一個選擇。 甜品方面，賣相同樣咁靚，口感都幾不錯！［清酒香梨窩夫 $50］好味指數:7.5/10 一股清甜好味既甜品，上面既香梨果肉加左清酒，感覺好新鮮，側邊既cream亦唔會太膩，窩夫香而鬆軟，不錯不錯。 好味指數:7/10雲呢拿雪糕，配上 香香蛋味既梳乎厘，正呀！梳乎厘軟林林，好味好味！綜合黎講，甜品比定食出色，環境更是舒服到讓人無法抗拒。

今日假期來做個運動，所以踩單車由大圍出發，由於租用共享單車，唔駛還車好方便呀！咁就踩左黎馬鞍山，可以食呢間休閒感覺既cafe😊之前都有在大圍分店食過，好鐘意呢度既食物同環境，黎到馬鞍山呢間坐得更舒服，環境大而且樓底好高，完全沒有壓迫感❤️踩完單好肚餓，黎一個定食先：七味雞唐揚定食 $82定食好豐富，有味素白飯/前菜/沙律/味增湯。有5年唐揚雞咁多，外帶少脆且唔太油，好好餸飯😋😋定食配免費飲品，我叫左抺綠奶茶。有少少綠茶味，沒有出面飲到既死甜感覺，好飲！杯子簡單但都好靚～～飯後要來個甜品是常識吧😝 呢個甜品我每次必叫，真係好好味：焦糖杏仁芭菲 $48賣相好靚已經冇得輸，芭菲裡面夾上杏仁，軟滑有咬口的口感好正，加上焦糖醬的香甜，好幸福哦～～～❤️可能做完運動，食飽後更覺得滿足 假期的時候會再來支持一下呢間小店呢！

呢區好少食肆，屋子一開就幫襯，幫襯左咁多年，差唔多每星期都幫襯，但今日真的十分失望⋯⋯我對仔女最鍾意食迷你三文魚丼，無論堂食外賣都係叫呢個。啱啱叫外賣，喺屋企一開，初初我以為只係一盒加左飯素嘅飯，完全見唔到三文魚，撥開紫菜先見到嗰舊碩果僅存嘅三文魚⋯⋯雖然個名係叫「迷你」，但今日份外賣⋯⋯三文魚份量會唔會太過少呢？舊魚俾4歲仔仔一啖就食完⋯⋯平時份量唔會咁少，唔知係咪今日轉左新人，新人唔知道份量⋯⋯定係屋子特登減少份量⋯⋯變相加價⋯⋯？本身呢個「迷你三文魚丼」都唔算平⋯⋯