山景閣

营业中

休息中

300蚊有找自助餐， 可以坐足三個鐘 朋友相聚係一架好地方， 但食物質素 千祈唔好抱咁大期望。 長腳蟹 夠曬新鮮 係蟹棒冰條 ，生蠔唔係喺你面前即開總之就放喺冰面 ，十分有口感 因為好煙韌。 沙律 方面 ，只有一款沙律菜 都仲有其他配料 值得介紹嘅係 鮮雜果沙律 呢樣真係好新鮮要值得一讚 。刺身方面 ，有三文魚 ，北寄貝 等 。熱葷方面， 有蒸海鱸魚 天婦羅蝦，天婦羅秋葵 ，椒鹽鮮魷 ，草菇炆西蘭花 ，草莓豬扒 ，仲有 柴皮西冷扒 ，羊架，當然唔少得嘅就係乾炒牛河同炒飯啦。 甜品方便有十杯馬卡龍 ，蘆薈椰汁糕， 蛋白芒果焗撻，合桃芝士餅 ，芒果蛋糕 ，自助班戟 等 。到八點有大廚即整嘅 香蕉，芒果，杏桃班戟，但要大廚等閒先得。整體食物質素尚可接受，正所謂一分錢一分貨。但服務質素就九流，全場得6個人， 但要分身多個角色 有接待， 侍應 ，廚師 ，大廚，所以想食羊架時，要等佢轉換身份先可以幫到你，想加水或收碟，又要等等，想食即整班戟仲慘，每人每次只準叫一款，但佢會問返你3次係咪要呢款，就算係小朋友都要自己叫唔可以搵大人幫口，因大廚個咀好有性格甘會回應你……。

同屋企人飯聚想食自助餐，但而家一般都好貴，諗住慳慳地揀間平啲嘅仕德福，點知真係一分錢一分貨，食物選擇好少，仲要多數唔好食，我最期待嘅生蠔超細隻，細到我行過都睇佢唔到，長期得幾粒喺啲冰上面！同埋覺得服務唔係咁好，我知價錢平唔可以要求咁高，但只可以講唔會再嚟囉！

國際海鮮為主的自助餐往往最吸引人們光顧，當然包括我在內😆因為自助餐集合了不同款式、種類及國家的菜式，還有最受歡迎的海鮮，剛巧山景閣在團購網上推出自助晚餐優惠。有見及此，便相約朋友到此品嚐美食。山景閣在仕德福山景酒店大堂左邊，地方比想像中細小，但由於人流不太多，所以有相當的空間走動及取食物。意外驚喜！每人贈送一隻蒜蓉粉絲蒸帶子：帶子帶有濃烈的蒜蓉味，而粉絲吸引了蒜蓉與帶子鮮味，美味的帶子為此自助餐揭開了序幕！.熱葷大約有9-10款，包括：食過多款熱葷後，我推介以下幾款食品：中式椒鹽羊扒 - 雖然羊扒在坐熱下變得不太脆身可口，但仍可保留椒鹽味，大大減低羊羶味，加上羊扒本身羶味不濃烈，相信連害怕羊羶味既朋友都可以接受.醬爆帆立貝雞脾菇伴西蘭花 - 在坐盆上沒有明顯的醬汁，看似把所有材料乾炒一起，但吃後發現原來所以醬汁已被食材吸收，特別是西蘭花.香酥鮮墨魚膠餅 - 墨魚膠餅每一塊都炸至黃黃色，炸粉不算厚，而且墨魚膠頗彈牙，配上沙津醬直頭會上引.馬來亞森巴醬炒青蠔 - 充滿馬來西亞風味的醬汁與青口非常搭，青口容易離殼而且不會覺得韌，還吃不出有雪藏味.泰式燒雞中翼 - 雞翼控的我覺得野味，酸酸辣辣

今日朋友突然相食自助餐於是近近地走左入去 好即興！佢地下午茶時間係15:00至17:00準時入到去！第一around 極速俾人夾哂不過好彩好快加番哂扺讚！首先，因為我哋實在太肚餓啦， 即刻拎返啲熟食食左先一樣試小小先魚柳 薯角岩岩炸出來燒賣我自己就覺得還好不過章魚小丸子同小籠包都好好食架水果的選擇不太多！！！而度最好既係有自制pancake 可以因照自己喜好加上去！有好多選擇 士多啤梨粒 芒果粒 朱古力醬個個d都有齊！！

今晚同屋企人第一次來,無諗過尖沙咀有前所未有嘅難食,同唔開心細唔緊要,再細我都去過,但呢間細得來係唔會補食物,唔知以為我食尾場,趕收工,成個場冇乜嘢食, 食物又唔得,比3百幾+1食呢d級數自助餐一d都唔值,100蚊都比多,之前去一間係香港區比呢間再細,價錢平d,都唔會有以下嘅事情發生,星期六晚都可以唔爆場都知咩事啦！1) 有刺生無豉油,蜆得唔開殼係保溫箱裡,生蠔旺場時只拎12隻左右出來,冷麵配料入場到走都係吉,哈蜜瓜/ 蜜瓜parma,parma尺寸 4cm x4cm 左右兼連瓜皮2) 栗子蓉焗蛋白撻甜到食唔落,凍蟹腳咸到苦3) 有個員工態度差

因復活節長假期，早就打算跟家人吃個大餐！剛巧有家人曾到來山景閣光顧，讚口不絕，覺得又平又抵食，就決定到來一試！餐廳不算大，只有一張長枱以選取冷盤、熱葷、甜品，另有一個小角落提供麵食、生滾粥、及幾款小食，最後近門口位置設置了自助咖啡機、雪糕櫃等。先來碟冷盤加涼拌小食：麻辣木耳豬肚、海南鷄、香茜鷄肶菇、滷水牛展、凍蝦、青口、日式螺肉及壽司🍣⋯⋯當中以牛展及海南鷄最好，牛展入味、鷄肉質嫩滑。失望的有：凍蝦欠鮮味、青口肉小又鹹/重海水味、壽司飯硬不夠黏、魚生也欠缺鮮味。再來第二輪冷盤：鮮蝦什果沙律、蛋沙律、蟹籽蟹枊釀蛋白、煙鴨胸、燒牛肉、肉腸、吞拿魚蛋卷、巴哈馬火腿伴蜜瓜⋯⋯當中以什果沙律最出色，什果夠多樣化，大大件好甜好吃！其次是釀蛋白，蟹籽蟹枊跟蛋白是絕配！另外，巴哈馬火腿伴蜜瓜也不俗，火腿夠薄切，配以甜美的蜜瓜，使火腿的濃味都中和了！熱葷方面：熱白菜豬肉雲吞、腐竹浸節瓜、豉汁魚塊蒸豆腐、辣酒煮東風螺、醬爆豬肉炒翠玉瓜、日式鱆魚鷄粒炒飯⋯⋯當中以辣酒煮東風螺及炒飯最出色，東風螺入味又鮮味，炒飯配料也算多味道不錯。然而，蒸魚豆豉/豉汁太多，偏鹹魚塊亦欠鮮味；浸節瓜方面，汁太多但瓜卻不見入味，

Hillview Cafe 天文台道尾大斜路 唔近港鐵 吊腳…… $138+10% 價錢唔貴 信用咭/coupon 有折繁華嘅尖沙咀中 呢度比較環境清淨落地窗有天然光 枱枱之間有空間 坐得舒服嘅……有團體聚餐就嘈啲 有啲爭食……還好食物供應充足 可以慢慢嚟 唔使急侍應 招呼好 反應快 友善有笑容廚師就冇乜笑容 有啲黑面 都有回應 唔算冇禮貌嘅……沙律 甜品 即煮粥粉麵檔 餐湯2款 都用料新鮮 好味 吸引嘅……偶有佳作 今次就唔係咁得…… 熱葷計埋炒飯 茨條 都有8~9款 辣酒煮花螺~冇辣味冇辣油 汁黑有泥味豉汁魚塊釀豆腐~ 魚柳冇鮮味硬實 豆腐嚡實 味淡 試1嚿冇回頭鱆魚炒飯黑蚊蚊 唔吸引食慾炸薯條 炸雞翼 炸三文魚頭 炸…炸…炸"吉列炸虾” 配沙律醬 係好好味 即煮粥 & 粉麵檔~ 粥底有味 綿 軟 滑 任選配料 鯇魚新鮮 冬菇雞粒 皮蛋 田雞自制鯪魚球 有果皮香豬潤~深鮮紅色 原色原味冇啤水 比較乾硬嚡叉燒湯拉麵豬骨濃湯底 ~湯底奶白色濃香美味叉燒唔腍冇滷香味每次要粥麵”要半碗"都畀大大碗 浪費晒中式老火湯 & 西式忌廉湯沙律 &甜品~有蛋散芝士cake 都係至愛

這天來了這家酒店吃自助餐，最吸引我的便是這裏的任食生蠔。剛進門口，便看到一張白石長枱上擺滿了各種各樣的食物。冷盤：沙律，火腿，蔬菜，魚生，我最愛的生蠔......熟食：原條蒸魚，炸物，炒飯粉麫，各樣小食.......甜品：芝士蛋糕，慕絲蛋糕，朱古力噴泉，水果撻......除此之外，還有中西湯。看到這麼多美食，我急不及待便想找自己的位子，然後開動。誰知我一轉頭，便看到還有其他食物，包括各種扒類，焗／燒海鮮，還有雪糕和雪米糍。我連忙坐下來吃了。嚐過幾遍，由於食物種類實在太多，我只好挑選其中幾種質素較佳的分享給大家。生蠔：這個價錢能任食生蠔本身已是很抵吃，而且這裏的生蠔雖然不算大隻，但膏狀的質感很突出，口感一流。唯一可惜的是海水味不算太濃，相信不像我這樣「重口味」的人吃就剛剛好了。焗青口：焗得剛剛好，不會過生但又保持鮮嫰，而且味道調得不錯，不會蓋過青口本身的海鮮味。其他各樣食物也都頗具水準，讓人吃了還想再吃。整體來說，這家自助餐的食物種類很多，而且大都有水準，是不錯的選擇。

The place is a bit hard to find, even for me who had spent my days nearby for 4-5 years.I admit the varieties are enough for a hotel buffet at this price. But the foods are obviously not fresh.Personally, I think it unacceptable for hotels to provide stale food to guests. That makes no sense of hospitality.I think only the greens at salad bar, the broccoli and cucumbers are qualified for this meal.

食物種類很少，味道一般，味精很重，有啲嘢唔新鮮， 熱菜很少。 價錢不值，應該值250元左右的普通自助餐。跟皇悅酒店的級數差不多， 不過人家優惠的價錢比他好。 一定不會再光顧，飲品種類供應很少， 經理態度欠佳，黑口黑面。

約埋三位朋友去試食，竟然有意外驚喜，美國生蠔好肥美👍，鮮甜，仲不停添加，仲有長腳蟹，蝦…… 魚生刺身 ， 熱葷 ，甜品略甜😜， 喜歡食榴槤嘅朋友有榴槤班戟芒果香蕉 👍已經回本喇👍，食物尚算ok啦，雖然唔算太多款式，但呢個價錢 ，算好抵食……團購連加10%$305蚊（但係食完未走已經肚屙，可能自己比較敏感啫）其餘朋友冇事 😅😅😅

這裏的buffet食物選擇很小，而且很普通不是很特別。冷盤有沙拉、蟹腳、蠔等，但蠔食落去吾係好新鮮。而熱食也很少選擇，有意粉、飯、羊扒等味道頗差。而甜品方面有pancake、雪糕和其他蛋糕，其實可以吾需要試蛋糕。而今次食得最多係水果，哈密瓜、西瓜甜！我覺得食物質素就一般，但環境乾淨。試一次就夠。

朋友無啦啦話想食buffet , 佢就話覺得食下午茶抵食，上網睇groupon見到呢間，$118 +10%都幾抵食所以就試吓。食物嘅款式唔算好多，我哋一入到去啲人就係咁拎嘢食，所以都冇機會影相。 熱食方面，焗蠔，天婦羅蝦，上海小籠包，杞子豬肉燒賣，炸雞，等等等等。特別覺得燒賣都幾好食。焗蠔唔錯，冇腥味。冷盤方面， 有三文魚壽司嗰啲，但食落覺得好唔新鮮，仲有好大條骨，唔食都得。有蝦，食落都算做鮮甜，佢哋會不停refill，幾抵食可以試吓。甜品方面，佢哋有朱古力噴泉，Tiramisu我覺得都幾好食，但其他甜品就冇乜特別，普普通通，唔係難食，但冇乜特別，不過呢個價錢有得食buffet ,真係唔可以要求幾多。另外有好多新鮮生果，哈密瓜同西瓜，都好鮮甜，我食咗好多生果😂😂😂

生𧐢吾知係咪廚房裏食剩，放得四五隻當寶咁一睇就知係一早已被開了！燒羊燒牛肉冇味的衹有雪味！其餘好似小學開聖誕party 的！咁嘅價錢食自助餐，另作選擇吧！不過可以滿足一D未試過自助餐的！

團購$115 加一，$126.5！款式不多。但味道唔差！同埋人唔多。hea下幾好！沙律得生菜。青瓜。車厘茄。粟米。紅腰豆！但新鮮嘅！牛展，螺肉。都好食！不過牛展薄左啲！幾款壽司。冷麵！熱食有粥。炸物。豆腐。菜等等。個肉燥豆腐幾好食！肉燥味道岩岩好！皮蛋瘦肉粥幾綿！上湯娃娃菜！夠入味！蒜蓉扇貝。夠蒜蓉味。但乾左啲！三文治。牛角包。多士。有吞拿魚。牛肉。三文魚。芝士火腿餡！推薦芝士火腿多士！多士應該用牛油煎。香口好脆。雖然只係片裝芝士，但芝士味好夠！仲有泰式牛肉麵。同即煎可麗餅。不過無食！甜品都多嘅。每件都一口size.但普遍都甜左少少。有款薄荷紅豆慕絲。幾特別。原來薄荷同紅豆都幾夾！Pancake機。有十多款topping 可以加！有我喜愛的杏仁片同花生！仲有朱古力噴泉。岩哂小朋友！生果有三四款。第一轉食好好食！但第二轉再食就無嘜味！有三款雪糕同雪糕糯米滋。咖啡同茶任飲！