山東餃子館 (已結業)

今日又係OT嘅夜晚，做得咁辛苦梗係要搵吓好嘢食啦。黎到九點幾，好多想食的舖頭都關左門，咁啱比我search到山東餃子店11點先閂門，又喺附近咁就走去試吓啦。兩個人一坐低就叫咗四碟嘢食，前菜有麻辣牛肉、手撕雞伴青瓜、主食就番薯苗鮮肉水餃同埋韭菜鮮肉煎餃子。手撕雞半青瓜就有啲煙燻嘅味道不過啲肉就有啲鞋，青瓜都算清新如果有d醬汁就更好味。個麻辣牛肉其實係將啲辣椒油放喺啲牛展上面，冇乜特別嘅味道。個人來講鍾意食香口嘢所以就叫咗韭菜煎餃，韭菜味都算濃郁，煎得脆口d就好啦。坊間比較少見到有番薯苗鮮肉水餃，於是就點左黎試吓，可能番薯被本身冇乜特別味道啦，不過都幾爽口，都值得一試啊。總括嚟講如果以輕食晚餐來講都算可以食下嘅。

已經黎過呢間餃子館不下5次，鍾意佢皮薄餡滿肉汁多，今次試咗茴香鮮肉餃同蕃薯苗鮮肉餃。茴香餃真係好重茴香味，唔係人人啱食，蕃薯苗餃食落唔似係蕃薯苗另外叫左醬牛肉，好大陣騷味，個人唔鍾意。每次呢都會叫嘅雞絲拌麵，醬汁同埋清新嘅青瓜夾埋一齊食一流講真我麻麻地佢地嘅茴香鮮肉餃同蕃薯苗鮮肉餃，係貪得意想試勻曬佢咁多種餃子先叫，唔會再encore。如果講好食同pay safe就一定要食返最大路嘅津百餃同西洋菜餃。

有次來到這間餃子店，無晒位，但侍應態度無視我和朋友，今次俾多一次機會大大粒，肉質鮮嫩多汁，但食不出有番薯苗，只食到有菜夾雜在餃子內，麵系好食，彈牙小食都多，多數偏向辣

今日興起想食餃子，同朋友行過見到呢間餃子店，而且又不太多人，就入去試下先~~~一入到去，店員就拎左一杯茶同一對筷子黎。好特別估不到竟然會拎杯茶黎！不過枱上冇茶壺，添茶要麻煩店員幫忙。呢度可以揀淨餃/配麵，淨餃有10隻，配麵有5隻。除左水餃，仲有其他小菜選擇添~因未食lunch，我地決定要韭菜鮮肉水餃麵同埋白菜馬蹄鮮肉水餃麵~韭菜鮮肉水餃麵麵條煙韌彈牙！份量都幾多！食到好飽！水餃大大隻，皮薄饀多，餃子肉汁豐富鮮甜！白菜馬蹄鮮肉水餃麵水餃一樣大大隻，皮薄饀多，肉汁鮮甜。配上馬蹄爽脆清甜，口感更豐富，相比韭菜餃冇甘濃味~整體來說，餃子不錯，值得再試！

聽講話好好食，連的士司機都推薦呢一間，所以梗係要食下啦😘我鍾意食有粟米既餃子，我見全場所有餃子只有一種係有粟米嘅～🌽咁我就點左佢啦🤗點知咁好彩地，佢係有芫荽嘅🤮🤢🤮🤢🤮🤢🤮🤢🤮🤢🤮🤢今次真係我的天張敬軒～由於我是芫荽恐懼姐😪所以不能評論🤪另外點了個雞絲粉皮，啱啱送到嘅時候我立刻食咗一啖～哇！哇！哇！個麻醬非常出色～好香😚😚😚好味！不過等耐左，就開始結，所以要快快吃！把握時間！分秒必爭！爭分奪秒！✌🏻另外叫咗其他嘢～我覺得全部都可以唔洗點😂😂😂因爲冇乜特別好食🤷🏻‍♀️

第一次試呢間, 因為食咗LUNCH, 我就外賣一盒白菜馬蹄鮮肉餃子, 盛惠34蚊, 生餃子,不是熟的, 有12隻餃子用一般發泡膠盒裝, 仲有2包醬汁附送, 返到屋企打開一睇, 有好幾隻餃子已經黐埋一堆, 我覺得佢加嘅粉末唔夠, 餃子皮濕咗, 賣相唔好, 所以冇影相喇. 自己煎餃子, 當然冇佢地咁靚仔, 12隻, 一家分, 每人4隻, 皮薄多肉, 仲有JUICY,  餃子本身有鹹味, 所以都唔洗再沾醬汁, 真係幾好食, 但咬落唔覺有馬蹄的脆口, 唔知係放得少定係冇放呢? 

同朋友一齊食水餃麵，羊肉好有騷味。加上麵質非常鬆軟，而且又彈牙，好食到冇得彈。嗯，湯底好有味道，我懷疑是用水餃煲出出嚟嘅湯。位置不大但非常乾淨，另外我叫咗個麻醬四季豆。食落感覺好特別，令到我本來唔食四季豆，都立刻愛上四季豆。

一年一度新年前交收XO醬時間正式開始，又是與好友見見面聊天的時候，所以我又抓了我的啡友見面，吃完第一餐熱身就開始吃餃子嚕。好友先點一份老醋木耳，吃下爽口清新但又徐徐滲出了辣味。拌入一點青瓜面再加上花生與芝麻，增強了口感，除了調味上醋有點過了火位這道冷菜做得得出色呢。突然想吃炸豬排所以又點來了一份，肉的調味真的不錯，但豬排有因為比較薄身所以吃的時候咬感還是叉一點，這味翻點機會相對很低。我們各點了一份餃子分吃，友人點了一份茴香鮮肉餃，她說要知道一家餃子店水準如何，點這一味準是錯不了。一份10隻每隻都很飽滿，茴香的味道恰如其份不會很嗆喉與鮮肉的味道平衡得很好。老實說，不到40元點到這盤皮薄餡多的餃子，性價比真的很高呢。我點的則是其馬蹄鮮肉餃，比一般的菜肉餃多了一重口感，吃下滿有肉汁也是吃得滿意，也是老少咸宜的一款，相對茴香當然是比較平實嚕。吃得飽飽再加一罐汽水也只是100多，兩個人的話其實很飽了。與好友見面閒聊再吃點好吃的餃子，其實也足以令我樂上半天了。新一年，多點見面喝咖啡吧！

加完班一支弓返屋企食咩好呢，朋友話我住深水埗實大把野食，但講真，食佐咁多年就好多野都會食到麻目曬，但有間餃子店就真係食佐咁多年都仲覺得好正。正中山東餃子店，老店長沙灣個時已經成日幫襯，早兩年搬黎深水埗咁近就梗加唔使講,成日一支弓就走去食，仲要而家近地鐵站反而無以前咁要排隊.呢家餃子店有超多款餃子，連素餃子都有，而點解我一支弓成日走黎食，除佐因為好食，佢個分量分配夠曬健康都係一個因素，餃子大大粒，面分量夠曬，仲要有一堆菜，而咁樣都只係38 蚊，仲要呢個已經係最貴個款餃子面既價錢，佢仲可以㨂淨餃同水餃，而餃子全部都係新鮮整，唔會係個d 翻煮又翻煮既千年餃，所以先會幫襯咁多年。當然佢仲有好多拿手面類同小食，下次再食再講

每逢一到深水埗，山東餃子可以話係我嘅不二之選，可以咁話，全香港最好食嘅餃子就係佢煎羊肉餃: 皮厚薄適中，肉料多汁，煎皮面金黃帶微脆！ 最厲害係，煎完嘅餃係可以完完全全鎖住肉汁，羊肉鮮嫩帶少羊羶味。簡直無得頂。燒羊肉串:由於即燒，所以要等三，四個字，一樣都係鮮嫩和好淋，燒嘅火侯剛剛好，係一等一嘅好串。雞絲伴麵:起初，麵一上台以為出事，好大醋味，抱住食得唔好浪費嘅精神一試，點之出奇好食！！！ 雞絲分量都好夠。係外面都一定無呢個分量。(小弟都食咗佢好多次/年，只係呢間分店咁好食，其他分店就。。。。所以想食好餃，一定要黎呢間)5 個為滿分。

深水埗 揀野食真難喜愛餃子既我來到這間山東餃子主力餃子所以每台基本上都離不開餃子今次叫左個牛肉面 茴香餃子先講牛肉面牛肉好食 有點像台灣食牛肉的感覺份量算足夠至於呢間餃子 我則是第一次試茴香究竟是什麼😂食入口 極香 加上我點的是煎餃完全match哂 香既味道

餃子最好食-韮菜鮮肉餃（$32）餃子一份有十隻，隻隻都爆曬餡咁，果然冇辜負舖頭個名啊下。韮菜餃幾juicy，沾少少醋就好夠味。-山東手撕雞（$34）個手撕雞望落好dry，食落又冇喎，隻雞有燻過既味，配埋有蒜、芫荽既醬汁，幾惹味😋。-擔擔麵（$32）麵底係自家整既上海麵，食落唔算好彈牙，不過夠曬多好抵食。湯底幾濃好香麻醬味，配埋餃子食唔錯喎。-整體價錢幾平，好抵食，但味道不過不失啦，只係平食之選。

店內坐位不多，以服務街坊為主的小店，裝潢不算美觀，有點大牌檔的骯髒感。可以點的水餃口味蠻多，我們點了：韭菜水餃，蕃茄鮮肉水餃，紅油炒手及其他吃的。這店的水餃皮是薄身的，大約是比雲吞厚些少。煮熟後的水餃是可以隱約看到裡面的餡。水餃size 大約是一口大少少，咬下去肉汁不多，有些甚至煮到餃子皮穿了。那有肉汁才怪。蕃茄鮮肉水餃比想像中好吃，沒有蕃茄的酸，有點咬感。紅油炒手出奇地不太辣，怕辣的朋友不用膽心。這店的食物偏淡味，我很怕吃濃味的食物，例如是韓國的食物，太重味根本吃不到食物原來的味道。其實我比較喜歡吃厚皮的水餃，可包住肉汁不易穿和吃餃子皮的咬感。不過這店的水餃可以一試，只是煮餃子比較粗心，這不知是不是街坊口味之一。

一向食開太子分店，西洋菜餃係我個至愛今日放工近深水埗d,就試下呢間分店，原來價格係平d.....好似每樣都大約平10蚊，位雖則無太子咁舒服，點樣選擇就釋取專便啦生炸豬扒拉麵~拉麵好彈牙，湯底就係清湯，還好啦…西洋菜煎餃~坊間雖然有好多餃子店，但好似有西洋菜做餃既選擇就唔多，所以每次黎到必叫，菜肉比例好好，叫我如何不翻點酸辣湯~初試酸辣湯，呢個好好味好夠料，有豬肉，筍，木耳，等等，絕對唔會好話好稀，應該會變成我既新選擇

來到這小店前，已有人在前邊等候，會一斷做金庫又不派飛，令到所有人堆在門前等侯，又沒有次序，有位時先來的被收錢的當後來，要繼續等，未食已經一肚氣，無論食物質數如何，已令人反胃，況且食物不太特別，正常味道，沒有過人之處，煎餃亦過油，整盤煎餃油光滿餃，不太健康，餃子亦較一般店舖細隻，擔擔麵辣味不足，有可以改善的空間，總括來說，第一印象很重要，收銀的口面真的對這間店舖大打折扣，店舖應該改善其等位的安排，只靠收銀一人用他七老八十的記憶安排會不足夠，沒有下次的一間小店