山葵日本料理

营业中

休息中

呢日又食山葵日本料理，試咗佢哋嘅炸豬扒定食，質素係呢個價位不過不失👌🏻。.佢最正嘅都係個蒸蛋，好少地方有咁滑嘅蒸蛋，唯一要挑剔嘅係個容器崩咗，都幾易刮親😿。.白飯好多，連我都係勉強食得晒，但係如果比少少飯素會更加好味🤭。炸豬扒唔算好大塊，但致命傷係口感太硬。配上幾條沙律菜叫做健康少少。以麵豉湯都係一般冇咩材料嘅例湯質素😐。.雖然唔太好食，但40幾蚊真係唔會要求太高😣。事實上每次平日中午嚟呢度食都見到全場爆滿😌。

可能九龍城日本菜真係冇乜選擇，入左去先知真係中伏。但係中午又真係幾多人喔，可能都係街坊。簡單黎講，唔好食，爭鮮既質素，成百蚊既價錢，雖然話冇加一，但假日又貴十蚊，仲貴過加一。叫左我個魚生飯，一個海膽魚生飯，一個櫻花魚生飯，我真係唔該你啊，原來兩個飯啲材料一樣，只係有切同冇切既分別。多咗舊海膽係好食嘅，唯一嘅優點。明明個海膽魚生飯都冇寫又有油甘魚等，好奇怪，貨不對辦。送個湯黎超級鹹，另外第二個優點係加茶加得快。完，冇下次。

由於住附近，都間唔中會落樓喺附近食晏。平時晏就好少食日本野，今日心血來潮想食魚生飯就去咗山葵。晏就有lunch set，有定食，拉麵同魚生飯。每個餐都配咗前菜同茶碗蒸。自己嗌咗個櫻花魚生飯（$75），有三文魚，劍魚(聽隔離枱姨姨話係)，青瓜同蟹子。飯都算夠食，女仔嘅可能多咗少少。三文魚大大舊，份量都多，食哂啲飯仲有幾舊可以就咁食。魚生新鮮，略嫌壽司飯嘅醋可以落多少少，吾係好夠。小編同媽媽去，而媽媽就嗌咗餃子拉麵（$55），有2隻炸餃，比平常嘅餃子大隻少少，再有2件卷物。成個餐媽媽話正正常咁，冇乜特別。

一條友放工之後去九龍城搵飯食，突然之間想食魚生飯，發現九龍城唔多日本餐廳。呢間餐廳之前食過午飯覺得都ok，就試下食晚餐啦。餐廳唔算大，位於位之間有啲迫。精選魚生飯($168)有拖羅蓉，牡丹蝦同海膽。拖羅唔算太鮮味，做得蓉都唔會俾靚嘢你。牡丹蝦夠大隻夠鮮甜，海膽唔夠甜但好彩無苦味。仲有甜蛋幾粒，凍凍甜甜。飯分量都算正常，整體不過不失。雜錦天婦羅($78)除咗兩隻蝦之外，仲有茄子，番薯，南瓜，冬菇等。粉漿厚薄正常，不過天婦羅汁比較細碗，要再問店員攞。另外叫咗罐啤酒，可惜唔夠凍，要扣分。

定食價錢合理，大概40幾蚊就有一個餐。質素係比較好食嘅港式日本料理，照燒雞扒、吉列豬扒等等質素都合格。可惜份量比較少，男仔食應該唔會飽。環境方面就比較細，枱同枱之間分隔嘅位置好少，但每日中午都好爆滿。

等了50分鐘才來一個燒雞扒定食，負責人説廚師很有心機燒所以等候，但結果來了只是暖的雞扒，肯定是燒好無人理，很懷疑只得一位廚師在工作，水準肯定比以前下降，不會再來😡😡😡😡😡

自從上次同朋友黎食過刺身同壽司之後，覺得好掂，今次又再約朋友食過😊近年尾，吳卜枱一定無位坐，所以早幾日已經卜左位，去到等左大約十分鐘已經有位👍去到佢地竟然認得我上次黎食過👏👏👏————————————————————@蚧籽沙律——-味道一般👌@枝豆——-無乜特別，正常ok@鵝肝多士——-嘩，好有驚喜，估吳到甘好食，原本我地兩個人叫左兩件，一人一件，點知食完之後太好食，再order左四件😂😂連隔離枱都覺得我地係好誇張，但不能不吃，因為太好吃🤣🤣食果時要小心D，熟到辣口😂😂@🐔泡🐟乾——燒得好香口，又夠熱👍@🐔軟骨——我D甘咀刄既口，一食就知係日本🐔軟骨，因為一食就知，係無得厄😬👍@煙肉蠔卷——-熱辣辣，大大隻蠔又新鮮，煙肉又夠脆，正✌️✌️✌️✌️✌️@網燒牛扒———我吳食牛，所以吳知好吳好食，但朋友話好正，須然我吳食，但望見都覺得好味😜😜😜😜😜@炸🐠皮——脆到不得了👍————————————————————服務吳使講啦，一入門口已經認得我✌️😉

我去邊到食嘢都吳會睇食評，總之朋友約去邊或且自己想去邊食就會去，除非我吳識路就會打開open rice 睇下地址點樣去😂😂😂😂😂😂😂😂😂😂😂😂😂😂😂😂呢間係第一次食既日本料理，朋友約九龍城食反，甘就揀左昵間食🍣🍱其實食嘢口味好個人化，有D好難食果D，D人讚到飛起，有D明明好食又話好難食，所以我每次去邊到食嘢都吳會先睇食評，去完食之後我先會寫出自己食後感受同質素，因為睇完先去食，就會有先入為主既感覺，好似D人講是非甘，聽人講就當事實😆😆😆😄😄今次亦不例外，我食完之後打開open rice想寫反食完之後既感受，順便睇下D食評，點知甘多負面，但我自己食完又吳係好覺🤔🤔🤔🤔🤔大部份朋友都鐘意食三文魚，我就剩係鐘意食拖羅😂😂，不過今次既三文魚腩確係新鮮肥美，我都食左幾件😅😅😅@🐔泡🐟乾——燒得香口又好味✌️@🐔軟骨———-炸得香口又夠熱👍@三文🐟腩肥厚又鮮甜，赤貝新鮮肉爽口✌️@海膽壽司夠新鮮👍三文🐟籽壽司又鮮甜壽司🍣飯食到係日本米，好味👍👍其他食物更加不在講，好味又好食✌️✌️服務就一般，不過不失，但都算合格👌唯獨是坐位較迫，鋪不是太大亦不是太多位，不過香港串金呎土，無計😅但都算坐得舒服既👌

聖誕節黎九龍城搵野食誤打誤撞黎到呢間日本野見佢入面都幾多客睇門口menu價錢又幾相宜就入左去點知就中伏！我同老公一人嗌一個set個set都有跟一份日式蒸蛋味道就不過不失啦個碗底有d一粒粒嘅應該係蝦籽？不過味道唔係好出老公叫嘅炸豬扒定食味道ok嘅起碼塊豬扒夠大塊先啦而且假日價只係$58另外佢加$18要多份刺身一上枱心諗唔係呀嘛蟹柳？！你不如唔好比啦我屋企都唔食呢d蟹柳食蟹棒啦！最離譜真係非佢莫屬我嗌份燒銀雪魚定食都要$98吖呢舊野我5啖食晒喇好唔好飯你又比咁大碗我即係想我搵沙律醬送飯姐！以後唔會再幫襯！

睇到之前有人寫食評話呢間野服務好 真係笑左岀聲係呀你係熟客 你有book枱 又開酒又叫魚生佢咪對你好囉 事源我同屋企人一行四人walk in無book枱入去既時候梳化仲有張二人枱同門口一張四人枱 咁唯有坐住四人枱先之後入面有人走 問佢可唔可以調入去坐個waitress勁寸話: 果邊book左枱先坐得咼，基本上我地full booking。態度勁差！我地坐門口張枱 其實係貼住收銀處 仲要同大門口一米距離都無 d客岀岀入入 企係收銀既staff唔會提客關好門或者幫手關門一路食飯d風一路吹住背脊真係食乜都無味我多次伸手去關門入面員工明明見到都無動於衷真係食到一肚氣!之後到我地走 其實後面仲有枱係吉既！點解唔可以拼埋一齊比我地坐呢？嗯 因為我地唔係尊貴既熟客。總結 如果你唔係熟客 又無book位你只會被視為垃圾 入去前要三思

不經不覺巳幫襯山葵6年了，每逢有家人朋友生日多數黎喱度食，食物水準咁多年都Ok,服務態度又好，所以今年媽媽生日都係選擇喱度😂😂😂好靚嘅壽司生日蛋糕美味焗蠔富士山炒飯卷物牛肉烏冬天婦羅什錦壽司

已經唔計上一次黎叫我地7個字要交到張枱比佢一點鐘到 佢話人齊先比枱ok 到人齊時 佢就比張飛叫我等等我一行3人 後黎既一行5人竟然先入座仲有兩張4人枱hold起好耐唔比人原來係比佢地所謂既尊貴客人天氣凍 我地就係外面呆等 睇住遲黎過我地既人係入面食野 索性唔等對面另一間日本野食算呢間野永遠唔幫襯 啲職員態度又串 仲要咁樣比人不公平對待

夫妻帶2歲睡著小孩推著bb車欲內進幾乎未有什麼客既餐廳晚餐（因時間很早）接待侍應叫我們三人坐兩人枱首先已表明小孩睡著了我亦建議比三人位拉開一張椅便可放bb車但侍應再三話只會比兩人枱那四個人來是否都比三張椅？餐廳食物係重點但服務態度亦重要今次感覺像歧視有小孩既家庭聽就聽得多facebook媽媽group講被歧視估唔到會親身經歷是小孩食不多還是用餐會長點影響餐廳收入？不如你話訂枱已滿或唔接待有小孩啦

星期六同屋企人食日本菜佢呢度假期都會有set lunch但係價錢就會貴少少我就點左個滑蛋豬扒飯價錢好似六十幾蚊左右Lunch set會有個燉蛋同埋中華沙律小食不過份量都比較細炸豬扒用嘅炸粉都唔算好多所以炸出嚟都好香脆而且啲咪應該係用珍珠米味道中規中矩略嫌唔夠多蛋同埋醬料

奉勸各位朋友千祈唔好嚟呢間餐廳食飯！😡以下係一件好嘔心嘅事發生係我地身上：今晚本來開開心心趁小朋友放假我地出外拍下拖，嚟到呢間餐廳叫了客炸豆腐，食下食下，我發覺豆腐裏豎起了一條疑似頭髮的物體，於是便用手指一拉，原來是一條約兩吋多長、黑色、luen luen 地的body hair( 我同老公都好肯定不是頭髮）！果時好嬲，而且已經開始有D作嘔嘅感覺，就立即叫了個五十多歲的女侍應睇，個女侍應攞咗比坐我對面枱嘅三十幾歲、中等身材、化了妝、直長頭髮束馬尾的疑似老闆娘睇，（因間餐廳好細，而且冇乜客人，所以佢嘅反應我睇得好清楚）。佢一睇即刻扮無野，然後掉咗落地，話換過碟比我，果時我已經勁嬲，我話我唔要，仲邊敢食！跟住佢仲輕描淡寫話係條刷毛，我話呢條一定唔係刷毛！後來佢先話唔收我果碟錢。而且佢一直坐喺我對面枱冇起來道歉過一聲！佢咁嘅處事態度真係令我好氣憤！我一路行一路作嘔，好唔舒服，覺得自己真係好蠢，應該立即call 食環署處理！