山見 (創紀之城五期(apm))

营业中

休息中

Apm新開左一間台式火鍋店 經過門口覺得裝修得幾靚 今晚有機會就黎試下餐廳入面裝修得幾靚 座位亦都坐得幾舒服過兩日係萬聖節🎃餐廳周圍亦都有唔少南瓜同埋其他萬聖節公仔布置其餘內在裝飾都營造到台灣夜市咁 餐廳用QR code落單大部分熟食 野飲同蔬菜肉丸麵類都係出面拎 限時120分鐘火鍋有5個lv 因為第一次食 我地嗌左個lv 2諗住試一試先 叫左個沙茶湯底 原本以為沙茶味會係味道比較濃嘅湯底 但味道比想像中淡 有少少失望Lv2 火鍋食物種類唔算多味道亦唔算好出眾 熟食種類火鍋店黎講就算好多啦台式香腸 芝麻糊 麻辣豬耳 蚵仔煎 大腸麵線 牛羹湯 蔥油餅 糯米腸 等等滷水有甜不辣 牛筋 豬手 豬大腸 豆腐炸物有黑糖糍粑 QQ地瓜球 油炸鬼連爆谷機都有😳雪糕有冬瓜茶味 都幾特別甜品試左愛玉椰果芋圓 之前睇圖覺得個賣相好靚 好似以前古裝劇嘅靚靚茶杯🤣都幾期待 但食落芋圓入面個芯硬似未熟透 係有啲失望嘅🥺總括黎講環境幾舒服 裝修都幾有氣氛 食物種類多 但整體食物質素一般般 價錢亦唔算特別平 作為新舖試一試無妨 但台式火鍋店出面有更好嘅選擇～

係台灣番黎好掛住夜市食物今次係APM試了台式火鍋 - 山見山見另外係旺角、屯門同荃灣都有分店餐廳環境好有台灣風味 以車站同夜市為主題🚉火鍋有五個級別: 精品、上品、極品、特選和牛海鮮、殿堂和牛海鮮🦞我同tummy fd今次就揀咗 Lv3的極品吃到飽套餐 ($308)湯底有八款選擇，我地就試咗牡丹美人鍋 同 山見青花椒麻辣湯，另加$25 & $18推介美人鍋👱🏻‍♀️雞湯底味道好濃郁 更有足料花膠同雞肉～肉類方面有好多選擇，最推介月見封門柳，肉質鮮嫩牛味濃。阿公花雕醉雞酒味香濃、好入味。另有卡樂BEEF(牛五花)同嫩肩里肌肉。海鮮必食墨魚仔，非常鮮味彈牙。松露墨魚滑松露味香濃 推介！當然唔少得台式料理，古早麻辣鴨血、惡魔雞排、夜市鹽酥雞同蠔餅🔥🔥仲有山見自家製茶飲同雪糕🍦有鳳梨🍍、話梅、冬瓜茶口味 台式風味滿滿😛

行開apm唔知做乜突然間好想食台灣嘢就見到le 間山見有唔同價錢肉類嘅台式火鍋最吸引係佢真係有好多台灣嘢食不倫自助區定點餐區佢點餐區嘅好處係好多都寫明係1粒粒/1件件可以試咗先再叫唔駛嘥嘢

瘋狂任食和牛🦐極大隻爽彈海老🦪煙韌芋圓蚵仔煎！-蚵仔煎、九份芋圓、惡魔雞排、醉雞卷、夜市鹽酥雞、甘梅地瓜條，呢到嘅小食分分鐘多過火鍋料，特別份蚵仔煎係必食，真係被火鍋耽誤嘅小食店。呢間台式火鍋本身超受歡迎，除咗出名麻辣鍋同足料台式湯底，而且環境一向特別舒服，新店仲超多闊落梳化，卡位仲有大窗，真心爽皮。-🥓LV1. 精品 • 吃到飽 (120分鐘任食 $228)🥩LV4. 特選和牛海鮮 • 吃到飽 (120分鐘任食 $368)由LV1到LV5五個套餐，最平都係$228，而圖中就係LV4，主打靚澳洲和牛、唔同靚牛部位同超正海鮮。🔸台式湯底🌶️山見青花椒麻辣湯🥘藥膳花雕醉雞湯招牌麻辣湯真心超濃，一上枱已經撲鼻而黎，超級夠辣，而藥膳花雕就越滾越出味，而且帶微微醉香。🔸牛肉🥢澳洲和牛肩胛肉眼 🥢無骨牛小排🥢嫩肩里肌肉 🥢牛扑肉 🥢月見封門柳🥢卡樂BEEF (牛五花) 🥢牛爽腩除必食和牛肩胛肉眼，其實仲有好幾款靚牛部位，而且都係薄切多，記得淥一淥就食得，更加容易索湯入味，瘋狂掃食超爽。-🔸海鮮 (部份重點)🥢原隻駅前海老 🥢新鮮白鱔片🥢福隆沙白 🥢花膠🥢脆肉鯇魚片 🥢松露墨魚滑海老真心超大隻，熟咗都

見宣傳睇啲價錢以為係不一般的食肆. 於是早兩日用App訂枱. 但當天下午就收到訊息話我自己取消. 真係一頭霧水. 打電話去查詢. 又話可以依時入座. 去到選咗最高級嘅海鮮餐. 但海鮮原來不是鮮. 鮑魚似乾鮑. 蝦又雪到硬晒. 廣島蠔似未發育. 牛肉唔值呢個價. 款式少選擇. 點菜時以件數及每片計. 湯鍋無味. 只得兩款. 其他款就要加錢. 炸魚皮似膠布. 以為係台式芋頭會好啲. 但未煮已似糯米團. 小食唔熱又似餸尾及醬料無標籤表示係咩嘢. 唔知係醋定豉油. 最佳就係飲品好多款選擇. 可惜冇影到相. 唔係太離譜也不會提出.

👍🏻特選和牛海鮮套餐 (120分鐘任飲任食) $368可能係食過最多台式小食嘅台式火鍋放題？火鍋放題有5款餐可揀，我地揀咗Lv4特選和牛海鮮APM店新張優惠免費加時30分鐘，可以食足120分鐘🔥QR code落單同自助區都有多款肉類、海鮮、火鍋配料、台式料理、炸物小食、台式甜品飲品等等上枱速度幾快，每碟份量唔算多，可以放膽試哂唔同種類嘅台式小食都得🤣另外新店限定開幕優惠可以無限免費追加虎城蝦卷同龍蝦福包！-🔸風味沙茶老鍋 拼 竹笙豬肚雞湯 +$25竹笙豬肚雞湯係APM店限定，有啲似忌廉雞湯咁，漿口膠質重好濃郁，雞油鹹香突出，就咁飲都幾好飲😙沙茶湯底就夠晒濃味，用嚟淥麵吸湯一流😜-🔸肉類Lv4餐主打澳洲和牛肩胛肉眼、無骨牛小排、CAB牛頸脊牛肩胛肉眼肉味較濃，牛小排就比較重油香兩款主打都切得比較薄身，容易吸湯入味，唔洗點醬油都夠哂味另外都可以試下月見封門柳！比較有咬口，肉味更加濃郁，加上蛋漿，食落口感滑溜-🔸台式料理、小食係我地食過最多台式小食嘅火鍋放題🤣手機落單同自助區款式都超豐富，起碼20款以上，基本上每樣試完，已經飽咗唔使打邊爐😂醉雞卷推薦！花雕酒香濃郁好入味，鹽酥雞同惡魔雞扒上枱

山見台式火鍋最近係觀塘開咗新嘅分店🤗，Duck哥🦆今日就去試下好唔好食先🥰。火鍋分店位於APM 5️⃣樓，門口就好似個山洞咁🫢，進入之後，就好似去左台灣夜市🇹🇼一樣，左右佈滿了台灣小食🇹🇼。餐廳環境舒適，座位闊落🤗，坐得好舒服，唔會話好逼夾🥰。自助放題有5️⃣個 level，我地就揀咗個中間位level 3️⃣嚟試下。Lv3 極品•吃到飽 $308湯底我地揀咗青花椒麻辣湯🌶同埋新店限定嘅竹笙豬肚雞湯🐓(+$25)，前者夠麻夠辣🌶；後者湯味濃郁有雞味，豬肚嫩滑😋。🌟月見封門柳🌟卡樂BEEF(牛五花)🌟牛爽腩🌟嫩肩里肌肉(牛肩胛肉)身為牛肉控嘅Duck哥🦆當然要試下佢地啲牛🐂，封門柳🐂油花較少但肉味濃郁，配埋月見醬汁🍳口感極佳；牛五花🐂油脂較多，但油而不膩🥰；牛爽腩🐂有咬口而且口感爽脆；牛肩胛🐂油花平均，牛味濃郁😋。第2️⃣Round除咗再encore啲牛肉🐂外，再叫多幾款其他肉類和海鮮：🌟羊肉卷🌟美國穀飼黑毛豬🌟精選梅花肉🌟福隆沙白🌟墨魚仔🌟松露墨魚滑頭3️⃣款肉都充滿肉香味，其中羊肉🐏完全冇羊騷味，讚👍。Lv3️⃣海鮮選擇唔多，我只係試咗其中2️⃣款，質素令人有驚喜。沙白大大隻，無沙而且非常鮮甜😋；墨魚仔🦑都好

去左觀塘APM開左冇耐的山見，見到都要排晒隊，我哋就入去試下😜由於我哋本身都飽飽地，又加上電話一早拎左飛，咁啱去到就已經要入坐…完全冇睇過餐牌就求其叫左個lv1🙃叫完後悔喇，魚皮/響鈴呢啲都係要上其他lv 先有，而且可以選擇的食物好少好少…真係唔建議食lv1….不過佢有牛骨髓，真係打邊爐好少見😍不過都唔緊要，食火鍋最緊要係湯底😌只要湯底好食…咩都加分…點知….有啲失望…朋友仔要左個唔洗加錢的鐵路豚骨鍋，我試左佢個湯底，都算正常，就係一般豚骨底味，冇咩特別😂但唔洗加錢預左…我就加左$18升級左山見青花椒麻辣湯…聽個名已經好正，打算點都麻麻辣辣咁…點知….呢個真心失望，冇味，只有啲普通辣味，麻味唔出，而家成煲野野辣椒加水….真心失望….下次唔會叫😂😂然後，我哋打算用迎新禮物換杯野飲，店員聽完，杯野飲都一直冇到…最後9:11叫左個仙草芋圓，結果有個好心店員催左3次，都話廚房聽完未出到個甜品，我哋等到9:35決定放棄離場🙁整體來講今次都不快，都食得唔開心，同埋湯底有啲差…

我哋就揀咗3️⃣極品。吃到飽套餐，有58美食😍湯底有8款，選了鴛鴦鍋😋🍲湯底：風味沙茶老鍋很喜歡這款湯底，沙茶味濃郁，不用點沙茶醬，都可以食到惹味的沙茶味道🍲湯底：藥膳花雕醉雞湯沙茶湯底較濃味，所以另一款湯底就揀咗藥膳湯底，味道較清新，醉雞好入味，好足料🐮有5款牛肉可供選擇，重點推介牛五花和牛肩胛肉，有適量油花，肉質鮮嫩爽滑，肉味濃郁😋🐷有3款豬肉可供選擇，推介美國穀飼黑毛豬，肉質細嫩柔軟，甘香美味🤤🐔花雕醉雞，酒味香醇，雞肉嫩滑醬料：有多達10款醬汁供應小食：重點推介有夜市烤香腸，不用飛到台灣，係山見都可以食到台式香腸🤤另一款重點小食是紅糖糍粑，新鮮炸起，口感煙韌麵飯類：有台式滷肉飯、新竹米粉、菠菜麵等等飲品：選擇極多，有冷泡茶、台式紙包飲品、麥仔茶、冬瓜茶、啤酒等等甜品：有山見自家製雪糕，有鳳梨味、荔枝味及冬瓜茶等等，當然也不少的仙草芋圓等等真係吃到飽。山見台式火鍋！

是日平日搵晚餐落腳點，發現了新開食肆，估唔到惜日飲茶地方變了兩間同一集團嘅餐廳，分別食燒肉同台式打邊爐。最後選擇了打邊爐。七點十分入座，任食90分鐘，有唔同肉質嘅選擇(level1-5)，初試牛刀，揀了level 2 。🫧湯底（每人一鍋）：鐵路豚骨湯肉味夠湯底濃郁。酸菜白肉湯酸酸微微，幾開胃。🫧肉類：Level 2嘅肉質選擇唔多，豬牛各兩種，肉類都唔韌，好薄切。🫧台式小食：好多選擇，蚵仔煎，葱油餅，鹽酥雞，特別推介滷水蛋，麵線，入味好食😋。🫧甜品：有雪糕，甜點，糖水。試了芝麻糊，唔會太甜九份仙草芋圓，細細碗，好足夠過下甜品癮。湯底免費只有兩種選擇較為失望，但有長者價錢亦拉回少少分，整體還是性價比一般。

環境舒適，座位寬敞，適合相聚的好地方。佈置添加了台灣風味的招牌，有置身台灣的感覺，而且環境充滿了有心思正能量的字句。食物新鮮，值得一讚係衛生環境不錯，配菜用冷藏保持新鮮。有多款台灣特色小食挑選，甜食糍粑很鬆脆。有不少自家製的茶飲，味道香濃。有不同的套餐選擇，有不同種類的肉類，上菜速度非常快，牛肉質量不錯，有牛肉味，份量適中。不過午餐只有90分鐘，略嫌時間較短。店員殷勤有禮，服務有效率，總結是不錯的午餐體驗。

呢間餐廳以台灣十分車站同十分老街為主題，令食客感覺置身夜市之中🚞💗極品·吃到飽 ($308/位)🥬酸菜白肉湯高湯加入酸菜同五花肉片，但湯底唔夠酸鹹濃郁，比較普通🐔牡丹美人鍋採用新鮮三黃雞，加入花雕、豬骨、金華火腿等十多款配料，有養顏滋補功效📱QR Code落單平台提供多款優質肉類、海鮮、台式料理、台式餃子、甜品等，以下5款係最值得添食：1️⃣牛爽腩 ：牛爽腩夾集筋膜，肉質特別爽脆🐮2️⃣卡樂BEEF：牛五花肉質柔軟，分佈網狀細緻油脂🥓3️⃣福隆沙白：沙白鮮嫩又大大粒，非常鮮甜🐚4️⃣懷舊魚皮餃：魚皮餃皮簿餡靚🥟5️⃣十分愛玉椰果芋圓：檸檬愛玉Q彈滑溜，加上煙韌芋、椰果同紅豆蓉，享受甜蜜滋味🍧🥙丸類、蔬菜、麵食區引入多款台灣丸類同新鮮蔬菜，當中最出色係新竹貢丸、黑椒牛筋丸、龍蝦沙律丸、萵筍、白蘿蔔；唔夠飽嘅話仲可以淥個麵食🍤小食區包括有地瓜QQ棒、黃金QQ地瓜球，最好食一定係爆漿黑糖糍粑，外表香脆內𥚃軟糯，中間有流心黑糖漿超滋味！仲有夜市烤香腸，食落皮脆肉嫩🥘台式料理區有各款滷得超級入味嘅台式滷味，仲有最經典嘅大腸麵線🍨甜品區除咗有自家製雪糕同雪條外，仲有蛋糕同糯米糍，當中嘉義紫薯糍最好食，黏糯煙韌嘅糯米

🍲特選和牛海鮮吃到飽 $368/位🔸山見新開張於觀塘APM，有五個Tier嘅任食套餐，今次揀咗第二貴嘅特選和牛海鮮吃到飽套餐，每位$368～湯底選擇有好多，我就揀咗藥膳雞湯同鳳梨蕃茄湯🤓🔸特選和牛海鮮吃到飽套餐中，有好多精選食材，我個人嚟講最推介嘅包括澳洲和牛肩胛肉眼、牛小排、牛扑肉、美國黑毛豬同大蝦🥰我特別推介澳洲和牛肩胛肉眼，肉質鮮嫩多汁，入口即化。牛小排和牛扑肉都出色，肉質鮮嫩，口感極佳👍🏻此外，黑毛豬肉肉質豐腴，帶有濃郁豬肉香味。海鮮方面大蝦好新鮮，肉質鮮嫩彈牙🔸台式小食有好多選擇😁蚵仔煎係我最鍾意嘅款式，外酥內嫩，蚵仔鮮美可口，加上甜辣醬好正。蝦卷裹在脆皮中，口感十分獨特😎台式香腸是另一個必試的小食，具有濃郁地道風味，回味無窮🔸飲品大量任揀，我推薦自家製白桃烏龍茶，融合清新烏龍茶同甜美白桃味道，但其實唔甜，口感順滑，非常解渴🔸最後係甜品，選擇好多之外，山見火鍋仲提供自家製雪糕，當日有菠蘿味同冬瓜茶味，口感柔軟綿密，味道濃郁。菠蘿味有微妙酸甜味道，冬瓜茶味的雪糕則非常清爽

“極品・吃到飽”($308/位)山見台式火鍋最近喺apm開咗新店吃到飽套餐有5款我地點咗中間價位嘅極品・吃到飽套餐90分鐘任食多達58款食物🤤湯底揀咗酸菜白肉+青花椒麻辣鴛鴦湯🌶入座後用qrcode落單夠哂方便呢個餐肉類都有9種,包括牛五花,月見封門柳,牛肩胛肉,牛爽腩🐮梅花肉,豚五花,黑毛豬,花雕醉雞,羊肉卷海鮮就有水魷,沙白,鯇魚片等另外仲有唔少台式小食好似鹽酥雞,醉雞卷,台式香腸等最正係連蚵仔煎都有得點😚自助區都有好多食物最特別莫過於有牛肉羹,麵線,魯肉飯仲有去台灣夜市必買嘅地瓜球💜💛每樣攞啲已經超過飽🤣打完邊爐當然要點埋甜品點咗碗愛玉芋圓🥰仲拎咗自家製嘅冬瓜茶同鳳梨雪糕😍身為冬瓜茶fans真係覺得好正😛

等待開張等到頸都長 終於食到啦🙆🏻‍♀️其實我之前係經過旺角已經見到poster好想試🤭我地一行三人，Openrice book左枱，一去到就入得！我地揀左$368 Lv.4新張優惠所以可以坐多30分鐘我自己覺得佢本身90分鐘確實係比較趕，120分鐘就真係會好好多💕佢哋嘅裝修唔錯，好乾淨，亦都坐得好舒服！店員有禮亦都好熱情主動加湯，上菜同收碟嘅速度好迅速鍋既size就細咗D，但係都可以接受，不過就要麻煩服務員加多幾次湯🤣 然後頭盤方面會上一份和牛肩胛肉眼然後每一份牛我哋都叫咗一碟我覺得佢哋牛肉嘅質素好高，首先絕對係有牛味！然後質感亦都唔會靭！都係薄薄一片，好食呀本人最推薦和牛肩胛肉眼，牛扑肉(牛頸脊)，同埋牛小排依3款嘅牛味係最重，和牛肩胛肉眼就脂肪同肉既比例較平均，手扑肉就脂肪較少但口感比較好，而牛小排相對來講脂肪會多d，肉質軟身肥美。其餘三款都可以我就覺得係正常肉肉。其實仲有個封門柳，不過可能我哋煮內左，所以有少少靭。蝦同沙白都推薦! 好新鮮~~~魚同鴨血都ok，飲品選擇好多，亦有罐裝啤酒，如果要飲台啤可以加錢唯獨就係覺得菜同丸嘅選擇較少，同埋熟食普通。但係肉肉同海鮮嘅質素真係好高會