峴港安南越南餐廳

营业中

休息中

對越南食物好有要求嘅朋友最近試咗呢間新開嘅越南餐廳，話可以再回訪，仲話我知呢度食湯河有啲儀式感，呢日專登帶我嚟再試真啲餐牌選擇兩大類：越南湯河 & 越南小食麵條選擇亦有兩款：手工河 vs 檬粉同朋友一人叫咗一碗湯河 再加兩個小食share📣儀式感在於麵 同 湯底 係分開上店員先用食物托盤奉上粉麵 及 配料（青檸辣椒）再手持一壺熱辣辣嘅牛肉湯底澆入碗中越式風味即時撲鼻而來⋯⋯仲有仲有，見住熱湯嘅煙霧，感覺好療癒嘅呢～🔸峴港騸牯牛三寶檬粉（牛頸脊、牛坑腩、鮮牛丸）平時鍾意食幼身麵條嘅我選擇咗檬粉   呢度嘅檬粉有啲似米粉、軟硬度適中三寶各有特色   牛頸脊最薄滑   牛坑腩有牛味   牛丸彈牙至於湯河嘅靈魂湯底呢～～～    一滴都冇得留低香菜同芽菜嘅份量亦恰到好處👍🏻✨✨知多一點點✨✨～騸牯🐮～騸牯🐮是指經過閹割過的牛隻，肉質會較為腍滑和甘香，油花分布會相對細緻，可謂牛肉界的精品🔸峴港特級手工河（崩沙腩）朋友鍾意食粗麵條，毫無懸念咁order手工河手工河比一般嘅河粉粗2-3倍，市面唔常見，朋友讚河粉滑滑崩沙腩嘅肥瘦比例啱啱好，邪惡地一口一片食得辣嘅一定加埋辣椒仔，朋友話咁先係佢心目中最體

放假過開嚟探朋友，經過見到新開張，裝修又幾靚，就入嚟試吓😍✨牛三寶手工河（牛頸脊.牛坑腩.鮮牛丸） $128朋友就揀左牛三寶，可以一次過試曬三款食品😛牛丸好彈牙👍🏻湯底係上台之後先即時面前倒比客人，可以免得比河粉索曬啲湯底👍🏻✨特級手工河（崩沙腩） $128崩沙腩好淋，牛味相當濃郁，手工河係闊既河粉😋湯底都好香濃，好味到差啲飲曬個湯底😅✨越式炸春卷 $68春卷即叫即炸，非常香脆可口，可以配埋魚露一齊食😉✨越式香茅雞翼 $58係單骨既炸香茅雞翼，單骨方便進食👍🏻，炸至金黃香脆，味道剛好，唔會過咸帶淡淡既香茅味😋✨越南咖啡（熱） $40滴漏越南咖啡，味道好香，旁邊跟左個煉奶，個人覺得唔落味道更佳，落左反而破壞左原本咖啡獨有既風味☺️✨瑰麗紅莓 $68好打卡able既飲品，個杯墊係心形🩷，裡面有玫瑰、蜜糖、檸檬、紅莓同梳打，酸酸甜甜的，帶淡淡玫瑰香味，飲落好開胃🤤

喺樂富如果去連鎖式餐廳食到悶想轉轉口味，可以行多幾步去 𓄼峴港安南𓄹 呢間越式小店，環境佈置得充滿越南風味，空間感好夠坐得舒適，食物同飲品賣相都好啱打卡 𓋆𓋇✦峴港騸牯牛三寶手工河𓂅牛三寶包括 牛頸脊・牛坑腩・鮮牛丸附上一壺熱辣辣嘅牛肉湯底即時淋上牛河，生嘅牛頸脊肉片淋湯後即刻去到剛熟程度，口感細嫩，牛味幾濃，牛坑腩相比之下會比較有咬口，鮮牛丸充滿肉汁，手工河比較闊身，入口滑溜✦越式豬頸肉扎肉撈檬粉撈檬粉附上嘅魚露酸汁幾清新，唔會過咸或過酸，檬粉幾彈牙同滑身，豬頸肉嘅香茅味幾入味，肉質幾嫩唔會燒得太乾，扎肉嘅煙燻味重，整體好清爽幾好味✦脆炸香茅紅糟肉呢度有其他越式餐廳比較少見嘅紅糟肉，即刻點嚟試試，紅糟肉炸得非常酥脆，獨特嘅酒香味好突出，紅糟肉選用嘅部位脂香味濃，雖然好邪惡但係好值得✦香茅單骨雞翼雞翼外皮非常鬆脆，一咬入口就會咇出肉汁，香茅味幾突出，單骨食落好方便✦峴港椰子咖啡椰子同咖啡味平衡得剛剛好，咖啡風味唔會被椰奶搶走，仲有少少烤椰片碎令到杯咖啡更香，擺盤呈現椰林樹影幾有feel✦峴港三色冰充滿椰香嘅三色冰，粉條滑身彈牙，色彩繽紛見到都開心

好耐無見過越南峴港，好掛住越式粉面，前排行過樂富俾我見到呢間新開嘅越式餐廳---🌟峴港安南越南餐廳（樂富）🌟餐廳以綠色色調，裝修好有風格，而且餐廳寬敞，坐得舒適。._.🐂| 峴港騸牯牛三寶檬粉 (牛頸脊.牛坑腩.鮮牛丸) |🐂三款唔同牛嘅部位一碗就食到，三款送餸可以換下唔同口味，好快上枱，仲會係你面前倒入湯汁，熱辣辣唔會浸淋曬啲面。我揀咗檬粉，幼身嘅面質可以索曬啲湯汁，唔會好dry，同湯底一齊食好滋味。·🥢| 峴港特級手工河(崩沙腩) |🥢呢個想試佢嘅手工河，河粉粗身，面質滑身，崩沙腩大大舊，肉質腍身又唔鞋口，份量都多又足，好滿足。·🥟| 越式手作炸春卷 |🥟春卷炸到好脆身，有成五舊，炸到外皮脆卜卜，可以配埋生菜包黎食，好惹味。·🐥| 酸辣青芒拌鳳爪 |🐥鳳爪酸酸辣辣好開胃，數量多，無骨入味，而且冷盤凍食淡淡肉，好適合點黎作為小食食。·🍋| 香茅青檸蘇打 |🍋好fresh嘅味道，唔會好甜·🍋| 檸檬茶 |🍋._.

對於我嚟講樂富比較陌生嘅地方，咁啱今日我要去附近上堂，見到有一間比較特色的嘅越式餐廳，淺綠色外型，設計到越南風味，好特別🤭三寶手工河特製嘅手工河粉，粗身得來比較厚身，而且夠晒滑溜，肉類果然係牛肉最重要嘅部份，有牛頸脊 、牛坑腩 同鮮牛丸先講聲牛丸，牛肉打造肉丸更加鮮甜，而且夠晒彈牙😯牛抗腩係我最鍾意食嘅牛肉部位，肥瘦均勻，而且油脂更加香食落去啖啖肉，最後牛頸脊比較咬口出，而且佢肥牛方面最濃郁嘅，整體佢嘅杯賽加埋佢嘅手做嘅河粉，原來係咁好食㗎🤭特級崩沙腩手工河 想不到食越南河粉都有崩沙腩😍肉質好腍肥瘦均勻，入口即溶花油花四錢，再淋上特別熬製湯底，牛肉同湯底好夾，而且河粉係用咗粗身河粉更有口感更滑😋😋香茅紅糟肉肉糟原來係講緊豬肉經過油炸外面脆裏面嫩嫩，點啲汁都幾好味😉越式香茅雞翼香茅雞翼，但係依度係出名就係一只骨雞翼，用咗香茅果然香氣濃郁，再配上咬落去更加有越式風味🤣椰子咖啡我咁鍾意飲咖啡，必定order一個出名咖啡，帶一點甜度，咖啡果然係好出色啊。香得來沒有苦澀味，推薦你哋試吓😊峴港三色冰三種不同顏色啫喱條好有口感，用椰汁陪襯，椰香撲鼻，果然係夠晒越式風味😍

好少寫食評嘅我，估唔到今次可以令我破格叫咗兩款湯河同春卷，食物質素好，味道剛好老細亦都好細心一定會再幫襯因為真係好好食🥰🥰🥰老闆話而家正值試業階段，遲吓營業時間會再長啲

認真諗吓，真係好耐好耐冇嚟過樂富食飯，雖然話細細個有住過喺樂富，但係對呢邊嘅餐廳真係冇乜印象，好彩今日有同事帶路，先至搵到一間咁出色嘅越南餐廳！呢間餐廳裝修好特別，喺街道行其實已經覺得佢嘅門面好搶眼，入都係更加係覺得所有細節都係精心挑選過嘅，當然啦最緊要都係食物都十分之高質！首先要讚一讚，呢度真係好有儀式感，每叫一碗湯河，佢都係搵個好復古嘅水壺倒啲湯底出嚟，啲湯底仲要好濃郁，好清甜。峴港特級崩沙腩配手工河啲崩沙腩好好食，厚切咁樣上，但係完全冇鞋！峴港騸牯牛三寶就有牛頸脊、牛坑腩、鮮牛丸，全部都好好味，但係呢一款我哋就要咗檬粉。我自己就比較鍾意檬粉，因為覺得佢口感比較煙韌。小食方面就要咗個炸豬肉，炸得好酥脆，而且我好欣賞佢個醬汁，令到成件事冇咁油膩。最後都加點咗一個越式法包，好鍾意佢哋嘅pate，加上係即叫即做，個包係烤得好香，呢個我都覺得係呢間餐廳嘅必點item。飲品方面就要咗passion fruit味嘅百子茶同香茅青檸soda，百子茶用嚟打卡一流！當然兩杯都唔會過甜，幾清新，夠refreshing。

小妹今晚同豬去樂富行街，突然醒起有間越南🇻🇳餐廳係今年6月25號正式試業✨ 雖然呢個位有少少偏僻，但裝修真係靚，座位間都幾闊落，完全覺得自己置身於越南🇻🇳😎越式手作炸春卷🫔呢款即叫即炸既春卷🫔 外皮炸至金黃色，香脆可口😚 包住蘿蔔絲、檬粉、豬肉等餡料，正👍🏻脆炸香茅紅糟肉🐽呢款脆炸香茅紅糟肉外皮同樣炸得非常酥脆，每塊肉都佈滿唔許脂肪🙈份量不少，肉質鮮嫩🐥峴港騙牯牛三寶手工河（牛頸脊、牛坑腩、鮮牛丸）🐂🍜牛頸脊肉質鮮嫩嫩滑，唔會太薄；牛坑腩肥瘦均勻，口感豐富，濃郁的肉汁滲透到河粉中🐒 鲜牛丸爽口彈牙，一碗食哂三款牛肉😆 擠埋青檸🍋‍🟩+辣椒🌶️粒變成越南酸辣風味😎而河粉🍜用上粗河粉，更有咬口😝峴港特級手工河（崩沙腩）🐂🍜崩沙腩係牛腩中最矜貴既存在，肉質十分Q彈，半筋帶肉，肥瘦均勻，橫膈膜間仲有滿滿既膠原蛋白，食起來軟糯勁足😚同樣備有青檸🍋‍🟩+辣椒🌶️粒～✨每碗湯河職員都會拎住一個金湯壺係顧客面前先會加湯落河粉度，呢種食法非常特別✨香茅青檸梳打🍋‍🟩🥤近日天時暑熱最啱飲返杯冰凍嘅香茅香檸梳😋 淡淡的香芧味，配上檸檬梳打好清新，唔會好酸，幾醒神😎玫瑰紅莓梳打🌹🥤呢杯美美既粉紅色，以玫瑰🌹蜜糖🍯

收工👦🏻又約左老友去篤波，篤波前梗係要搵好野醫下個肚仔，今次我地就去左位於樂富既峴港安南越南餐廳，餐廳夠哂越南風味🇻🇳，裝潢夠哂典雅。🌟峴港騸牯牛三寶手工河(牛頸脊，牛坑腩，鮮牛丸)上菜充滿儀式感，首先店員將河粉連同青檸辣椒配料以餐盤奉上，再手持一個湯壼倒湯落河粉😆😆。湯底完全充滿左牛既香味，再配上峴港騸牯牛三寶：牛頸脊，牛坑腩，鮮牛丸，簡直一流享受。最值得一提係鮮牛丸真係好彈牙，咬落充滿牛汁。🌟峴港特級手工河(崩沙腩)湯底濃厚牛味，配上爽滑既手工河，已經係一流既組合。而崩沙腩軟腍味香，肥瘦均勻，咬落軟硬適中！🌟越式手作炸春卷越式手作炸春卷份量十足，即叫即炸，內裏包住左豬肉粉絲等配料，外層包住生菜點魚露食👍。正到飛起！🌟香茅單骨雞翼單骨雞翼有淡淡既香茅味，雞翼炸至金黃外皮，食落一個字：脆！😆。同埋雞肉肉質嫩滑，唔會炸到太乾身。🌟特色越南法包越南法包包住左豬頸肉，扎肉等配料，法包唔會落好硬，值得推介！

鍾意試新野既我地,又發掘到間新開既越南餐廳,裝修好靚,門口好多打卡位,環境乾淨,卡位坐得好舒服.我地叫左牛三寶手工河,猪頸肉扎肉撈檬,越式炸春卷,香茅红糟肉,熱檸茶,瑰麗紅莓.牛三寳手工河,有牛頸脊,牛坑腩,鲜牛丸,份量好多,牛肉湯底上枱先加落去,好有儀式感,令牛頸脊唔會太熟,岩岩好,口感嫩滑,牛肉味濃.牛坑腩牛味最濃,肥瘦相間,肉質腍中帶爽,鮮牛丸口感爽口彈牙,充滿肉汁,手工河好闊身,非常滑溜,吸埋濃郁既牛肉湯,又唔油腻,真係超好食.猪頸肉扎肉捞檬,猪頸肉香茅味好出,肉質嫩唔乾檬粉Q弹.滑身,淋埋酸酸辣辣既魚露好清新,開胃,超好味.炸春卷,春卷外皮金黃酥脆,好鬆化,唔油腻,配埋魚露包住生菜食,好惹味.香茅红糟肉,第一次食,好有驚喜,炸得非常酥脆,油脂味好香濃.真係送酒一流.瑰麗红莓,非常吸睛,少女味十足,打卡able,玫瑰味十足,酸酸甜甜咁,好好飲！

🌟峴港安南越南餐廳🌟位於聯合道，店面新淨✨，有唔少富🇻🇳越南色彩嘅裝飾，襯色仲幾靚🥰！🍜峴港招牌騸牯生牛肉手工河 $108採用騸牯牛嘅頸脊部位，埋枱先落熱湯浸熟，軟柔可口，牛味仲好濃郁！湯底清香，河粉滑溜！如果食辣嘅話，店員會推介手工辣椒醬，香氣同埋惹味程度會直線上升！🍜峴港騸牯牛三寶手工河 $128三寶包含牛頸脊、牛坑腩、鮮牛丸，牛坑腩肥美軟淋，鮮牛丸有爆汁效果！🐖脆炸香茅紅糟肉 $68入口香脆，帶少少糯米發酵嘅香氣，相當美味！🐓香茅單骨雞翼 $58炸到皮脆肉嫩，唔錯！☕鮮奶咖啡 $48🍹香茅青檸蘇打 $38餐廳有多款越式咖啡同埋飲品！

餐廳位置旺中帶靜，鄰近樂富火車站，步行距離5分鐘左右，餐廳內佈置充滿越南風情，餐廳主打越南湯河和當地特色小食，另外飲品方面亦別具特色。峴港騸牯牛三寶手工河一個價錢，三種享受，配料有齊牛頸脊、牛坑腩和鮮牛丸，牛頸脊色澤粉嫩，直接經自家製熱湯滾熟，入口口感軟熟，鮮牛丸彈牙多汁，牛脂香油濃郁可口。峴港特級手工河店員上碟時先會落湯，一來保證湯既熱度，二來手工河唔會浸太耐失去口感，牛腩選用崩沙腩，腩肉表面有一層橫膈膜連著腩肉，軟腍味香，肥瘦剛剛好。脆炸香茅紅糟肉令人有驚喜既小食，外皮炸得酥脆，每一塊都佈滿少許脂肪，食落特別香口，建議配搭魚露食用，有效將油膩感去除。香茅單骨雞翼香茅味特別濃厚，外皮炸得特別脆口，內裏雞肉鮮嫩，因為單骨既關係，特別容易食用。斑蘭莫吉托有齊斑斕、青檸檬和薄荷既梳打，飲落都幾清新，有淡淡既斑斕香味外，青檸檬和薄荷嘅組合令人十分開胃。

想食越南野多數淨係諗起旺角佐敦既越南餐廳，見人介紹原來樂富開左間新既越南餐廳🤩仲係試業中，見佢地環境服務都好好～近排仲出埋下午茶餐🤗職員仲介紹佢地有3款醬料，2款係自家製辣醬都幾好食，諗住問下點整🤓不過話商業秘密🙈#峴港招牌生牛肉手工河（牛頸脊） 🍜❣️湯河上枱時係走湯既生牛肉河，跟住職員會倒入熱湯，粉嫩既牛頸脊啱啱好熟～軟嫩又有牛香😋湯粉可以揀手工河粉或者檬粉，揀左手工河🙂河粉寬闊又滑🥰HKD108#越式蒜香豬雜手工河 🍜❣️朋友仔想食豬雜😆今日廚師精選4款有豬肚、豬膶、豬大腸、蝴蝶腩，全部都新鮮，豬雜要處理/清洗/掌握熟度都幾考功夫～朋友仔讚呢度既豬雜做得幾好呢👍🏻湯底幾濃胡椒味HKD78#越式炸春卷 🫔❣️越式春卷多係網紋春卷皮，呢間用上傳統春卷皮，香脆又唔油👍🏻炸野功力幾唔錯😌入面包住豬肉蔬菜粉絲，配埋魚露包生菜食🤤正嘩HKD68#越式香茅雞翼 🐥❣️單骨雞翼炸得酥香，香茅味好出又唔油膩😚HKD58#香茅紅糟肉 🐖紅糟肉比較少見，忍唔住叫埋😛肥瘦相間嘅豬肉用紅糟醃製完再拎去炸，fafafoodie 覺得帶點南乳味🙈岩晒鐘意半肥瘦肉既朋友仔😉HKD68#椰子咖啡（凍） 🥥☕️❣️椰子咖啡係峴

同朋友一齊嚟咗呢間越南🇻🇳餐廳食晚餐，我不嬲都話喺越南🇻🇳嘅越南菜🇻🇳好好食，越南🇻🇳土地肥沃係魚米之鄉，而 Danang 我就多年前去過留低好好嘅印象👍🤣$128「峴港騸牯牛三寶 手工河/檬粉」：牛三寶包括 牛頸脊、牛坑腩、新鮮牛丸，全部都新鮮好牛味， 牛頸脊、牛坑腩 肉質軟熟，新鮮牛丸就爽滑少少彈牙🤣；河粉似乎係手切，夠滑🤣$68「脆炸香茅紅糟肉」：豬肉肥瘦適中，用特別嘅脆漿包住炸到外邊脆脆哋，香口好食🤣，呢個菜幾特別🤣$68「特色越南法包」：法包🥖外皮脆脆哋，裏邊夾住應該有生菜、扎肉、肝醬等，簡單幾好食🤣$58「越式香茅單骨雞翼 Chicken Wings」：單骨雞翼炸得幾香口食得好方便🤣$68「峴港椰子咖啡 Coconut Coffee」：首先就係賣相靚靚又幾得意咖啡旁邊放咗一棵樹🤣；椰子🥥咖啡☕️有椰子香又有咖啡香凍冰冰甜甜哋幾清新🤣$68「越式炸春卷」：春卷即叫即炸熱辣辣脆卜卜香口好食🤣

為食花太郎 Fafafoodblog 🍴蜆港騸牯牛三寶 手工河 牛頸脊 牛坑腩 鮮牛丸128 蚊🐂彈牙牛丸 肉味濃既牛頸脊 仲有個半肥瘦筋位夠彈牙既牛坑腩 配以芽菜點綴 河粉闊身爽彈 加埋香濃既牛骨湯 加d青檸辣椒 正🍴越式豬頸肉扎肉撈檬粉78 蚊🐖豬頸肉爽彈加埋香濃札肉 撈檬好爽好有口感 配d酸辣魚露汁好味🍴越式手作炸春卷78蚊🔥春卷即叫即炸 夠外脆內軟 入面蘿蔔豬肉碎足料 用生菜包黎食好味🍴脆炸香茅紅糟肉68 蚊🐖紅糟肉炸得好香脆 入面既豬肉好juicy入味彈牙 🍴酸辣青芒拌鳳爪58 蚊🐥香辣鳳爪 大大隻 好味既餐前小食#越南菜 #紅糟肉 #芒果 #鳳爪 #春卷 #檬粉 #牛肉 #湯河 #豬頸肉Score 平均分< 7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#峴港安南越南餐廳樂富聯合道182 至188 號金國大廈地鋪~~~~~~~~~#fafafoodblog #為食