岩盤牛扒ミディアムレア ステーキ (Mikiki)

营业中

休息中

假如你係牛扒愛好者，呢一間餐廳真係你行過路過唔可以放過。因為佢哋煎牛扒嘅味道充滿整個店舖，而且呢一間店舖主打用日式牛扒店嘅方式運作，好耐唔可以去旅行去日本嘅朋友們，都可以懷緬去日本嘅感覺。首先，你先睇餐牌自己要食邊一款牛肉，跟住有咩份量，有咩醬汁行埋去人哋就幫你安排，係你面前次俾你睇，呢一種方式可以按你胃口嘅大細決定，人係要有自由嘅，跟住有塊石板托住你想要嘅牛扒，然後自己搵位座，整個過程都要自己照顧自己，咁快石版熱辣辣咁你就繼續享受你返牛扒，記住，如果塊石板唔夠熱燒唔熟你塊牛扒，你可以叫佢換㗎，不過有時眼闊肚窄叫多咗真係仔仔地㗎 ！不過對於食肉獸來講係開心嘅！💋💋😍😍👏🏻👏🏻🙏🏻🙏🏻

經常去Mikiki行街， 商場內的餐廳都食得七七八八， 今次到岩盤牛扒吃午餐， 店內是日式自助取餐， 也提供收餐盤區。餐廳主打牛扒🥩， 可以即切即磅各種不同的牛扒， 全部按重量標價。除熱石燒外，亦供應多款丼🍚， 今次就試下燒肉眼丼$70、 溫泉蛋燒牛丼$50、丼套餐 X2 $30。 🔺燒肉眼丼🍚🍛 ～ 肉眼的味道香濃，肉質非常軟嫩。 🔺丼套餐🥣🥤 ～ 升級套餐有餐湯和飲品， 羅宋湯味道濃郁， 非常足料。 飲品有幾款選擇， 我選了蘋果汁🍎和蜜糖檸檬汁🍯， 兩者都好飲。 🔺溫泉蛋燒牛丼🍚🍛 ～ 燒牛肉好惹味， 配上香滑的溫泉蛋🍳，好正！ 兩款牛丼味道都不錯， 下次要試下熱石燒。

今次選擇咗西冷牛扒，同師傅講話要400g，最後師傅成功切左383g，ok la算合格啦爭17g啫。今次既西冷牛扒比起上一次食既後腰三角肉香，無論係肉定係油都比較香。不過可能塊西冷牛扒又大又厚，要切開都唔係好夠位，搞到啲粟米、洋蔥跌曬落張枱，還是塊石板太細？！不過我始終對套餐既飲品有啲微言，汽水真係太細罐，兩啖就K.O.咗，點解唔可以係正常size呢？！感覺好似好小家咁😅，雖然係有三個選擇，你可以選擇兩罐可樂又或者三個選擇都係可樂，不過一般人應該都唔會咁做

❤️封門柳：食落去帶有甜味肉質滑溜，可惜中間筋位太硬。🧡西冷：有牛味肉質一般，同街市買到嘅差唔多。💜肉眼：反而有驚喜肉質鮮嫩多汁。「封門柳」：牛肚腩裡面的橫隔膜肌肉，腩群筋膜包著的，一頭牛只得一條封門柳所以稀少矜貴。………………………………………………………………………………..

今日入新蒲崗覓食一於試吓Mikiki嘅【岩盤牛扒ミディアムレア ステーキ(Mikiki)】呢度嘅牛段g去計大概1g幾毫子🛎食物:ღ肉眼ღ(💰1g=$0.56)ღ西冷ღ(💰1g=$0.58)你只要落order嘅時候同佢講你要幾g200g起跳我就order肉眼200g、西冷300g師傅落刀切咗幾多就會問你o唔ok都切得幾接近因為佢切咗208g肉眼同317g西冷我(即係💰$116.5、$183.8)仲可以加💰$28配成套餐(於白飯、餐湯、沙律、溫泉蛋、雪糕及汽水中任選三款)然後佢會問埋你要幾成熟我要求7成熟但因為係鐵板上所以拎得返埋位、影得相、切得嚟其實已經近乎變全熟略嫌韌咗啲🛎環境枱與枱之間沒有充足空間座位逼夾

之前經過左幾次都聞到好香 一直都好想試 終於今日同朋友走左去食Lunch 我地大約2點幾去 人唔算太多 所以唔洗點等位就入得。佢係自助形式咁，先去cashier 睇menu 落單，再自己取餐我地分別叫一個雙溫泉蛋燒牛don 跟套餐同埋一個西冷扒跟蒜油雙溫泉蛋燒牛don + 套餐(+$15)。$90燒牛係岩岩好，唔會太老 牛肉汁亦唔會太多。有樣野好值得一讚係啲飯好好食！軟硬適中，唔會太濕 就算撈埋啲牛肉汁都岩岩好！😍套餐就只加左飲品同沙律西冷扒跟蒜油 + 套餐(+$28)。 $220西冷扒好正！取餐既時候 聞到爆香既蒜香味已經覺得好正！到切開，佢既生熟程度係岩岩好！我落完單先醒起唔記得講要幾成熟 本身仲好擔心會唔岩食🙊 套餐就揀左飲品+沙律+湯總體黎講，係會再去食既一間餐廳！😆😆😆

去左朋友家眾下，mikiki晚上食滿100元就可泊車3小時，咁岩係附近就泊入去好方便，之後就搵到呢間medium rare steak ，都幾好食呀！入到去係日本feel嘅扒房，木裝修同sofa 櫈，幾舒服，見到一份份牛放在廚窗度好新鮮，揀了肉眼扒，師父就當住你面切塊扒比你幫你整！吾洗一陣就可以自助區拎返個餐，好香，肉很重牛味，而家岩岩5成熟，一切落去仲見到紅肉，好食，仲有肉汁！佢係鐵板上碟，所以塊扒都keep住熱，另有醬汁可加上去，咸咸地又甜甜地，加左更加惹味！仲有少量粟米在旁。我揀左一碗飯配來食岩岩好！飯都好食，又熱又軟綿綿，同牛一齊食好舒服！之後仲有雪糕飲品，雪糕不得不提好食！一開出嚟好靚嘅綠色蜜瓜味！又吾會雪得太硬食吾到！事前係比卷你，可以食完扒自己先去拎雪糕！覺得幾好！整體感覺好好！好味道價錢合理！推介！

好好食丫！！呢間都見到有分店嘅扒房！今次第1次食！好正！樣樣都好滿意！呢間叫medium rare steak，我係mikiki一田旁邊呢間食嘅，裝修都好靚！整齊又舒服，先係counter買野食，step1係揀食乜扒先，有牛柳，肉眼，西冷，日本和牛等等，有晒每g幾時嘅價，揀好食乜就揀分量，可揀200g 300g 400g，之後就揀乜油整：有蔥油，洋蔥油，蒜油，之後加28蚊就可再揀3款食物！好正1定要加，有沙律， 麵豉湯，飯，雪糕，蛋，野飲等等。揀好就比塊電子板，你就自己揀位坐，電子板震同響，就去自助區拎餐！順帶一提，點完食乜肉同份量，旁邊即刻切你份牛出嚟同有個磅磅比你睇嘅，好均真架，見住自己份牛一陣就食得感覺好正！講返個牛，我揀左肉眼，300g，拎餐時炸炸聲，熱辣辣好香，諗起都流口水，一切份牛真係medium rare啊，好味道啊！我跟左飯野飲同雪糕，全部都吸引好食！野飲冇記錯都有6款，都係汽水罐裝果汁等。食完扒，就可以拎住雪糕卷拎雪糕，雪糕正丫！係大阪牛乳的雪糕仲要係蜜瓜味，好食！呢間好食，會再一次食先得！下次吾食扒可以試下丼先！

喺商場嘅超市隔離，竟然有一間咁日式，專門食牛扒嘅舖頭！鋪面嘅裝修好靚，座位都好好坐。詳上邊仲有一張發光嘅牛，上邊用日文寫住唔同嘅部位。呢間舖嘅設計係要客人去櫃檯自己落單嘅。櫃檯隔離嘅雪櫃，入面放咗唔同款式嘅牛扒，望落都好新鮮，可以睇啱先揀食邊一款😋我今次就揀咗西冷，300g。係prime級嘅。睇住師傅將原件西冷牛扒，放上砧板，切出厚厚嘅一塊肉俾我🤩之後就攞咗入廚房整了。返埋位等咗一陣之後，牛扒就準備好了！我叫嘅套餐有沙律，日本白飯，同埋蒜蓉油淋喺肉嘅上面肉係鐵板上熱辣辣，本身大概3成熟，可以自由喺鐵板上煎出想要嘅熟度。枱頭有黑胡椒，同埋喜馬拉雅山岩鹽比你調味～～塊肉嘅質素非常好，牛肉味好濃300g對一個男人黎講都好足夠，食到好飽。食完咁多肉又有力做gym了🤪💪🏽

前往一田超市時，看到有個巨型廣告，標題係Large size牛扒，十分吸引，原來餐廳正正在一田超市的入口位置對面，有個 "牛型" 入口，很搶眼。走過去看看，牛扒有 7 種選擇，一般牛扒的西冷肉眼牛柳都有，而且重量 (即價錢) 由自己選擇，例如200g或300g按重量計，好似日本的市場一樣，很特別。 結果超市購物後，真的很肚餓，就決定食呢間牛扒店。餐廳佈置用心，除了 "牛型" 入口，牆上和每個座位都有 "牛公仔" 或 牛部分介紹圖等等，圍著餐廳就有一些日本市場的食物旗仔，播著輕快的日本流行曲，氣氛不錯。 餐廳採用自助形式，所以第一步要到收銀機位置，選擇牛扒種類和大約份量，而第二步要去選擇是否跟套餐，套餐加28元選3 款 (飯/湯/汽水/雪糕之類) 最後就是等號碼牌仔響起，就到櫃台取餐。 = 西冷牛扒 約320g 跟套餐 ($213) =由於選擇太多，我還是選了西冷牛扒，加套餐要沙律汽水和溫泉蛋。餐廳用岩盤去放牛扒，因此餐盤有一定重量，要小心搬運才回到座位 🙈 雖然較重，但岩盤比平時的鐵板好像更加保持牛扒的溫度，我吃了一半仍然有烤肉的彈油感。 西冷牛扒，油花分佈均勻，雖然經過厚切，口感唔會

星期一唔想煮飯落Mikiki食個扒🥩門口望入去已經少咗人可能因為近來加咗價，加上今日係星期一嘅關係一向係呢間都食開牛柳，今日都唔例外同男友每人要一個300g牛柳冇加$28跟set，寧願加40幾要多100 g記得以前係肉眼貴過牛柳，加價後反而牛柳變得最平😋，Menu新加咗個封門柳, 下次可以試吓今次出品跟上次一樣中規中矩最後食到個邊位係有啲乾百零蚊據個扒，冇咩要求了結局仍然是滿意的 💰💰💰精打細算題外話：以2人658g計, 價格由$256加到276即2人加了$20，沒有加一（如果吃肉眼的朋友就要注意價錢了：若同是以658g計，價格由$236加到$368，加了$132）

今日去新蒲崗mikiki商場行街， 見到呢間專賣牛扒既店「ミディアムレア ステーキ (Medium Rare Steak) 」。呢間舖喺淨一田超市嘅旁邊，落電梯LG層就望到。店鋪裝修十分吸睛，門口有牛牛既燈飾。 勁吸引人嚟食囉！呢間店舖既模式係先取位置，然後點餐。 首先同店員講自己喜歡肉品既種類，例如 肉眼、牛柳，西冷等... 然後同店員講需要既牛肉份量，店員會將牛肉放上磅上秤重計算費用肉既份量大家自訂，今次我點左肉眼扒300g ($168)，加埋$28蚊可以點套餐。套裝可揀3樣食物 我揀左可樂，羅宋湯同埋雪糕。店員準備好餐點後，就會透過咇咇機通知取餐嘩食得啦！300g既肉眼黎到面前肉眼扒用鐵板盛著，熱辣辣加上配上蒜泥香噴噴真係要俾個讚呢塊肉眼係近來食過最好味既牛扒，肉質柔軟，超多肉汁，加上肉既表面俾鐵板煎得帶焦香，無得頂呀！遲下一定會encore再encore！

今晚黎到係啟德站附近ge Mikiki商場食牛扒。餐廳環鏡好闊落，枱同枱之間有足夠空間，我就搵左個角落位自閉慢慢鋸扒。300g西冷牛扒$174 呢度要自己去收銀落單，拎野食同食完要放番個盤去餐車，當然有付出亦有回報，就係唔駛加一，幾時都係講錢最實際 我因為得一個人，又顧住影相，所以都搞左一輪先開始食。未切之前都擔心耐得滯會熟過龍，點知又唔會喎，就算食到一半都仲係粉嫩。肉質亦好好，夠tender，亦無筋，全程都切得食得好輕鬆。柚子燒汁都好refreshing，間中點下，就算食晒成塊扒都唔會漏。另加$28可以跟餐，揀3樣野芝麻醬沙律蜜瓜味雪糕唔同飲品選擇，我揀左無糖鳥龍茶，夠晒健康 ^_^枱上仲有鹽同黑椒可以自行調味

每個禮拜日都會去mikiki搵食，今日啲friend話要去呢間鋸扒。要自己搵位，有啲人一個人霸4個位，食完又唔走，等咗都有十分鐘先有位坐。呢間啲牛扒係計gram嘅。我同老公叫咗一個300 gram嘅牛板腱(大概120元)，加28元可以任揀三個配菜，揀咗可樂、雪糕同埋沙律。另外嗌咗個牛扒櫻花丼。牛板腱都幾厚身，鐵板上可以自己控制生熟程度。建議早啲切，因為塊板好快就唔熱。牛扒肉汁夠、好濃味，亦都唔算好韌。可樂得200ml 唔夠飲，沙律醬汁好足夠，但沙律份量唔算多。牛扒櫻花丼，肉質夠嫩滑，味道唔算好濃沃。不過食唔到上面嗰啲所謂櫻花嘅味，淡淡的， 只係增添賣相，冇乜實質作用。呢個飯好細，食唔飽。雪糕個品牌叫大阪牛乳，其實係香港製嘅，成份最多係水同糖，奶嘅份量唔多，不過都夠綠茶味。整體嚟講味道算ok，不過食唔飽，又有啲貴。

之前都睇到唔少post又話可以即切即煮牛扒，都想試好耐啦。今日經過新蒲崗就一於去食下個menu好有日本mix美國既風格haha 牛扒種類都幾多下咁今日就揀咗肉眼。咁餐牌上見嘅份量呢就係100啊200 300咁樣，不過其實只不過係建議你想食幾多係可以叫佢切嘅咁我就嗌咗牛扒驚住就加$28嘅餐,就可以喺嗰個範圍內揀三樣野咁我就揀咗白飯汽水同埋雪糕，今日嘅雪糕係朱古力味呢度嘅送餐方式係要拎個牌個餐ready嘅時候自己去拎嘅除咗揀牛扒之外亦都可以揀一啲嘅小配菜咁我就揀咗蔥.整體個賣相幾好,切開咗之後就比較鮮紅如果食唔到咁生嘅朋友記得喺落單嘅時候叫廚房煮熟少少,但係呢隻熟到我個人嚟講係食到嘅，入口唔會韌整體來講佢嘅熟到掌握得好好.佢亦都有配一碟嘅小醬汁, 個醬汁同牛扒嘅味非常夾，係值得推薦嘅！而朱古力味雪糕同出邊食開嘅未有少少唔同，個人來講未必會再encore個雪糕嘅但牛扒就好值得食😻🤲🏻🤝自己一個人，食左200幾，咁大塊扒,價錢係公道嘅