島中坊研

营业中

休息中

入到去長洲就係要mark定有咩好食！這間Cafe係我bookmark咗好耐！佢嘅甜品主食都好吸引🤭但食咗好多嘢關係所以淨係叫咗一個主食同飲品🫶🏻主食就正常啦但杯朱古力就好濃同唔會好甜🤩

隔咗好耐終於終於入長洲！Bookmark咗呢間嘅甜品拼盤勁耐 終於終於食啦！長洲開業比較耐嘅cafe 食物性價比都幾高今次去食嘅甜品拼盤超高質！推薦✨-🎂【自選甜品拼盤】$138☞︎ 🤎提拉米蘇 或 日式蕨餅揀左tiramisu~ 個cream好yum!!! 唔會好漏~ 酒味偏重少少☞︎ 🍮焦糖吉士布丁 或 布丁燒 或 伯爵茶焦糖燉蛋 或 日式蕨餅呢幾個選項我同朋友掙扎咗好耐😵‍💫最後揀咗伯爵茶焦糖燉蛋 冇！揀！錯！第一啖食 濃濃嘅伯爵茶味已經好surprise!!!燉蛋又滑又creamy 搭埋燒至焦脆嘅焦糖真係好正！整體甜度都冇想像中高～推薦推薦💕☞︎ 🍨雪糕味道選一款揀咗豆腐味（有冇人都鐘意豆腐雪糕?! 個人覺得冇朱古力漿&杏仁片會更正 佢哋有啲搶味☞︎ 🍰是日蛋糕 或 脆皮泡芙(2個)是日蛋糕都有約4款選擇 有卷蛋 有巴斯克芝士蛋糕我揀咗焙茶豆腐卷蛋 好好味🤩🤤卷蛋size好大件 焙茶味好重好香！同淡淡豆腐味好夾💕蛋糕本體又唔會乾 cream同蛋糕比例啱啱好✨-🍓【糖漬草莓梳打】$42甜品拼盤滿滿糖份&cream有啲漏 需要杯梳打解下漏! 呢杯梳打都幾好飲 草莓醬自然唔假鐘意有草莓乾&鮮

島中坊研地址: 長洲中學路16號地下#yauyau_長洲呢間係長洲玩嘅時候發現，餐廳環境好四正，大家行到攰，可以嚟呢度食個甜品或者下午茶。🧇🧇原味/朱古力味窩夫加豆腐味雪糕 $48佢呢度啲甜品都會送咗條蕉俾你，食落唔會太生同埋有草青味，冇搶走甜品嘅味道。兩件窩夫上面有啲杏仁碎，窩夫焗個有啲乾，但係加埋嗰啲朱古力醬就啱啱好啦，都幾香蛋味，但係份量有啲大，大家要量力而為。🍮🍨心太軟加豆腐味雪糕 $48個心太軟焗到啱啱好，外面仲有少少熱同埋脆，裏面流心效果都做得幾好，而且好香朱古力味又唔會太甜，我最怕就係嗰啲死甜嘅甜品，呢個心太軟又做得好好。撈埋佢啲雪糕士多啤梨香蕉同埋cream嚟食都食到好開心㗎，可以忘記一時要減肥嘅煩惱。味道: 4/5服務: 3.5/5環境: 4/5番兜: 3.5/5#長洲美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #長洲咖啡店 #咖啡店 #島中坊研 #長洲甜品 #甜品

成日係IG見到啲妹豬去呢間度打卡個個都會叫呢set野 賣相非常吸引 每份都細細份咁好精緻❣️不過見到實物其他比想像中大份 兩個人食都飽左 食唔到其他野😂另外 咁多樣野一齊食有個困難係 一開始有啲無從下手 唔知食邊樣先🤣🤣🤣去到坐滿晒人 都要等一兩枱先入到去 不過就唔太耐 5-10分鐘左右食味基本上都above average 👍🏻👍🏻伯爵茶焦糖燉蛋都好正 上面既焦糖好脆 加上燉蛋既軟滑 正🤘🏻❤️‍🔥不過個焦糖面可以再多啲就好了但係略嫌抹茶巴斯克蛋糕 唔係好夾呢兩隻味🤔食番原味會好啲😣

😁 依日平日因為工作同同事去咗長洲一轉，下晝見有時間就一齊去咗食一間好出名嘅小店食tea。😉［ 亂闖試飲試食 ］🍰 焦糖脆脆豆腐蛋糕卷 😋😋😋😋😋雖然係平日下晝，但想食嘅兩款蛋糕卷都已經賣晒，所以揀咗依款！味道都唔錯！👍🏻焦糖脆脆甜絲絲咁，豆腐蛋糕卷好軟綿綿，有空氣感得嚟有彈性，淡淡豆腐味！☺️🍵 鮮奶抹茶 😋😋😋😋拉花相當清晰，🥛鮮奶同抹茶🍵比例均秤，入口順滑！下午茶 💵💵 約港幣$80/人💁🏻‍♀️ 小店提供內外座位，偏向走日系風，下晝去坐下傾下偈都幾chill㗎 🤗🙆🏻‍♀️ 最後，喜歡嘅話，歡迎follow @foodirectory.hk！

難得入長洲，搵左間好寫意既cafe, chill一chill佢呢間cafe係長洲有兩間既，不過一間係買野，一間係食野，一東一西，去錯左就要行番另一邊，都幾遠下架選擇唔係好多，但高質既，呢個牛角包套餐，有超個十款配料比你簡，個包包仲係酥脆的，我簡左芝士炒蛋加蘑菇，成個配搭都好夾，芝士炒蛋有輕輕拉芝既感覺，不錯值得一提既係佢杯鮮奶培茶，唔甜，培茶味好濃，仲有個靚靚拉花雖然搵佢有點難道，但真心係值得的

雖然去到長洲呢啲離島 就想渡假Chill下🌴今日已經係星期五 但長洲賓客人數多😵‍💫碼頭附近都水泄不通🥲想靜靜地過 於是行左去中學路天后廟對出 島中坊研 樹下店🌴🔹滑蛋蒲燒鰻魚便當🍱$80便當盒充滿日本情懷🇯🇵鰻魚面上舖滿香脆芝麻同濃厚鰹魚絲🐟鰻魚厚身 一開始睇menu既時候以為係原條 原來係我諗多左 +$35就可以追加為雙倍鰻魚🤣 滑蛋金黃色 食落口都幾滑身 唔會話overcook左 👩🏻‍🍳飯 當然係珍珠米啦 粒粒分明 🍚一啖入面有齊 飯+滑蛋+鰻魚🤙🏻滑蛋既蛋漿再加埋鰻魚汁既鮮 一啖感受到三個層次💓🔹$3加配凍飲🥤蜜桃綠茶🍑普通凍飲 茶味未有太突出 隨杯附送一塊蜜桃果肉見到menu上面 有其他輕食同甜品🍮下次一定要試下佢既甜品！

行完一圈長洲，搵間cafe chill 下食個Tea~ 叫左2樣食物1）咖啡配雲呢拿雪糕 特濃咖啡淋上冰冰雲呢拿雪糕上面，等雪糕慢慢溶化，飲一口咖啡，徘徊在苦與甜之間2）窩夫配朱古力雪糕 窩夫有兩種口味，有原味同朱古力味選擇，小店可以比客人一次過選2種味，岩晒有選擇困難症嘅我個人覺得原味窩夫好味啲，窩夫面上淋有朱古力醬，仲有杏仁配搭，味道不錯，套餐選配百香果檸檬綠茶，果茶淡淡香味，最適合冬天時飲用下次可以再試下其他咸食

價錢親民有甜品同小食選擇飲品都好有心機🥰好欣賞佢地既雪糕玄米茶同豆腐味係我既最愛💕平日去好舒適，人不多如果大家想spend 一日打卡長洲既cafe 🤩建議早d船入⛴

之前同屋企人一齊去長洲玩 行到咁上下覺得肚餓 就嚟左呢間放左喺pocket list 好耐嘅島中樹下店吃飯~ 🍭咖喱香煎雞肉便當 $60便當用木盒裝住，好有日系feel~🎐聞落已經有好香嘅咖喱香料味，食落唔係日式咖喱，比較似馬來西亞咖喱(?) 咖喱汁幾惹味同比較辣，食到最後唔夠汁撈飯食🥺欣賞佢哋啲白飯用珍珠米，煮得啱啱好，粒粒飽滿😚美中不足嘅係當日嘅薯仔比較硬，未煮透，如果可以再煮得淋啲就好喇不過整體嚟講，正正常常啦~🍭精選甜品拼盤 $128可以一次過試晒四種甜品，啱晒心大心細、咩都想試嘅我🫣🤣Tiramisu 佢嘅mascarpone cheese幾smooth~ 而咖啡味平衡得好好，唔錯唔錯焦糖吉士布丁 好滑而且有蛋香，唔會太甜✨玄米茶雪糕 食落茶味比較淡焙茶芝士蛋糕 茶味出，口感比較結實，不過個人鐘意軟滑嘅口感多啲🙈📍島中坊研樹下店長洲中學路16號(天后廟空地前)↪️回頭率 70%

難得黎到長洲, 梗係要去長期都有人排隊既人氣餐廳, 啦不過早到既我 (約1點前到達), 好彩只係要等2張檯姐拎左飛再等叫號都係10分鐘度, 今次我地被安排坐係室外, 位置寛敞. 不過近門口既櫈就真係要小心地下既木板層.餐廳主要賣窩夫, 牛角包, 沙律, All day breakfast, 日式便當, 甜品同飲品. 見咁多人讚佢地既甜品, 就點左個"甜品拼盤" share 黎食, 主餐反而就冇叫啦.一上檯就即刻打卡先我地揀左 1/ 提拉米蘇 Tiramisu:面頭滿滿既朱古力粉, 再加上甜酒同芝士, 口感幼滑.2/ 焦糖吉士布丁:個人覺得布丁中規中矩, 質感唔夠日本既布丁咁滑.有蛋味, 但驚喜不大.3/ 玄米茶雪糕:真係幾好食, 夾埋杏仁片, 茶味+果仁, 好正4/ 是日蛋糕 - 焙茶豆腐蛋糕卷:焙茶味重, 令到整體食落去唔會過甜, 恰到好處總結: 有時間真係要黎餐廳Chill 下, 甜品好食, 坐位又唔壓迫, 簡直幫成個人叉充電呀!

長洲島上一角嘅小店，有室內外位置，室內係柔和嘅木系佈置🍁幾乎每枱都會出現一個好豐富嘅甜品拼盤，單睇4款糕點係同一個木盤入面，已經幸福感滿滿😍靚到都唔捨得食。黎長洲嘅話，一定唔可以錯過依一站‼️—— 甜品拼盤 $128你冇睇錯！真係$128就可以食到4款甜品，仲要每款都好好食👍🏻今次揀左：Tiramisu、焦糖布丁、豆腐雪糕同焙茶芝士蛋糕。最鐘意tiramisu，內層滲滿甜酒柔香味；焙茶芝士蛋糕茶味好出，食第一啖就好有驚喜! 焦糖布丁唔只滑，焦糖入面嘅甜味同苦澀好balance!—— 奄列+奶油多士 $48諗住奄列都係會正常發揮啦，點知都整到好好食!!奄列皮煎到超薄，有八款配料，揀咗粟米同鹹牛肉實冇輸嘅配搭，入面啲蛋漿仲有啲流心真係好正🤩—— 糖漬草莓牛奶連雪糕 $54—— 糖漬草莓朱古力 $48—— 抹茶鮮奶 $44千祈唔好放過佢啲飲品‼️‼️好飲到就算唔食甜品都可以嚟飲番杯，特別鍾意草莓牛奶，奶味超超超濃厚，撈埋士多啤梨味(唔係人工糖漿味!!) 真係好清甜😍🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍島中坊研 (長洲)長洲中學路16號地下

甚少寫評價的我！一間餐廳基本尊重都無？一去到已經覺得員工態度好差，整個感覺唔好（有點趕住收工Feel）。點知最後職員真係落錯單（其實落錯單唔緊要 好少事）同該名職員講番個陣，佢態度一秒變西，仲周圍同店內同事唱我地，令我地難堪。另外落單個陣我order左甜品拎走，已經講明走先拎，個職員又無聽到，我個餐都未到，個甜品已經係雪櫃拎左岀黎仲入埋袋。。以往黎長州都會幫襯依間，每次都係食同一個餐，但依家真係唔會再去，覺得連最基本嘅尊重都無。

一直bookmark住呢間cafe，早排趁生日拎吓假嚟長洲終於試咗啦！但估唔到竟然平日(星期一)午飯時間都有咁多人排隊，好彩我哋當日12:45pm唔使點排隊已經順利入到去✌🏻🍱滑蛋蒲燒鰻魚便當 連餐飲 $80睇落好似一細盒，但其實都有好多飯，份量幾多。滑蛋炮製得恰到好處，唔會太老，又唔會太水、太生。蒲燒鰻魚亦燒得香口入味，近乎無骨；用埋燒汁撈飯食一流🤤🍓糖漬草莓牛奶 +$24見店家手會自己糖漬啲水果嚟做飲品，所以叫咗呢杯糖漬草莓牛奶。賣相唔錯，攪勻左底下嘅糖漬草莓醬之後，整體而言都唔會太甜，仲有啲糖漬草莓可以食吓👌🏻🍮甜品拼盤 $128可以一次過試齊四種自選甜品，呢度簡直係甜品控嘅天堂！提拉米蘇嘅蛋糕層吸晒啲咖啡酒味；焦糖吉士布丁好香滑，唔會太甜膩；玄米茶味雪糕嘅茶香稍稍被朱古力醬嘅香濃掩蓋住；是日蛋糕：焙茶巴斯克芝士蛋糕嘅焙茶味都好出，所以$128真係好抵食😋

1️⃣雪糕布丁香蕉船雪糕揀左豆腐味,淋左好多焦糖醬,布丁都幾甜,正常發揮💰HKD$492️⃣Tiramisu好香咖啡味,食落好香濃幼滑👍🏻💰HKD$453️⃣草莓牛奶飲落勁淡味,冇咩草莓味，冰有D多,草莓酸💰HKD$44