嵐川日本串燒 (已結業)

堅尼地城日本串燒小店，位於西環一條好多餐館嘅小街😋。門口係一道好細嘅趟門，好有日本居酒屋嘅感覺，經過小街唔細心留意，好難睇到餐廳門口。🤨餐廳入面有多款串燒同午市便當、午市定食套餐，但因為之後要趕住返工嘅關係 😌，只係叫咗個午市定食套餐 “照燒雞扒定食”。😙可能午餐時間太多人，全部枱坐滿哂，等咗15分鐘先上餐。😲先上麵豉湯，味道尚算可以。再上定食，有前菜沙律菜、蕃茄。另外有一份多件照燒汁雞扒，照燒汁好濃味，雞扒份量有2層。同一碗好大碗嘅飯。飲品選擇咗青檸梳打。🤤套餐份量夠多，食完攬住個肚走🤰。而且日本餐廳午市唔需要加一，抵食。😉

中秋佳節，難免周街都係人，疫情限聚令未過，一行七人走到西環呢間嵐川食串燒。打去一問可否坐隔離，礙於位置不多舖不大，都係要分開坐兩張枱。服務我這張的是長髮女侍應，服務態度非常好，除了一坐下就主動問同不介意斟熱水給我哋這些中女外，每樣食物都安排較剪讓我們能剪開三份，又在我地想搬枱一齊坐時幫我們一把。相反，另一個短髮的侍應？老闆娘？就全程西口西面，答問題時支吾以對，又hea答又扮睇唔到舉手，連斟水都要我們自己去，差劣。有朋友身體不適想飲熱水，舉手問她都「吱」我哋表達不滿，遞上水時更串我們「熄冷氣啦又飲熱水又盛」😳 一肚子氣，未見過有飲食從業員會因為斟熱水先發脾氣，佢都係第一個，更亳不猶疑地串客人👍🏾👍🏾👍🏾叻。食到最後真心嬲，本身嘢食唔算差，但個位侍應態度唔係一般的差，係惡劣，不尊重客人。在這個環境各行各業都蕭條的時候竟然有人唔理生意好唔好，都咁樣玩死自己間舖，實屬九流。 睇到最後，🟦到⬛️。

作為西環的老街坊光顧小店無數次了，一如既往的好味😋，首推燒雞翼、牛肋肉、雞軟骨和銀杏，中午還有性價比不錯的午市套餐而且中午不設加一哦。希望老闆一直堅持下去，保持美味。

嘗試在西環下午茶，與愛妻行逛經過，沿著GPS的方向，前後走遍厚和街這段小街，真想不到有這一小鋪，充滿和風特色，門橫更寫上大大力拉字眼，入座點餐，禮貌地端上各式串燒，配上啤酒，樂趣無窮。還回想這趟只屬下午茶前菜，也未想到回味無窮

老公成日食呢間既lunch，話好抵食。今次就來食個late dinner，燒返幾串，試下係咪真係咁好食。燒豆腐，超好食。好香口，豆腐味超濃，面既醬汁都好match，好好食。燒大葱又係正，燒得剛好! 仲有辣辣地既葱味。白果好少見，灑左少少鹽，有咸香，裡面軟軟地，正。雞翼同雞棒，可再揀的話就會只揀雞翼，香脆到d軟骨都勁正!牛舌冇雪味，仲好juciy囉! 燒得剛好，邊位好香脆!蕃薯仲過份! 甜到好似落左好多糖咁，勁香甜!

星期六多人都預左, 不過無預到每張枱同枱之間完全無空間, 咁當然就表示店裡好嘈好嘈 (慘在唔係有氣氛個種) ... 女店主鞋口鞋面都好趕客, 完全零服務態度. 由於店內環境十分細, 新客入嚟時, 女店主就當住坐上客面前大聲講「呢張枱大概重有10分鐘」... 咁都得？人地唔走都唔得啦咁...食物好食與否, 我都唔再care了, 因為環境+服務已經負曬分, 只係記得每樣野都好貴...一定唔會再黎幫襯

做嘢經過，見幾日式，又有位，就入去坐低咗. Lunch 餐牌選擇唔算太多，不過有串燒食，lunch 食番個串燒餐都幾好. 生姜燒，正正常常，無咩特別. 豚肉葱串燒，好味，估唔到葱都可以燒得咁好味，燒到得番香味，唔會辣，食完又唔臭. 豚肉都燒到啱好，唔會韌，係鹽落得多咗啲，落少d好啲. 牛肋骨串燒，燒得啱好，好香好入味. 跟餐有埋湯小菜，蕃茄酸酸的好開胃，椰菜清清的，好解油，配埋一齊真係一流. 好滿足嘅lunch, 價錢西區黎講算正常，有咁嘅質素，可以再幫襯.

西區番工，Lunch 揀咗呢間日本嘢食！鋪頭好細，坐到廿零人度，成個感覺好日式！成間鋪得兩個人，老細點菜又做，上菜又做，水bar又係佢，燒串燒又係佢！開放式厨房，全程望住老細岀岀入入，真心佩服！Lunch set 都幾多選擇，有平有貴！今次揀咗燒雞同黑椒牛脷餐，跟餐包埋湯同嘢飲！燒雞燒得啱好，皮好脆身！黑椒牛脷切得較薄，煮得好淋，唔同串燒乾身煙韌，牛脷味唔重，黑椒汁幾好味！跟餐仲有涼拌蕃茄同菜！總括黎講，lunch set都算抵食，60蚊度埋單，有湯有嘢飲，但份量唔算太大，男仔可能唔夠飽，嘢食質素都唔錯！另外，溫馨提示，趕時間想食個快飯，就真係唔好揀呢間啦，老細multi-task, 身兼多職，上菜慢就梗㗎啦，間唔時仲會漏單！食呢間要畀多小小耐性！

呢日去左西環一日遊, 黎到就肚餓想食野喇~我地行行下行左去一條「食街」 - 厚和街, 發覺都幾多餐廳, 最後我地揀左一間主打食串燒既~我地3點去到, 入面人唔多, 環境舒適一坐低侍應就拎左兩碗味噌湯俾我地喇~我平時唔鐘意飲味噌湯, 因為覺得好鹹, 不過呢間既味噌湯味道相對淡D, 好岩我呀!Lunch set既選擇有:我揀左燒雞扒定食, 個雞扒既皮煎得好脆, 加上份量好多! 底下仲有一層雞扒架~朋友就揀左燒鯖魚定食, 都不過不失! 鯖魚送飯真係一流呀!一埸黎到, 緊係要試埋佢地既串燒啦~我地叫左燒鵪鶉蛋、鹽燒鮮冬菇、豬大腸個份量比想像中少, 有d唔夠侯, 味道都ok~ 但唔算好大驚喜.lunch set包埋餐飲~Overall 環境舒服, 好有日本居酒屋風味, 食物新鮮, 侍應服務不錯~

食物不過不失，雖說沒有特別的好，但亦沒特別的驚喜或令人難忘的。青椒仔烤的火喉似乎捉不到，雞皮亦是一般香港的水準，只有脆沒有味，雞皮應有的油脂香味都沒有。環境清潔亦算可接受，差不多吧。倒是服務員的態度，有一位禮貌非常郤不能分別端上的食物，另一位則只努力服務熟客，又介紹食物，又想站熟客旁服務。基本上，整餐飯所有端上的食物服務員一碟都沒有介紹過，只是隨便放下便轉身走，如果能親切的介紹自家的出品，那多好？

川燒，大陸燒...都係用大量香料調味所以食材唔一定要用新鮮嘅貴貨成本平，價錢就自然平啦相對香港而家好似越來越少「日本串燒店」啦或者可能小弟見識少如果師兄姊們，有好介紹記得通知小弟去試試今次小弟收工過海去到一間應該有十年經驗嘅日本串燒店一間一有朋友問我「你鐘意邊度食串燒？」我都會即刻答「哩間」嘅店堅尼地城 嵐川

今日收工同媽咪食晚飯, 佢提議試厚和街開業多年的嵐川日本串燒, 我地十分期待, 果然沒有令大家失望  踏入店, 彷彿去了日本的居酒屋, 雖然店舖不算大, 真的好有feel  媽咪點了稻亭烏冬, 而我點了泡飯, 媽咪話稻亭烏湯很清甜, 比任何一間西環都要好, 雖然有點誇, 不過看外觀不俗, 我的泡飯十分特別, 可以加埋碗內的wasabi 一齊食, 我重未試過既感受, wasabi味道加上湯飯  食店主打是串燒, 正所謂 燒雞翼 我鍾意食 , 當然有點的, 一客四隻, 相當入味香口, 咁先似串燒  三文魚燒飯團亦相當美味. 食起來外面似飯焦, 裡面有飯香, 媽咪覺得唔夠侯, 最後點了芝士燒年糕, 燒年縈都是第一次品嚐, 太奇妙的東西, 跟平常炸的是兩種體驗, 我不想講太多, 讓大家試試我有沒有浮誇 結帳時還有雪糕糯米糍奉送, 我有一點感動 有多少體貼, 有多少人情味..........

油甘魚鮫帶腥味，串燒不夠熱，冇鹽燒味。招呼環境還可以。燒豆腐卜看來是預制件，只是上碟前加熱。波蘿燒不夠時間，味道帶酸。燒牛脷肉質帶靱。總結裝修有日本居酒屋風味，食物完全掌握不到日本燒烤技巧。

一個周日，一家人到了厚和街嵐川，我們到達時只是中午12 時，完全不需等位。看看 menu，lunch set 主打熟食，$30 - $50 這個 price range 來說很抵食。這天有點飽，怕叫飯食不下，於是點了叉燒拉麵。店內環境很有居酒屋 feel，廚房分開兩個，開放式及封密式。開放式廚房主要燒申燒，封密式廚房則為煮便當定食。麵豉湯，不太咸，加入豆腐粒，但沒有海苔。味道因為不太咸所以喝後也不會感到口乾。叉燒拉麵出場。上枱後發覺我真的不應該叫叉燒拉麵，因為這裡做串燒的，應該主打串燒或定食會更適合。叉燒拉麵的叉燒水準只是一般，沒有肉味，但可幸煮得夠'林'，湯底太清，沒有味，看得出煮湯底不考究。反而冬菇有驚喜，冬菇味超出，細細粒亦可一口咬掉。總體來說，串燒店食叉燒拉麵而寫食評可能不夠 fair，讓我下次再光顧時 order 串燒餐。

門面有日式風格, 朋友說相片看來似在日本小街內的串燒店8時到達, 剛剛有空枱....入內已經9成坐滿店，店內不太大，但裝修簡潔，好像在日本的串燒店一樣紫蘇雞皮蝦 $30/一串剝了殼的蝦用紫蘇葉包著，之後再用雞皮包著燒，蝦爽, 雞皮很薄很脆，再加紫蘇葉的香，以為風馬牛不相及，但卻出奇地好吃。原來雞 + 蝦係可以做好朋友。值得一試! 燒牛舌 $25/一串燒牛舌是每次必食的, 但此店牛舌味不太強，幸好夠爽口，燒得夠熱及香，還算不錯鵝肝雞翼 $45/一只雞翼皮烤得夠香口，雞翼褢面有很多鵝肝，食落好香的鵝肝味, 鵝肝太搶, 食不到雞味唔太配合，而且價錢貴雞肉釀冬菇 $19/一串雞肉冬菇燒得剛好, 不太乾身。但味道一般不太突出。燒雞翼 $23/一串燒雞翼是每次必食的,外層的雞皮被燒得脆脆的，而且雞肉嫩滑好Juicy，燒得好吃燒飯糰 $23/一個可以加料三文魚, 魚子, 梅飯團外層燒得香脆, 但紫菜味怪怪的...日本番薯 $17/一串兩片的日本番薯，甜甜的。一般，不太突出雞軟骨 $19/一串一般，不太突出露筍豬肉卷 $75/一串一串有三小件。可是表面的豬肉片薄得如風一樣，而且偏瘦，沒有半點肉感幸好