川之味麻辣米線 (已結業)

我本身經常去太子飲酒 經過這餐廳已好幾次了 行過就係只有一陣陣香辣味的香料味道, 一直都冇咩機會試, 今晚國慶日與太座去M'Cafe, 點知冇開門, 咪過來試一試囉.$20元 一送一麵, 每4元加一款餸$39元 一個中米線 夠兩位少女食 包野飲$42元一個大米線 夠兩位普通食量的人食 包野飲中辣要加$2元,大辣加3元, 冇開水供應$4支水其實明碼實價都算均真, 需知有人真係一碗麵飲足兩三加侖水既. 甚至用水去溝淡辣味, 食過幾檔不同形式的辣店, 便明知香港的飲食風氣.最後我同太座 我叫了中碗米線套餐要最小辣, 真係乜料都有(寫出來都有廿樣架),而且樣樣都唔只一件半件, 包罐裝可樂..太座要了米線+墨丸+醬爆鯊魚丸+腩肉 再叫了麻辣燒雞翼縱觀所有食物都冇咩特別出色的地方, 需知道這種只川辣為名車仔麵為實的香港近年好似雨後香筍咁, 個個區都有, 只要唔係太曳, 純粹填飽個肚佢又講得上OK好食, 講到好食得好交關又唔輪到佢地.話分兩頭, 呢間店都係值得試下既, 起碼比起轉為連鎖形式的譚仔為好. 辣味香料既風格風味都係比其他香港既接近四川風味.

經過這餐廳已好幾次,好多時都會被燒烤的氣味所吸引著,今日終於和表哥一同去了.看看menu,OH!20元一餸一麵,4元加一個餸,價錢都比同區較貴,再細看下去,OH!中辣要加$2元,大辣加3元,再看牆壁上,又說明係唔會供應水OR茶,唔係咁攪笑,樣樣都講錢,未食已有少少反感.最後我倆2人,都叫了中碗米線套餐要中辣,乜料都有,包杯飲品.另外散叫了燒雞翼.麵來了,嘩!好大碗!第一件事,當然係一嚐個湯底,真係幾辣,但都唔會好油膩,不過唔夠香.配菜,蘿蔔太大舊,又唔林.又唔甜,都冇是先煮過,失敗.炸醬一般,黑柏葉,豬潤,魚旦都係一般,總知就係一般!不過最可取的是碗麵有很多芽菜.同真係好大碗,不過有感.........大而冇當.雞翼係好,D香粉好香,夠熱,結帳差不多要一百,這樣的水準,但貴了.但我不會只為了食雞翼而再來!這屬一次性餐廳.另外老闆娘好有禮貌,其他OH NO!

上次一試之下，就喜歡上了。是夜特意過來，為的就是大大碗熱騰騰的米線。很多人呢。喜歡它的清湯，清又不淡，很夠味，配感覺新鮮的菜肉餃和蘿蔔，味道很棒。回家才發現，上次也是叫一模一樣的 babe的雞肉竹笙米線，才小辣2/10，已經頗辣了，條脷有點麻木了 少不了要點香草雞翼，它的香味在門外也能嗅到。吃完，超級飽，差不多走不動了，很滿足呀!

與友人到太子逛街順道來試試這家好評如潮的米線該店位置比較不就腳找了良久才摸到來這邊友人要了一碗腩肉麻辣米線自己則要了酸菜雞肉米線酸菜的味道調得嘗算恰當,非常醒胃當然,嗜酸的我當然覺得可以再酸一點啦雞肉雖不如譚仔的鮮滑,米線卻蠻有咬口的而友人則覺得大讚腩肉肥瘦勻稱,麻辣方面亦做得比譚仔出色本想說試試這兒的雪梨茶,但才下午一點多店員已經說賣完了,有點可惜吃完沒有覺得太口渴,總括而言還算不錯,有機會的話再來試試這兒的炸醬和雪梨茶p.s 這裡的用料份量十足,兩個女生來叫一碗米線和一份小吃應該是能捧著肚子離開的感謝友人的請客

這一段時間常常來太子，今天是時候告別了...午餐我們選了川之味，原因是它的名字有米線二字，而且它的香草雞翼香味很吸引。好像已是本星期第5次吃米線了...點了兩碗雙併米線(各$24)，出奇地大碗，味道也著實不錯。babe要的是腩肉竹笙(第4級辣)，我要的是菜肉餃蘿蔔(清湯)。babe說湯底的辣味剛好，很喜歡...腩肉的肥膏比較多，較南記的多很多，味道較清淡。竹笙就和譚仔記的差不多吧，一般貨色。菜肉餃入面有冬菇，材料新鮮，皮頗薄。蘿蔔樣子白白的，原來也很淋很入味。配料有大量腐皮和芽菜。加凍檸茶(冷熱同價)不過加$6。另加香草雞翼($20)，很入味，覺得和譚仔記的土匪雞翼味道很相像。服務、環境、衛生...當然只是普通吧。byebye太子!

與男友一齊於旺角食晚餐唔想食得太貴都會選擇川之味叫左大大碗米線真係好大碗, 兩人都食得飽飽食麻辣米線, 一定食到大汗疊細汗+鼻水不停流好處: 川之味提供紙巾(雖然紙巾超粗糙)近排出左酸辣米線不過大大碗米線唔可以加酸辣, 所以未試過, 有d失望大大碗米線有雞肉, 豬腩肉, 牛肉, 黑柏葉, 腐足, 芽菜, 魚蛋, 牛丸, 墨魚丸, 山根, 豆腐卜, 羅白, 生菜, 酸菜等再加杯凍奶茶, 都係50蚊

過橋米線~清湯米線$27：對於我黎講就當然係淡茂茂啦中辣米線$39：料就多…但a樣樣都味道麻麻，辣又唔夠人地譚仔，米線口感又唔夠…豆漿：無味可言之後深深不忿之下，再行過去西洋菜南街再戰譚仔，同譚仔當然差得遠啦…又飽死有…簡直變態又痴線！！！

前陣子考試，已有2 weeks 無寫食評，現在要一一補回呢！有一晚同阿媽o黎呢度開餐。我要了碗炸醬豬脷米線，阿媽要了炸醬豬潤米線。先講味道，後講點解話佢地唔識變通。炸醬好大pat, 味道很濃，保持水準呀~豬脷第一次食，炆得好入味，又唔會炆得過淋，淋得黎又帶咬口，很正。米線軟硬得宜，其他配菜份量適中。阿媽話佢碗豬潤米線都唔錯。我也試了一舊豬潤，唔算好鞋，但又唔及維記咁好。食食吓，阿媽話想加個豬腸，就問個阿姐話可唔可以加，佢話加唔到...點解加唔到呢？你一係用一隻碗裝俾我，一係捧番我碗野入去加都得呀，真係唔明點解加唔到???o個日阿姐服務都不太好，黑口黑面。之前黎個老闆娘(我估係老闆娘~)好好人，有笑容又有禮貌。環境幾逼，仲有我地咁o岩坐o係TV下面，嘈到不得了~由於今次服務減咗分，所以俾個OK佢啦，等佢知有咩要改善。但單計食物質素，我會俾笑臉的。

夜晚去左食麻辣米線，搵左好一陣子才搵到間鋪。叫左個八級辣，真係幾辣，下次都係試七級算。叫左醬爆牛丸同豆卜，佢d牛丸一d都唔爆，因為係上前己經爆左，同埋勁少餡=.=好唔醬爆…下次試下譚仔，呢間實在太遠了而且無乜特別。

成日經過呢度，但因為呢度招牌唔太起眼，所以一路都ignore左。禽日終於一個人去試喇。$20一碗，配一款送，加每樣就$4，都好大碗呢。配料有些是較特別的，例如：黑柏葉，鱈魚角。本來想要黑柏葉，但賣晒，所以要竹笙。好好味呀。唔駛叫腐竹都得，因為本身都配埋。麻辣都分十幾級，要中辣以上的要加錢，要小辣的就唔駛加，我要小辣2級，都已經夠辣了。風味係偏向”譚仔”式的。加冷熱飲品都係$6。總括來講，唔錯，可以再試。

的確大碗夾好味, 腐竹, 芽菜加上麻辣一絕, 下次要挑戰5 或6 級.. 不過衛生麻麻和地方狹窄, 吃得頗辛苦..

已經去過好多次了, 雖然舖仔細D, 地方僻D, 但係好食就自然有人欣賞~兩個人去食, 叫一個大碗米線已經好足夠; 因為除左米線, 新疆雞翼實在唔可以錯過, 加埋豆漿, 都應該夠食架喇~ (我都試過分開叫兩碗... 好後悔...)講返D野食先, 米線度度食都唔會差好遠, 但係佢個湯底, 真係好有雲南風味, 其他配料用料又唔差, 想難食都難喇! 再加埋個好惹味既新疆雞翼, 無得彈!所費無幾就有咁大既滿足感, 去邊度搵呢?!

一向都鍾意食麻辣米線~行過呢間覺得好香就似~同媽咪一齊試左個大碗米線,乜都有,大大碗,三十幾蚊,好抵~兩個人食都夠飽~其實個人覺得d送無乜特別,係個麻辣得我歡心,譚仔個麻辣係苦ge,佢一d都唔苦,仲好香,但略嫌味精多左少少~我亞哥叫左個"老"大腸,呢個送幾好味,好味過大碗米線ge送~叫左個香草雞翼,幾入味幾香口~鍾意食麻辣ge朋友,可以一試~

前兩日又買了一碗炸醬腩肉米線做dinner~正如我之前所寫ge一樣美味，大大pat 炸醬，惹味惹味！腩肉好正，有肉鮮，肥瘦均勻。雖然加jor 價，但都好抵囉！好大碗，我咁大食都食剩1/3碗。

在OPENRICE睇到呢間米線好似都OK. 專登行過來食. 位於旺角差館對面. 晚上9點幾，人不多. 望完個MENU後發現好多都想食，於是叫左大碗米線套餐(3小辣)同老婆一齊食. 大碗米線差不多樣樣都有D. 另外再叫麻辣雞翼+香草雞翼(各3只). 米線- 米線比譚仔幼，味道都OK. 但太多味精，食完之後超口渴. D餸味道均屬OK. 豬潤同雞肉份量特別多.香草雞翼- 好味. 香草味不會與雞翼分開. 麻辣雞翼- 味道其實同香草雞翼一樣，只不過多左麻辣味而已. 我下次應該都唔會來，因為我同老婆成晚好口渴啊!