川之味麻辣米線 (已結業)

其實我之前一向都係呢度既fans一個月都會黎一兩次咁因為我地覺得佢個雞翼同辣米線好正 好食過譚仔好多仲介紹左好多朋友去食但係今次佢員工既服務態度真係令我覺得好憤怒同反感囉!琴日見都有一排無去食喇~好想又去食佢個辣米線諗住晏d都係去界限街打波啦 咁咪同gf去回味一下囉點知換來一肚氣我早到 鋪頭入面仲有大半係空位我就簡左一個四人座位坐住等gf同咪放下行裝先啦簡緊野食既同時 有另一食客入左鋪頭咁店員就指示果位食客坐我張台咁我就有禮貌地表示稍後會有朋友到邀請食客坐其他位啦 因為明明仲有好多空位丫嘛跟住店員面黑黑咁話就話「一陣都係飯市 都會逼架啦」之後 點左個米線 無幾耐gf就黎左啦佢話未係好肚餓 同我食住一個先 等打完波再返黎食過個店員聽到 就用極之惡劣既態度咁講「食一個米線 咁你淨話就唔好咁多聲氣啦」之後我就出去同佢講話我唔要個米線啦 同gf出左去搵其他野食我而家先知道 原來一個客人連食幾多野,坐乜野位 都唔可以由自己選擇,要好似坐監咁先係去食飯門口又無寫明有咩最低消費 如果有 我叫多幾個小食又有乜問題? 食少d野都有罪?如果你真係爆哂客既 我坐逼小小又有乜所謂但係而家係間鋪根本大半都係吉既

以前番學成日食一向都覺得好食過譚仔太耐冇食一定要叫番最愛既滷水豬軟骨麻辣米線因為叫兩樣'食送'再送兩隻香草雞翼所以是但叫左墨魚丸D配菜同以前一樣咁多米線就好似少左湯底今次叫3小辣唔夠麻+辣以前2-3小辣已經OK辣墨魚丸唔好食冇乜味又太實..下次唔會叫香草雞翼即人地既土匪雞翼孜然味足夠,不過太瘦小冇肉食豬軟骨一樣咁好食滷得入味D肉又夠'林'服務方面..D阿姐一向態度麻麻有個新既阿姐好似好D收錢既老闆就唔錯總結$25有兩樣'食送'+兩隻雞翼+好飲既豆漿(學生優惠)依然抵食仲值一個笑臉既但係希望下次再好DD

食左呢間川之味成2年，起碼一個月食一次，一路都保持水準。唔似得譚X，碗米線愈黎愈縮水，一次比一次細碗。第一次寫食評，忍唔住要讚一讚。每次同男友都會叫最大個碗$42share，大部份料都有 。炸醬唔會太肥。黑柏葉，魚蛋夠爽口。雞肉，豬潤新鮮。

愛吃辣的同事每逢吃過辣的東西都會告訴我…這次她介紹了這家米線店給我…很有趣的是這裡的小辣辣度是跟譚仔是剛好相反的…上次她說試吃中辣吃到流眼水…所以我也不敢叫中辣…選了八小辣…其實一坐下就看到別人的米線超大碗的…所以我們二人share一碗…而且點了小米線…因為來之前已經吃過兩家店了…配料就選爽爽的墨魚頭和腐皮…上次同事來吃沒有叫雞翼…著我試過之後回去告訴她好不好吃…所以再點了一客麻辣雞翼…八小辣也真的不能小看呢…看那個湯的色水好像還可以…吃落才知道厲害…墨魚頭很爽很彈牙…好吃~腐皮的份量也很多…這個價錢來說真的很抵吃呢~不過麻辣雞翼就不太好吃…鋪在面上的那些辣粉有點苦…乾乾的…所以不怎麼推薦了…

近期中左毒成日想食米線的我, 搵左屋企附近一間米線試下, 之前一直都係去開譚仔三哥分店的, 今次決家轉下, 因為老公都覺得最近o既譚仔米線質素好似下降了, 係時候要搵定另外一間開飯. 估唔到今次一試, 我就決定變心了. 而且仲一連兩日都係o係呢間川之味食lunch呢!我覺得間店坐o既環境真係麻麻地, 比較迫. 但係食物o既質素就真係有番咁上下. 以我一個咁鐘意亦都幾食得辣o既人, 第一次食要左4小辣後, 第二日再食都要降辣, 食3小辣就真係夠喇. 而且米線煮得比三哥o既好, 湯底亦都較濃, o岩晒我呀! 另外仲試埋杯凍奶茶, 真係好過唔少茶餐廳的. 相信我一定會成為長期捧場客 (希望唔會好似譚仔咁愈做愈差啦)

最近天氣凍好想食辣野，今日早收工特登一個人去太子食late lunch。3點幾去到，basic (面+ 1個食送) $20, 每再加食送就要 +$4...小辣free 中辣+$2 大辣 +3當時真係覺得有d貴，不過貴極都只係數十圓，最重要好食jek~我都算食得辣，叫中辣 「豆po」 +「墨魚咀」。大眼短髮auntie叫我妹妹子真係好擔心講:「你食過咩呀? 好辣wor! 而且要加錢」真係有心，我笑笑口講ok。黎到都幾大碗，飲湯~~辣!!!好味豆po 仲係一個完整，唔會切一半比你呃$真係好好食，我很滿意。不過我食哂食菜剩一半面...sorryp.s. 食食下姐姐仔仲有咩我有無事....(可能我真係細細粒唔似食辣之人)佢真係好有心~

朋友早前說過太子有一間跟譚仔一樣好吃的米線店, 於是便約好兩位同是朋友一同來作邙嘗試。朋友所言果然非虛, 還未推門進內便聞到一陣麻辣的香氣, 這是連譚仔也沒有的味道!跟著店來的阿姐一直走走到店後的一個房間, 我想平時這裡應該是擺貨的吧, 應該是客人太多才開放的。阿姐才剛放下menu便催促我們趕快落order 第一次來, 你也要給我時間去後後有什麼東西吃吧! 最後在阿姐的不斷催促, 我們點了墨魚頭豬紅米線 (2小辣), 菜肉餃米線 (1小辣) 跟墨魚頭米線 (1小辣), 外加一客麻辣雞翼。食物很快就到了, 麻辣的米線不會太軟太淋, 非常好, 墨魚頭也非常爽脆, 果然是譚仔以外的米線之選 ! 過了一會, 雞翼也來了, 這裡的雞翼比較小, 然後有d煎得太乾身, 好像煎過頭的感覺 總括而言, 這裡的米線水準真的很不錯, 但雞翼就不太好吃, 而且服務態度真的是很大的一個問題, 第一次到這裡吃你也要給我們時間去細看餐牌吧!

潮流輪迴轉。早前興台式小食，一系列珍珠奶茶店如雨後春筍；到成都米線，又來開個不亦樂乎.......幸好我非前者粉絲，否則好像貢茶門口般的人們咁排法，我會燥死！後者呢？Ok ga，鍾意食，但要我排....... 最好可免則免啦，像這家川之味，便是水準好而不用排隊的一家。為啥水準高而吃得鬆容？不知道，可能因為店子不出名，又位處太子 (旺角警署對面)，不起眼所致。這店遠望像家茶餐廳，人人為吃她的酸辣米線/ 紅薯粉而來。是日下午茶時段來到，因重病鼻塞，致使味蕾不準，故沒多嚐到那酸辣米線的酸香，酸勁頗微，但辣醬的辣香辣勁十足，且略有鮮味，吃到鼻水直流好不過癮，不錯。米線配料有十多款，不離雞亦、蘿蔔等車仔麵搭配。一如既往，點來大腸、豆卜和腩肉，腩肉是自家製，鬆軟入味，大腸洗得也頗乾淨啊~喜歡她的，還有土匪雞翼~ 一客6件，可share辣與不辣兩種。前者一流，辣度足，有香料香，但調味不穩，吃到有一隻勁辣，一隻不辣~ 最正是沒有雪味，算抵讚了~奶茶也有驚喜，茶味頗濃，稠而滑溜。唯一要彈的，是店子極小，坐到背貼背，好不舒適~

最期六，未夠1點就打去叫外賣，佢話會遲少少先送到！但結果係......一個鐘頭之後先送到囉！有無搞錯呀！咁我做乜要叫外賣啫！我行落去食埋都唔洗一個鐘啦！好在我份工係彈食lunch 啫，如果唔係我咪唔洗食！好心請多幾個伙記幫手送外賣啦！好多餐廳就算lunch hr都送得好快架！真係要改善吓呀！

我非常同意我下面個位既講法...我以前都係譚X 既FANS..自從食左呢間川之味之後.....我就唔再覺得譚X係最好..未過馬路已經聞到佢陣麻辣味....今次我帶左男朋友一齊食..佢唔太食辣兼且唔太食米線所以佢係第一次黎..我叫左2辣..因為我驚有後遺症..哈哈(之前食4，排便有灼熱感真的!!無呃人)叫左蟹粉丸竹笙翼尖麻辣米線..一碟香草雞翼..可樂一路上都不斷有人入座..全場爆滿!!米線真係正...一黎唔太硬又唔太lum...最緊要係入味..超多配菜..每次都會講一句湯就更加係perfect!!!我叫定左罐可樂，但係我冇咩點飲...寧願飲湯香草雞翼..唔錯..不過譚x香d~整體黎講,,,佢係大碗兼抵食!!!!!連我男朋友都話佢好食過譚x~以後都會繼續支持!!!!

在未到過此店前，十多年來都是"譚x"的fans，每次想食米線時，都會走到"譚x"去。在一偶然的機會下，第一次進入此店；自此之後，便慢慢沒有再到"譚x"了... 不知是否因在近年"譚x"的店越開越多，越開就越難食，就算連長沙灣店(前身在永隆街那間)，都大不如前了..回說"川之味"，在附近已經被那些麻味吸引，但一入店後，氣味就不像在街上那麼濃烈(好似嗅豆腐 )。食品類別方面，跟一般米線店的都差不多。不得不讚的是米線，他們的米線唔會煮得過"冧"。另一好味就係"黑栢葉"，他的"黑栢葉"食時很脆、好爽，而且又細細舊，唔會好似食香口膠咁，咬極都咬唔開。湯底方面就同出面其他的差不多，不過個酸菜就真係無"譚x"咁好食。好似之前d食評講咁，"川之味"真係一間不錯的食米線地方，除咗近人開到成巷成市的"譚x"外，都是一間值得推介的店舖

最近3星期都有來幫襯, 辣中帶麻, 好味. 最緊要係少米線後可以要多d芽菜/韭菜, 仲要係明顯有多添 (有d舖唔肯咁架)豬手: 入味, 夠淋墨魚頭: 稍un, 麻麻豬利: 好味, 但太淋, not my favourite腐皮: 配料中已有, 但必加之選, 惟獨總是幾片黏在一起, 分開好味d

分別聽兩個朋友讚呢間好味, 一直鐘意食辣野既我就來試下了試左豬肉芝士丸米線中辣, 加炸醬另上感覺:炸醬: 我好唔鐘意! 好多肥膏一點點, 個味ok, 但肉太肥啦, 唔想食豬肉: 呢個好食, 新鮮芝士丸: 好食, 因為係正方形果隻米線: 有點硬同唔彈牙湯底: 比譚仔既中辣更辣一點, 所以都已經係我既極限了, 但個湯底都係譚仔香o的總括黎講, 都食得過, 但比我揀, 我會去食譚仔囉 因為唔鐘意個肥炸醬, 扣晒分

上個星期一同朋友去左太子,經過這裏,見是食麻辣的,本都不想進去的,但問了仕應是否只食麻辣,仕應說除了麻辣還有其它唔辣的,於是我們就入去試下.我們兩個都想食酸辣,仕應就提議我們食酸辣米線湯底再加餸,我叫了芝士丸加蘿蔔,朋友叫了腩肉加腐皮.酸辣湯底本身有肉碎,芫茜,芽菜配料,都幾快就嚟到,但朋友見我個碗好似冇咩莞茜就想叫仕應加多些莞茜給她,後來仕應說原來今日沒有莞茜,只有芽菜.這裏是沒有茶及水提供的.芝士丸都幾好味喎,入面有些芝士流出嚟.蘿蔔則一般,有點苦味,不太甜呀.朋友的豬腩肉好大塊呀,好味喎,腐皮都好多好大塊.湯底沒有想像中那些辣,仕應說如果麻辣是俾我們食的辣十賠.下次試下先.

同男友幾次經過呢間麻辣米線店, 次次經過都聞到一陣好香的麻辣味, 但柰何次次都沒有機會入內嘗試, 次次都話下次一定來試食.今日一早知會來呢頭, 而且大家都不是太肚餓. 所以決定試試呢間米線店, 店仔細細, 密密麻麻擺滿枱櫈, 我地入去坐低, 我要了中辣的豬軟骨麻辣米線, 男友因為朝早胃不太舒服, 所以要了4級小辣的雲吞米線, 另外要了麻辣雞翼, 一碟生菜, 男友的米線先到, 試了一啖湯, 原來小辣的4級都幾麻辣, 擔心佢個胃頂唔頂得順呢, 我的中辣食落口第一啖都唔係太辣, 一路食的麻辣勁才慢慢滲出來, 豬軟骨好入味, 而且湯底本身巳有芽菜及腐竹, 雲吞係傳統上海厚皮雲吞, 兩個人食到流晒汗, 尤其係男友, 我一路同佢擦汗, 但的汗不停的流, 麻辣雞翼好入味, 可能我地既米線太麻辣, 所以相對雞翼祇食到少少麻香, 6元一碟的生菜無可挑剔.有時食野唔一定要去高級餐廳, 好似呢餐我就好滿意, 最欣賞個湯底夠香夠麻辣, 而且湯面沒有那陣令一見就生畏的紅油. 相信還有下次