川之味麻辣米線 (已結業)

係呢間野未係咁出名之前，已經時不時黎食，後來愈來愈出名，次次都要排好長隊先入到去食，就減少左黎食既次數。本身我係好鍾意食米線既，加上鍾意食辣，所以呢間真係好岩我口味啊。最鍾意嗌豬軟骨竹笙豬紅蘿蔔芝士丸，帶阿媽食過豬腸木耳冬菇，佢都話好味。試過一兩次雞翼等小食，不過因為就咁一碗麵都已經好飽飽到食唔哂，所以都好少嗌，費事浪費啦。呢間野係好香，食落去係覺得好正，但唔好既地方都有，就係落好重好重好重味精。次次食到一半，已經覺得好渴。唔係因為食辣既渴，而係好似「X仔」系列咁，食完你飲幾多枝水都仲係覺得渴既感覺（感覺佢味精重手過「X仔」好多）。 以前佢仲會明目張膽大大包味精放係後門位置，驚死你唔知佢落左味精咁🤣。不過有時俾自己放肆下，都會去食味精麵既，因為真係好好食🤣。另一樣係佢既辣度好波動，有時嗌BB辣，但就紅過辣過我朋友碗小辣，好難捉摸。未有疫情前真係坐得好逼，而家有限制，反而坐得舒服左，唔駛成日坐係廁所門口睇住人出出入入。

米線腔又出動啦～呢一間位於旺角嘅米線餐廳，門面比較噏耷，但食物質素絕對可以拍得住譚仔！叫咗個大碗米線，份量都幾多，啱晒兩個人share嚟食，湯底叫咗小辣，對比起譚仔會再辣啲啲，同時你會見到酸菜唔會額外俾個小碟你，而係直接放咗落成碗面裏面。無論腩肉、牛肉、雞肉都唔鞋！丸類都彈牙，係水準之作。呢度嘅雞翼又係必點嘅，餐廳好好可以俾你揀雙拼雞翼！今次揀咗香草味同埋麻辣味，兩隻味都超級好食而且入味，雞翼煎得非常可口。如果唔想食連鎖店嘅米線，都推介大家試一試呢一間（特別係鍾意食辣嘅朋友）

話說星期六同朋友去食米線大約11:45 左右入呢間米線鋪成個場坐左一台客 一男一女有個短頭髮阿姐洗緊雪櫃見短髮阿姐起身去廚房方向亦都係我坐緊個方向我就舉一舉手 示意落單 (但無講野)佢廚房出返黎 繼續洗雪櫃我心諗可能阿姐睇唔到 等多等啦30 秒後 短髮阿姐走埋黎我度話你黎先定人地黎先？ 見唔見到人洗緊雪櫃我即刻燥左 爆返個阿姐我有無吹你？ 我係到做架？ 我一定知佢地落左單啦？ 你應我一聲等陣都好丫 爆完個阿姐 d態度即刻變晒有無搞錯 ？ 咁嘅服務態度都有？

朋友話好想食辣，我地搵到附近有呢間小店..地方細，staff唔多，尤其係lunch hour，等得有d耐！姐姐話得一個人煮，唔催得🤦🏻‍♀️🤦🏻‍♀️等左接近15mins😌食得有些少衝忙推介小食：麻辣烤雞中翼，烤得好野味，辣得過癮米線：酸辣米線+豆卜+腩肉+四小辣豆卜偏硬，浸左好耐都無淋過，呢個組合酸多過辣..如果再偏好辣的朋友，可以試下佢地嘅辣到飛起，辣到癲..呢個名改得唔錯，好形象諗到辣的程度，最後都是要左杯可樂

今晚放工經過太子 麻辣米線, 又想食辣🍜刺激味蕾, 對腳自然就步入店舖內, 嗅覺也隨即聞到香濃的麻辣味店舖細細 座位密麻麻, 格局似一般茶餐廳基本米線$34/碗, 每款配料$7＆$類別, 選擇自己所想我單點黑栢葉麻辣米線, 原先叫小辣, 落單姐姐提醒我 小辣也非常辣, 嚇得我即改7小辣😅 另叫3隻香草烤雞中翼＆凍檸茶🍹米線湯底7小辣也真的辣, 不過我相信小辣我也可以🤭. 它的辣, 我覺得是香辣為主, 麻辣味較輕. 米線份量也非常多, 稍為大碗.香草烤雞中翼, 有分3隻＆6隻之分. 雞翼也算乾身, 味道普通. 本人覺得X仔土匪雞翼＆麻辣雞翼較為好味. 若然你是叫6隻雞翼, 可要求鴛鴦雞翼, 即是3隻香草雞翼+3隻麻辣雞翼. 可以一次過試兩種味道😬凍檸茶好飲, 茶色清澈, 有茶味, 不澀口👍如果你是愛吃辣的, 可以挑戰更高辣度🌶️🌶️🌶️🌶️🌶️🌶️當我食完離開時, 已是晚上8時多, 門囗還有很多人在排隊

話說我最近不斷食辣，自覺愈來愈食得辣😝。呢日中午就去咗太子通菜街試頗出名嘅「川之味麻辣米線」。下午兩點鐘去到餐廳有唔少人食緊，而其後堂食同外賣嘅訂單繼續來。店員姐姐們服務態度都OK。餐廳環境同衞生都比想像中好，畢竟門面有啲舊同簡陋😳。我坐近門口位比較熱，因為係咁有人入、有人出，而好多人又無乜手尾閂好門，唉。不過冷氣充足嘅。我第一次嚟食，所以要睇餐牌先知有乜食。好搞笑地張餐牌係無寫價錢的😅，可能方便加價都唔洗重印...。但價錢係有張貼於牆壁嘅，自己無留意啫🙈。$34得一餸米線都幾貴，餸主要分$7或$8類。麻辣有得自選辣度，分別為加$3嘅大辣、加$2嘅中辣、加$1嘅小辣五至十級以及$0嘅小辣一至四級。我見好多人都係嗌4️⃣四小辣，可能食得辣，但又唔想加錢，哈哈。食開BB辣嘅我就要咗二小辣🌶🌶，諗住自己應該應付到...，點知辣到HIHI！唔怪得每枱都放咗紙巾啦，而且其他食客都又喊、又咳、又流鼻水🤣。辣度十足，麻味正常，但我覺得唔夠鹹，所以唔夠惹味囉！個人鍾意鹹啲嘅麻辣味，佢嘅辣直頭係嗆喉程度，好似濁親咁。最終辣到我要拎碗仔隔開湯先食到，太廢😭。米線偏粗身，口感少少爽。我最欣賞係湯底本身已經搭配咗

#豬軟骨 #墨魚頭 #麻辣米線一黎到鋪頭門口就聞到陣陣既類似孜然/麻辣既香味！☺️喱度既麻辣米線同X仔一樣都有分唔同級數既辣度，今次🦆小編因為第一次食，怕太辣handle唔到，所以就試左小辣三級🙊配埋豬軟骨同墨魚頭兩樣餸，盛惠$46蚊，價錢尚算合理👌🏻碗米線一黎到，感覺平平無奇😗點知一食落口，同X仔有d唔同，佢既麻香味好香～而且，佢既豬軟骨好好味！豬軟骨好好味！豬軟骨好好味！🐷🐷🐷份滷水豬軟骨，滷到好入味同好淋，d軟骨食落口係會溶喺口，好豐富既骨膠原既感覺，超正🥰😋另外，份墨魚頭都好爽口，好味道🦑而米線軟硬度都岩岩好，口感唔會過淋或過硬😆.🏆 推薦：8/10📌 溫馨提示：唔食得太辣/唔係好受到花椒八角既麻辣味，第一次千祈唔好挑戰中辣啊！你地睇下🦆小編同事食個碗幾紅，食得辣既佢都表示好難食曬成碗😵

每個地區都有一兩間好出名嘅米線店，今次有機會試到好出名嘅川之味啦。店舖門面唔大，客人背貼背坐咁濟。有得揀市面上比較冷門嘅餸，例如墨魚頭，份量十足，又彈牙爽口，米線都好滑。

今晚揀左米線做宵夜。係門外面嗅到好香既味。我食豬潤麻辣米線, bb辣，無叫飲品。阿姐叫我叫飲品，但我堅持只飲熱飲，所以無叫。米線好大碗，米線軟硬適中，豬潤一般，湯底亦都一般，唔夠惹味，而且bb辣都好辣。

喺太子附近 行完街諗住搵啲平平哋嘅湯麵食 行下行下就見到呢一間 喺出面已經搵到好大浸辣椒味好吸引再睇下個餐牌 好平民化都係幾十蚊一個面同譚仔差唔多 見到上網人哋話豬軟骨湯麵好好食咁我就即管去試下啦但係條隊都排得好長相信都因為好好食 所以先咁多人去啦。 員工服務態度都好好，滿面笑容……………………………… 呢個餐牌見到好多選擇 ，雖然唔可以話全部都好精緻，但都不過不失。係一間值得去嘅餐廳。 豬軟骨 好入味而且湯麵都 好惹味 跟住我仲叫咗杯汽水 食完辣野飲真係好開心 咁呢個價錢講都對得住呢個質素嘅， 總體嚟講係值得推薦， 有時食譚仔耐咗食下呢個都算ok 而且老闆娘都幾好人 環境方面雖然 有少少迫 始終太子旺角呢啲地方香港都貴租 冇得完全要求得咁完美一分錢一分貨啦

坐完長途車 一落車 唸著兩個小女人 吃小小填肚 再返屋企吃媽媽靚湯 見到呢間米線鋪 入出坐低 準備點餐 有大大碗 同中碗 又怕吃太飽， 見佢有鷄中翼 ，心念咁就點中啦 再試下 叫鷄翼 點知個服務員啊姐嘴 瞄瞄 中好大聲講兩個人叫一碗 咁嘅服務 真係有點失望， 都唔緊要啦 不如叫多一份鷄翼喇喇臨。吃完返屋企，個啊姐中同我地講兩個人不可以吃一碗， 唔做我生意竟然你 咁唔 休做 都無謂同你講 姐你點可以咁 兩個人消費多成 $105啦 ， 服務業第一次見到呢啲態度，好悲哀

家住太子，發現呢間米線鋪成日唔開門，所以只係食第二次。如題，一間食店嘅服務好緊要，呢度一入嚟就有好不遇快嘅招呼，唔止失望，直頭係嬲！點餸時阿姐超級唔耐煩，明明係我哋想叫嘅餸乜都冇，我哋先要再諗食咩。佢嫌慢 仲要講出口鬧我哋 仲要喵嘴喵舌，態度惡劣係10分叫咗兩碗4辣米線，都算好辣，不過冇乜麻/香味，但好夠辣。佢落咗好多味粉 所以食時小心chok親腩肉非常老同韌 完全咬唔到，不過好多嚿紫菜同腐竹都好稔，腐竹好食，不過就爛同碎到好似腐竹雞蛋糖水咁囉雞肉粒係嫩滑的另外叫咗碗香草雞翼米線米線質感好硬好似未煮熟咁 啲麵比較粗 要咬多幾啖先吞到食咗半碗面碟雞翼先來本身有三隻的，幾好食 拍得住譚仔，香料啱啱好 好新鮮夠熱 皮亦香脆 肉質好juicy整體而言，服務態度真係好差，加上米線唔好食，所以唔會再來。不過佢啲餸同湯就ok 的

以往很喜歡來，也有寫過食評，讚佢個麻辣好正，夠哂麻! 本來食開大辣，但幾次後，嫌佢麻到食唔到味，所以降低自己嘅求辣度，食中辣，恰到好處的。但唔記得幾時開始(估計舊年), 中辣不再麻不再辣了。我以為手勢有差異，試多幾次，點知都係一樣。問佢地係咪減咗辣，又話冇今日再食返大辣，真的，不麻不辣了。只係好油好油。而且越來越貴，餸又少咗。阿姐態度又差。我知佢地唔係賣服務，亦唔至在。但喝人方式我唔buy囉。心情好我都可以忍吓佢。心情唔好我一定同阿姐開拖😡😤😤😡所以阿姐，我忍夠你啦，我唔會再幫襯

川之味位於太子酒吧街，旺角警署後面，地點幾熱鬧，地鐵站行過嚟一兩分鐘腳程，相當就腳。川之味大大話話食咗好多次了，今次先得閒認真寫下食評。呢到店員唔多，有個姐姐惡惡地講野好鬼大聲，唔好睇佢咁惡，但係其實佢都幾好人，記得幾年前岩岩畢業出來做野個樣仲似學生哥，佢都會送杯豆漿比我飲，當然而家老咗就無呢支歌仔唱啦哈哈。可能地理位置靚，做咗好多年口碑都唔錯，所以人流長期好勁，由朝到晚都係好多人，不過而家喺附近做野，有時做到好夜落嚟食(10點幾/11點幾)，呢個時間先叫做少人啲，否則都要排隊等下先入到去。呢到米線可以話係辣到出汁，但係亦都非常之惹味，佢既辣係由1小辣開始上，可以嗌到10小辣，之後有中辣、大辣。1小辣係最弱，10小辣係最勁，我通常食到去4小辣已經盡咗，因為個湯底真係好鬼辣架，你地如果食得辣既可以挑戰下更高級，我都見過有人食中辣/大辣，心諗佢地真係好鬼食得辣。我最鍾意食呢到既豬軟骨，墨魚咀同埋香茜餃，通常嗌兩個餸再加杯凍檸茶落樓，埋單五十蚊有找。呢到仲有唔同小食，包括有雞翼、煎餃等等，不過今次一條友去無食到，所以就無影到相。

大大話話都食咗七八年，熟區內幾有名嘅米線，有時會心思思特登過黎食，最愛佢嘅豬軟骨牛柏葉同埋惡惡地但心地善良嘅阿姐。幾個月來之後再去，發覺阿姐唔見咗，最大嘅小辣唔再辣到想放棄，湯淡咗粉又少...曾經的最愛，要暫別一下了。