川之味麻辣米線 (已結業)

喺同事嘅推介之下黎左呢度買外賣番工司食 佢地話超好味 我都滿心期待 叫左個豬軟骨 腐皮清湯米線先吾好講啲嘢好吾好食先 單單係入面呀姐嘅態度已經係令我好憤怒 叫外賣又話我地塞住個門口 逼我地出番去先叫得 等左成15分鐘都未有 遲過我地叫嘅人都已經走晒 我入去追啦 仲怪我地岩岩先落完單冇耐就追單 結果我忍吾住發脾氣 佢地先態度好番啲啲 禮貌番少少 真係令人好燥底但公道啲講句 佢係好味嘅 湯好清 吾係味精味 而且個豬軟骨完全做到入口即溶 好入味 餸亦都好足 連埋杯凍啡同外賣盒錢 剛剛好$50 都算係咁後來同事又想去食 我捨命陪君子 又叫左一碗 係豆卜腩肉 腩肉要讚 夠多而且肥瘦均勻 係靚腩黎

朋友話無食過川之味，我地特登由中環去食，入座時一個短髮年紀比較大的阿姐就態度好差叫我袋擺裡面，我frd有事msg緊 短髮阿姐話你要點餐先定禁電話先？阿姐你咩料呀？我知道你間舖開左好多年，之前都幫襯過，點都好我都係顧客.講返米線 4小辣已經算普通的中辣，湯底鹹辣沒有太大層次感，我點了墨魚頭加豬軟骨，墨魚頭不夠入味，數量過得去，豬軟骨比較出色 夠艌 入味米線便硬 感覺一般.香草雞翼皮脆，肉不夠juicy.勉強過得去.⚠️米線唔係特別好味，態度咁差，我覺得真心唔知的幫襯！

自問食辣嘅程度都有番咁上吓，但黎到呢到都唔敢叫大辣，食咗咁多次都只係夠膽叫中辣。每次黎到川之味，都必定會叫一種配料，因為喺其他地方係食唔到，呢樣就係豬軟骨！其實好多人都會話豬骨好多地方都有㗎啦，有咩咁特別啫！但我想話比大家知，呢度寫住軟骨並不是係出面普通食到個種口感。坊間大多數食到嘅豬軟骨嗰條白色軟骨，一般Hea整嘅店舖就會整到條骨係硬；有D有心少少的話，條骨會係爽口，有牙嘅都可以咬到；而呢到嘅軟骨，對我黎講係佢地嘅鎮店之寶，因為嗰條軟骨係淋到可以話無牙婆都食到呀！而D肉又唔會因爲炆得耐而過咗火喉散開哂！最緊要係完完全全入哂味！不過好坦白講，對我黎講，佢地嘅配料令我念念不忘嘅只有豬軟骨，因為其他配料同出面食嘅米線舖都無咩太大嘅分別，但唔知係咪我走芽菜同埋韭菜嘅關係，所以腐皮好似多D，如果我無諗多咗，佢地都算公平喎！另外呢到嘅米線比較偏硬，加上店舖面積又唔算大，而且十次黎，十次都要搭枱，所以對呢到嘅米線真係又愛又恨呀！

店面細細，坐得比較迫，但好多人都黎食，座無虛席，令人有好大期望，叫左呢度出名既豬軟骨米線，豬軟骨有3大舊，加上滷水味好入味，豬軟骨的確係唔錯，唔係間間豬軟骨都會煮到咁腍，口感呈啫哩狀，中意食豬軟骨既人一定會十分滿足。米線既份量比一般米線舖多，男仔黎食就剛剛好，對女仔黎講有啲多，米線唔會過腍，口感唔錯，芽菜同韮菜都比得慷慨，但講到味道，湯底好普通，冇咩味道，可能係唔想搶左豬軟骨既滷水味。值得讚既係食完唔會口渴同埋豬軟骨好滑溜又夠入味，但整體冇網上風評講到咁好食，有啲失望，中意食豬軟骨既話，經過可以一試！

幫襯咗越過10年嘅米線鋪，麻辣湯底是我食過咁多間香港米線最辣嘅一間，但不是死辣，啲湯飲完唔會好嗆口同口渴。是晚點了豬軟骨黑柏葉酸菜麻辣米線(3小辣)。豬軟骨咬落入口即溶，無論係骨定肉都非常淋同滑，或者可以用啫喱黎形容佢嘅軟骨超膠質，好味，推薦的。黑柏葉爽口，不會過熟，好吃。酸菜就是酸得來帶微甜，在辣味中甜可以帶一點調和嘅角式。佢可以唔要麵底轉菜底不用加錢，但轉菜底要留意辣會更出，比平時的更辣。特別注意佢嘅BB辣就係=譚仔嘅正常小辣，建議第一次嚟食唔好食咁辣，真係會頂唔住咖。

今日放工同Daddy一齊去食侍應A, 話兩位入去但大廳滿晒，有一間房入面冇人，咪入去坐侍應B，大大聲話我地好坐入去，叫我地坐返出嚟，全間鋪喺度望住我地。然後叫咗侍應C，落單。 Daddy唔舒服病咗，咁我又唔係太食得落野，咪叫中size米線，辣另上。侍應C已經扁嘴扁線，”接接聲”。Daddy問雞翼有幾多,辣唔辣，佢話”乜唔識睇個餐牌㗎?”過咗一陣，侍應B後來話兩個人唔可以要中Size. 但成間舖都冇一個note寫住。Daddy 話”食得咁背脊骨落,不如走”侍應B，竟然話”走囉，走快啲”我成世人都未試過，去一間餐廳食嘢嬲到咁。好唔尊重，好冇禮貌

今天我們去太子吃了四川米缐。這家餐廳是我的同事推薦的。他知道我非常愛辣，並說這家餐廳的辣味水平不是每個人都能忍受的。他的同事自稱食得非常辣但最终放棄左碗中辣米缐。小编我今次都系食中辣，系辣既但尚可接受，我還是可以吃完。味道很好，ENCORE指數極高，我一定會再去的。D姐姐好友善，好似媽媽為你煮野食甘....我喜歡呢種感覺個人推薦墨魚頭，生根同埋酸菜都非常好味道。下次可以試埋大辣，挑戰下自己。其實渠地既味道有d似荃灣ö個間老闆娘雲南米線，辣度差不多，好似味道仲要比老闆娘濃D.

星期六訓到12點先醒，之後就落樓下外賣自取川之味米線。不嬲幫襯開，最愛滷水豬軟骨米線，今次都係照舊~返到黎打開一睇，原來轉左外賣盒，以前用發泡膠，而家轉左環保膠盒，欣賞欣賞~滷水豬軟骨米線: um..我明明嗌左10小辣，即係最細果隻辣，但好似紅過平時好多..一食落口..FIRE!!!!!!!!辣到我噴火!!!睇返個蓋...有個「小」字..我諗佢俾左個小辣我...姐係十倍辣..辣都要頂硬上架啦..不得不說，佢地既豬軟骨係我食過最好食既豬軟骨!坊間既豬軟骨就算再入味，D骨都會係脆同硬既骨，而呢間既骨係軟架!!冇錯!係名符其實既豬"軟"骨!!~佢D骨軟到好似食緊牛筋咁，係煙煙韌韌既口感，仲要有種食緊花膠咁既張住張住既感覺~無錯!!係滿滿既骨膠原呀~~所以我每次食都係嗌呢個，因為我要皮膚彈彈彈~~雖然最後因為辣度出錯，食到成隻狗咁 (係咁流口水同呻脷)，個豬軟骨真係冇得輸，經過太子既朋友仔真係要試試佢!!P.S. 佢既土匪雞翼都好出名架，每次經過都會聞到燒雞翼既香味，之前都會嗌，不過呢日岩訓醒冇咩胃口就冇食到。都值得一試架~

去完花墟花市，落太子搵食，經過太子警署對面，見到呢間川之味小店勁多人排隊，我哋又排埋一份。 排咗大概四個字左右，終於有位。店內面積不大，坐得有點擠迫。 我叫墨丸香茜餃墨魚頭米線，十分一小辣。 先講湯底，雖然係十分一小辣，但我都食到出曬汗，反而覺得麻味唔夠。米線係爽口的，正。墨丸水準就一般，香茜餃出面比較少食，但其實浸得耐啲芫茜都有少少梅嘅感覺，墨魚頭夠多，又夠爽脆，呢個推介。太太同女就叫做玩大碗米線，乜嘢都有唔使諗。 唯一缺點用肉醬唔係另上。本來想試埋雞翼，但可惜賣曬。 有機會要再嚟食返補數。

經同事介紹下發現而間米線既豬軟骨係超級好味😋😋😋應該係從未試過食過咁特別既豬軟骨！😋而間既豬軟骨咬落入口即溶無論係骨定肉都十分之林同滑或者可以用啫喱黎形容佢嘅軟骨超膠質超好味

念念不忘的豬軟骨，喺其他鋪頭食唔到嘅味道呀一個月總有幾次都好想嚟呢度食米線，中毒已深了😚😚😚女生要補充骨膠原，呢度嘅豬軟骨啖啖肉，全部都係骨膠原而且個汁調校得好好，好入味，炆到好淋，好似根本唔需要用牙咬，就已經可以吞落肚，呢度嘅豬軟骨係好出色

呢間米線店已經由我初中個陣食到宜家😍😍！！味道仍然不變，大碗，唔貴，材料多！！👍🏻👍🏻由我中學開始到宜家都仲係用緊呢啲手寫單，好有親民感覺😚😚今日又忍唔住去太子食，好彩佢好近Mtr,夠曬方便🤤🤤🤤呢到只係menu其中一部分，已經超多野簡！！😍😍今日叫左我最愛既竹笙米線，20分之1辣🌶🌶應該係呢到最少辣既level😂😂米線份量依然好多，米線好有咬口，係我中意既口感😍😍芽菜係超級多，好正！！竹笙都係勁多，好抵食！！再加左杯凍檸茶少冰🍋🍋❄️❄️$7呢杯茶既少冰真係有少到，唔似其他店咁仲落好多冰，岩曬想飲凍飲但又怕啲冰沖淡曬茶味既人👍🏻👍🏻

這兩天溫度驟降，令我很想吃辣的，於是男友帶我去試下川之味麻辣米線。山根墨魚頭麻辣二小辣分量很充足，米線軟硬適中，山根吸收了湯汁很好味，而墨魚頭很新鮮爽口。食完一碗很滿足，全身也暖粒粒。牛筋牛百葉麻辣中辣因為男友吃得辣，於是嘗試了中辣。店員在下單時很貼心提醒會很辣，確定顧客是否能接受。男友試了中辣認為不算辣，但對我來說超級辣哈哈哈。上菜後發現少了牛筋，反應後亦很快另上了。雖然牛百葉偏硬身，但牛筋非常嫩滑，用入口即溶來形容也不為過，十分推薦。豆漿凍豆漿真是解辣神器，對於我這種不能吃太辣的人來說是必備。很有人情味的小店，客流量很多，不過很快便有位，會再來的。

川之味米線很受學生歡迎，猶記得我還在讀中學時候，雖然從學校走來要大概15分鐘的路程，由於太想吃的關係，不惜夏天流著汗也要前來吃當時好像廿八/廿九元已有兩餸加一杯豆漿，現在雖然加價不少，味道還是沒有變過雞肉加竹笙麻辣米線選了二小辣，因為不太能吃辣。這裡的辣度比譚仔辣很多，湯底加入的調味也比較有四川風味，那種少少刺鼻的香氣在街頭已能夠聞得到。米線十分足料，雞肉新鮮、入味，份量很多。竹笙吸取了湯底的精華，惹味非常米線偏硬，吃下去好彈牙，是我喜歡的質感此外米線中還有大量芽菜、韮菜和腐皮，份量同樣很多，整體真的十分抵食！

中學時間一個星期都有三日食緊佢。。食左咁多年，終於要幫佢寫番篇食評。行到街頭就已經聞到陣味，非常吸引。鋪頭位置好窄，可能會坐得唔舒服。呢間米線既麻辣味都係大中小咁分級，但仲會有數字 1-10咁排，10係最辣。豬軟骨小辣米線 $35豬軟骨醃到好入味，非常之軟，唔會好似平時個啲骨咁硬，好似食緊牛腩好軟個種感覺，而且仲有三大舊。米線有口感..份量都算多腐皮係完全淋曬，唔會好似有啲店舖咁有啲硬。3小辣都係岩岩好辣度，最後都忍唔到要叫杯豆漿（$5)會食上癮既舖