川之味麻辣米線 (已結業)

未入去已經聞到好香嘅麻辣味同香料味 ❤️由於鋪位較細 夜晚食係要等位 呢度主力係食麻辣米線的 辣度分為1-10$34包一餸 可以揀肥牛腩肉等等配料自問我食五倒太辣 所以只係叫左小辣（1）平時食得辣既朋友叫左辣度（4） 由於冇叫野飲 見住佢一度食一度流汗 成塊面紅囇 大家記得按自己能力而揀番適合自己既辣度 量力而為另外米線既配料豬軟骨係超級好味😋😋😋豬軟骨咬落入口即溶 骨同肉都十分入味 骨既超膠質感係出面比較難食倒😂😂 大家下次可以去試下 食得辣既朋友一定會覺得十分之過癮☺️ -

自己一個黎到太子都唔知食咩好既時候，即刻諗起哩間米線🍜諗下諗下，原來川之味都陪我渡過唔少一個人的時光🥺🥺🥺每次嚟到都要嗌豬軟骨，呢度嘅豬軟骨真係炆得好淋，好入味，無可否認佢係最好食嘅豬軟骨，與此同時今晚再嗌左豬膶，牛丸米線，辣到就嗌左10小辣，同埋同職員講話小鹽，因為每次黎親食米線一次比一次鹹😆😆😆好快就有得食米線啦。豬潤係我鍾意嘅質地呀，係屋企完全煮唔到呢個質地，其實係咪加工左先有咁既效果？豬軟骨有兩舊，完全冇令我失望，滿口都充斥着骨膠原🤝🤝🤝由於今次主動話要小鹽，即刻令到成碗米線失色哂，平時飲開果種湯底無左，係難食左咗勁多，下次都係正常返，鹹啲就鹹啲啦😳😳

是日與2位朋友來到太子地鐵站附近的這家米線店，之前聽朋友介紹，一直很想試。這家四川米線店雖然店鋪裝潢舊了一點，店不是很大，不過米線很好吃，也夠大碗。我叫了腩肉米線小辣，它的小辣有分5-10，我選了小辣之中的5，最小的小辣，朋友叫了更微的辣度。米線的湯很香，而辣度非常的足，我叫這樣的小辣（我平常吃譚仔是二小辣左右），也吃的滿頭大汗，不過非常的爽。 不過肉就有點少。我們還有叫香草雞翼，燒得很不錯，外皮脆，裏面嫩。總的來說這家米線，我是會再去的呢。

雖然店細細 迫迫地 無裝潢既裝修服員係地道姐姐 當然只有地道既服務好值得黎試離遠幾間鋪位已經聞到麻香既氣味每次黎一定會食豬軟骨米線 如果大家係食豬軟骨既話 一定要黎呢間試一試豬軟骨入味 又淋 簡直人間味食而有個朋友唔食豬軟骨 佢話牛肉丸都好好味

話說我非常歡喜麻辣米線 每星期都要食返餐先安落 其實除左譚仔 雲桂香之外 仲有好多好味米線在民間 川之味係我由細食到大 見證住佢由無乜人幫襯幾點都會送外賣 到依家忙到電話都唔聽仲成日落閘放假嘅超好味米線之一行到街口一定已經聞到佢陣麻辣味 佢湯底係四川嗰隻辣 辣多過麻 配餸推介：雞翼 豆卜 蘿蔔 豬軟骨 炸醬(記得嗌分開上) 炸魚皮其中雞翼係我最愛 跟米線有3隻 分開嗌一碟3/6隻又得 可揀香草🌿/麻辣🔥/雙併 係必點之選!!!溫馨提示：佢真係堅辣架 平時譚仔中辣嘅我都係揀4小辣(同譚仔相反 佢係1小辣最細 10小辣最辣 當然仲有中辣 大辣 唔怕變潤腸可以一試🤣) 所以要小心揀辣度呀

我住太子既，我去地鐵站就係必經之路，每次路過都聞到好香既麻辣味，啲口水自然會流晒落黎。我仲記得第一次去時乜都唔識就咁叫小辣我都已經辣到pk😭(我唔食得太辣)。而且份量又多，次次都食唔晒。即使叫小米，個份量飽到可以頂到大半日，後來日日食都養到三個月身孕。而且入面有個呀姐啲態度真係唔係個個頂得順，一開始真係勁唔鍾意呢個呀姐，但去得多佢自自然然都記得我，仲會同你講下笑，雖然忙果時佢都係會粗聲粗氣，但已經習慣左，都體量佢地真係由開工到收工好似都係同一班呀姐係都幾辛苦既事黎。所以佢地逢星期日休息😠，好唔開心星期日冇得食川之味😠。最後我覺得佢地啲雞翼(無論辣唔辣都外脆來軟 )，炸魚皮(超級香口冇乜油味)，豬軟骨(冇牙婆婆都食到)，蘿白(冇渣又滑)，同酸菜(唔會好鹹又唔會過酸)都超級好食，食過好多間都食唔返呢個水準。酸辣湯底雖然少啲人叫，但其實都好好味，尤其夏天食就一流。叫得飯堂，就真係超級好食，食極都唔厭，而且有時下午食完真係夜晚都想再食，而且食慣左呢間，食其他乜哥果啲米線真係食得唔開胃。

幾乎每半月最少去一次，向鐘意食辣既朋友派福利，四川風既麻辣米線非常好食，有好多配料可以加，今次餃子太好賣落唔到單，但好在雞翼仲有，平時外面食開中辣大辣既朋友頭一次食要減一格，大辣叫中辣，中辣叫小辣，小辣辣度有1-10級，挑戰過中辣真非常辣同帶後勁既麻又辣，偏好小辣6-7雞翼有兩款，香草或者麻辣口味，個人感覺香草味比較好食，可能米線湯底本來就帶麻辣所以叫麻辣雞翼味覺上冇香草變化得大自家香茜餃-佢地特色自家製餃子，外脆內軟，鐘意香草/芫荽/蔥🌿類既朋友會特別欣賞麻辣米線-主角出場，辣得黎帶後勁，老至號，附近唔小老熟客，經常爆場，有時我都要靠打電話落單留食物，米線內含大量芽菜帶有咬口，內設紙巾提供，方便食辣時口水鼻涕一齊黎都唔會慌，經常吃辣既朋友唔好小看店內米線辣度，可以慢慢逐漸挑戰更高辣度，下午時段比較多客流，因學生哥都會將店塞得滿滿，建議下午3-4點去係唔錯

這家川之味店舖不大，但多年屹立客人通常要預數分鐘不等的時間排隊...但說實話 個人不太建議繁忙時間光顧 。除了沒什麼禮貌服務可言，更有機會被催促下單，若沒準備好點餐 店員會隨機性地有說話回贈..先參考一下餐牌... 準備馬上點餐點了...可樂$6 雙拼雞翼$36 豬軟骨米線加魚皮$46因為麵算大，別浪費食物打算跟朋友齊齊share 結果 店員面有難色再三強調只點了一麵而店舖是設有最底消費為$35...(或者是我久未來吃，不知有新規矩，anyway最底消費是達標的）但吃了這間多年，他們的麻辣一向很浮動一時淡，一時辣而不麻，一時麻而不辣反正就很隨性。而今次是味道不夠淡淡的吃個隨性的麻辣，受着獨特的招待。

男朋友收工過黎太子學拉花，因為佢想拉咖啡花俾我趁男朋友上堂之前梗係要同佢醫肚啦我知道男朋友好耐冇食過呢間米線啦，雖然佢唔食得辣嘅，不過呢間米線係好味嘅原來呢度有最低消費每人$35男朋友嗌左「滷水豬軟骨」「冬菇」「黑栢葉」米線「豆漿」「麻辣雞翼」「香草雞翼」呢度嘅豬軟骨真係冇得頂滿滿的骨膠原湯底就選清湯，因為男朋友唔食得辣既兩款雞翼都好出色雞翼辣到好刺激我好鍾意呀，香草雞翼都唔錯不過杯豆漿就甜左少少

睇過Rock哥挑戰見佢大辣標晒汗係咁講粗口就估到好很辣⋯⋯膽粗粗諗住去試好多次，次次門口一堆人，睇黎好多人條脷對辣都係無感覺既。響下午茶時間再去試下有無位食先，有位！好多滷水食品同豬軟骨喎～～豬軟骨蘿蔔加滷水豬再加五小辣酸辣五小辣都好X辣，仲辣過譚仔中辣🔥🔥🔥🔥但真心好味雖然過程用左一支豆漿兩罐汽水先攪得掂成碗豬軟骨啲肉仲有肉既質地一絲絲瘦肉，但個軟骨位溶到呢，好鬼正個蘿蔔無根，甜味中和個湯少少辣個鹵水汁同個酸辣混埋，增加左層次咸酸辣好濃，唔會齋辣咁單薄識食真係要配埋鹵水食到個人濕晒

首次來這間米線店，叫了豬腸麻辣米線、麻辣雞翼和香草雞翼試過很多米線店，這間的湯底不算濃郁，算是比較清淡和麻的，男朋友叫了微辣，他表示湯底一般，所以我建議真的是喜歡食辣嘅人才來，因為他的辣真的很利害，我只食到5/10，不過後來發現有酸辣湯底，可能酸辣湯底會比較惹味。而小食方面，叫了兩份雞翼，呢款雞翼都不錯，挺好食。整體來說，好食程度算是一般中等水平。

好耐無幫襯過川之味啦，好掛住佢既豬軟骨呀，哩度既豬軟骨係神級地好好食架，好想學點樣煮喔重點一提係，哩度既加錢既酸辣湯底一定要試呀！係無試過最好最好既米線湯底呀😚😚哩度近排多左好多大6人黎食，我地黎食既時候有九嗰大陸人排隊食

時不時都被放飛機，臨時臨急好難諗食乜，另一半提議川之味，平時佢多數食午飯，今日第一次同我晚飯時段黎，其實每次行過都聞到好大陣孜然粉味，好有食慾。8點前後，客人十分多，不過落單、上菜效率高，自然唔洗等好耐。店內位置唔算多，枱櫈分佈密麻，預左唔會太舒適，如果你一抽二袋，千其唔好佔用佢地嘅座位擺私人物品撇除環境同服務，其實米線嘅味道都可以。餐牌分麻辣/酸辣/滷水米線，湯底有芽菜、韭菜、少量腐皮；配料基本款，豬牛雞肉、丸餃、蔬菜等，單拼$34起，追加每款$7/8。辣度分大/中/小，而小都分10級，就好似譚仔同三哥咁。另有小食例如雞翼、炸魚皮、餃子等豬紅、蘿蔔、芝士丸、麻辣米線 $48/2小辣腩肉、香茜餃、酸辣米線 $48個人認為2小辣同三哥3小辣差唔多，幾過癮，但又唔會出哂汗流哂鼻水咁。就算係都唔洗驚，每枱都有一卷紙巾(笑)。米線都幾大碗，食落偏硬爽口。芽菜俾得夠大方豬紅好香，而且滑嫩；蘿蔔大件，甜而無渣；芝士丸正常野。湯底我都飲左大半，都知係味精野，但冇想像中咁令我喉乾舌燥。酸辣米線本身有炸醬，酸辣度適中，腩肉份量唔多，偏肥一點，帶點噍頭；香茜餃反而普通，皮較厚同茜味唔重。雙拼雞翼 $36/

點餐時只改一樣餸，已經講左唔好意思，個侍應非常冇禮貌咁同我地講「你諗清楚先叫野啦」，係咁響度狅鬧！點餸又係咁響度催人.........真係貼錢買爛受！一定唔會再來。

全滋味係我中學回憶嘅食店之一,記得細個嘅時候,香草雞翼、豆漿以及米線係我。今晚食到香草雞翼嘅時候,發現雞翼製作得非常之乾身，好似干嘅一樣，而且雞翼沒有肉汁，至於米線嘅份量較以往少。回家之後發現，喉嚨非常之乾渴，我想可能係米線嘅湯入邊嘅味精比較多，於是令我食咗之後有乾渴嘅感覺。