川亭 @Freshlane

营业中

休息中

躲懶的一天，買個外賣回家午餐，未有想過又是伏的一次。應該是混合了麻辣香的口水雞，不麻不辣，徒具虛形。雞肉算嫩，然而口水汁滲不入去，而且很瘦，沒多少肉。勁要命的是超多的碎骨，邊食邊吐，難怪去骨的雞餚這麼受歡迎了！根本感受不到川味的真章，任何人都可以輕鬆駕馭。酸辣湯底的紅薯粉，酸辣湯當然毫不到位；薯粉是塌成一坨的，好痴纏，分也分不開！即使加入芫荽、花生及芽菜等配料，亦無補於事。搞笑的是落柯打時說明要薯粉，拿的時候竟變成上海幼麵，店員還笑稱幸好小人望一望，無奈到爆！這就是綜合了港人的川味嗎？

第一次去到位於灣仔嘅東區商業大廈地庫嘅一個外賣專門店買外賣，都幾特別！地下有好多唔同嘅餐廳做外送服務，亦都登陸咗嗰個外賣平台大家都可以喺嗰度點餐嘆今次試咗川亭，專門食川菜！重慶酸辣粉配特別鍾意佢嘅沙薑雞，砂薑味好重，又唔會好鹹！雞本身又好滑！酸辣粉叫咗微辣，啱我呢啲唔係好食得辣嘅人！另外點咗酸菜魚片飯，個湯底會偏濃！材料好多，一人份都好足料！另外係手拍青瓜蒜泥口味，蒜香味好重，我自己最鍾意食呢個青瓜！

今晚去咗灣仔探朋友，佢超鍾意食川菜，特意推薦我試下川亭。對於愛食辣嘅朋友，川亭真係唔可以錯過！我哋今次試咗：1. 酸菜魚片薯粉（微辣） ：味道清新，魚片嫩滑，薯粉吸咗湯汁後超有味。微辣剛好，適合唔太耐辣嘅朋友。2. 川亭口水雞：口水雞一到桌上，就刺激到味蕾！雞肉滑嫩，紅油醬汁麻辣味十足，真係一試成主顧。3. 酸辣手工小雲吞：雲吞皮薄，餡料充實，酸辣味道非常正，細細粒，剛好一口一粒。4. 手打牛丸：手打牛丸堅比機打彈牙好味，搭配一碗熱湯，簡直就係完美嘅小食選擇。5. 野山椒泡鳳爪：不得了，辣到不得了，鳳爪入味，酸辣感覺好過癮，啱啱好嘅脆口感，愛辣必試。6. 紅油牛肚：牛肚新鮮，搭配紅油醬汁，辣味和香味都好足，食嘅時候忍唔住一口接一口。朋友無介紹錯，川亭嘅菜式真係好正！仲要幾十蚊就可以食到飽，真係超值。

今晚決定叫外賣唔煮飯天氣涼涼地開始想食辣搵到間外賣自取85折睇過有野想食就決定叫佢地啲餐點都幾鬼足料牛𦟌涼麵大大兜包你飽但足料得嚟係真係好食麵質爽口滷肉醬夠惹味撈勻成碗麵肉香帶微辣牛𦟌滷得通透筋位爽口青椒皮蛋好耐都無食啦驚喜表示第一次食呢個黃金皮蛋感覺比普通彈重點佢個汁真係好舒服會越食越想食撈埋個麵話明想食辣嚟個口水雞雖然俾啲紅油浸住隻雞但絕對唔洗驚會食唔到辣得順喉雞肉嫩滑多汁我唔太食得辣都係咁食自取85折有咁高質 抵以後諗唔到食咩可叫了—————————————————————🔸 口水雞 $99🔸 牛𦟌涼麵 $48🔸 青椒皮蛋 $26

雖然佢地係間專業既四川粉麵外賣店，但佢地既三黃雞❤絕對係黑暗中既螢火蟲，一定一定一定要叫呀! (重要既事情要講3次)。我地分別叫左三隻味，醬汁都係佢地先家製 口水味❤ 蔥油味❤ 沙薑味❤~ 先講佢地既雞❤，三款味道既雞都係用三黃雞❤，雞肉質嫩滑juicy，雞皮煙UN好香口，雞骨亦較脆身，而且雞既脂肪豐滿，為左食到佢地既鮮味，我地醬汁另上，先食原味，真係味道鮮美!! 而佢地既醬汁口水味❤夠哂香麻辛香 蔥油味❤惹味可口 沙薑味❤鹹香開胃，三款醬汁都各有特色，大包圍就岩哂~

這間外賣專門店位於灣仔的東區商業大廈，主打地道正宗四川菜式。餐廳登陸各個外賣平台，可選擇外賣自取或外送服務，還可享平台上的各種優惠，價錢非常划算。外賣自取亦非常方便，廚房外設有大型儲物櫃，可按照號碼自取。手工小雲吞麵每日新鮮熬製四款湯底，奶白色的清豬骨湯清澈不油膩，帶有濃厚的豬骨鹹香；多隻小雲吞包裹著飽滿的鮮豬肉及蝦肉餡爽滑彈牙，雲吞皮薄且富彈性；麵條亦有三款選擇，上海幼麵非油炸較健康，煙煙韌韌好掛湯，還有少少生菜平衡膩感。沙薑雞(半隻)肥美飽滿的鮮雞份量十足，散發著陣陣惹味的沙薑香氣，雞皮薄透且滑溜不油膩，雪白的雞肉嫩滑多汁。

喺消防局附近發現咗依個外賣自取超抵食，而且超級好食嘅隱世小店！喺OpenRice落單，外賣自取，超級抵！好多選擇，四五十蚊已經買到lunch仲要一d都唔頹！佢嘅位置喺消防局附近，要落地牢一層，自己走入7號廚房拎就OK。眼見都好乾淨整潔👍🏻香油鹽水雞-半隻靚女同事戎澱粉質，直接叫左半隻鹽水雞比我試左件雞脾淡淡鹽水味，鹹鹹地，又好似好清新咁雞肉好滑，入味，好食！我就揀咗沙薑雞飯 超好食！覺得好好餸飯！唔會太鹹，但係好香！ 就連啲雞都好有沙薑味道，成碗白飯俾我隊晒😈😈急不及待已經聽日想再食！

好多朋友都冇聽過/冇留意”Fresh lane”呢個美食集中地，同一個地方，容納左唔同嘅廚房，令到消費者可以有更加多嘅選擇，外賣自取，夠晒方便。喺公司附近，行落地底，都有一間fresh lane, 今次就揀咗酸菜魚😋😋夏天天氣又熱又焗，有時都真係冇乜胃口，特別想食酸酸地，又或者係辣嘢，開胃啲放工就買咗個酸菜魚片返屋企，簡單煮個蔬菜，咁就係一餐美味晚餐啦🥰🥰魚片份量都幾多，而且冇骨！非常好！好鍾意入面有大量酸菜，有啲係非常厚切，正！仲有蘿蔔、木耳，口感豐富，又唔會咁齋湯底算係幾清澈，冇乜油，所以都飲得幾開心走落地底，就可以輕鬆挑選到簡單美味嘅晚餐，唔錯唔錯！

川亭，一個藏身於銅鑼灣的川菜寶地，為我帶來了一場令人難忘的味覺之旅。即使身處屋企，也能享受到正宗的川式風味。首先，口水肥腸，這道川菜經典，讓我不禁流下口水。那滑嫩的肥腸，搭配麻辣的調味，每一口都是一種挑戰和享受。辣度刺激，卻又讓人欲罷不能。接著，沙薑雞腳，外皮酥脆，內裡多汁。那獨特的沙薑香氣，讓我彷彿置身於成都的夜市小吃攤前，一口接一口，停不下來。不容忽視的是紅油皮蛋，這道看似簡單的小吃，卻蘊含著豐富的滋味。皮蛋的鮮美與紅油的辣勁相互交織，讓人驚艷。最後，口水手工薯粉餃，這是我第一次嘗試，卻絕不會是最後一次。薯粉餃的外皮薄脆，內餡豐滿，搭配川味的醬料，讓我感受到了川菜的獨特魅力。川亭的外賣服務讓我在家中也能品味到正宗的川菜。無論是辣度、口感還是味道，都讓我彷彿置身於川渝的美食街頭。如果你也是川菜愛好者，川亭絕對是你不容錯過的選擇。🔥🥢

幫襯過門市～念念不忘個沙薑雞～個沙薑雞汁唔會話好肥 覆蓋晒成份雞勁惹味 沙薑汁用嚟撈飯食一流啲雞肉仲要好滑配咗豬骨湯麵 好有誠意仲搭咗啲生菜酸辣小雲吞配擔擔米線如果唔想配擔擔麵湯 仲可以簡配酸辣粉擔擔麵湯點咗中辣 果然好好味 好有料到 湯底夠濃稠 配埋啲肉碎食超級惹味小雲吞個酸辣汁好邪惡重口味人士一流 雲吞嘅外皮好滑 又夠薄身裏面嘅免治豬肉肥瘦恰到好處每隻都的的骰骰 一啖一口剛剛好呢個套餐仲包一款飲品支裝豆漿都唔使加錢㗎飲落重荳味唔會話好甜 啱晒我口味

這間新開的外賣專門店位於灣仔的Freshlane內，主打地道正宗的四川菜，包括麵類、涼拌麵、飯、重慶特色粉麵等，有辣有不辣任君選擇。可透過外賣平台下單，除了外賣自取外，還可以使用外送服務，有時候更可享朕平台折扣優惠。手工雲吞麵雲吞皮厚度恰到好處，煙韌富彈性，包裹著飽滿的鮮豬肉餡，鮮味多汁；清豬骨湯每日以大量豬骨長時間熬製，鮮甜清新；上海幼麵纖細雪白，入口勁道爽滑，還有幾塊生菜平衡膩感。川亭口水雞麵份量十足的鮮雞件，浸著紅通通的紅油，鋪滿了麻勁濃厚的花椒與麻辣子，再撒上白芝麻粒，充份呈現出川菜香氣；薄薄的雞皮順滑帶點雞黃油，雪白的雞肉嫩滑多汁，辛而不辣。無糖可樂還有多款樽裝飲品及豆漿。

外賣店多款四川口味食物，價錢公道，位置亦都好方便。落到去外賣店都好整潔，睇得出店主好用心打理個環境。今次我地叫左:沙薑雞❤半隻 雞係三黃雞，雞肉質嫩滑，皮脆骨同肉都好軟嫩，脂肪較豐滿，食起黎雞味好濃，而沙薑汁夠哂結身，係我最中意既質地，味道非常濃郁，口感好厚實，唔會好似出面成日食到果D咁水汪汪。因為我拎返屋企食，店主就好細心教我返去用熱水浸隻雞絃分鐘之後倒左D水，再淋沙薑汁同蔥花上去就食得。所以沙薑汁同蔥花係另上!!!口水牛腩 ❤ 口水醬汁，紅油夠哂麻香，超級足料有齊花椒 辣椒碎，花椒味突出。牛腩好軟淋，份量2個人食岩岩好，牛味香濃，必點呀~ 怕太辣所以要求汁另上，返到屋企食整熱返，想食幾辣就自己"點"幾多汁~ 正呀食材同醬汁都係店主每日自己親手整，絕對食得出食材本身既鮮，同用心炮製既調味。

朋友孖我一齊嚟咗呢間灣仔小店/廚房買外賣🤣$40「四川擔擔麵」，加「紅燒牛腩（+$18）」同埋 魚片（+$18）」：碗「擔擔麵」本身包括 肉碎、芽菜👍；要咗BB辣，麵同湯係分開裝住，咁啲麵就唔會浸到冧晒👍；麵條係幼麵，幾好味，擔擔麵湯底亦都幾濃郁😋；「紅燒牛腩」炆煮得軟熟😋，「魚片」大大片夠鮮甜😁$18「郊外油菜」：喺白灼生菜🥬，新鮮、簡單好食😁$62「香油鹽水雞🐓（例牌）」：雞肉夠滑，用油鹽煮，食到原味同鮮味😁，例牌份量都算幾多🤩