川吧

营业中

休息中

今日我又去食啲小店酸菜魚。今次我嚟到太子呢間川吧，佢個店舖招牌同裝飾都好似好有霸氣既川菜咁。今日午市唔算好多人，我地兩個人叫左佢個酸菜魚同夫妻肺片。 🔸️酸辣魚（鯇魚）（$298，7／10）佢既酸菜魚好大煲，應該都夠2-3人份量，佢仲有個電磁爐幫你熱住個煲，等人慢慢食都可以keep到熱辣辣既煲。佢啲材料豐富，有好多鯇魚片，湯底好夠味，每人可以飲到兩三碗湯。佢有好多荳芽同咸酸菜，配料味道都唔錯。溫馨提示，如果唔食食魚骨既就唔好叫鯇魚，因為有好多細骨。另外如果佢個酸菜魚可以配埋寬粉喺入邊就最好啦。🔸️夫妻肺片（$78，7／10）都幾大碟，性價比幾高。 牛肚片有咬口，麻辣汁都惹味，如果中意重口味嘅都可以考慮點黎嗰。

媽媽鍾意食辣野就係人都知😂，所以見到屋企附近開左呢間#川吧 即刻去試下 🤩干鍋肥腸🥘肥腸味道鮮美，咬一口甘香油脂口中爆發。味道相當誘惑，不老不嫩，又辣又香，超級過癮泡椒田雞🍲呢道肉質鮮嫩，麻辣酸香的「泡椒田雞」，好吃到直流口，酸辣适中，配菜仲有萵筍片雲耳份量十足豬油渣炒花菜猪油炒出来的菜，味道都很香，有一种特殊的味道，炒蔬菜時。香味更是突出，呢道仲勁有鑊氣👍下次要試埋菜牌上嘅雞煲烤魚同水煮系列

新開既川吧,招牌大大隻字非常容易就搵到而且離太子地鐵站非常近入到餐廳牆上都掛著川劇公仔既圖片播住DISCO版既有一種悲傷係內地感覺無誤了疫情太耐無去內地開餐了, 非常回味農家菜, 川菜同潮汕牛..等等侍應非常友善, 熱情介紹有咩好食最後叫左清炒萵筍, 泡椒雞腳, 豬肚雞兩個人無叫澱粉質都一樣夠飽!清炒萵筍少少辣, 但辣而不搶唔會食完濁喉泡椒雞腳份量都幾多.滿滿一碟泡椒都係少少刺激唔會太辣幾入味, 雞腳既皮同肉都酸辣爽口豬肚雞煲冬天保暖一流個湯係白色的, 但飲完先發現原來勁多胡椒粒係底!!勁足料!!豬肚爽而且彈牙雞肉KEEP住係咁滾但都依然唔老!

椒麻雞 $88椒麻香氣好重，辣到亦都啱啱好唔會食得好辛苦，雞皮爽脆，一啲都唔肥膩！小龍蝦(細）$238食小龍蝦真係好驚唔乾淨，但係呢一間食落一啲都冇沙，香辣得來又好嘢味，吸曬辣香，又唔怕好油！真係必點要試下！！😍芹香牛肉 $108牛肉都係一樣炒得非常嫩滑又有鍋氣，一啲都唔乾，好似吸滿菜汁咁，真係一上菜話口未完就被人食曬！清炒窩筍 $88炒得非常有鍋氣，然後又好快出菜，時間上掌握得非常好，窩筍亦都十分新鮮，仲保留到蔬菜甜味，簡單菜式往往最能知道廚師既功力👍🏻清江魚 $298本身都怕咁大條魚會唔會食唔曬，但係原來係自己諗太多，因為條魚真係好嫩滑，超級好味，一上嚟店員會叫你再等多一陣，等條魚熟左先食，所以大家千祈唔好太心急啊！一放入口，魚肉就已經會自動係口中溶化開，軟綿綿口感，真係好正！條魚有少少唔新鮮都唔會做得到，而且都有好多配菜俾大家，有豬紅，芽菜，蓮藕等全部都會吸收曬魚嘅鮮味，所以都好好食！重點嘅係條魚已經去咗大骨走，所以就算唔識食魚嘅朋友都唔怕！☺️超級貼心————————————————環境：👅👅👅👅食物：👅👅👅👅👅性價：👅👅👅👅👅服務：👅👅👅👅👅

媽媽不嬲都中意食啲麻麻辣辣既野，成日都捐窿捐罅，搵好食嘅辣嘢😂我同婆婆啲人去開太子行街街，見呢間野個名咁得意，玩晒食字，就黎試試佢😍海蜇青瓜呢度嘅海蜇同我哋出去食開嘅好大分別，全部都勁口勁大塊，超級爽口🤩超高質👍🏻👍🏻👍🏻辣子田雞麻辣味勁香，唔係辣到噴火，但係愈食愈辣，愈食愈過癮，辣味好有厚次，田雞炸到脆卜卜，非常惹味😊辣炒鵝腸分量大大碟，鵝腸唔會炒到好老，好有鑊氣，仲有好多配菜，一解油膩感👍🏻

遠處已見到川吧的招牌室內簡約的餐廳設計環境乾淨整潔​麻辣火鍋(小辣) $138麻、香、辣混合的鍋底以不同香辛料熬製而成小辣已經感到舌頭微感麻痺​牛肩脊(小) $138肩胛部是牛經常運動的部位咬口肉質感到較結實牛味突出口感、味道一流喜牛人士必點​新鮮黑柏葉 $78香港少有火鍋店能吃到未染白的牛柏葉因為新鮮的牛柏葉是黑色口感爽脆有咬勁​靚水餃 $48汕頭牛筋丸 $48水餃和牛筋丸的大小相若入口剛剛好一啖一粒非常精緻​魚香黑豚肉 $98下飯小菜以小塊黑豚肉配上春耳、青椒、香芹和其他配料咸香口味非常惹味​主菜方面有除了麻辣火鍋還有酸菜魚、烤魚、雞煲和田雞煲等不同款式的香辣小炒、凉拌小菜、小吃應有盡有​整體來說小店環境很舒適非常適合和朋友喝杯酒、談天地點方便、由太子站D出口步行大約5分鐘就到達​📍太子基隆街30號地舖

太子真係好多好嘢食不過川菜就真係好少有！仲要正宗嘅味道😍先黎個涼菜，涼拌青瓜涼拌青瓜一定要好入味同埋拍得夠鬆！川吧完全做到！真係讚👍🏻熗炒椰菜唔好睇佢個樣咁清呀！酸酸辣辣，送飯食一流！剁椒魚頭平時喺出面食嘅魚頭都冇咁入味，同埋冇咁多肉真係得個魚頭，但係呢一個極力推介！除咗魚頭之外仲有好多魚肉！又係一個勁送飯嘅小菜🥹🥹兩個女仔一人一碗飯😂真係好鍾意食川菜，呢度好適合同朋友飲酒食川菜，別有一番風味💕會成日都去幫襯😍

🌶️🌶️🌶️川菜盛行,正唔正宗就見仁見智啦今次專登出到太子,尋找正宗川菜風味🌶️水煮毛血旺就好似內臟大雜錦一樣,咩都有得食配料超級豐富豬紅,牛柏葉,午餐肉,蟹柳…咩都有最好食既,一定要推介個紅薯粉,吸收晒個水煮汁既精華分量仲超足🐔麻椒雞好好食既麻椒雞,好入味最有趣既係食完..個嘴係會麻但麻得黎..又好好食..好似食上癮咁..清碟呀!🐮尖椒牛肉呢度既分量,真係比得好足牛肉既分量多到嚇親人佢個種辣,真係同出面D小店有分別明顯係正宗川菜既辣味🥥椰汁呢個椰汁,相信唔洗介紹啦!好多人都飲過,食川菜又點少得佢

深水埗近年咖啡鋪林立, 跟住行過隔離太子其實都發現除咗coffee shop, 都有唔少選擇. 見到新開咗間川菜餐廳又想食雞煲就行咗入去試😍🍲 胡椒豬肚雞 $268雖然初衷係食雞煲, 但係打風涼涼哋真係好想食暖肚嘅嘢. 而呢個雞真係食出係新鮮雞唔係冰鮮雞, 好嫩好滑. 個湯好夠味但係飲咗兩碗都唔係平時啲味精湯咁, 唔會越飲越口渴.🧆 螞蟻上樹 $88雖然聽過好多次但係完全對呢個菜冇概念, 終於有機會試下. 原來就係豬肉碎炒粉絲, 加入唔同香料. 啱啱好用嚟做主食.🐟 涼拌魚皮 $68食落脆卜卜感覺有少少似海蜇. 涼拌加咗好多香料同配菜. 口感好豐富.

川吧 (太子)太子基隆街30號地舖食得爽又吹到水嘅地方，川吧可以一試，店員超級Nice。烤魚正常辣🌶️🌶️🌶️🌶️條魚超大條超好食，煮得夠晒入味，正常辣都可接受，可以提升一個辣度再刺激味蕾，配料超多，豬紅豆腐卜特別好食😋後勁凌厲，越食越滋味。萵筍新鮮，青綠色睇得賞心悅目，爽口又滑，真係唔可以煮得太耐否則就會溶晒變成冬瓜咁。泡椒鳳爪冰凍質感🧊爽脆外皮，食唔停口，足料份糧多，辣得過癮。可樂食辣嘢就飲可樂，爽，解辣😊😊😊

天氣轉涼，特別想食辣嘢，行開太子，見到間餐廳個名幾特別-川吧，今晚又搵到開餐既地方。水煮生魚片(細)，叫咗微辣，配料有蓮藕、萵筍等，好爽脆，生魚片都多，新鮮又夠滑，熟度啱啱好，水煮湯底好惹味，薯粉索曬啲湯汁，煙韌又好味。朋友話想飲啤酒，揀咗我地飲開既藍妹，冰凍透心涼，好正，有啤酒就咁梗系唔少得涼拌送酒，叫咗土豆絲及海帶，都好爽口，啲汁辣得好味，唔知落咗啲咩香油，特別香。小店，簡潔舒服，免加一，姐姐態度親切有禮，吃辣好地方。

封關太耐，很掛念麻辣的味道。這餐廳主打四川菜，裝修掛滿了Q版變臉公仔很可愛。酸菜魚份量很多，幾乎成條魚，酸酸辣辣，很惹味。有不少麻子，麻味充足。萵筍入味軟硬適中。椒泡鳳爪鳳爪過足晒辣癮，第1啖香香甜甜，椒的香味，辣味慢慢在舌尖滲出來，層次分明，先香後辣。和麻辣鳳爪不同，沒有很多辣椒，只有青椒的香辣，簡單而不單調。麻辣手帕青瓜青瓜拍得很幼細，大小適中，辣汁充分滲入青瓜中。嫩菜煨麵麵條滑溜，滑到可以直接吞落肚 上湯奶白色，配上小白菜🥬 又好食又中和到辣味。

太子👣-川吧🌶呢間新開嘅川菜店係正公司附近，有日放工經過見到款式多睇落又吸引所以就同個同事一齊食埋先👍🏼主菜方面有酸菜魚、雞煲同田雞煲等等，凉拌小菜及小吃都有唔小嘅選擇！環境設計乾淨整潔，整體嘅感覺都好好☺️❣️香辣雞煲(半隻) $188一上枱未立即食得，需要炆多10分鐘左右，店員會中途幫忙翻炒幾下直至可以食，所以生熟度控制得好好，半隻雞嘅分量嚟講都幾多，每嚿都啖啖肉！肉質仲好林好入味，即使我地叫咗微辣，辣度岩曬唔太食得辣嘅我地同時都仲好惹味，另外我地加咗份蓮藕片，分量超多！片片軟硬適中又爽口！讚🥰❣️夫妻肺片 $78呢份就辣度十足！中意食辣嘅必食！裏面仲有牛展、牛脷同牛肚，相當豐富😍 肺片份量好足，微微爽口👍🏼牛脷超軟林，牛展同牛肚都好出色！必食之選🤩❣️涼拌萵筍絲 $58好香嘅麻油味，味道調配得剛剛好，清新得嚟又唔會太淡，食完辣野再食都唔會覺得淡味☺️仲好有咬口💛 🥤飲品我地分別叫左可樂同王老吉！超對係食辣必備！😆📍 太子基隆街30號地舖#香港美食 #平民美食 #太子 #太子美食 #香港 #美食 #hkfood #hkfoodie #openrice #hkfoodblogger #hkf

麻辣烤魚🐟🐟🐟揀左細邊鯇魚小辣，份量都唔可以睇小，我覺得兩個人食都夠。配料有大荳芽，蓮藕，雲耳，豬紅，豆卜，芫荽，紫洋葱等等。湯底夠辣又惹味，鯇魚雖然比較多骨，但係魚肉都好滑嫩。一向鍾意食麻辣，貪佢越食越辣越過癮，咁先夠爽🤤凉拌皮蛋平時我地食開黑色既皮蛋係廣東醃法，原來黃金皮蛋係四川醃法黎。晶瑩剔透既黃金皮蛋加上紅卜卜既涼拌紅油，就咁睇已經食慾大增🤭口水雞雞上面有滿滿既蒜蓉，蔥粒，麻醬同芝麻。集麻，辣，鮮，香，嫩於一身。

一間特色嘅川菜餐廳，一眼望落簡潔舒服嘅，裝飾亦有點小心思。入到去見厨師好後生，本不抱期望既來之則安之，試點最平嘅午市麻婆豆腐餐，起碼有汁送到飯 點知味道唔差有川味，份量夠我再加多碗飯。下一次試下晚市